#NSS學業 [英中] Hello 小妹今年f2 IS呢科真係由f1困擾我到而家 前排派咗first term成績表，成績中間到啦不過見到張成績表IS有粒星雖然唔意外但係都幾sad🥲 明明其他科都合格有突，係得IS炒咗炒咗都算仲要係46 (對我來講45以上就係爭少少合格啦😂) 真心覺得唔抵 First term教electric circuit嗰啲，老老實實我上堂都算聽得明ut都係合格，加上我知自己IS廢平時上堂都係認真嗰批同埋Christmas holiday我都特登用咗好多時間溫，得出嚟嘅結果係炒到仆街 (可以話我成績表個分係ut+平時分拉埋先46🤡) 上年我2nd term又係咁，最尾都係唔合格🤥 而家我IS係每一隻字都睇得明但係佢加埋我就睇唔明嘅狀況，真心哭能咗🥲 家下教photosynthesis 狀況仲嚴重咗 🙁 其實我好清楚自己之後係打死都唔揀phy chem bio，奈何f2個分都對揀科幾重要下 (可能我學校計高啲啦)
#NSS學業 [guest] 想請教下大家有啲咩dse數學可以由4升到去5嘅方法？ 仲有大概兩個月就要開始考dse，我認之前自己一直都冇認真讀過書，又唔會去主動做數。之前嗰排，上堂有做下past paper同其他出版社mock，成績長期停留喺大概78/105 同30/45。之後都有自己by topic 咁做過啲mc，但係就完全見唔到有咩進步。MC經常唔夠時間，然後一有角度嘅題目就唔識做。Paper1 partB長期都係得13-18分。 我而家好迷惘，覺得再咁不停做落去都唔會有進步，正正因為之前一路都冇溫書嘅習慣，而家完全唔知要點樣準備dse，係唔係我溫書方法錯咗？
#NSS愛情 [GUEST=]?] 夠竟咩係愛情 係兩個人相愛？點先足夠？ 會互相包容 理解 體諒？ 愛你既人會點 係一個會安慰你既人？ 係一個會愛你既人？ 係一個滿足你想要既人？ 定係一個會令你開心既人？ 其實我好迷惘點解兩個人相愛都吾可以好好一齊長久落去 其次係得一方係愛對方但點解另一方又吾可以好好珍惜 但另一個講法係因為佢地以經好努力去維持一段關係但係佢地愛人既方式同需要既野都吾同所以吾可以一齊 都有一個講法係因為佢地有其中一個要還上一世欠另一個既債所以一定吾可以好好一齊注定冇結果 以上都係我對愛情既迷惘同感受 其實我覺得起愛情𥚃一定會有愛錯人既意外都會有愛對人既緣份同福氣 如果愛錯人吾使吾開心氣餒 如果愛對人就要好好咁珍惜 有d人只會陪你行一段路有d人會陪你行曬之後要行既路 我地都吾知佢會係邊個幾時出現所以我只能夠珍惜每一個嚟到我心命𥚃既人雖然佢地未必會陪你行曬之後既路但係佢地會教導你如何成長如何面對或者要還上一世要欠既債 其實每個人都有佢愛你方式 有d人可能會起攰既時候都願意陪你 有d人會好擔心你有冇食好訓好
#NSS學校 [GUEST] 屋企窮，俾同學笑 小弟今年year3，自細屋企窮，住公屋，小學揀屋企附近屋村學校，大個小小就揀搭兩個站屋村學校。自細屋企窮，爸爸媽媽係我小學一早離婚，我揀媽媽一齊住，媽媽做左家庭主婦好耐，離婚後就開始做飲食業，供我讀書，屋企有得攞綜援，都算勉強可以過到落去。點解我跟我媽媽？因為當時太細，邊會唸跟邊個錢多，只是覺得媽媽需要我多啲。 小學同學身邊冇咩人笑我屋企窮，依家都有約出黎玩；中學開始發現身邊屋企個個都屋企比較有錢，有啲學生名牌手錶，年年換手機。而我一個書包著六年，手機都係iphone6s用左好耐。 有時候中學同學笑我係唔係屋企冇錢換電話？我話：我自己冇咩錢，我想換自己去搵，而且手機仲用得。平時我都係出街拖鞋，背心，短褲。就算衫爛小小補翻算。 我大約中四開始翻暑期工，多數日頭做下功課，夜晚翻工，一開始做M記多，M記黎講多學生，識到啲人都比較成熟，冇介意對方家底。我通常都會食m記啲包算，費事浪費錢。 學校啲雜費，書簿費我都係自己交，每次問阿媽攞錢我真係心痛，好似好大壓力，我知佢一定會俾。我最記得我去交書簿費果日2000蚊，我20張100蚊咁俾佢，我有個同學笑我屋企冇大張紙？ 我其實讀書唔勁，band2尾學校讀書勁既人好少，而且我又唔係精英班。中五個時冇努力溫書，得數學比較高分，其他科一般，英文差到冇朋友，成日唔合格。 直到屋企有次阿媽病左，都繼續翻工，怕屋企冇收入，先開始認真讀書。我果班成績中下游，全級都係得6，7個入到大學，而且全部都係菁英班裡面。我開頭中六都覺得自己冇可能入到大學，班主任就同我講：我屋企之前都好窮架，你覺得你自己唔得？我得你點解唔得？你和我唔一樣？ 之後日日係學校班房留到7點溫書，啲同學打擊我：算啦，你估你自己真係入到？精英班都係得幾個，你覺得你自己有可能咩？ 類似之類說話，之後又有一啲同學笑我屋企冇地方溫書？ 之後中六影畢業相，我件校服爛左，補翻有啲痕，有個同學笑我屋企窮冇錢買校服，又笑我褲腳短，唔啱著。其實我皮鞋👞都已經開始褪色，我覺得反正最後一年著得就著咯，費事浪費錢。 直到中六放榜果日，連我自己都懵左，3科5**，中英通332，好似全級dse我第3個高分。我開頭以為自己入唔到，之後揀左hku個engineer算。之後放榜果日，中學同學笑我：你以為你自己入到大學好勁咩，依家贊錢好易姐，入到又唔代表啲咩，入唔到贊錢先勁。 但佢地有啲科攞1，要讀基礎文憑。 之後謝師宴佢地個個買MacBook，我買部普通百老匯notebook算，佢地笑我連macbook都買唔起。我話：我自己交到功課就得啦。 我依家唸起都覺得自己好似發緊夢，尤其我英文好差，我以為我攞2已經算好。其實我中學果段期間真係覺得自己好7，屋企窮，平時係學校校服又短又爛，鞋又褪色，係學校俾人笑左六年。但依家唸翻起，覺得自己咁7都挨到落去，又真係幾型！ 不過一直以來都係多謝我老師教得我好好，佢話俾我聽：（個頭濕左，吹翻干佢咪又幾型。7完再型，你型到爆💥。吃得苦中苦，方為人上人；苦盡甘來。）佢叫我時刻記住之前的生活。
#NSS愛情 [GUEST] Sor for 1999 我今年16,男朋友15,我哋而家都係中三。因為我中一留過級所以我哋中二先同班,我哋一開始冇講過嘢,下學期嘅時候我哋兩個一齊坐,慢慢就熟咗,而因為佢數學幾好,所以每次有數學功課都問佢攞答案,就變得更加熟,但係當時佢有女朋友,佢同我講喺網上識嘅冇見過面,之後又同我講佢同佢女朋友感情淡咗,後來同我講佢女朋友話其實佢係男仔,所以佢哋分咗手,之後我哋好似就開始曖昧。 我哋成日一齊打機,有一次佢話佢想要個姐姐問我可唔可以做佢姐姐,我話是但,從此佢就開始叫我姐姐。隔咗幾個禮拜佢問我有冇鍾意嘅人,佢話佢鍾意坐第x排嘅x個(即係我),我話我同你一樣都鍾意我自己,就咁又曖昧咗幾個月,到前年12月佢正式同我表白我應承咗。 之後我哋第一次嗌交係因為一個女仔稱A。喺學校A坐我後邊所以我哋都算得上係朋友,但係A同佢中一己經識,所以佢哋都幾熟。係一齊咗幾個月之後我哋感情開始變淡,我哋成日嗌交,佢就將我哋啲對話send咗畀A,又偷偷地同A喺遊戲入面set情侶關係(呢啲全部都係A同我講,佢係專登想拆散我哋定唔想我畀佢呃) 後來我問番佢,佢都承認咗,佢話即刻刪咗以後都唔會,爭啲分手,可能因我唔啥得,我原諒咗佢,就係因為呢件事我哋又變得好似熱戀期咁 第二次嗌交係因為A同另一個男仔稱B。我哋換咗位B坐我隔離A都係坐我後面,我哋三個上堂成日傾得好開心,有陣時就淨係我同B傾計,佢呷醋,叫我以後唔好再理B,但係我上堂無聊可以做乜,我只係唔理解點解傾計都唔畀,但係佢自己有同其他女仔傾計我都冇阻止,因為呢件事我哋嗌咗幾次交,有一次我仲block咗全部佢搵到我嘅方法,後來我忍唔住同佢講,如果你可以三日除咗老師同家人唔同任何一個女仔傾計先再話我,佢堅持咗一日話好難,之後就冇再講過 之後我哋就再冇嗌過交,因為開始覺得攰,每一次嗌交,感情變淡都係我長篇大論同佢講我嘅諗法,佢唔會理佢就淨係識佢以後唔會,會做好啲。我哋嘅感情就升升跌跌,可能兩三個月會有幾日傾到傾唔完,但係成日都要我搵話題,如果唔係佢淨係識每日堅持早晨同晚安。 我成日覺得佢只係為咗我個身體同我一齊。一齊出街,放學佢都成日望住我個身,又成日想摸,想睇我入面,又好似想同我搞嘢咁,仲話我個初吻一定要比佢(我冇比到我話等到我18歲先) 我哋出街連拖手都好少,因為我唔想畀人知,成日覺得佢配唔上我,佢唔靚仔,上年啲成績又唔好又曳,雖然佢今年啲成績幾好,但係佢就開始同我比較,我話我溫緊書佢話呢科都唔使溫嘅咁簡單,基本常識嚟㗎嘛,我數學好差要去補習佢又話補習有乜用啫咁簡單都要補。我覺得我哋兩個一啲都唔似情侶,佢好少關心、幫助。 中三嘅時候我仲知道咗佢中一同過兩個女仔同時表白。 近呢兩個禮拜我開始覺得冇意義,每日佢send一句早晨我覆佢一個早晨佢又已讀不回,晚安都係,之前我覆完佢之後佢會搵嘢同我傾,或者覆多我一個晚安話佢墊底。所以呢兩個禮拜我不讀不回佢啲訊息包括佢同我講情人節節快樂我都冇理佢,但係佢依然每日send早晨晚安畀我 我唔知我係鐘意佢定想拍拖,享受佢對我嘅好 。 我都想知佢同A set 情侶關係咪算出軌,同埋同其他男仔傾偈係我錯?加上我唔比佢拖手同公開仲唔覆佢訊息都係我問題?我而家應該做啲乜,應該同佢講乜先唔尷尬,我真係好亂唔知點好