#NSS其他 [GUEST ] 大家好！我今年F5，一直以來，我都不明，我班同學都拒絕用Signal進行聯繫，但他們又有在Signal 開account 。 幾個月前，WhatsApp 要求我接受最新的私隱條款，包括與Facebook 交換資訊。我無去accept ，結果我的WhatsApp account 每隔幾天就故障，嚴重影響我與同學的聯繫。 之後我向同學指出了問題，但他們依能正常使用WhatsApp ，因為他們接受了條款，於是沒有理會我。 大半年過去了，我依然受這個問題困擾，但同學照樣不理我的問題，令我接收班中的資訊慢了三四倍。希望大家可以俾意見我去解決這個問題，但前提是不接受新條款。
#NSS學業 [Guest] 分享一篇 因為見到一啲類似 #nss220221a 嘅學業post，我覺得我嘅經歷有可能會啟發到有相關煩腦嘅同學，所以決定嚟投稿 我今年f2, 小學嗰陣年年成績都好好，間小學係一間極普通嘅小學，咁我之後叩門就入咗間band1A中學啦。小學嗰陣阿媽好注重我啲成績，雖然佢都有分寸，唔算係怪獸家長，我話唔想補習佢就冇叫我去補，不過佢平時考試測驗同我日溫夜溫，喺當時仲係小學生嘅我眼中，已經算係一種束縛 (雖然當時唔多覺) 上到中學，阿媽完全放手比我自己溫書，我一直都冇試過可以咁自由，但係我又唔肯比自己低分，於是ut前一日先開始溫書，自然就成個ut半炒咗啦，比較多嘢背嘅全部背唔切，少嘢背嘅同主科就仲過得去。當時嘅我見到張成績表科科都唔掂，身邊又咁多學霸，就下定決心考試要認真讀，結果考試有幾科都係炒得好嚴重，我因為咁頹過一排，未至於抑鬱，不過處於一個自我放棄嘅狀態，上堂發白日夢，功課亂做，quiz又唔溫 直到我睇youtube睇到條science片，標題好吸引於是睇咗，睇完又有好多疑問，於是上網揾答案，揾完一個答案又有另一個相關嘅疑問，如是者我花咗兩個幾鐘研究呢啲science問題，嗰晚我諗咗好耐，發現自己對science好有好奇心，又好似有啲興趣，就覺得自己終於搵到方向，唔可以再頹落去 我之後係咪變得好勤力？唔係。我始終好鍾意玩，不過同時我考試ut一定會認真溫，背後原因就應該係因為我想讀好我鍾意嘅science 總結： 我呢個經歷都唔算特別，不過我想講嘅係大家要知道自己嘅方向，有啲人覺得初中要玩，有啲人覺得初中已經要all in，大家都有自己嘅選擇，重點係要有明確嘅方向。一般嚟講，如果你唔係要做學霸/自我放棄，初中應該要玩吓，而有考試測驗嘅時候就要認真溫書 (純個人意見，各人諗法唔同) 以上就係我嘅分享喇，希望幫到大家啦 #f1唔使咁大壓力 #f2嘅我讀得幾開心 admin pls post ig thank you!!!
#NSS個人 [GUEST] 唔該admin🙏🏻辛苦晒🙏🏻 長文慎入，主旨係最後三句。 大家好，我同#NSS220221B嘅樓主情況有啲相似，不過主角係我阿爺。小妹都係嚟緊15歲。因為一d原因，我而家同阿爺住。f3比較多科目，比較忙，唔會好似之前咁成日陪到佢，可能我阿爺就孤獨d? 我阿嫲係我大概小2嘅時候已經因病去世，我阿爺比我嘅印象係，溫柔深情，同阿嫲好sweet，但係原來唔係。有一個大陸阿姨睇落去幾後生，大概50？睇落去細過我阿爺。佢哋之前每日光明正大打電話，我接受唔到。大約一年前，第一次facetime見，問我阿爺佢係乜水，佢答我好朋友，ok冇問題。有異性朋友好正常，但係事情慢慢變得唔正常。第一，我阿爺pin咗佢。第二，我一個星期前無意中發現我阿爺每日都入錢比佢，由一開始2019年4月嘅2XXX到而家2022年2月高達一萬幾。我整個腦都係問號。第三，我開咗佢微信，發現嗰個老阿姨曾經send咗一段自慰片比我阿爺，我阿爺喺微信嗰度save咗。我整個腦d問號變咗大問號。我覺得我阿爺應該因為知我唔鍾意嗰個老阿姨，所以del conversation，不過佢個孫我咁聰明(x，就算平時唔用微信，都一定會搵到蛛絲馬跡。第四，我阿爺wallpaper，係佢同我阿嫲嘅合照，不過佢cut咗我阿嫲，x你我接受唔到(sor)。第五，我喺佢相簿嗰度發現，佢哋2016年一齊去咗旅行，仲有我阿爺其他嘅frd。我阿爺唯一一張selfie係同佢一齊影。我阿爺相簿係冇佢同我阿嫲嘅相架！x佢！第六，同#NSS220221B嘅情況一樣，佢哋講嘢都會注意我有冇見到佢部電話，我喺佢隔離佢都會刻意打斜部電話，好似唔想俾我見到。全部人都知道有老阿姨嘅存在！冇人出聲！ 由細到大我阿妹同表弟表妹都唔黐佢地，作為大孫女，我想補埋佢哋嗰份，所以我由細到大我都黐實我阿爺阿嫲。當然，佢哋兩個就梗係特別錫多d。不過果d已經係過去。而家嘅阿嫲離開咗，阿爺有第二個。我唔再收埋所有野係心入面，我嘗試同身邊嘅朋友傾，佢哋亦都俾咗勇氣我去post。我唔再傷心，而係嬲，而家佢哋一喺我面前打電話，我就會反抗。對唔住，可能睇緊呢篇嘢嘅你地接受到，覺得我overreact但我絕對接受唔到。我只想喺移民之前做返d野。雖然應該改變唔到，但係起碼我試過。 好多謝每一個睇到呢度嘅人，雖然我選擇未必係正確，不過我希望可以鼓勵到同我有差唔多經歷嘅人，亦都希望有同我差唔多經歷嘅你地唔會因為呢啲事冇晒動力，做傻事⋯⋯希望冇經歷過嘅大家唔會落井下石。 如果可以，我都想聽吓各位嘅意見，同埋遇到呢啲事會點樣處理。
#NSS個人 [guest] 小妹我唔知近排發生咩事，覺得我所擁有嘅一切都唔係理所當然，人生肯定唔會樣樣嘢都順我意。 我12讀year7，19年移民咗嚟澳洲，屋企小康家庭，細細個已經體驗過好多嘢，係香港住九龍塘讀國際學校。成績全級都有頭十，運動都ok，田徑、單車、游水、攀岩…，鋼琴、古箏、芭蕾。有個錫我嘅姐姐同埋理解我嘅父母。身體健全 睇到呢度你地一定覺得我好幸福，我都覺。我成日諗我上一世究竟做過啲咩好事，但係如第一句所講，人生一定唔係樣樣順我意，所以我好驚將來會發生咩事同我依家所擁有嘅嘢交換。 老實講一句，學咁多嘢係一定會攰，但係都可能我樂觀積極嘅原因，所以克服咗好多困難。
#NSS個人 [GUEST] Po ig plz thanksss adminsss~ 我鍾意咗我個best friend 講返背景先，小弟18，鍾意男仔，有識好多男仔，但係由細到大都冇咩好close嘅男仔frd，反而close嘅女仔frd超多，如果我係異性戀嘅應該一早出咗pool。 事源我識咗一個女仔(下稱A)，幾靚女 身材都ok 優等生feel的女仔一個，啱啱開始識A係因為同班同埋我之前個best frd同佢幾熟😂，我同A嘅關係發展得十分迅速，幾個月之後已經係無話不談、言無不盡，因為傾好多計，學業上大家都互相幫忙，我同A變得好熟，所以我都同佢講咗我係gay呢個事實, and she’s the one and only one who knows I’m gay.
#NSS社會 [Shdc] 利申 小妹今年f3 眾所周知F3係揀x la 咁所以呢中3呢一年我覺得係同中6都咁重要啦！咁頭先呢政府直播就宣佈咗三四月提早放暑假啦！咁我係覺得係好唔合理啦！ 首先呢病毒係唔識聽人話，咁所以其實我覺得三四月放假係冇特別幫助。相反提早放咗假唔係應該會多咗人出街咩？咁除非政府諗住停課嘅啫！咁但係之前政府有表明話暫時唔會咁做，咁所以我覺得係冇用囉！ 然後呢其實而家一直都上緊zoom 時啦，都已經唔係話 Face to face classes ，咁所以提早放假有咩意義呢？ 跟住就係其實有冇諗過對學生影響好大！無論係中學生定小學生都好啦，其實咁樣中間突然之間停咗50-60日 ，但係未完畢呢一個學期嘅學習 ，其實影響好大囉！況且放暑假嘅初衷就係比學生同老師可以休息一陣，去迎接新一個年度。咁但係而家又唔係完咗喎，咁樣其實就完全失去左嗰一個初衷囉！ 最後就係F3嘅成績都好重要啦。 今年嘅成績係影響到揀科，之後嗰三年，大學讀乜㗎嘛！咁正常來講呢就差唔多四月就會收到張選科表，跟住就諗吓填咩啦！咁樣停咗嘅話咁其實有冇諗過學生係好辛苦㗎呢！中間一兩個月嘅時間其實係等於空左咁樣！ 同埋我屌你老母！你唔係諗住3 4月放暑假5 6 7 8