#NSS個人 [Guest] 我好唔捨得依間屋（sor我用拼音所以有啲書面語） 小妹今年f2，屋企一直都有投資物業。有一間細屋，即係我依家住緊那裡。屋企人早幾日話政府打壓緊樓價，要賣左我地住緊嗰度。搬去佢哋一間租客退左嘅屋 ，那裡比我現在間屋大幾倍。明明我間房會比現在大，寵物終於有位跑，屋企裡都會有做運動的空間，但是我開心唔到。 好驚因為嗰度係豪宅區，全部鄰居都有司機，泳池，但係我連車都沒，會比隔離屋的人（尤其小朋友）歧視。 另外，我係依間屋住了多過十年，有好多回憶，一諗起我細個玩啲畫面，新主人會重新裝修，就喊到爆。但我亦都知道我嘅意見係唔會影響到父母的決定。 各位點先可以唔再留戀依間屋啊😩 Sor for 1999
#NSS學業 [GUEST] 點解只可以讀英文？ 我由細到大啲英文成績都唔錯，但係其實冇話好鍾意英文，甚至覺得讀英文根本唔係我想要學嘅嘢，見住身邊有啲同學「對英文冇興趣→冇動力去讀→成績差就更加唔想讀」係咁惡性循環覺得有啲可惜，如果佢哋係讀緊自己鍾意嘅語言情況會唔會變好？始終動力勝於一切。 我都有自學日文兩年，礙於我唔可以放晒時間落去讀日文度，進度緩慢之餘程度仲係唔上唔落，但我真係比英文有興趣10倍囉，我都好想擺多啲時間落讀日文度，如果其他英文唔好嘅同學都可以以鍾意嘅語言作為正統科目，佢哋會唔會可以利用個人優勢呢？ 我明~英文係香港法定語言呀嘛，而且識英文出嚟競爭力都會強啲，但係香港咁多人學日文韓文都差唔多變香港人第三語言喇掛，我覺得可以將英文當作minor，將自選語言（不外乎最popular嗰幾種，你唔會走去讀威爾斯文掛）當作major咁讀，諗唔到讀咩嘅都可以揀返英文做major，咁樣讀自己鍾意嘅嘢，學習氣氛同效率都會大大提升，同學之間唔會有無謂嘅競爭，dse唔會因為英文唔過3而入唔到大學，但係又唔會話完全唔識英文，將來出嚟做嘢可以去使用你學嗰種語言嘅國家，例如學德文你就擁有去德國發展嘅選擇，仲可以增添香港multicultural嘅氣息。 以上僅為FF😂I don’t care about its feasibility, I just concern if it’s better for students to learn a language which
#NSS學業 [應屆dse考生] 大家撐住呀！！！！ 屋企人中咗招，等得正苦嚟都好返晒，所以就喺家居隔離算，但係生活模式可以話改變咗好多，除咗食飯沖涼瞓覺其他時間都要帶口罩，吸少咗氧氣，加上本人住新界近排凍到癲🥶自然個腦都慢啲，同埋食飯要分開食就少咗同屋企人傾計😢一日到黑都係自己一個過，而且仲要擔心唔好受感染，雖然話同感冒差唔多，但係中咗又頭痛又喉嚨痛又乜又物真係會好影響溫書，原本考dse已經大壓力，依家仲飛來橫禍，真係頂唔順呀😭 不過都同同路人講聲加油！！不論你身處咩情況都好，都要記得博盡無悔，辛苦埋嚟緊呢兩個月到，就可以見證你咁努力得來嘅成果，撐住！冇咩事我返去溫書先喇~
#NSS社會 [guest] 呢個暑假有啲冬。大家都知政府宣布3月4月放暑假，話用學校來檢測，打針喔。我對呢個政策無話可說😶。其實本身話清零行動我已經嬲到爆，因為個一兩個確診就檢測成棟樓，影響哂日常生活。冇得見frd同男朋友，小妹先得F1,我唔想成個童年都俾疫情奪走。我到依家都唔明點解唔可以好似外國咁同疫情共存，外國仲多病例都繼續正常生活，連我表弟係英國讀書都無停課。加上我係國際學校通常八月中就開學，依家俾政府搞亂哂啲嘢。分分鐘今年放完「暑假」要到十二月先再有假。 依家日日係屋企仲引申出好多問題，相信唔係得我有。日日係屋企上堂對著個mon已經超辛苦（知道有人比我更辛苦，對所有因為疫情而變得辛苦的人獻上祝福和鼓勵💪🏻💪🏻）無得出街困獸鬥搞到屋企人成日鬧交，令到自己好似開始有啲抑鬱。希望政府唔好再做出三四月放暑假咁嘅決定，快啲令香港同香港人變番正常🥲🙏🏻在此希望大家面對的困難都能有解決的方法，獻上鼓勵💪🏻大家一齊加油❤️❤️（sorry for 1999 and thanks admin❤️🙏🏻)
#NSS家庭 [guest] （長文）小妹今年f2，有個兩歲嘅阿妹。係咁嘅，我阿媽性格同情緒好似有啲問題。 第一，佢成日將啲嘢扭曲到係人哋蝦佢，之後周圍同人講。例如 佢自己唔入房，喺梳化坐到腰痛，之後鬧我唔肯出房，唔肯讓間房俾佢哋。我話 你想入房可以自己出聲同我講。佢話 費時你又話我麻煩啦（我冇印象自己有咁講過，有可能又係佢扭曲出嚟）你唔識自己主動問㗎咩，咁你係咪冇叫我煮飯，我就唔洗煮？ 但係小妹屋企細，得360呎（住公屋，單位錯咗嘅唔好意思）阿妹啲玩具又多（阿媽唔捨得丟）要成日出房入房好麻煩，zoom嗰陣攞住部機（部機幾大部）出出入入仲麻煩。所以我無啦啦行出嚟問佢要唔要入房都幾麻煩。 （send訊息叫佢入房冇用，佢唔睇。有時阿妹瞓咗唔可以喺間房嗌出嚟問佢入唔入房，會嘈醒佢） 佢又成日將 自己唔肯做 扭曲成 人哋唔俾 所以佢先唔做，之後就會鬧我。 第二，情緒極暴躁。我同老豆日日俾佢鬧幾十次，十分之九都係求其搵嘢嚟鬧。例如我之前出街嗰陣話 自己唔洗著外套，之後佢叫我著，我聽咗佢鬧一陣之後 我就去著返外套，佢又叫我唔好著，我跪低求佢 佢都隔硬除我件外套，落到樓下，佢又鬧我點解唔聽佢講唔著外套，我話 係你叫我唔好著。佢話 我叫你去死你又唔去？ 嗰下都幾無奈，但係又駁佢唔到。同埋佢對我阿妹係極粗魯極暴躁，成日鬧（偏偏我阿妹又唔係幾聽話）打嘅次數都頗多，一日打四五次咁（打腳，嬲得滯會打面打頭）有時都會打我，不過因為我都大個，佢驚我離家出走/自殺，所以打得比較少。佢成日鬧人成日大叫成日發癲，呢啲舉動其實會嚇親我（因為佢係 無啦啦 發癲），我隔唔時俾佢嚇一嚇，幾崩潰。 第三，（呢個唔關情緒事，不過都滋擾到我）佢啲鼻鼾聲極大，耳塞都冇乜用，我同佢同一間房，再加上我本身就成日失眠，更加唔洗瞓。但係我語氣平靜咁同佢講呢個問題嘅時候，佢唔會改，會話我咁講搞到佢唔敢瞓，之後又鬧我。 我身邊冇人幫到我，我阿爸唔會因為我而鬧阿媽，有時會笑我抵死，因為細個佢哋鬧交嗰陣我都係偏向撐我阿媽（我阿爸咩都唔做淨係打機，脾氣又差，佢月賺2萬但係淨係俾4000我哋3個，打開門食煙
#NSS家庭 [GUEST] ［大量粗口慎入］ 小妹今年06，一直以為自己生於呢個幸福嘅家庭係必然，直到有日發生咗件咁嘅事。 有一次，我借阿爸部手機睇相，結果無意中見到個人send咗D好曖昧嘅嘢比佢。雖然偷睇人D對話係唔啱，但好奇心害死貓，我都係撳咗入去睇。 至於內容真係令我「大開眼界」，估唔到佢哋D對話已經好多，多到連幾時開始都唔知。最恐怖嘅係，我見到嗰個八婆send咗張鹹相比佢，仲有一D事後嘅相，喺嗰一刻，我個心涼曬。件事仲要發生喺疫情，真係痴撚線，嗰陣佢仲要病咗，好彩冇傳染比我哋咋頂，我阿媽好悉心咁照顧佢，而佢一D悔意都冇。 我有試過比佢話我做咩睇佢D嘢，話我同個垃圾政府冇分別（垃圾係我加嘅）係，睇人手機的確唔啱，但如果我唔睇，你仲諗住瞞住我哋幾耐？仲話嗰個八婆有精神病所以唔敢block佢。大佬啊，你咁care人感受，你有冇care過我哋感受？ 我阿媽有試過搵身邊嘅人幫手勸佢，但佢都係重蹈覆轍。 話咁快件事已經一年喇，到而家仲未完㗎。最近我都有偷偷哋睇，因為我真係對佢失去曬信心同信任。佢哋而家仲有保持聯繫，有時仲件條死賤精喺度鬧我、我阿媽、同佢阿媽（即係我嬤嬤）我唔明點解佢係都鍾意呢D人渣垃圾。 啱啱再睇，個八婆又諗住約佢出街，但係我都係盡量阻止佢（當然係好婉轉嗰隻）仲要佢買化妝品比佢。 我阿媽喺我心中係一個完美嘅女人，而嗰個八婆冇一樣嘢比的上我阿媽。我阿媽唔會郁D就發火、EQ好高、煮嘢好食溫柔體貼樣樣齊，仲要係一個老師，我唔明點解佢咁優秀都可以比個八婆搶撚咗。 好多謝睇到呢度嘅你哋，希望你哋可以比D建議我可以點阻止件事繼續發生，同埋點樣監控到佢嘅位置而唔好比佢發現（因為真係比佢呃咗太多次，次次都搵藉口去見個八婆）thx🙇🏻♀️ sor for 1999
#NSS學校 [Guest] 我今年grade7(國際學校)，呢個係我第一年入國際學校(之前係傳統學校)，我初初對國際學校還有美好嘅幻想。 小女嘅英文就唔係咁好，諗住入國際學校英文可以進步多啲。但係當我入咗之後我發現我嘅英文唔好，導致我唔可以同到啲同學好流暢 地傾偈。好自然地呢我就冇朋友啦。 咁我入咗國際學校應該差唔多有半年左右，我發現嗰啲英文對我來講真係比較難。當我開始明白老師講咩嘅時候，老師已經教完嗰個topic啦。我已經成日喺屋企都嘗試自修去溫習，但係一直感覺好似爭啲乜嘢咁樣。 而家讀咗半年，我突然間有個諗法係我要想入返去傳統學校，因為啲同學又講廣東話，咁我可以識多d同學。咁國際學校主要係俾你去自己諗，唔似傳統學校咁死板。不過傳統學校啲學生講中文，又可以識多啲同學。 唔知大家有冇咁嘅經歷呢？
#NSS社會 [防疫撚都好過你哋依班自私撚] 依家啲人郁啲就話其他人防疫撚，咁驚就唔好呼吸等等 唔知你有冇諗過其實確診案例增加受苦嘅唔係你，而係班醫護，老人家同細路同普通家庭 首先 香港醫療人手不足依樣嘢唔使講 大家都知噶啦 尤其是係依家依個情況，你有睇新聞都知個個醫護做到成只狗咁，醫療不嬲都超負荷，正苦淨係識日日喺度鳩噏，完全幫唔到手 你話唔防疫就唔防疫，你係開心咗，班醫護更加想死咯 你係淨係顧自己唔理醫護嘅，咁萬一你中咗重症請你留喺屋企等死，唔好麻煩到香港醫護 第二，老人家同BB 老人家本身就有好多隱性病，長期病痛，身體差又唔打得針 BB就本身抵抗力差 係啊，後生仔中咗係會可能好似感冒咁噶， 你有冇諗過啲其他人？ 佢哋中咗好難醫，亦都好容易引發其他疾病 而且都冇資源可以醫（冇床位，俾人掉出街 ），咁佢哋就要為你嘅自私埋單 ？ 仲有好多屋企都係得一個經濟支柱 ，加上疫情搞到失業率升，本身已經難搵工 ，一個中咗真係全家手停口停 ，你唔使翻工梗係喺度講風涼說話啦 咁嗰啲手停口停嘅家庭點算 ？
#NSS愛情 [Guest=] ] 大家好！我係#NSS211109D樓主，我又又嚟投稿laaa＞＜我希望可以分享下同A嘅故事令大家笑下（？） 長文慎入😵 是咁的，我同A 喺上星期過左第一次情人節。A媽喺 12號嘅時候打比我媽咪，同佢講14 號果晚想一齊食飯。想當然，我親愛的媽咪答應咗。 情人節當天，上完堂大約兩點，忽然聽到門鐘響起。「叮噹」一打開門，原來係A同佢細佬。我好震驚，冇諗過佢地會咁早上嚟，最重要係我仲着住睡衣同未執屋🤦♀️A同我講A媽叫佢地上嚟同狗玩住先。放左佢地入嚟之後，A細佬同我細佬兩個一齊撩狗玩，而我同A就咁坐埋一邊。我地其實仲未公開關係所以都唔敢有太大動作，亦唔敢講咁多野。 我實在忍受唔到呢種尷尬嘅氛圍，就決定落樓下行下。A 表示要同我一齊行，稱自己想活動下筋骨。當然，我地最終兩個拋棄細佬們出發。點講都係情人節，我同佢講咗句情人節快樂，A都答返我一句 Happy Valentines Day 。當刻我為自己有帶口罩感到慶幸，我諗我嘅嘴角已經翹到上太陽。 大約一個鐘左右，我同A 返返屋企，又再次繼續沉默。冇幾耐，另一家人上咗嚟。佢地留咗一陣，就準備去買野食，所以將佢地仔女（一個五歲一個六歲）放着喺屋企先。陪小朋友玩真係好赲，我被迫一路玩飛行棋，一路諗點樣輸比佢地… 但當然，無論如何都一定要掛上笑容，話哂唔可以掃佢地興 ga 嘛～ 總之呢，陪小朋友玩左一陣，我同A都已經精疲力盡。我地將佢地交俾細佬們然後就入房休息。當然冇可能淨係休息咁簡單，我地喺房裏面温習。（唔係你以為係咩：）果然温習使人愉快～溫呀温，三家嘅父母都上哂嚟我地都仲繼續房温緊書。 咁主人房就喺我房隔離，隔音唔係非常好。我忽然聽到A媽把聲：「個死仔包最近好似同緊你個女拍拖wor。」哦～原來係班貴婦傾緊計。mmm… 咪住，佢講咩話？佢點知ga！我即刻以眼神質問A，不過佢好似都唔知點解。唉算啦，我繼續同A偷聽佢地嘅對話內容。「你點知 ga？我真係完全冇發現！」只聽見我媽咪非常好奇地問A媽。「係咁嘅，我個仔佢之前同你個女傾完計冇熄機，聊天紀錄比人睇哂咁，所以咪知囉。」「我成日都覺得佢地好鬼襯，點知真係一齊左，真係可喜可賀！」此時嘅我同A都已經面紅耳赤…