—類投稿

#NSS家庭 [GUEST ] halo咁多位，小妹今年F1，讀緊西貢區某間學校，今日黎投稿，主要係想分享吓我家庭出現咗嘅問題，睇吓大家可唔可以俾啲意見我。 先講吓背景，我屋企有Daddy，Mummy，工人姐姐，屬於中產家庭，我同爸爸關係唔好，點解？事情就由上年七月開始講起…我好清楚記得嗰日係7月6號，正正係放榜嘅一日，我約咗班frd出街玩，諗住去玩之前沖個涼，咁我屋企廁所道門本身就壞壞哋，但係我講極屋企人都唔信，我阿媽淨係信晒我老豆，而我老豆知道其實道門係壞但係唔想嘥錢整，而我當時連零用錢都冇，想整返把鎖絕對冇可能。跟住就賴嘢啦，我除晒衫準備沖涼嘅時候，我阿爸直接開門入嚟見到晒，嗰陣時我喺廁所喊咗好耐，跟住即刻打俾我阿媽講，我阿媽話「阿女我而家即刻返黎，唔使驚」，跟住我阿爸聽到我打俾我阿媽之後，佢即刻打俾我阿媽屈返我轉頭，話明明係我冇鎖門，但嗰陣時佢開門係有「卡嚓」一聲，同埋好彩嗰陣時我工人姐姐見到，佢都同咗我阿媽講話我有鎖，所以我好開心我阿媽信咗我，不過佢冇處理過。件事就就咁過咗去，佢哋肯整返道門，但我每次一諗起我阿爸睇到我全身之後我真係好崩潰，我唔敢同人講，淨係自己默默咁喊，同埋令我越嚟越驚嘅係我之前食飯，一直都習慣棟高隻腳坐，唔小心跌咗粒飯喺張凳度，佢順手幫我執返之後摸一摸我下邊，我勁驚，跟住問佢你摸咩？我阿媽我工人都喺度，佢口窒窒咁講，幫…幫你執返粒飯咋嘛…我明知唔係，但係我阿媽信佢，我知道屋企人已經幫唔到我，我又唔想同朋友講，我成日幻想有一日佢冇啦強姦我會點，好驚，原本我以為時間可以沖淡一切，但係上年嗰件事到到今年我仲耿耿於懷。 到今時今日，我知道阿媽已經唔會再幫我，唔會再信我，因為呢個疫情令我阿媽生意大跌，（我阿爸阿媽都係做生意），但偏偏係呢個時候，我阿爸賺到錢，話自己幾日等於人哋幾個月嘅錢，咁我都信嘅，因為佢呢排真係好大洗，仲會俾錢我阿媽，咪見我阿爸好似好好咁，事實係，已經冇人再敢反佢，例如我同我阿爸講，你去廁所可唔可以沖廁？（因為佢真係成日屙完屎唔沖廁），佢就話「你唔鍾意嘅話唔好做我個女囉，你走啦我冇所謂」，又或者喺我媽媽面前講，「你再係度嫌三嫌四我唔比錢媽媽等你以後冇零用錢！」，我真係呆撚左，成日都用錢威脅我，我零用錢本身勁少，所以根本冇咩積蓄，我每個月嘅錢只係夠我出去食一兩餐飯，其餘要留係屋企食。仲有一次好恐怖，佢問我「你係咪未比人屌過？」 仲有，我阿爸係一個勁唔考順嘅人，我阿媽同我講，好多年前，我阿爸賺唔到好多錢，我阿媽嗰陣收入穏定，我阿爸叫佢唔好比家用婆婆，慳下錢好過。嗰時我阿媽唔計較咁比左好多錢佢，但而家佢賺到錢咁對阿媽好咩？可能人人有唔同睇法，但我自己覺得唔惦 令外，我好想去外國讀書，呢個純分享，我知it is impossible，因為供得起我去外國讀書嘅人只有阿爸，但佢已經講明唔會咁做。 好啦我要分享嘅都講晒，sor for 1999，小女文筆真心差😓🙏🏻，亦都想喺度同所有曾經受過侵犯嘅女性講句加油，雖然我唔係，我亦都知好多人慘過我，但我都希望睇到呢度嘅你可以比少少意見我🙏🏻 Thanks admin(希望幫我出post)

#NSS個人 [guest] 我而家s3 就係自從小學畢業之後 發覺食飯嗰陣都會干嘔 有時候直接嘔埋出嚟 我唔知係壓力問題定胃有問題 係升中之後先開始 出現次數逐漸頻密 開頭隔幾日一次 之後差唔多每餐都干嘔 本來干嘔會嘔到有聲 之後父母話食食下飯 咁樣係咩意思 就算係訓練到冇聲嘅嘔：） 但係只要干嘔完食多幾啖 會真係嘔出嚟 嗰陣就會沖去廁所 我父母唔知我食完飯會咁 而且我食量基本同父母細佬個飯量一樣 平時都鍾意食嘢 但係唔知點解就係會嘔 次次嘔完 心裏面都有罪惡感 好浪費

#NSS家庭 [GUEST] 我應唔應該繼續學琴 小妹今年F2 學咗鋼琴大概五年，而家我仲係用緊部電子琴嚟練琴。 講返個背景，我大概四年級嗰陣想學鋼琴，然後阿爸阿媽都答應咗，但係因為屋企本身已經有部電子琴，所以佢哋應承我學高級少少(大概grade3-4)先至買部鋼琴俾我，然後我而家已經考咗七級，仲未買鋼琴。我之前考完五級老師已經不斷催我快啲買鋼琴，阿爸阿媽都係好敷衍咁樣認咗就算。 到而家考完七級，老師終於忍唔住打電話嚟叫我哋買部鋼琴，因為佢見到我平時上堂彈鋼琴個樣好唔慣，然後我阿媽都答應咗會買，但係阿爸唔係好想買。如果我哋買部鋼琴嘅話，就要揼咗個櫃，雖然櫃入邊大部份嘢都可以揼，但係都要買掛櫃嚟，然後阿爸唔想搞。 然後我都嘗試繼續用電子琴練琴，但係電子琴真係好X難彈。有學鋼琴嘅應該知，電子琴嘅按鍵力度比鋼琴輕好多，大細聲好勉強先做到，連音做唔到，連Pedal都冇，彈蕭邦唔知自己彈咗啲乜。其實我哋屋企唔係冇錢(當然唔係有錢)，但係一定afford到鋼琴，但阿爸就係唔想搞。咁然後其實我有出琴室練琴嘅，但係我冇可能日日都出去㗎嘛，然後而家疫情咁嚴重，阿爸阿媽又唔俾我出門口，所以就基本上我一個月可能淨係去到嗰度四五次左右，加上阿爸嫌琴室貴，同埋我好宅，唔想去。 上個禮拜我終於忍唔住問阿爸點解一直都唔肯買鋼琴，佢唔肯答我，我問多幾次佢終於忍唔住鬧我：「你做每樣嘢都三分鐘熱度，我嗰陣以為你學一陣就冇興趣放棄，我點知你真係學到而家姐！」到嗰一刻我先知道原來阿爸一直冇呢個打算買鋼琴俾我，然後嗰晚阿爸阿媽因為鋼琴嗌交，連續嗌左幾日，嗌到爭啲離婚。我平時碌IG見到有啲人屋企有鋼琴我都好羨慕，見到有啲朋友個grade 低過我都有部好嘅鋼琴可以練，我好妒忌佢地。 我就唔想因為一部鋼琴嗌大交，但係我又好想繼續學鋼琴，然後我知道唔練鋼琴我一定唔會彈得好，我可以點做？我應唔應該放棄？

#NSS個人 [Guest] 做任何事都好點樣可以理性行先？ 我自己係一個比較感性嘅人，做任何事都以感性行先，有好多嘢明明可以做得更好，但因為感性所以一次一次地推開各種機會，明明知道行邊條路會對前途有幫助，知道自己真正需要嘅係咩，但永遠都被唔捨得，或者各種感受拖延住，導致浪費咗好多金錢同時間。 理性vs感性，大家又會點揀，一個人嘅青春唔多，唔想浪費晒成段青春做無把握嘅事，好驚大個之後會後侮而家嘅決定。

#NSS個人 [Guest ] 想問各位師兄師姐，小妹dse之後想染髮，想染鮮艷啲既色，之前見到覺得好靚 但會唔會阻到大學interview 果啲，定遲啲先染會好啲😢🙏🏻

#NSS學校 [GUEST] LS 卷二我寫得起勁條成效完全唔記得要寫駁論，仲係收卷果陣先發現🥲 仲有冇機會上4 🥲🥲 勁驚

#NSS文化 [Guest] “無錯，From a certain point of view用倉頡而唔用粵拼係會對粵語文化有負面影響” 早晨，我係#NSS220424D嘅Po主。 係你diu9我之前，我想講返清楚我唔係想批鬥用倉頡嘅人，我今日只係想釐清返我原本個Po。 第一：我所講嘅”反人類“唔係話你哋用嘅人係恐怖份子，只係想指出字碼依個輸入方式的而且確係唔符合直覺。 第二：既然倉頡係真係有優勢㗎話，何來其他所有華語地區包括大陸台灣大馬都係用拼音為主流？再進一步講全世界可話只有香港+馬交係以字碼為主流。難道倉頡等字碼輸入法真係更直覺更易學更好用，而全世界都反其道而行？無錯，中文字一路以來都係型為主(字碼)、音為輔(拼音)。 但係故中原因其實唔係啲咩中華文化高人一等先以型為主、音為輔，只係漢語嚴謹的Phonotactics又要作為分析語所作嘅應對，譬如英文嘅s t r e ng th(5個子音1個母音)係中文係唔可能嘅，導致中文加埋聲調都好，總體上只有~1200音節(對比起英文~8000，德文~5000左右)。再加上漢語係分析語，即係日文嘅人係hi to(兩個音節)但係中文就係人Jan4(一個音節)，令到中文嘅同音字係多到爆先至要用型為主、音為副的中文字，而唔係中華文化高人一等。 咁你可能話咁樣咪證明咗用字碼嘅必要性囉。非也，只係證明咗我都知道漢字(型)嘅必要性，而唔係型為主、音為輔的必要性，因為音為主、型為副理應達到一樣嘅效果，解決同音字嘅問題。所以其他華語地區音為主、型為輔的拼音輸入法一樣可以有效率而更符合直覺更易學，而佢哋係嗰啲地區嘅優勢正正證明咗佢哋一樣可以有效率而更符合直覺更易學。 所以總結嚟講，全世界包括其他華語地區都用拼音(發音)輸入法為主流，何來點解字碼輸入法會有直覺易學及有效率等優勢，根本就無。更何況所有人細個學寫字嘅方法都有唔同，老師都無逼你順筆畫，好多人未必係好似倉頡咁分拆啲字。 第三：但係倉頡唔係快啲咩？ 咁你要諗下有冇必要。第一，抄寫要快，先生你知道ctrl+c同ctrl+v㗎可。第二，錄寫(法庭之類需要)，你日常生活會用？所以其實根本無乜必要。就算係最貼地嘅寫essay或Proposal，你都唔係真係會有60wpm(粵拼最快)以上啦。 第四：粵拼輸入法都有唔少，你唔識就唔好上嚟喊生喊死求人開發啦！ 我唔係唔識，我都知有唔少好用嘅輸入法。只係我想問Window,Google同Apple嚟三隻最多人用嘅電腦/電話系統幾時先肯預設粵拼或者至少加翻個選項啊，你哋其中一個開竅都可以帶動粵拼普及囉。我只係想粵拼普及啫。

#NSS個人 [Guest] 小妹今年17歲，咁正常對sex有興趣，想破處咁 但係我有個諗法就係「無論係邊個同我做，我都無所謂，我舒服咪得囉。」（17到30歲都得） 我自己就覺得呢個諗法好奇怪ʕ´• ᴥ•̥`ʔ 係我對自己嘅第一次唔著重，定係有人都係咁諗？ 求admin post ig~ thxx😚

#NSS個人 [Guest] 真掛住有好朋友嘅感覺 Hi,小妹今年中三 我自細就冇乜friend 直至小四至六曾經有自己一堆friend 大家一齊玩得好開心 但係因為唔同中學 我就同佢哋少咗聯絡 F1上學期我有堆friends 但之後開始有疫情 我不嬲都好少用電話同人哋傾偈 我成日都唔敢send message俾人 send一個message都會諗好耐應該點打 send唔send好 其他人成日煲電話粥 我就覺得就算係同熟嘅人 傾電話傾一分鐘都尷尬 停課停咗幾耐我就冇同佢哋講嘢足咁耐 返咗學之後 我就同佢哋越嚟越唔熟 之後佢哋開咗個冇我嘅wts grp 每次約出去都係嗰個grp約（

#NSS個人 [Guest] 自從升咗中之後就冇乜朋友,係連普通朋友都冇也嗰隻。我自問都叫有禮貌,客容氣氣個D人,但係唔知點解就係冇乜frd,亦冇人想識我。    入返正題先,我讀咗四年中學,都叫做搵到一個投契,傾偈又唔尷尬既frd。佢性格好好,又搞笑。同佢相處真係好開心,可以做最真既自己,佢亦可以話係唯一一個令我可以做自己既人。(我連對住屋企人都冇呢種放鬆既感覺)     如我上面所講,佢性格好得人中意,所以佢有勁多朋友。慢慢我發現每次佢D frd搵佢玩既時候,佢就會唔理我,又或者係hea答我,同平時好唔同。咁我諗佢都係因為忙住同frd玩先咁㗎啫,我都明一人要同幾個人傾偈係有D煩嘅。即使我咁樣催眠自己,都不禁覺得自己越來越似一個水泡,次次諗到呢度就好憎佢。但係次次佢搵返我既時候,我又會好開心,好想繼續同佢做frd。究竟係我有問題定佢有問題?我應唔應該繼續同佢做frd?同埋,我又可以點增加自信心,識多D frd? (Sor for1999 and 微長文