#NSS其他 [guest] [covid中招］ 見到有人分享中招嘅經歷 跟住就又想分享我自己的經歷 希望大家小心啲!身體健康🥳 ——- 小妹依家中二,前排中左 *上年7,8月爸媽推左我去打兩針BioNTech *我有2個細佬,以免混亂 大細佬-A 細細佬-B 7/2 A test完陽性,其他屋企人包括我全部陰性,亦都只有A有病徵(發燒) 咁之後我阿媽都叫佢全日喺佢房除咗toilet 然後好似9/2定係唔知10號,B發燒 但因為佢只是K3 test唔到,但都認定他中了 然後我同我阿媽11/2晚開始有少少喉嚨痛 然後test左,是陽性(當時A已經病徵少左) 然後11/2瞓瞓下,12/2早上6點幾熱到醒左 然後探左耳38.1,右耳38.7(攝氏)🥲 第二朝無咁熱(大概38.2/3左右) 跟著食完一兩次藥之後冇燒但係就開始超喉嚨痛
#NSS學業 [Guest] 小妹初中，由學期初開始對讀書好迷惘、冇乜動力。唔知點解見到好多人都係高form先認真讀書，咁我入既係band1，但又唔係1a嗰啲名校，可以入大學既機會少好多，可能你會話好多band3最後都入咗大學，冇乜分別，但係佢地其實大部份都係高中先追返，咁其實係咪就算以家努力，到時都會比人追到？佢哋用一兩年時間就追到以前學到既嘢，而其他高材生就係一直以黎都好努力讀，甚至冇鬆懈過。結果一樣，咁點解要由一開始就努力讀？ 而且學校係用英文教，偏偏我英文差，導致科科都唔太明，成績當然冇咁好 我有試過improve英文，背下wordle,做practices…，但好似一直背極都背唔完，追極都追唔到人，過一段又唔記得d，好憎自己啊🥲做乜浪費時間做呢啲？ 可唔可以屌醒我 我都想play hard work hard 不過次次一諗到咁就冇乜動力同耐性讀書 Sor for 1999
#NSS個人 [guest] 小妹我由細到大都成日自己一個係屋企，父母成日都要返工，媽咪朝早出去夜晚好夜返嚟，爸爸就開夜更。 二年級屋企請咗工人姐姐，去到四年級姐姐就冇繼續做。然後我就成日自己係屋企，做完功課一直睇電視，就算播新聞我都唔會熄電視，開曬屋企燈，我只有咁樣先可以令到自己冇咁驚。 上年我地成家移民咗嚟英國，屋企都會大過香港個間好多，我父母依家就係下午返工，夜晚11點先到屋企。同埋可能有人唔知，英國嘅水電煤真係貴到飛起，係香港嘅8倍。所以我根本唔敢浪費電開曬啲燈，所以日日喺房度睇電話，出房去個廁所都要提心吊膽。加上呢度唔係香港，冇高樓冇汽車，屋企附近都好安靜，變咗日日都好壓抑。又唔敢同父母講，因為佢哋返下午班都係為咗可以接送我返學，同埋工作難搵，所以唔想打亂佢地安排。 真係唔知點做可以令到自己唔驚，英國嘅時差同香港差8小時，我夜晚自己係屋企嘅時候朋友啱啱好瞓曬覺。
#NSS愛情 [GUEST] 好長，書面語。失眠所以紀錄一下情緒。 希望唔好tldr，勿相認，謝謝admin。 隨便寫寫。 真情實感總會在深夜表露無遺。有些人注定會相遇，卻只是我抓不住的美好影子。 失眠了。妳的笑容，在腦海裡揮之不去，我多麼渴望的妳。自從那個陌生的影子進入了課室，便成為了我刻在心底、一個擦不掉的痕跡。 坦白說，一開始我根本沒有特別注意妳，人們說妳很漂亮，我也只是笑笑。只是直覺告訴我，妳是一個很好的人。我覺得妳的教學方式很新穎，今個學年，課堂應該不會那麼枯燥乏味吧。 漸漸的，事情從一個回答中出現了變化。妳總喜歡在課上講課外的一些知識，有次，當妳問大家的問題時候，我衝口而出了。我喊出了答案，妳笑著點了點頭，識嘢啊。夢是林夕。 我開始想發掘更多，更多關於妳的事。我發現我們喜歡同一隊樂隊，我說，我因為這首歌而看了這本書，妳說，妳也碰巧剛剛聽完了這首歌。妳說，妳喜歡這部電影。我說，張國榮好帥。妳說，嗯！真的很帥。 不知道什麼時候，我和朋友聊天時總會提起妳。他們每個人都覺得我好像很喜歡妳，會故意調侃我，我本能的、違心的否認著。我卻在內心一直否認著。我一直不屑於師生戀，可它好像意外降臨到我身上了，我不得不承認，我幾乎每天都在想妳。同性，再加上是師生關係，又怎麼可能會有結果呢？而且我一直喜歡的都是男生，我又怎麼會對同性產生突如其來的心動呢？ 可能只是仰慕吧、可能只是對成熟的人抱有好感。不談道德，我也根本接受不了自己異樣的情愫。我覺得自己瘋了。我在佳節時寫信給妳，字裡行間卻好像藏不住我對妳的喜歡、對妳的關心、對妳的憧憬。 我不知道如何可以清除記憶，如何在腦海中抹掉妳的身影。我的鍵盤甚至經已認得了妳的名字，我的心緒為妳的一顰一笑凌亂。妳總能容易地牽動我的情緒，在每一個失眠的夜。妳永遠不會知道在遠方的一角，有一個對妳朝思暮想的人。 我變得特別的矯情、特別的不自然。我常常在課堂上放空我的思緒，其實我是在想妳。我討厭星期一，因為沒有妳的課堂。還記得有次，妳問我為什麼討厭星期一，笑著問我是不是因為見不到妳，我憨憨地說了是。妳的課堂上有人打瞌睡，看著他們搖搖欲墜的身影，我心中起了一陣莫名的怒火。 我覺得自己病了。為何我會變成這樣？我後悔了。為什麼我要把注意力放在妳的身上？我覺得自己可悲、可恨、噁心，沒有道德可言。我不懂我為什麼總在飛蛾撲火，我覺得我好像在自取滅亡，在自取其辱。可我又好像穿上了紅舞鞋，不停地亂舞，根本無法停下來，無法不去想妳。洗澡時想妳，吃飯時也想妳，想妳想到我睡不著。 我抑壓不了那卑微的情感，哪怕是妳給我的一個眼神。 我控制不了癲狂的內心，那種想要被妳注意的慾望。我是不是要狂舞至死？我在妳的心中恐怕是輕如鴻毛、不值一提的一個學生吧，妳壓根不會想到我心中蘊藏著這麼深，這麼廣的感情吧？妳知道後，肯定會覺得我是個齷蹉的人吧！ 我看著書上的文字，在雲彩之中，我揮一揮衣袖，如果可以，我也想作別西天的雲彩，然後，化作一縷煙，隨風飄散。妳是天上的艷陽、妳是溫柔的風，點亮了我的生活。妳是亮麗的光、妳是狂濤的浪，浪潮把我淹沒。我想為妳寫詩、想牽起妳的手、想和妳一起看我們喜歡的樂隊的演唱會。雖然我知道那是多麼遙不可及的事，可我還是停止不了想念妳。 凌晨四點半了，可我的腦海中還是充斥著妳的身影。
#NSS個人 [一條龍Band1學校] 我想有多D好朋友，但係有咩途徑可以識佢地……. 話說我今年讀中四，下年會係英國讀一間新學校。我自問我內向，同埋社交能力中等，唔係好但都唔係差，D親戚都會估我有朋友。但係，我之前因為抑鬱疾而對佢地唔好，所以冇晒大部分朋友，而我道歉佢地都唔肯原諒我。宜家，望住人地ig咁多朋友，而我就得嗰幾個friend，密友story得三個人，我覺得好自卑。 或者，ig根本D人tag其他人都唔係咁friend，朋友應該係講質素。但係，好多人都講求popularity，佢地會因為我ig小friend 而對我差。 我諗過下年開學識返D朋友，但係講真嗰句，我係插班生，又唔係寄宿生，D同學又要努力準備考公開試，會好難識朋友，宜家都唔知點算。 不過，我會努力，多D花時間識朋友。途中，我會以真誠待人。
#NSS愛情 [[GUEST] 我唔知應該點做] 唔該admin🙏🏻 sor for 1999 我地一齊左差唔多一年，佢平時對我都好好係除左脾氣方面有待改善。咁有一日我就係ig見到佢ex dm me 內容大致上係佢同我講話我現仼男朋友揾番佢仲問佢可唔可以一齊番。12月同2月都暪住我揾過一次(有哂cap圖)。但佢ex係有男朋友。 我真係好confused點解佢會同ex要求復合，因為佢平時真係對我好好係所有野方面，好到我從來都冇諗過會有咁嘅一日。雖然我有時覺得佢講嘢態度有啲差，跟住就會話佢跟住嘈起上尼，但根本上佢每次都會道歉 氹番我。 咁我就同佢攤牌，問佢點解次次鬧大交你都要揾番個ex要求一齊番，佢話因為我成日小小事就發脾氣覺得同我相處好攰。我知佢之前有同ex傾過話以前同佢好少嗌交，跟住就喺度懷緬過去，仲講話咩可惜最後嗰個唔係你覺得遺憾。我真係覺得好嘔心。跟住就繼續同佢ex訴苦話同我一齊辛苦大壓力，跟住就話想同個ex一齊番，佢ex話如果佢同現任男友分手，可以一齊番，仲原諒到佢以前出軌，但依家就唔會分手住。 跟住隔咗一個月我現仼ex就dm我講個真相俾我知話佢搵過佢復合，可能係想我哋分開？亦都可能睇唔過眼佢又出軌？因為我現任之前同佢一齊係出軌跟住分左手。(ps我同現任係外國 佢ex係香港) 我哋仲有一個月就一年，同居左大半年，我哋從來都冇因為生活上嘅事嗌過交，可能純粹每次嗌交都係因為佢嘅態度。 當我同佢攤牌之 佢有挽回我，都係講嗰啲嘢 話佢會改，唔會再係咁，比多最後一次機會佢。我仲係中意佢，但我呢幾日都好痛苦唔知應該點做，唔知應唔應該俾多次機會，亦都唔知點樣再去信佢，連佢話佢愛我，我都已經唔sure。 大家點睇 ？我應該點做？ 圖Link: https://encrypted-tbn0.gstatic.com/images?q=tbn:ANd9GcRDBMnaZ9Fuf5j9JDqioa-qnYD4oWXsGROWVQ&usqp=CAU