—類投稿

#NSS家庭 [GUEST] 求Admins出post!!!🙇🏻‍♀️🙇🏻‍♀️🙇🏻‍♀️ 認真想問大家我應該點做？事源係我爸上年俾我哋屋企人發現佢去咗借錢，筆數對我呢個家庭嚟講認真唔細，40+萬。本身佢都應承咗唔會再借，佢亦會暫停離開屋企。而我媽咪其實有偷偷幫佢還，自己慳埋慳埋，仲要湊我哋幾兄弟姊妹。點知前排又俾我哋發現爸佢自己又偷偷借多咗十幾萬，本身我哋已經所有支出都慳住，為咗就係可以盡早清咗筆數。依家筆數越嚟越大，我哋唔知點算好，媽咪已經講好唔會幫佢還。 佢填咗我哋成家人同比較親嘅親戚嘅資料，佢話佢會出去住，如果有人上門搵我哋就話佢唔喺度。而呢幾日已經有唔同嘅陌生人打電話過嚟，仲開始有人WhatsApp 我，知道我哋啲資料。我哋幾兄弟姊妹真係好驚，唔知可以點做……同埋想問下依家收數嘅人係唔係真係會上門搵人，貼街招，去學校或者公司騷擾？如果真係咁我哋可以點應對？最細嘅啱啱先升小學，最大嘅嚟緊又dse….同埋我前排都夠16可以返工，想幫補下家計，但又驚返工啲收數佬會跟到…..我仲應唔應該去好😣 阿爸佢到依家會周不時關心下我哋，我認真好想幫佢同屋企，但我覺得幫佢還係治標不治本，佢亦會繼續借錢，而且我冇咁嘅能力。我真係唔想失去我任何一位屋企人，依家我上堂都係諗緊呢件事，專心唔到…..

#NSS愛情 [Guest] 話說小妹係英國讀書，鍾意咗個男仔（鬼仔黎嘅) 咁我本身都鍾意啲曳少少又風趣幽默同埋有小聰明嘅男仔，佢又幾符合，所以先令我咁心動。但係最近被我見到佢地成班男仔係學校附近嘅後巷食電子煙之類，就令我卻步，諗佢值唔值得我鍾意。我好多堂都同班，覺得佢除咗嘈咗啲之外，人品都唔係特別有問題，只係比較好動。經過一連串嘅事件，令我覺得佢未必我想像中咁好。 可能大家睇到呢度，會覺得食煙唔係好事唔值得留戀，但係問心佢有禮貌，曳得嚟係討好個種，老師都幾鍾意佢。我有時真係好想佢改食煙嘅習慣同埋唔好被佢啲朋友帶壞佢。sor for 1999 純粹想分享我嘅感受

#NSS個人 [GUEST] admins plz choose meeeeeee 第一次投稿，sor for 1999🤭 話說小妹今年中5，曾經有個friend，前幾年好熟，覺得佢分人好自私所以慢慢疏遠咗，依家好耐先會傾一次計，偶爾總會出嚟聚下（要保持所謂表面既友誼關係）。 結果我同佢出街或者見到佢嘅post或者story，發現佢著既衫開始同我越嚟越似（eg我買左件黑色大樓著出街po左story，過幾日發現佢個post入面著左同我一樣款式、長度，只不過顏色由黑色變左做藍色😃） 又例如有一次我同佢去吃飯，化作少少妝，著左件平時出街著開既crop top，發現佢同我一樣著左同一件衫，只不過我配藍色牛仔褲，佢配黑色牛仔褲，我望到個下，心入面真係吊左聲。食下食下飯，佢突然問我係邊度買eyeliner，話望落品質好好，知唔知係咩牌子。我咪同佢講囉，冇唸住佢冇幾耐又問你個唇膏係咩牌子咩顏色幾多錢，話食野唔甩妝好勁，佢都想買黎試下。😒 至於點樣確定佢開始抄我既style，就係因為佢平時根本唔會穿啲露咁多既衫，平時都從來唔化妝，最恐怖係有時候見到佢既post既背影爭啲以為係自己，真係嚇到以為真係失憶。究竟做咩？想變成我既2.0？我唔覺得有趣，反而覺得好恐怖。 仲有好多其他例子就唔一一說明lu～我本身覺得自己Taste好俾人模仿下都冇乜所謂，但係問題我個style根本唔襯個個friend，仲要dm我話多謝你介紹呢個牌子呀，好好用啊！我睇到好無語😓 近排買咗頂新帽，忍唔住po story，過冇幾耐佢又reply話wow頂帽好靚啊！等我買對同款着嚟試吓先！你係咩牌子？ 我吊 又黎 根本無想覆佢 麻煩大家俾吓意見，應該點覆？點樣一次解決呢個問題，佢就唔會黎再問我？（除左唔post之外，我都好想同身邊朋友分享日常）佢用嘅80%既野，無論衫或者化妝品都有係我用緊既，真係唔想佢變成另一個我 thank you so much🙏🏻

#NSS個人 [guest] 大家好 我嚟求大家俾啲意見 是咁的，小妹我鍾意咗一個大我兩年嘅男仔，同佢唔係咁熟，都明白佢唔係太鍾意同唔熟嘅人溝通，所以我好難接近到佢同埋了解佢。我依家都暫時係通過共同朋友打探佢嘅興趣愛好之類，並唔全面。 我想親身去了解佢，想同佢由朋友開始做起，但又無從落手。我地係校友，見面機會唔係太多。 至於contact方面。有，不過我搵佢佢都唔知我係邊個，所以冇理會。 今日係嚟問吓廣大男性 或者有經驗的女性朋友，慢熱嘅男仔通常會點樣識朋友，換句嘢講 佢地鍾意咩類型嘅女仔，我點樣先可以接近到佢？

#NSS學業 [Guest] 大家好 小妹第一次喺度投稿 如果有啲咩講得唔清楚 請見諒🙏🏻🙆🏻‍♀️ 話說近排有啲嘢好困擾 Band1A英中 唔算得上係名校 自問小學成績唔夠入Band1A學校,當然知道好大壓力,入呢間中學父母迫嘅,自己唔鐘意;但係佢哋想 我冇得揀 我本身以為升到呢間中學,會同小學咁樣,考試成績應該差唔多啫,結果我發覺完全唔係嗰回事:精英班嘅同學讀書好似唔使溫書都可以考得高分,而我補咗習都考得唔好,甚至中西史溫通宵都fail,但係喺Band 1A學校令我學到好多嘢 我好絕望 覺得自己好差 咩都比唔上人哋 其實我都唔懶 已經好畀心機溫書 就係唔知點解考得唔好… 另外講一講人際關係,基本上冇一個人會開心見誠,講壞話,講大話 其他人好唔值得信任 受壓力困擾,最近好似精神失常咁: 上堂望住啲notes想嘔;完全冇精神做嘢,成日分心,成身冇力,嚴重就係失眠+喊 我都幾肯定係學習壓力 其實我有諗過同父母講

#NSS學校 [SSC] [SSC] 大家好。我哋學校突然間轉入讀IB嘅制度，好擔心將來入唔到IB會好大件事。 小弟小學（可直升中學）時就join咗個預備上IB嘅課程，同其他同學分開上堂，用類似IB嘅形式上堂。嗰陣時就已經guarantee 直升上到中三後可以入到IB，所以我經常走去額外自己學IB啲嘢同埋補IB。 今年學校突然間轉制度，我哋唔再guarentee入到IB。學校而家係論全級嘅分數排名考慮你可唔可以入IB，而IB淨係得50個名額，但全級有超過150個人，大部份人都想入IB。 我哋已經由小四開始，用IB模式上堂。上到中學都係，我哋係完全冇好似主流課程啲人背晒啲文言文，唔知道DSE嘅考試、學習形式係點嘅。 精英班啲人個個都想入IB，好驚下年如果我鬥唔過精英班，冇得入IB要轉返去DSE，到時候成績一定好差，將來就賴嘢喇⋯ 我小學已經入咗個IB 預備課程 就係預咗上到中學要讀IB。明明以前guarentee咗可以入到IB，而家又突然間唔可以，好唔公平囉。 希望大家可以俾啲意見，sor for 1999。

#NSS其他 [Guest] 標題 : 嗰 frd 太熱情…..點應對？ 大家好 小弟今年 F6 話說幾日前有嗰 frd (由 k1 開始識 係超熟嘅 best frd ) 突然邀請我去佢屋企温書 佢話佢阿爸係某間名校嘅老師 有 D 額外嘅 supplementary

#NSS個人 [GUEST] 關於朋友一直在模仿/學自己…. 我覺得好朋友之間用嘅嘢一樣都幾正常，都之後就覺得有啲奇怪…..我平時用開嘅文具佢會跟住買一樣的，我著過嘅衫佢又會買同款，我話鍾意嘅袋佢又會買同我同款的，佢本身冇乜點追星，但見到我追又會同我追一樣…. 我覺得朋友同自己有相同嘅喜好係一件幾好嘅事，但都唔使乜都要一樣….佢甚至連我嘅口頭禪同語氣都會模仿🤷🏻‍♀️我最近有問過佢點解要一直學我，但佢冇答過我，仲冇理過我一段時間，連訊息都冇覆我，好似我錯咁。 我唔想因為咁冇咗個朋友，因為係學校只有佢係同我玩得埋，但又想問清楚佢….我真係唔知點做好😢

#NSS學校 [Guest] 平時學校assembly 嗰啲嘉賓分享其實悶都唔算大問題，可能係因為好有資訊性。但ppt一岩一窟，仲要全部都係簡體字，咁樣唔係OK掛??素材影片全部都喺抖音度搵返嚟，可信度同權威性大家知啦… 其實學校請嘉賓返嚟分享，有冇檢查過佢分享嘅素材同內容？ Po ig thxx 圖Link: https://ibb.co/GJtHkgv https://ibb.co/Qm5RdxX

#NSS其他 [我想學返跆拳道‼️] 大家好，小弟今年Form 1。我以前小學有個興趣班(跆拳道)我由一年級開始學學到4年級，但係因為自從4年級轉咗一個好惡嘅呀sir，記得自己有一次唔記得除鞋除襪先入個班房(因為我哋練跆拳道要赤腳練)，然後就俾個呀sir罰做體能，又有一次，個呀sir要我哋拉筋(平時好正常)但係嗰堂個sir完全地坐咗落我哋到，要我哋拉到一字馬先可以落堂，個堂大部分人都係眼濕濕咁樣落堂，跟著幾堂都好唔鐘意佢。跟着我嗰年下學期就冇咗學。 但係唔點解升到上form 1 又好想學返跆拳道，我可以點做？ Sir for 1999