#NSS學校 [Band1B英中男校] 我今年Form1(09年)，喺入學前已經好愛學校(但而家無得返全日🥲)，希望可以識到啲兄弟/志同道合嘅Frd。怎料，我嗰班有好多大陸人，接近半班!(各位09年嘅同學們都知，呢屆有幾多大陸人㗎啦)咁你地可能會話:「仲有一半係香港人㗎嘛！」但係佢地有啲成日睇大陸野(大陸化)、有啲好幼稚、有啲好串、有啲好煩(瘋狂炸你機，問長問短嗰啲)、有啲屋企人畀佢哋出街……一句講哂，完全唔啱做朋友。但係我啲師兄好正常，but冇一個會熟到約出街/食飯。所以想尋求認同，有冇人嘅情況同我差唔多？😭 求post IG(Thank you admin🙏)
#NSS家庭 [某間Band1女校] 長文慎入 我真係忍左好耐，但係唔知點講出口 我家庭比較特別(?)父母年紀差距比較大，我阿媽係大陸人，因為佢細嗰嗰陣屋企窮，我外公外婆細佢十幾歲就去左天堂，佢要自己一個照顧頭家同我舅父 唔知係咪因為捱左太多苦，加上踏入更年期（大概45），尼兩三年佢啲脾氣真係差左好多。自問自己由細到大都算係乖乖女，冇煙冇酒，成績中上。但係我可以開始感覺到佢想將我綁係佢身邊，有種控制緊隻洋娃娃嘅feel 佢好少比我同我啲朋友出街，無論係去行街、迪迪尼，佢都唔放心，覺得幾個中學生，仲要係女仔冇大人陪著好唔安全。如果要出街，佢一定要跟住我，搞到我啲朋友、同學都覺得好尷尬，導致我成個初中都冇點同啲朋友出過街（佢地可能都唔夠膽再約我） 係我小學一年級嘅時候，我阿媽識左一個住係隔離座嘅人，對方都係大陸人（下稱A)，咁啱佢個仔都係我嗰間小學，大家就慢慢熟悉。後嚟我搬屋，差唔多每次去佢地屋企，我地都會留宿。因為好熟+細嗰唔介意，我同佢個仔訓過同一張床。但係到我十三四歲嘅時候，我開始抗拒，因為個男仔真係好宅，同我冇共同話題，而且每次去佢地屋企，我阿媽都抌低我一個人係客廳，然後自己同A出街，我一個人好無聊又尷尬。於是我就嘗試同阿媽講可唔可以唔住，但係我阿媽次次都威脅我「你如果唔去，你以後都唔可以出門」然後成個禮拜都黑晒面，大力放杯，大力閂門搞到我完全冇rights，佢話做咩我就要做咩，唔夠膽再說「不」 到我中學，我阿媽啱啱踏入更年期嘅時候，有次佢又叫我去佢地屋企，我終於夠膽say no，我話我去樓下親戚屋企溫書，你應該都放心啦，點知佢一巴星打落嚟，話：做人唔好太過分，人地邀請你去，你細個嗰陣又咁照顧你，你依家話唔去即係唔比面人地，但係我真係驚左佢地屋企，所以最後死都唔出門，打電話比我老豆同我契媽。佢地知道之後同我阿媽解釋我唔係唔比面，青春期男女有別，然後又同我講佢地明白我嘅委屈，但都係叫我體諒佢，因為佢細個捱苦唔容易，依家更年期情緒唔穩定，我老豆又已經年過七旬，得我阿媽可以照顧我，我應該要多多理解佢 其實我都明白我阿媽唔容易，因為我老豆長年在外工作，一年見得一兩次，選擇用錢去補父愛，見親就係問成績，所以十幾年嚟都係阿媽陪我，我完全冇體會過咩係父愛同一家三口。屋企得我同佢，而佢又冇咩朋友，我就成為左佢嘅出氣口，佢一睇到啲咩新聞就會爆粗，「垃圾人、去*啦、d**m、尼啲人就應該五馬分*、有病」之類（粗口已盡量*左）尤其係係我中三嗰陣因為課業同溫書好攰想安靜下，佢會冇啦啦入我房然後對著我狂鬧新聞上嘅某個人，搞到我有排情緒唔穩定，放學要見社工，番屋企唔想想講嘢（p.s我間房嘅門鎖被佢拆左，佢話驚我鎖左自己出唔番嚟🤦🏻♀️） 我都想體諒佢、理解佢，但係我都係一個人，點解唔可以理解下我。啲人成日話獨生女好呀，掌上明珠，但其實冇幾個人知我見過社工。家庭係咩感覺，我從來都冇體會過 所以想擺上嚟分享，想問下我可以點同我阿媽溝通/點樣同佢講我嘅心事 sorry for 1999
#NSS家庭 [GUEST] 究竟係重男輕女定係我諗多咗 hello大家 介紹返自己 f2女 有一個細佬 ［長文慎入］ 我細佬本身就有過度活躍症，平時要定期去見醫生 有時要吃藥（但係我阿爸阿媽就唔想比我知 唔知點解）而我懷疑自己係有抑鬱症 我唔肯定 但成日都唔開心 唔敢同阿爸阿媽講自己野 入正題，我細佬出世之後，重男輕女嘅現象唔係好嚴重，但係我細佬一入小學，就開始黎料。每次考試，我阿媽都唔會幫我溫書，淨幫細佬。話我已經夠能力，唔使佢幫。雖然我讀書係真係唔差，但係未至於可以自己溫，就算我自己溫考到唔錯嘅成績，換黎一句：唔錯，繼續努力。但係我細佬啱啱合格就：哇！你考得好好吖 要繼續努力….. 個陣心入面極度唔平衡😭 第二，永遠d野都係細佬優先。每次去玩具鋪，我細佬話想要呢個呢個，我阿爸都會買。但我一話我想要 ： 買呢個有用咩？唔好曬錢啦！我唔會同佢講太多/繼續求佢。因為我已經習以為常 第三，乜都就曬佢。之前因為疫情我阿爸失業，屋企經濟狀況差左 四個人用阿媽個份糧生活。我知道佢地唔容易，所以平時食飯我都唔會揀d貴野，都係大快活大家樂就算，但係我細佬又嘴刁，要食韓燒邊爐….我阿爸又比。但如果我提出：我地屋企經濟狀況你又唔係唔知 慳d錢啦！ 最尾，因為我有個比賽要參加，需要打疫苗，我之前一直求我阿媽比我打，一直say no。直到有呢個比賽，佢先比我打，一定要打科興，因為如果打復必泰好容易有心肌炎，呢句係我之前一直睇開嘅醫生講嘅，咁為左個比賽我照打。跟著依家政府迫打針，我細佬都要打，我細佬話：我想打復必泰。結果佢就打復必泰😂
#NSS愛情 [Guest] 我諗咗好耐都諗唔到點做 希望大家可以俾少少意見我🙈 講返少少背景：我同一個男仔frd咗都有一段時間 幾乎日日都傾計 每個星期都會一齊參加活動 同一間學校 上年佢同我表白 當時我有諗過同佢一齊 但係因為我上一段感情搞到我而家有啲驚自己分配唔到時間 所以冇應承佢 佢都講咗話唔會再提呢件事 但係我哋依然日日都有msg 甚至幾乎每一刻都同緊佢msg緊 到過咗一兩個月左右 我發現自己好似鍾意咗佢 我好似每一刻都好掛住佢 亦都有同佢兩個人出過去 我好想同佢係埋一齊 但係我屋企比較嚴 我唔可以成日都同佢出街陪佢 上一段感情都係因為咁所以分開咗 所以我一直唔敢一齊 求下各位可以俾啲意見我