—類投稿

#NSS其他 [ywc] 不幸墮色情騙案 網上交友结識了一個25 歲男子，我們先用grindr 溝通，再用LINE 聊天，接着進行了裸聊，他錄下了我的胴體，再騙我下載令一個app 盜取了我的通訊紀錄，繼而勒索我给他錢，我沒有給，反而去了報案，家人皆已得知此事，可是朋友們不知。 我現在十分緊張、驚恐，生怕他突然行動，但警察說了他們甚麼也做不了，只能隨他發展，我也只能放下以別的角度看代，希望大家緊慎交友。

#NSS個人 [GUEST] 小妹有嚴重抑鬱症，經常性失眠、岀現幻聽幻覺，想問有冇人曾經都有過抑鬱最後係點好返

#NSS個人 [lpy] 今年18歲 band 3 仔 2021 考dse ， 好幸運地入到大學讀engine，其實我都唔知自己係咪想讀呢科，呢一刻對人生好迷惘 ，搵唔到生存嘅意義。我好想死，但係我怕，我懦弱，我冇勇氣，連喺呢度岀post 都諗咗好耐。身邊好多朋友都買車買樓，成為唔同行業嘅精英，反觀自己揸住部垃圾車仔，開咗間公司又唔係賺好多錢，覺得自己好垃圾。屋企人成日恥笑我，笑我低能，話我傻，阿哥成日喺我身上攞著數，想離開屋企，但係仲未有咁嘅能力。每日都好痛苦，睇過心理咨詢師，感覺完全冇幫助，都係咁痛苦。我想知我生存嘅意義，如果我真係一個意外，點解要生我岀嚟受苦，要受罪。到底有冇方法可以安靜咁離開呢個世界。 Sor for 1999

#NSS學業 [某band1女校] 小妹今年F1 我係一個自制能力比較差嘅人，以前小學大部分時間阿媽都會陪我溫書，所以成績比較好。 但升咗中學之後，阿媽開始返多咗工(佢本身返part time) 變咗好多時候我都要自己控制時間。但偏偏我係一個好唔識控制時間嘅人， 以前啲功課多數一派即日做，但而家 (尤其是係special holiday之後) 有時會拖到最後嗰一刻先做。 默書測驗又係咁，基本上去到前一日先至會有動力温 。 其實我知道自己有呢個問題存在， 亦都好想戎咗佢。我試過熄手機、set 一日温書嘅目標，但永遠都達唔到，最後又係拖到最後一日先溫，但又溫唔曬，尤其是係呢排啱啱復課勁多測驗默書，搞到成績比以前同上學期跌咗好多。 好擔心呢個問題一直持續落去，成績一直跌落去，究竟有咩方法可以令到我唔好成日做deadline fighter 同有動力溫書？ Sorry for 1999 Admin pls po

#NSS愛情 [guest] [我愛你 多謝你 陪伴我呢個病人兩年幾] 長文慎入｝ 我同我女朋友一齊左差唔多兩年幾，感情穩定，最近一直喺度諗緊自己同女朋友呢兩年嚟既嘅點點滴滴，同時都思考過我自己一路以嚟對佢既態度係如何。 – 交代一下我哋嘅背景先,小弟今年19歲，女朋友今年18歲，佢亦都係今年dse考生。女朋友讀band1頭中學,多才多藝,成績唔錯,唔煙唔酒,性格好,都有好多男仔追過同埋鍾意佢；而我因為成績唔好而且唔鍾意讀書,所以喺我中三嗰年就退左學,然後去左vtc讀多三年就出嚟做嘢,所以喺我哋身邊既人,時不時會攞我哋嚟做比較,但係我唔介意之餘,我女朋友都會為我抱不平。 – 我本身係一個精神兼情緒病人(輕度Adhd＆抑鬱症),有時會因為小事而發脾氣同埋喊,自問我由細到大好容易喊,加上細細個開始有adhd,依家大個好左好多,但有時都係控制唔到自己情緒,繼續靠食藥控制病情,所以喺中學都冇乜真心朋友,加上屋企方面有好多問題處理,因此呢幾年嘅自己好迷失,好頹,好辛苦,好大壓力。直至遇到佢,我空虛又灰暗嘅內心開始增添色彩同埋感受到溫暖。 – 至於我哋雙方屋企人方面,我阿爸阿媽見我女朋友已經好多次,一直以嚟都好鍾意佢,覺得佢係一個好女仔,成熟得嚟又有禮貌,大方得體,心地好好等等。而我老豆都話我冇咩叻又唔有錢,又懶散。事實上應該唔會有女仔鍾意我,但係我女朋友唔同,佢會接納我嘅弱點同脾氣,肯同我捱,唔介意我冇其他男仔咁好。相反佢阿媽對我印象有保留,覺得我女朋友值得更好嘅男仔,我聽到之後覺得好自卑。一個高材生,一個廢青,或許真係拖累佢… – 之前我拍過兩次拖,兩次都係比人玩,喺呢兩次之後對拍拖冇乜希望,但係直至我女朋友出現喺我人生中,我喺佢身上學識好多嘢,學識愛自己,愛其他人同埋尊重其他人,慢慢我由一個男孩變成一個真男人。我女朋友同我住唔遠,所以我哋可以成日見面,之前佢返學嗰陣咁啱我未搵工住,所以可以日日接佢放學,而之前停課我又成日叫佢出嚟陪我。佢其實係一個怕麻煩到人嘅女仔,所以即使我日日強求佢出嚟,我feel到佢唔想,但佢冇半句怨言,每次都配合我。雖然我每次見到佢都好開心,好滿足,但係之後我諗過我忽略左佢感受,對佢唔住。加上dse前佢學校有好多測驗,佢應該要留喺屋企溫書,但係我真係好掛住佢,就算成日視像都忍唔住想出嚟見面,慢慢我不停忽略佢感受,冇體諒過佢,但係佢依然強顏歡笑咁話唔緊要同冇所謂,佢亦為左同我出街而同阿媽嘈過幾次交。直至某一日佢喺街上面忍唔住眼淚,喺我面前默默流下,我就知道….我做錯了。 – 回想起我一直以嚟對佢嘅態度,真係虧欠左佢好多,一個咁好嘅女仔,竟然浪費左一年時間陪我呢個咁差嘅男仔,真係好自責。上個月佢開始考dse,我仲要佢同我日日facetime….平時我見佢鍾意某樣嘢,我就會偷偷地送比佢,但係佢並唔係開心,佢係心痛多過開心。佢話唔值得買咁多嘢比佢,啲嘢又唔係特別需要(例如公仔,figures),反而想我好好儲錢,唔好花咁多錢落佢度,留返比我自己用…跟住佢幾個月前確診左,佢好返冇幾耐我又叫佢陪我出嚟,點知過多幾日佢又發高燒同喉嚨痛,不過今次只係普通感冒。病到咁佢都係冇怪我,反而怪自己容易病…佢越維護我,我越覺得內疚😔 – 呢幾日我同我老豆好好傾過,佢自己都覺得我女朋友呢啲好女仔其實應該值得更好,佢面對緊嘅學業壓力,家人壓力同埋我之前比佢嘅壓力實在太大,我好怕佢會兼顧唔到,會崩潰,所以我曾經諗過,「放生」佢會唔會令佢冇咁大壓力？我真係好鍾意佢,由始至終我淨係愛佢,錫佢一個,佢都係好錫我,好照顧我,冇女仔可以代替佢,我真係好唔捨得…但係我諗深一層,如果佢未來跟我過人世,佢唔會有幸福😔我嘅存在只係拖累緊佢… – 「你會唔會想我放你走？😔😢」 「唔想，無論你係點，我都一樣愛你！」 「但係我之前真係忽略你感受…成日迫你陪我…對唔住吖😭😞」 「每個人都有缺陷，應該接納同包容，就算你話你成日迫我陪你，你為左我可以連命都唔要，證明你真係好緊張我，同埋你夠專一，心入面只有我一個，我係感受到的🥰有邊個男仔會好似你咁真心愛我？傻瓜，有你真心愛我就足夠，就滿足了❤️」 「寶貝，多謝你….😭😭我應承你，我會做一個稱職嘅男朋友，好好保護你，好好改晒我嘅過失，唔會再令你受苦！」

#NSS個人 [Guest] ｛今年17就嚟18 但係不幸意外懷孕｝ Hello大家，簡單介紹一下自己先， 小妹今年17，讀緊書，有個一齊左差唔多一年嘅男朋友，感情穩定。 是咁的，上個禮拜同男朋友去行街，之後去左食dinner，上到去佢屋企 就當然會有好幾次上床，佢爸爸媽媽返左工，所以屋企冇人，平時同佢做都會帶套既，不過唔好彩咁上個禮拜做嗰陣，個套穿左，所以啲精留左入去我入面，我哋兩個都好驚，唔知點算。 之後上網search可以去家計會睇醫生同埋食藥，不過要帶埋身分證，但係問題係之前某啲原因，阿媽收左我張身分證，我攪盡腦汁諗藉口問佢攞返，但係唔成功，直至隔左5日左右，都係冇得攞返，不幸地已經過左食避孕藥時間，然後不幸地意外懷孕，咁依家唯有做終止懷孕療程，食藥就三千幾，做手術就過成萬。 咁我自身健康符合食終止懷孕既藥或者做手術，不過始終手術風險高同埋貴，所以決定食藥，至於價錢方面男朋友就負責比，因為佢有返part time，嗰日開始佢就成日怪責自己。 依家個心好亂，我怪自己當初冇同阿媽講發生咩事，搞到冇得攞返張身分證，但係同時間又怕坦白，佢會好嬲好嬲，亦都怪自己雖然做足安全措施，但係之後都中左，依家幾乎每一分每一秒都擔心緊呢件事，男朋友都係，如坐針氈。 求admin po🙏🏻

#NSS學校 [秀茂坪某女校] 投稿日期： 2022年5月14日 大家好，小妹係秀茂坪某女校嘅學生，我哋學校最近有個男老師上某班f1堂嗰陣睇AV，4p嗰隻，仲要扯咗，要拎本書遮住下面走，俾同學發現。之後嗰位老師首先做嘅事係滅聲，要求啲f1暫時唔好係網上討論，話因為呢件事好嚴重，會影響外界對學校嘅印象。 依家過咗咁多日都仲未俾全校咁多同學一個解釋，其實呢個老師都唔係第一次，啲grad咗好耐嘅師姐同高form都講佢有前科，但係到而家都仲可以冇事繼續留喺學校教書。既然佢性上癮到忍唔住要喺上堂嗰陣睇av，又喺學生面前扯旗，有冇人估到下次會發生咩事？會唔會佢之前已經對啲學生有咩想法？冇人知。有個咁嘅老師喺學校同大家一齊生活，大家都係女同學，唔驚咩？ 最令大家嬲嘅係學校嘅處事態度。老師做錯嘢，學校唔係嚴正處理，而係包庇做錯嘢嘅老師，一心想息事寧人，隱瞞事實，完全冇考慮到學生嘅利益同感受。 反而學生勇敢講出嚟就係影響校譽，咁樣合理咩？ 其實學校一直以嚟做事都甚少考慮學生的利益同感受。正如之前好多嘅欺凌事件、偷錢，學校根本都冇正視過，甚至仲會話係受害者嘅錯。反而着錯pe衫，著街褸返學，冇帶校章呢啲小事就捉得好緊，但係反而啲嚴重嘅事就滅聲、包庇，想息事寧人，呢個係作為一間學校作為老師作為高層應該要有嘅處事態度？ 學校越係想隱瞞，我哋就越要發聲，有f1話將呢件事對外全開之後驚會被學校處分，其實就係因為間學校有問題先會令同學連講事實都會驚被處分。但係我哋冇錯，錯嘅係嗰個老師，學生只係講事實，點解要驚？ 之前就老師貪污，而家就當住f1學生睇AV。 可能大家嘅印象仲停留咗喺以前，仲覺得呢間係一間校風好嘅學校，有咩「秀茂坪女拔」嘅稱號，而家講出去真係笑死人，就快丟架到唔敢認自己係呢間學校嘅學生🤦🏻‍♀ ️面就人哋比嘅，架就自己丟嘅 都唔係第一次，希望嗰位老師同學校真係可以好好反省下 同校嘅同學，唔好覺得咩「校醜不得外傳」，覺得啲人對我哋學校印象點樣，會唔會以後冇人夠膽揀我哋學校，如果真係為同學好嘅，為未來啲師妹好嘅，就更加應該將事實話比更多人知，俾人知道我哋係反對學校呢個做法。而唔係你哋都隱瞞埋一份，一齊包庇呢間學校，呢件事已經唔係一粒花生咁簡單，係關乎到同學嘅安全，後果可以好嚴重。 sor for 1999 雖然真係好1999但係都多謝大家睇到嚟呢度 ps. 唔知出po嗰陣學校肯處理未，但到投稿嘅目前為止學校係完全冇想處理嘅諗法，距離事件發生都已經過咗好幾日，希望學校盡快處理，呢件事真係令全校上下好不安

[GUEST] 好奇問下係外國讀書嘅各位 你哋會寧願識返香港人定外國人？

#NSS個人 [Dllm] 「屈住屈住」 就係之前同一個朋友發生咗一啲嘢 – 每次我講啲咩佢都會衝出嚟*我 可能你話我玻璃心）但係佢唔止針對我 我身邊嘅人都針對 咁我返學就冇同佢講過嘢 佢仍然針對我？？？唔知我做咗啲咩就令佢憎死我(༎ຶ ෴ ༎ຶ) – 咁好啦我而家就已經開始同佢絕咗交咁 咁我ig好多都係日系偶像 咁佢就係唔鍾意嗰啲 我只要鋪一鋪佢就會話咩核突 咁一定會有haters咁我就冇乜所謂 – 然之後佢個歐美偶像畀人鬧 就會即刻衝出嚟* – 每晚我個心情都係瞓唔著 成日屈住屈住 又唔夠膽同屋企人講

#NSS學業 [GUEST] 小妹今年f2，學校參加左byod計畫，中一入學阿媽話唔想拎多部ipad返嚟，用屋企嗰部就好（但明明我係全津，可以免費攞ipad）於是咁，我宜家一直用緊ipad5。 初初都唔覺得有咩問題，都係咁用。但老師有時會send softcopy比我地做功課，而ipad5又唔用得apple pencil，搞到我要去買一支模擬手指嘅電容筆返嚟頂檔。但枝筆用嗰陣我隻手唔可以放喺ipad上，而且延遲同移位都好嚴重，做功課嘅時候好唔方便。平時想用ipad記下筆記都唔得，明明有ipad，但又好似冇，好後悔點解中一嗰陣唔說服我媽拎部ipad返嚟。 宜家我想為左枝apple pencil去換部ipad，但我部ipad性能上仲好好，唯一缺點就係內存得32GB，我宜家已經用左30GB。大家覺得我為pencil去換ipad值唔值，因為冇pencil真係好唔方便，但我覺得我阿爸阿媽又唔會比我換，想徵求大家意見。 Sor for 1999 麻煩Admin出post