#NSS社會 [Guest] 篇文並非本人打的，政府成日話醫療系統崩潰，要保護香港因而清零，所以想大家睇下真正站在醫療系統最前線嘅醫護人員嘅真實想法(僅供參考)，亦建議猶豫緊打唔打針的人好好權衡自己情況同問下私家醫生意見先🙏(數字有些少outdated🙏) 【長文】我係一名醫護，想同大家探討關於打疫苗呢 件事。 第五波疫情爆發以來有1500名確診，只有5名確診者需要接受氧氣治療，一宗Delta個案為危殆，呼籲長者去打針。但你地知唔知其實自從推行疫苗注射計劃以來，有好多中年同埋老年嘅病人或者本身非常健康嘅長者、甚至三四十歲嘅人打完針之後突然入院。佢哋本身冇長期病，但好多都因為急性心臟問題或者器官衰竭而過咗身，而家已經冇新聞去報道，但公立醫院嘅所有醫生護士大家心中有數。當然，作為醫護界一員，我仍然鼓勵大家接種疫苗（雖然事實擺在眼前係打咗三針依然可以感染，只係症狀相對上比較輕微），但懇請各位仲未打針嘅人小心評估定三思閣下對於打疫苗後的健康風險。 另外，香港Omicorn重症率0.3%就係事實，香港Omicorn死亡率0%又係事實。香港大學微生物學系教授袁國勇曾經公開地表示打唔打針係市民嘅自由同選擇，而且人嘅性命係物競天擇(“Survival of the fittest”)，你唔打針又中咗兼且重症入埋醫院最後喪失性命係你嘅個人選擇，點解而家要迫全香港人打針？ 請問Omicron幾多單重症？事實係入院係可以唔需要用藥（或者醫生都唔想開藥俾你），訓幾日就可以出院，咁係屋企訓都得（咁當然要睇吓確診者屋企嘅環境因素作決定），但而家係格硬逼輕微症狀或者冇症狀嘅確診者入院然後話影響醫療系統。呢一個星期每一日嘅個案破百，今日甚至超過300宗，局方終於都開口承認話會有應變方案，但原來所謂嘅應變方案係將竹篙灣變成接收病徵較輕嘅確診者，而緊密接觸者就佩戴手帶留喺屋企進行家居隔離，呢一啲就係陳局長所謂迅速嘅應變措施？順帶一提，曾經有做紀律部隊嘅朋友而又被調配去聯絡疫情初期由外地返港進行家居隔離嘅人士，其實有好多帶住手帶嘅人，都可以輕鬆咁將條手帶除低放喺屋企，然後出咗街買嘢食。每當佢哋收到政府人員打俾佢哋嘅電話或者短訊嘅時候，佢哋會一早將已經影好咗屋企嘅相片發送出去，當然政府人員睇到相之後就close File，覺得佢哋都仲係乖乖地留係屋企進行家居隔離。 順帶一提，上年財政預算案，陳茂波成日都話要守住個庫房，但就不停撥款去起大白象工程（港珠澳大橋、高鐵工程、遲啲甚至會有大灣區同埋北部灣都會發展etc)，甚至撥款80億比香港警務處嘅國安部門。明明香港公立醫院醫療系統即使唔係流感高峰期，都瀕臨系統爆煲（仲要唔係一時三刻嘅事情，同埋每日有150個單程證香港人嚟香港之後仲可以成為香港永久居民同你一齊爭公立醫療服務），但到底幾多撥款係真正落到去醫療系統，而落入咗去公立醫療系統之後又有幾多係真係去咗clinical setting同clinical operation，各位公立醫院前線醫生護士大家心中有數。 1) 關於打針方面： 作為醫護界嘅一員，所有急症室、急症室病房、內科、心臟科病房嘅醫生同姑娘都應該好清楚每一個月、每星期甚至每日都有男女老幼嘅市民打完疫苗之後不適入院，好多Cases HA並冇對外公布相關消息。仲有一開始香港政府表示打疫苗係可以防止感染新冠肺炎，但呢幾個月已經清清楚楚咁證明比香港市民睇打咗疫苗並唔可以100%防止感染，所以政府已經開始改口風，表示打針唔係為咗防止感染新冠肺炎，反而係可以減低感染新冠肺炎後嘅病徵及潛在嘅併發症。 2) 關於打疫苗然後放寬社交距離措施： 陳局長曾經講過如果香港有七成人口接種左疫苗，就可以放寬社交距離措施，但事實係而家有八成人口接種左疫苗，佢就突然改口表示要九成香港人口接種左疫苗先至有機會放寬社交距離措施，請問到底有冇任何科學根據去放寬社交措施？ 另外，袁國勇教授曾經表示香港政府必須要向以色列政府學習，推行疫苗護照。但係根據《紐約時報》報導，有以色列嘅科學家表示當打第三針或者第四針嘅時候反而會削弱年長族群人體嘅免疫系統，令到你身體更容易感染新冠肺炎。大家再仔細睇一睇以色列當地嘅數據，就可以發現即使有七成嘅以色列人已經接種加強劑，感染率同死亡率不跌反升，以色列政府已經決定取消疫苗護照計劃。袁國勇教授，請您看清楚以色列嘅現實情況，謝謝您！ 3) 關於一班政府的抗疫專家：
#NSS個人 [「那一天像知己喜歡你」] 轉眼間就快到我嘅last day，要面對嘅始終都要面對。喺幾年前，我鍾意咗我一位好好嘅同性朋友。但當時大家都唔夠成熟，而且我都冇信心可以發展成情侶關係，所以我選擇咗隱藏呢份心意，繼續默默咁喺佢身邊做一個好朋友。但嗰份心意始終都好想轉達比佢聽，即使冇任何結果都好，所以嗰陣就同自己講，去到last day嗰日就同佢坦白。 呢幾年，我哋嘅友誼有增無減，大家都好了解對方，有好多野都會毫無顧忌咁同對方坦白傾訴，雖然有時我哋之間會flirt下對方 但依啲佢只係會當玩，唯獨係我鍾意佢呢件事冇好認真咁講過，令到我覺得我哋嘅關係總會有層隔膜，因為我有事隱瞞緊佢，冇辦法做到一個真正嘅知己。 雖然過咗咁耐，我已經放低咗初初好鍾意佢嘅嗰份感情，依家我只係好想一直成為一個同佢無所不談嘅好朋友。但係人總係好矛盾，我仍然好想俾佢知道我曾經的心意，但又好驚佢知道左之後我哋嘅友誼會變質，關係會變得疏遠。 所以大家覺得我應唔應該同佢坦白？🙏
#NSS學業 [SSC ] 麻煩admin一定要post 關乎生命急需召集意見🤯 前言 小弟中二，成績唔算名列前茅但唔係差，出生於一個較為富裕嘅家庭（並非曬命）我學校可能對於某部份人都較為陌生，輕輕介紹我學校，全港最大/數一數二貴學費嘅中學，有119年歷史英文直資學校（全港排名24 B1b）不嬲偏向國際風，外界稱之貴族學校，冇錢幾乎讀唔起 主文 由細到大都好想去外國讀書，當初揀呢間學校嘅原因都係因為有IB而且又有就去外國讀書，但呢一年學校轉左一個新嘅grading scale，根據網上資料，佢幾乎係比DSE本身嘅標準仲要高唔少，得少部份同學可以攞到B/C ，而絕大部份人只可以攞D/E， 結果派成績表我Overall grade 攞咗D，聽老師講如果繼續落去，好大機會留給，所以我諗緊不如去第二度讀書 我哋學校一年學費72,000仲要係未加雜費，加埋起碼100,000或以上，比起喺香港都要嘥咁多錢讀書倒不如儲起來去第二度讀，我有同阿媽講過，但係因為佢覺得疫情嚴重，加上聽講座話去外國讀書嘅講咗話最好係中四，所以唔可以依家走，當堂夢想即刻破裂，等於我最少仲要留喺香港多三年幾，香港教育制度根本比唔上外國，有資質嘅老師一早都走咗 我真係好希望可以離開香港，使想浪費父母啲錢，我住九龍區冇住宿，屋企為咗令我返學放學冇咁辛苦專登請咗一個司機人工，車費隧道費郵費，計過一年起碼30幾萬，全部都係錢嚟㗎，香港比咁多錢讀書值得咩？ 希望各位可以俾啲意見我，有啲咩地方讀書可以唔使出咁多錢或者留喺香港嘅解決辦法 多謝各位睇到呢度，對唔住文筆唔好 麻煩Admin請盡快出ig post😰唔該 想了解學校我學校可以睇呢條link或查維基百科 https://www.schooland.hk/ss/ssc
#NSS個人 [GUEST] Admin po ig thx🙏🏻 深夜打嘅純發洩文 唔想睇可以走先 成日覺得自己好廢，以前係港隊都可以話自己有一技之長，宜家重要嘅比賽又唔知點解失手，輸咗畀班粉腸，又拖累埋成team人嘅分數，晉級唔到。之前讀傳統名校，成績都還好，大概中游，但係宜家移咗民，學校唔用textbook唔派notes, 上堂聽書又唔畀時間抄notes, 都唔知點温書好，尤其數學真係好chur. 過到呢邊一個可以慢慢傾心事嘅朋友都冇，又驚其他人覺得我因為咁少事而唔開心會好懦弱，同老豆老母講又淨係叫我忘記背後努力面前。邊有可能話忘記就忘記，努力面前又淨係同我讀要勤力讀書上大學。有時我覺得我只係一個浪費社會資源嘅廢柴，死咗對個地球更好。小學嗰陣隔離班死過人，第二個禮拜返學嗰陣，啲人都好似唔記得咗死咗嘅呢位同學，繼續正常生活，我諗我死咗啲人都唔會care, 最多咪傷心一個禮拜咪move on，阿爸阿媽又唔洗養我，慳返啲錢。有時望住把刀/𠝹刀就會想像𠝹落隻手度會幾痛，應該就算有傷痕都唔會有人理。 Sorry for 1999+晒咗大家咁多時間睇我篇廢文🙏🏻
#NSS個人 [GUEST] 對唔住各位，我真係太多嘢積存咗喺個心入面un住un住，可能表達出嚟會令我舒服啲。 就係咁嘅，小弟就2023dser，未到17，平時都幾開朗(不是重點)。呢排嘅我有種感覺，好強烈，係湧出嚟，我唔識形容，我分唔清係咪我對自己嘅執着。 不論係人際定學業，都關關地事。 話說以前嘅我到而家都覺得食煙、飲酒、拍拖、破處係人生大事，全部應該16歲或之前做嘅，因為咁嘅人生先至完美。食煙做過，飲酒做過，唯獨後面嗰兩樣做都未做過。 我有時碌IG都會見到「Bb我愛你一生一世」、「我哋今晚扑嘢la」之類嘅post ，我通常都真接略過，但係碌走咗之後仲係有種餘韻(明嘅會明)。 或者啲街訪會問啲人「你第一次拍拖係幾時？」點知個個都答：「14」、「13」、「15」…… 我：「未有」 或者「你初夜係喺幾時？」已經估到：「14」、「16」……我：「未有」 望住IG女神，呢種眼神都係第一次見，點解一個16歲少女會咁完美架，以為佢single，點知原來已經心有所屬。 交友app Done , IG交友投稿 Done ,課外活動 Done 。一個，一個都冇，冇人like ，冇人有興趣。 有次我真係唸住求其搵個人破左佢算，點解冇做，因為冇人睇上我囉⋯⋯ 我去咗廁所照鏡。呢啲機會果真唔係屬於我架。此刻，我完全明白阿源嘅感受，真係好好好絕望⋯⋯ 差唔多17啦，我已經放棄咗人生，我輸人地咁多，我接受唔到我咁唔完美，就算16之後有施拍，我都應該感受唔到快樂。 另外，我只係得一粒朋友，而且只係傾計打機嘅朋友，查實我並唔係好了解佢，可能當初識嘅時候，只係可憐我得自己一個人先走過嚟陪我傾計。
#NSS個人 [GUEST] 就係咁嘅，話說呢，我大約舊年年頭同學校一個同學friend咗，而且係無啦啦變到勁friend嗰種，但係點知呢個就係惡夢嘅開始 佢自從識咗我之後好似恐怖情人咁，日日stalk住我，即係因為我哋而家online上堂嘅，所以平時都好少機會出嚟見面，然後佢就數住我哋有幾多日冇見過，我唔知好親嘅朋友會唔會係咁，但係對我嚟講真係好恐怖 因為我哋有打同一隻game啦，所以平時都會約埋一齊玩，但係佢係恐怖到差唔多每日都搵我玩，一玩就係around四個鐘，仲要係call住咁樣玩，我唔知對佢嚟講有冇影響啦，但係對我嚟講我覺得真係好大影響🥲 仲有我唔知點解平時我要請佢，明明其實我都唔想，但係可能我太心軟，所以我就請好多次，佢就係可能請過我幾次咁樣，我本身其實真係唔介意請朋友嘅，但係我請佢嘅次數有啲過份多，多到佢好似叫我去買畀佢咁樣🤷🏻♀️ 總之佢就成日stalk住我，佢好似想我隔離啲friend全部遠離我，淨係得佢同我friend，因為本身我都有自己嘅小圈子，佢哋無啦啦有一日突然咁樣入咗嚟同我哋放學，最好笑嘅係佢都唔係幾鍾意我嗰班friend，仲要同我背後講佢哋嘅壞話，我都想擺脫佢，因為真係太恐怖，但係我覺得真係開始有啲恐怖情人嘅感覺
#NSS學業 [GUEST] 小弟今年中四，讀Phys chem m2，語文科一敗塗地，數理科勁到痴線。 當中數理科嘅所有嘅課題已經學曬，做埋past paper。 自從上年四月，垃圾教育局將我哋嘅課程「一改再改」，我哋嗰級簡直係做白老鼠。 中文冇左我初中成日用嚟拉分嘅卷三同卷四🥲 學校就狂搞我哋嘅寫作(呢個好正常)，我卷二就係好廢，無論任何文體都唔識寫…… LS變咗公社😐雖然公社喺dse係唔計分，但係學校計分仲影響排名，咁同通識有咩分別？除咗唔計分，完全冇乜分別(不如唔好改) 所以我想問下大家要點樣先可以教一救語文科？數理科點樣keep住唔好退步？如果做練習，你哋會推介啲咩練習？
#NSS學業 [GUEST] 小弟今年中四，讀Phys chem m2，語文科一敗塗地，數理科勁到痴線。 當中數理科嘅所有嘅課題已經學曬，做埋past paper。 自從上年四月，垃圾教育局將我哋嘅課程「一改再改」，我哋嗰級簡直係做白老鼠。 中文冇左我初中成日用嚟拉分嘅卷三同卷四🥲 學校就狂搞我哋嘅寫作(呢個好正常)，我卷二就係好廢，無論任何文體都唔識寫…… LS變咗公社😐雖然公社喺dse係唔計分，但係學校計分仲影響排名，咁同通識有咩分別？除咗唔計分，完全冇乜分別(不如唔好改) 所以我想問下大家要點樣先可以教一救語文科？數理科點樣keep住唔好退步？如果做練習，你哋會推介啲咩練習？