#NSS個人 [Guest] Halo,小妹 F.1啱啱升上中學有件事都困擾左我幾耐，但我搵唔到渠道黎真真正正咁抒發我嘅感受，所以我決定喺度投稿.我由細細個開始，表達能力已經唔算好，加上太怕羞，同埋太內向，同人溝通有少少問題⋯⋯ 所以升咗上一間外校生比較少嘅中學 ，一開始都有啲驚，好驚我識唔到新朋友. 但冇諗過呢六個月就咁快識到一班朋友 我本身都好開心 但我唔知點解成日覺得有人針對緊我係我背後講緊我壞話，唔知點解想挑撥離間我😰 我都知我自己唔應該咁諗，因為我冇證據指證到人，但係唔知點解硬係有呢種感覺 我係識到幾多朋友，但覺得同佢地點都唔係幾熟，同埋加上我本身性格唔討好，佢哋好似唔係幾鍾意我咁 我本身有諗住自己約佢哋出嚟玩，但我次次都唔係幾敢 通常都係佢哋叫我出我就會出 成日就會有種孤獨嘅感覺 於是我就不斷游說自己依然有朋友，只係未同佢哋咁熟 我亦都有嘗試唔好因為呢件事而影響我自己生活嘅其他方面 所以習慣自己喺讀書方面chur 盡晒自己 我成日都要求自己做到最好 因為我覺得自己已經係人際方面唔係收穫到幾多快樂，就要由讀書方面帶比自己滿足感 學期頭都讀得幾開心，成日有好成績 但去到今次Exam唔知係我太大壓力定係點 我發揮唔到我應有嘅水準 於是就成日因為成績嘅問題 過咗成個月都仲係好擔心
#NSS學校 [Guest] 大家好，我今年中二，啲同學/老師成日叫我「有錢人」真係好煩惱。（長文+1999 sorry) 首先，我所講嘅說話絕對冇曬命嘅意思，如果有任何冒犯，喺度講聲唔好意思。 我哋成日都要上網課，而我哋上網課嘅時候要開cam（包括體育堂、家政堂…），所以我哋會睇到對方嘅屋企環境。 有次體育堂話跳繩，我驚整到盞燈所以去咗後花園嗰度跳，點知個體育老師叫我出街跳繩，要戴口罩，咁我就同佢講呢度係我屋企，跟住嗰啲同學係開聲係咁喺度WOO～ 就係呢件事之後，啲人開始注意我，話我「有錢人」，我好開心終於喺間學校度叫做有人識我，但呢個絕對係一個困擾。 第一，佢哋成日覺得我係大小姐嗰啲，之前復課我做科長要負責出去派嘢，佢哋就話「唔敢勞煩你大小姐幫我啦」。如果我話想同佢哋一齊打排球，佢哋又會話「呢啲嘢整親你大小姐就唔好啦」我聽到真係好唔舒服… 第二，佢哋會覺得我睇錢好低，有一次啲同學（唔小心）將我部電話揼咗去公園啲噴水池，但佢哋竟然一啲內疚都冇，同我講，話我咁有錢自己買多幾部都得啦。仲有之前要交班會費，有個同學話佢冇錢，佢啲friend竟然直接叫我幫佢俾埋，仲要唔止一次係咁。 因為我哋大部份同學係小學直升中學，所以大家本身都識，加上成日都上網課，根本我同佢哋都唔會熟，但我又好怕冇人同我玩、食嘢、做group project 嗰啲，所以明知佢哋係搵我着數所以先肯同我一齊玩，我都唔介意，但係其實我好唔開心，佢地幾乎餐餐都要我請佢地食飯，有時又話睇啱啲乜嘢，叫我買比佢地。 真係唔知點拒絕佢哋好，得罪咗佢哋我都唔知點樣喺呢間學校再立足，好想轉校😭😭