—類投稿

#NSS愛情 [GUEST] 長文慎入 小妺係bi，最近有件事令到我好煩惱，我唔知我係咪鍾意咗一個我唔應該鍾意嘅人。上年暑假我識到佢，佢都係女仔，開頭識佢嘅時候都對佢冇乜好感，仲覺得佢有少少煩成日黐埋嚟整我。由於我冇乜朋友，但係佢又好熱情、好好人成日Send message搵我，咁佢就變咗我平時唯一會傾偈嘅人。我同佢越嚟越熟，成日同對方講笑，就好似有時我講錯嘢激嬲咗佢(佢唔係真係嬲 係講笑)，咁我同佢道歉，佢就會話我叫佢老公嘅話就唔嬲。咁佢要我叫佢老公咪叫囉，反正都係講吓笑。佢平時臨瞓前會同我講老婆晚安，咁我都係覆返晚安，但係唔會叫佢老公，因為我覺得無端端叫佢老公好似好怪(嗰陣時我仲未鍾意佢)。 開頭我哋都係叫下對方老公老婆咁，但係去到後來我哋WhatsApp講嘅嘢越嚟越曖昧，會同對方講我愛你，又會話我哋拍拖咁，仲有其他不過我唔寫啦。嗰時我已經開始鍾意佢，每日都好期待佢同我傾偈、講晚安，如果佢冇搵我嘅話我會唔開心，但係我唔知點解我又唔夠膽主動搵佢。 我唔知佢係咪真係鍾意我，雖然我哋平時傾偈嘅內容好曖昧，佢亦都話自己係bi 嚟。其實我都唔知佢同我講嘅嘢係認真定講笑，我問佢係咪真嘅時候佢會答係，但係我始終都係覺得佢同我講緊笑。(我唔知係咪我太多疑) 有次我哋傾電話嘅時候，應該大概講到拍拖嗰啲嘢嘅時候，我記得佢講咗一句「但係你係女仔嚟」，呢句我好深刻，我諗咗好耐都唔知佢呢句嘢嘅真正意思。究竟佢嘅意思係因為我係女仔所以佢唔會鍾意我？定係因為我哋係女仔所以喺香港好難拍到拖，屋企人都會反對，所以冇得拍拖？ 另外，佢而家只係初中學生，已經拍過一兩次拖，我唔係覺得細個拍拖唔好，但係我覺得細個可能仲未清楚自己鍾意啲乜，可能佢未必真係鍾意我。因為我希望拍拖係一件認真嘅事，而唔係玩玩下。我相信每個人都希望自己嘅愛情可以長久，都唔希望大家一齊咗好耐先發現原來自己唔係真係鍾意對方。 去到最近佢同一個男仔一齊咗，佢喺WhatsApp度同我講，我好唔開心但係嗰時我上緊zoom要開cam，如果喊出嚟嘅話一定俾人睇到，喺等落堂嗰一個鐘入邊我都有繼續同佢傾偈，但係我成個身係震晒咁，一落堂我就即刻忍唔住爆喊，跟住嗰幾日都勁頹，去到嗰刻我再次發現自己真係鍾意咗佢。既然都已成定局，我咪祝佢同佢男朋友99，但係佢就話想同我99，咁我問佢點解要同佢男朋友拍拖，同我一齊咪得，佢就話因為無聊得滯，仲話我哋一齊嘅話佢可以同佢男朋友分手。 你講到你好似唔係特別鍾意你男朋友咁，我唔知你咁樣講係咪因為你唔想我再問你關於呢啲嘢，定係其實你真係唔在乎呢段感情。你平時成日都話鍾意我，但係到頭來你又同左另一個男仔一齊，如果你唔鍾意我啲咪直接同我講囉，唔使俾假希望我，咁樣只會令我更加放唔低你。 無論你係咪真係鍾意我都好，你做咩決定我都會支持你。如果你真係鍾意佢係話，咁我祝你地99，我會自已慢慢放低你。如果你只不過係太無聊而同佢拍拖嘅話，我希望你有一日知道我真係鍾意你，我亦都希望你平時同我講嘅每一句我愛你都係真嘅。如果你睇到呢篇嘢嘅話，而你又唔係真心鍾意你男朋友，咁我勸你哋快啲分手，畢竟我覺得愛情呢樣嘢真係唔可以攞嚟開玩笑。最後，我想同你講老公，我愛你。 Sor for 1999 中文差 多謝每一個睇到呢度嘅人 你哋每一個comment我都會睇

#NSS學校 [最近學校有好多大陸老師] （唔想睇咁多字可以直接係〔問題〕果到開始睇）我係呢到直接講啦⋯我今年F3，而我老豆阿媽同我全家都係香港出世長大，冇返過大陸住，同埋基於我阿媽唔鍾意簡體字，所以我平時睇簡體我都係估估吓，啫係根本其實就係唔識同冇讀過有關簡體字嘅嘢。 咁其實學校有大陸老師我平時係完全唔覺得有咩問題，我都係嚟讀書啫。我本身乜技能都冇直頭廢到冇得再廢所以咪要自己好好地讀書。 但係學校老師非常有問題，但因為我想挑戰自己耐力同埋覺得自己要跳出舒適圈，如果唔係大個之後就越嚟越玻璃心，所以就算我阿媽嬲到要我轉校，我都話我讀得好開心。 〔問題〕 但係今年突然間有大概好幾個大陸嚟嘅老師嚟，佢地大部分時間係寫簡體字，我成日都要舉手問老師果個字係咩意思。然後我宜家簡體繁體亂曬⋯⋯ 繁體簡體呢d嘢都算其實都未算大問題。但係d老師個個都唔識講廣東話。我班主任兼訓導組老師，佢係今年先入職。上次發生咗d嘢，跟住比訓導組捉左落訓導室，我只係旁觀者，我冇參與過但比老師誤會，我駁命解釋，但係最後就因為班主任講唔到廣東話，而我又唔識普通話，雞同鴨講咁，我比人記左警告⋯⋯（ps.我阿媽最後打左翻學校鬧佢，完全唔理佢聽唔聽得明廣東話一味狂鬧，取消左警告） 老師們聽唔明又唔識講，最後仲要用佢大陸學校果套校規罰我地，明明我地冇犯校規。自從佢地嚟左之後，我地班學生365日24小時幾乎都係比d大陸老師罰（因為大陸學校嚴⋯）問題我地校長又唔理⋯d老師咪得寸進尺囉。咁其實我小學有學過普通話，唔係完全聽唔明，但係老師應該係北方人，講嘢好lur仲要一大堆兒化音，我聽到一舊雲咁。 長篇大論講完啦，我淨係想講，老師你落嚟香港教書可唔可以搞一搞廣東話基礎。我地學校有個老師講廣東話唔好，我地都唔會笑佢啦，老師學都唔學吓⋯我地班有大陸人啫，但唔代表冇香港人。同埋麻煩，我地學校其實有校規，唔好用你果套連呼吸都犯校規嘅規則去懲罰我地⋯⋯

#NSS學校 [mossjss] 本人為該學校中三級生，本人想討論該校一位老師的行為毫無意義亦極具侮辱性。 彭xx老師於本年開學至今不斷貶低自己班的學生，當中包括本人，其說話更是有歧視成分，「你哋咁勁咁有錢嘅嘅，咪去讀國際學校去外國讀書囉」「你哋今年一定升唔到班，就算今年升到出年都一定升唔到，你哋咪慢慢捱囉，我都差唔多退休囉。」不但貶低學生自信，更揶揄學生只是因為經濟上無法負擔而選擇該學校，不但嘲笑學生，更詆毀了該學校。 另外，此名老師長期於收功課時間耽誤學生上課，以「守規矩」為理由，奪取學生上課時間，並且更於放學時作出無理要求，例如鞠躬後必須要所有人站穩才可以放學，或者離去時桌子及椅子不能有任何偏差，甚至把大部分重要事項拖延至放學時間再逐一通知，嚴重延遲學生放學時間。 冬天某個早上，該老師更命令自己的學生必須在小食部收功課及待他通知才可排隊並上課室，不但沒考慮天氣狀況，更沒顧及學生感受，甚至耽誤上課時間，據本人所知，放假後便開始考試，但有些課程尚未好好跟進，所以希望學校跟進。 另外，該名老師喜歡以過份嚴重的懲罰或誇張的言語恐嚇學生，「如果你欠交功課我唔敢擔保你可唔可以升班」，其意思與之前「唔交功課記小過」異曲相同。 以上僅冰山一角，望學校改善，亦請不要猜測我是誰。

#NSS個人 [女校] 小妹今年F.1,中學開學到呢家，我都覺得好冇安全感同自卑，總覺得自己唔屬於間學校，家人成日同人講我入左呢間學校係因為’好彩‘ 令我覺得自己會讀唔到等等。大約2個月前，我開始出現瞓下醒下嘅情況，每晚都會醒3-4次，甚至5次，個感覺好辛苦。可能因為唔夠瞓，做功課溫書覺得好似有個人同你講：你係呢間學校讀唔到上去㗎又或者你讀書都係為其他人㗎咋。瞓係張床到就會聽到：你今晚冇覺好瞓…. 每日都係咁。我有咩方法可以解決到問題。

[guest] 係咪我太冇膽？ hello大家好，小弟今年form 5，近排開始煩同friend去外國升學嘅事。 本身我間學校嘅風氣都麻麻地好，所以入面識嘅friend大多多都懶懶閒，我都跟住佢哋一齊頹，結果開始係咁拖功課，只求做完就算。我一直都覺得咁樣落去唔係好事，同埋我屋企雙親都係啲比較保守同老實嘅人，所以我hea極都唔敢令佢哋失望。 但係我呢排開始想諗去加拿大升學嘅事。我都有喺屋企嘅人講，佢哋都好支持。我阿媽甚至即刻走去問啲同事同朋友，問下佢哋升學要做啲乜嘢、有咩要預備，仲緊張過我。我呢個時候先發覺升大學都有好多嘢要自己預備。 （可能有人喺度呢度已經估到我係邊個） 我亦都有同身邊其他人講我想去外國升學，先發覺原來我都有個friend（下稱A）都想去外國讀書，仲要同我去同一個地方，甚至有可能可以同一間大學。 我當時都好興奮，一齊dm果陣將我好多諗住去到外國嘅事諗法都同A講曬，甚至講到去一齊搵屋住，諗住橫掂離開香港，有個熟d嘅人陪下都好。但係當我講到升學嘅時候要“煩”嘅嘢，譬如預備ielts、dse嘅成績要夠好等等，佢就開始話咩都唔知，連揀咩大學都唔清楚（佢話懶得諗）。A仲話我事先諗咁多嘢做乜，因為而家疫情係咁變，plan乜嘢都嘥氣。 我唔知係咪因為太耐冇返學，成日困喺屋企，唔識同人講嘢，所以我第一個反應係諗住鼓勵下A快啲去做下research，同我一齊諗下去大學要做嘅嘢（幾時申請野、考ielts）。因為我知道我淨返form 5可以諗呢啲嘢，去到form 6要掛住衝dse我仲有好多嘢要補返。但係我諗返轉頭又覺得咁樣講好似太囉嗦，之後A就一句“是但啦，遲啲先諗”就offline咗。 諗返之前自己喺電腦度係咁search嘅大學科目要求、去埋升學talk、點樣騰啲時間時間出嚟考ielts，仲要煩埋自己啲使費夠唔夠企人負擔……我自問都對升大學付出咗一啲努力。睇番A，佢同我完全相反。佢新年假以嚟就差唔多日日出街，去到而家都唔係好擔心自己嘅成績咁，唔通升學真係冇我諗得咁複雜？ 其實我根本係咪唔需要煩咁多嘢？ 全部嘢順其自然就算？ 點解A咁懶懶閒都可以冇嘢好擔心？ 係咪我太細膽，咩都要事先plan好曬先？ 另外，有冇人有去加拿大升學嘅經歷？可唔可以解釋下預備升大學大概要做咩？ 求下各位解答我。

#NSS學校 [SLCXX] 只想要一個真心friend..一個就夠🙂比人講是非唔緊要，有人係背後搞小動作唔緊，只想要有一個人全力支持，陪我傾計，打機❤️‍🩹小弟已經f.2，我驚…再冇機會識一個真心friend

#NSS個人 [元朗某Band 1中學] 唔小心手殘撳錯掣，用左阿媽個Google Acc課金(有圖).D通知全部都入佢Acc，同埋都會有紀錄。已經Search左好耐都搵唔到解決方法。求各位識整嘅話幫幫手🙏🏻🙏🏻 Sorry For 1999 求Admin Po Ig Thx🙏🏻🙏🏻 圖Link: https://ibb.co/J7RyCns

#NSS個人 [GUEST] 講吓背景先 小妹07 有個03嘅阿哥 我地細個到依家都相處得好好 但係佢前兩年就去咗外國讀書 而我冇乜朋友（大部分去晒留學）所以我自己一個好悶 壓力大都冇人可以同我傾 （主要係唔想自己嘅事影響到其他人） 屋企環境唔算太差 唯一就係我同阿爸阿媽嘅關係唔太好 佢地好多年前已經離咗婚 阿爸去咗外國 我跟咗阿媽 所以依家就得我同佢兩母女係屋企住 我阿媽係我6年級嘅時候就開始飲酒 一直飲到依家 佢飲醉咗就會係咁鬧我 鬧完之後就訓 訓醒之後乜都唔記得 但係佢鬧我嘅嘢就算係好細微嘅事 例如冇執枱 張床好亂呢啲咁小嘅事都要鬧 （其實我只係冇摺被佢就話太亂）冇嘢鬧就搵返N年前嘅嘢係咁鬧係咁鬧

#NSS家庭 [GUSET] (求放ig)標題：我真係好辛苦，可以點算好 大家好，我今次投稿係嚟發洩一下同埋想問吓大家意見。第一次投稿，如果表達得唔清楚請多多見諒。（長文慎入） 簡單介紹吓背景先，小妹今年中二，有一個大我一歲嘅阿哥。父母關係唔係好融洽，一直有離婚嘅打算，聽佢哋講好似想我同阿哥大個啲先。 我由細細個開始就係比較百厭活潑嗰種人，而我阿哥比較乖，成績上都好過我。我由小學開始就覺得我阿媽唔算好鍾意我。可能係我阿媽心目中我阿哥乖巧懂事，而我只係一個惹佢討厭嘅麻煩。我阿媽對我唔係嗰種打我，虐待我，但好明顯感覺到佢討厭我。有時候明明係我阿哥做錯野，但佢冇睇清楚就打咗我先。成日聽到佢講「生個叉燒都好過你，離婚唔帶埋你走，早知唔生你⋯」咁嘅說話。可能有人話佢係一氣之下開玩笑姐。但我睇佢講既時候，個眼神係真係好討厭我嘅存在。平時我同佢基本上零交流，好似佢係我監護人而非父母。有時候叫佢，佢都只係求其覆啲嘢或者直接無視我。但同我阿哥就傾得好開心，好似我係局外人，領養咁樣。佢俾我既感覺係當我透明，後悔生咗我。 小學識咗啲捐友，吸煙喝酒界手嘅人。我父母係我小學嘅時候吵得好厲利，報警嗰種。有時候我阿媽甚至冇緣冇故就擺身邊啲野打我。本身自己係學校壓力大加上父母，就聽啲捐友講界手。小學自己唔識諗，面對偏心既父母，差唔多每日都吵架既家庭，係學校被人笑，就開始界手。嗰陣時情緒起伏大，會想將枱上啲野推晒落地下，之後就想喊，覺得自己好垃圾，好想死。覺得界手可以令我暫時冷靜。不過自從有一次界太深，身上留咗條幾明顯嘅疤就冇再界。之後我都一直著長袖，夏天都照著。有時會諗點解佢會唔知，咁係因為佢完全唔關心我。 佢望住我嘅眼神就好似望緊啲咩垃圾咁，覺得我既存在就係增加佢嘅煩惱。但佢對我唔係好差，都會俾錢我買嘢，同我同阿哥出街。但咁樣先係煩惱。我寧願佢打我罵我，我都有資格去憎佢。有時真係好想死，真係好崩潰。但係每次都諗起我已經好好，有屋住，有野食，可以買自己鍾意嘅嘢，已經比好多人幸福。好似有人係腦入面罵我唔感恩。 想問我咁樣係咪唔正常，同埋可以點遮界手疤。都好多謝大家睇到最後。希望冇表達太差🙏🏻

#NSS社會 [社會] 見好多人話咪撚打針，但其實 我地鬥得贏哩個政府咩？上街遊行咗咁耐 有改變過啲咩咩？打針係遲早嘅事，再講唔打針遲啲真係邊到都無得去日日屈喺屋企自閉仔，工都無得返，宜家街邊食個飯都罰啲平民百姓五千，遲啲捉到你唔打針，可能會強制你打針又或者唔打針罰你成皮嘢又點話？ 再講，人地要打針又關你撚事咩，要死未由人死囉