#NSS學校 [黃大仙區清水灣道某女校] 大家遇過最pk嘅老師係點？ 呢個bio老師jxxxx pxxx真係我遇過最pk嘅老師，個老師直頭係唔搵個人針對唔安樂咁，而我就咁好彩地係其中一個俾佢針對嘅人:) – 首先我每日上堂都feel到佢隻眼冇離開過我，好似無時無刻要睇住我做緊啲乜嘢，佢鍾意嘅人就做乜都得，上堂傾偈瞓覺做其他科嘅嘢佢都唔理。我隔離嗰個就都一齊俾佢針對，有時我問隔離嗰個幾句嘢，佢就即刻可以見到跟住就開始唔講嘢，望住我哋等全班都望過嚟，先開始鬧我地，但明明前後左右所有人上堂都難免會同隔離嗰個講幾句嘢，而我哋又唔係講得大聲，佢就淨係會鬧我哋。 – 落堂嗰時行緊出課室佢無啦啦叫我留低，跟住問我啱先上堂佢播緊片嗰時我喺度寫緊啲乜嘢，我就話我冇寫緊野呀，佢就話：「哦，咁你話點咪點囉，我都係問吓姐。」而我果堂真係好專心聽書，要抄嘅筆記都有抄低，而佢個樣完全就係覺得我一定講緊大話。仲有好多唔同發生係我frd身上俾佢屈上堂傾偈、瞓覺、發呆嘅事蹟。試過有人上堂拖住個下巴佢就話佢係暗住個口講緊嘢，揼低頭入個筆芯就話佢瞓覺。跟住有一次佢偏心嘅嗰啲學生做實驗嗰時滴到成地下都係水，第二個唔小心滴左兩滴嗰時咁啱俾佢見到，個老師就叫佢痞低將所有喺地下嘅水都抹乾淨，仲要話我唔理係邊個整總之你同我全部抹乾淨，真係完全冇諗住聽人解釋同覺得自己有問題。 – 最離譜係到F4 final exam之前，佢特登上堂break嗰時行過嚟問我有冇諗住drop bio，我聽到真係呆晒 因為喺我哋學校drop科唔係咁容易 而老師都唔鼓勵你drop，我嘅成績又唔係真係太差，我就答佢冇啊，咁佢就行開咗。到F5開學嘅時候，佢又走嚟問我：「咦，我以為你drop咗喎！」我真係打晒問號，我明明上次final exam個成績係有到average，即係肯定有人低分過我，但佢又冇問其他人淨係嚟問我。跟住佢就繼續問：「咁你覺得你而家學成點啊？」咁嗰時係啱啱開學一個禮拜，我就答佢我覺得OK啊，佢就話：「咁你都幾自我感覺良好㗎喎，咁你就繼續咁樣啦。」但新教嘅呢個chapter一次quiz都未有，佢係點樣知我唔OK???? 有識啲人係因為佢而冇揀到Bio，因為三個blocks入邊就有兩個係佢教，一俾佢針對就三年玩完。俾佢針對過真係有心理陰影，上堂郁都唔敢郁，問隔離句嘢都要睇佢有冇望過嚟，重點係睇住有啲人全堂講唔停都冇事…
#NSS個人 [GUEST] 唔知幾時開始，我習慣壓抑情緒 人究竟係咪要識得收埋自己，先算係成長呢? 我以前覺得委屈嘅時候就好鍾意喊，而家慢慢大個，唔知幾時開始我擅長或者習慣去忍耐負面情緒。我已經好耐冇對住人喊過，就算嬲都會努力忍耐，盡量用少講嘢嚟代替，令自己望落正常，因為我唔想畀任何人知我唔開心，唔想畀人覺得我脾氣唔好。 我開心自己進步咗，唔再好似以前咁發洩情緒，畀同學話淨係識喊，我喺人哋口中會係個開心樂觀嘅人。 予盾嘅係，我又有啲失落。真係好唔開心，忍耐唔到我嗰陣嘅情緒嘅時候，我衝動咁諗過打畀朋友，但冇理由要佢哋為我情緒負責。我打咗畀一個親密啲嘅屋企人，但我又開唔到口，我驚我一開口就會暴露自己喊緊，聽住佢一句句嘅喂，我更加想喊，最後只可以cut咗佢線 當刻我好挫敗，我好似已經淨係識得去壓抑住、摺埋自己，我唔會暴露自己嘅情緒畀人睇，唔開心但一定要同人交流嘅時候，我就扮冇嘢，我覺得自己好虛偽，但我剩係識得咁做 人係咪都係咁？自己消化情緒、自舔傷口、祈求快啲大個，擺脫唔開心嘅事同人，但我由小學就祈求緊「升中之後就唔會接觸到，可以忘記曬一切」而家中學都忘記唔到，以後大個又真係擺脫到咩？ 多謝大家用心睇完 Sor for 1999
#NSS個人 [XXX] 我知道無論男女之間都會有身材、外貌上嘅比較，係疫情底下有時好耐無見，成日第一句就係你肥咗/瘦咗，高咗/靚咗。 係人都想比人讚㗎啦，聽到有人話自己肥咗實會唔開心。 雖然身材管理係好事，但對自己身材太執著就好易變成病態，而我真係奉勸大家唔好太在意呢啲說話，特別係你BMI無問題，青少年嘅各位就唔好隨便減肥。 坊間好多減肥方法，而家最常見到咩生酮咩168等等，online啲售賣「健康」食品嘅shop就更加多不勝數，無錯減肥方法真係有用，但係你咁後生，新陳代謝都仲係比好多人快，當你攝取C/P/L唔足夠，或者缺乏某種營養素，其實都好影響你發育。 舉個例子，有啲女仔其實身材好正常，但睇到有啲好瘦嘅女仔IG po靚相，又會自己想減肥，呢種心情係可以明白嘅，但減到真係瘦到得骨，月經又唔嚟，係咪值得呢？ 身邊有越嚟越多同學或朋友出現呢啲問題，就算係online上堂，隔住個mon都見到女嘅就面青口唇白，男嘅顎骨突曬出嚟，身邊所有人10個有8個都係呢啲狀況真係好恐怖， 所以我奉勸大家多啲愛惜自己嘅身體，疫情期間盡量都食好啲訓好啲，一定要注意飲食均衡，出唔到街做運動都多啲做workout，唔好搞殘自己身體。 疫情期間，大家加油
#NSS學業 [Guest] 小弟f4, 係第一屆公社科考生，我覺得呢科好難，唔知點好 我學校初中L&S係用英文教嘅，原本嘅LS都係，不過可能為咗配合返公社科嘅內容，轉咗做中文教學，我中文教學嘅科都好差，而且唔擅長背嘢，公社又咁多嘢要背，仲要係死背嗰隻，我真係讀嚟讀去都讀唔掂 我可能係唔慣死背？我係理科生，習慣背concepts, 可能係咁，不過我嘗試過死背，背係背到，我亦都明本書講乜，但係做題目總係攞唔到幾多分 因為我係第一屆，所以冇得好似其他科咁上網睇片睇文，參考吓歷屆考生嘅tips, past paper又冇，得嗰一份sample paper, 補習就更加冇啦，真係唔知邊個幫到我，啲學霸自己都唔高分，老師又教得hea, 真係悲哀 有冇同屆嘅同學可以幫吓我…… sor for 1999 admin pls post ig