—類投稿

#NSS愛情 [ABCDSCHOOL] 我25歲。我而家對感情好迷惘。我哋講好咗25歲會結婚，我以為佢係我終身伴侶。我哋一齊咗差唔多三年。每隔三四個月都會嗌一次大交,通常三至五日甚至一個月先好返,嗰段時間，都係冷戰。我都只係嬲一陣，嬲完就會氹返佢，次次我係我氹佢。直至近排，我激嬲左佢，佢提分手 。後來，我哋有個共同好友，共同好友同返我講，我前度話:「唔想再發佢脾氣，唔想佢咁辛苦為咗我，一齊返都係佢辛苦，我提分手嗰次，我順住佢激嬲我而發脾氣同佢分手。」 原來係為咗我。 但係我寧願一包容你，都唔想分開。 我要唔要搵佢，俾下意見我。唔曬大家。 可能講到一舊舊，對唔住。體諒下。

#NSS其他 [GUEST] Sor for 1999，長文警世 以下內容我會適當打馬，即唔開名，以保障番我自己，因為尼位補習先生已經試過用抹黑、報警、律師信及向學校施壓恐嚇另一位苦主。另外就係佢短短一段時間既溝通內令人火滾既野太多，我會講七至八成左右。 交代番背景先。事緣係我同幾位同年嘅學生一齊報某一科既補習，係IG見到一個睇落唔錯既私補，今佢有個係自己組隊上堂既模式，而我哋幾個其實尼自兩間唔同嘅學校啦，時間上都難夾，最後就想禮拜x補，今我哋其中一個人去同佢溝通先既，其間其實已經不斷今串尼位同學，極之無禮貌，連最基本嘅尊重都無。 今問佢禮拜x仲有冇位，跟住佢話要7點後，之後又話七點半，因為補習時長一個半鐘，而我哋過半人都係第二日會有統測(ps.同一間學校，每星期都會有統測係學校政策)，都唔想今夜番屋企連書都無得温，就好委婉今同佢講左，跟住佢就串我地話 「唔緊要，我而家先知原來小測都係最後一晚先溫唔可以平日分配好時間」 ，即係今，我相信係重要測考前一晚好多學生都會同我哋一樣想再温熟啲，我並唔覺得我哋統測前一晚想温書有咩問題，即使平日有温開，我再温又有咩問題？啊補習老師，你學生時期測驗考試前一晚唔温書架？ 跟住我哋再傾時間，佢話下個禮拜最早可以六點半，我地都有啲黑人問號，問係咪堂堂都唔同時間。佢就話 「相信已經在這混亂的時代係最好的遷就」「我就算定相同時間恐怕你地都未必每堂得」，比我既感覺係佢覺得堂堂唔同時間係一個好好嘅安排，係遷就更學生，但係我並唔認同。 之後我哋因為以下既原因决定唔揾佢補，如下： 1.引象太過負面 2.佢係自己IG度開人全名公審另一位苦主 3.我哋作為消費者去夾時間佢已經十分之唔耐煩，好難想像佢幫我哋補既時候我哋聽唔明要求詳細解釋既時候佢會係咩態度 4.連最基本既尊重都冇 5.除左報名表格要求填寫過量個人資料(IG名，住址，學校英文全名，學生證正面，中英文全名等等），上堂更要俾佢身分證，話係作核實用途 6.溝通過程一直俾人一種想人快啲入數既感覺，似補習界PUA 雖然佢一路上既溝通都好無禮貌，但我哋都係選擇忍住把火以禮貌嘅方式同委婉既態度向佢交代我哋决定唔補，表示麻煩到佢唔好意思，佢就繼續串多我哋幾句，跟住退GP，之後串一開始同佢溝通既嗰位同學並以較難聽既說話鬧我哋幾個。 事後我哋實在太燥再係IG搵有關尼個私補既資料，發現佢已經係IG block 左有填form既同學（有寫IG名嗰份野），並且係精選限時動態中見到佢對名校生既態度同對我地既態度完全唔同，至少有禮貌好多，因為我哋自問學校的確係中下級別既學校，所以十分之懷疑佢有少少歧視我哋尼啲九流學校既學生。此外，佢應該都知自己有問題，打過編類似徵水軍既文(已附圖但IG名我打咗馬）。亦都發現IG有佢尼個私補既苦主開既苦主合集account ，直接打個補習IG account

#NSS其他 [GUEST] Admin我少左張相，補返 圖Link: https://ibb.co/F7R2b9g

#NSS文化 [GUEST] 我想問幾時開始，中意Mirror就變左有免死金牌？自從Mirror出現，就有一群人四圍挑釁，貶低其他歌手，攻擊其他歌手嘅擁躉，邊個唔支持Mirror就去洗人版，邊個聽開學友、哥哥就侮辱人“藍C廢老”，連“四大天王outdated”都講得出，玩到成個世界得你Mirror先啱聽咁。Sorry呀，四大天王歌迷有幾代人，佢地仍然拍緊戲，一路做影帝，佢地啲歌喺世界各地嘅聽眾，遠遠多過Mirror，唔知你地哪裏來的驕傲？ Mirror幫鄭州加油就叫人道或揾食，四大天王幫鄭州加油你地就鬧人祖宗十八代，總之Mirror做乜都啱，人地做乜都錯，係咪咁？人地杜琪峰講笑講兩句你班友又去洗人版，倒返轉事旦一個Mirror嘅亂講野，你地重唔去死撐？ 多重標準，嚴人寬己，原來先係Mirror嘅代表本質？ Admin你唔好過濾呀

#NSS家庭 [GUEST] 我媽咪好似有啲唔正常..? (改良🙇🏻‍♀️ 刪減) (上次寫嗰篇寫得太唔好,今次改良咗🙇🏻‍♀️。聽取大家嘅建議,有分段,有標點✔️可直接跳到去第六至七段睇🙇🏻‍♀️) 我吖媽之前比公司啲人鬧到有少少問題, 之後冇做。 後來唔知點解佢當咗我阿婆係仇人,我媽咪成日都鬧我阿婆 又鬧佢 死八婆 傻x 叫佢快啲去x 嗰啲說話。我阿婆買咗一箱麵返嚟諗住比我同媽咪食,之後我吖媽每日都會扔兩個麵去垃圾桶,我阿婆每次一放工返到嚟 見到啲麵少咗,問我係咪食咗,我話冇。佢明白,我媽咪又將啲麵扔了去垃圾桶。之後我阿婆要喺垃圾袋搵返,我見到真係好心痛。 有一次又嗌交,之後我阿婆出去扔垃圾嘅時候,我媽咪好大力咁擲我阿婆部電話落地,又好大力擲眼鏡同手錶,好彩啲嘢冇壞到。我阿婆一入屋見到,之後攞返啲嘢,坐喺度喊。 每次阿婆煮嘢食,佢叫我食之後我唔敢,好彩我媽咪去緊廁所,我即刻好快咁囉少少食 之後入房。 有一次我喺房,之後我聽到我婆好大聲叫我媽出嚟!唔好煮,然後我媽開始整壞啲嘢,之後又倒哂啲湯料,之後我阿婆打我媽,我已經感覺到啲鄰居聽到曬。 今日我阿婆諗住攞口罩用,之後我媽咪唔畀佢用。我媽咪話呢啲係佢自己嘅,叫我阿婆用佢自己嗰啲。 事到如今 我媽而家一時正常 一時唔正常 ,佢每日朝早都會入我間房同我講我吖婆係s傻婆。尋日我婆買咗個架放鍋器 之後我媽又話咩冇人咁整

#NSS社會 [Guest] 就嚟考完dse 想問下大家有冇part time job嘅介紹 或者搵job有信用值嘅website / apps🤧

#NSS愛情 [GUEST] 近排識咗一個隔離學校嘅男仔，因為我哋一齊補習，所以多咗機會傾計，交換咗ig之後，每日佢都會send最少一個post俾我，又問我有冇拍拖嗰啲，嗰陣真係有少少鍾意佢，不過我偏慢熱同被動，雖然feel到佢有鍾意我，但係我都係正常咁傾計，但係之後佢知道我係學校突然多咗好多功課，就話唔想煩住我，無再搵我，嗰幾日都唔開心咗陣，畢竟有少少鍾意佢（唔知道佢係唔係真係唔想阻住我，定係每日咁搵我好辛苦，因為平時佢即使online都唔會覆我，一般都係過咗幾個鐘先覆，不過明明係佢搵我先）我哋就係咁無傾兩個禮拜，我都已經對佢無哂感覺，點知呢排佢約我出街，但係我已經唔鍾意佢，只係當佢係普通朋友，我好驚佢係有鍾意我，我應該照同佢出街，定係拒絕佢？因為我唔想將來佢真係因為以為有機會而表白，到時先拒絕一定好傷佢自尊心（佢係啲好要面嘅男仔）想問我應該點好？😭 thanksss

#NSS愛情 [GUEST] 之前見到好多關於師生戀嘅post 我都想分享下我同X嘅經歷 我Year1 X係我嘅中學班主任 佢27歲 我同佢一齊左半年 X由F4開始做我嘅班主任 教數學教得好好 我係maths club嘅主席 X都係負責老師 我地放學成日都會傾關於club嘅野 差唔多日日都會一齊放工放學 X同我住同一條線 會一齊搭地鐵 由嗰陣開始差唔多日日都係同X一齊 我就開始鍾意佢 F5嘅時候我地更加熟 我地搭車嘅時候好多人 X會保護我 唔會比我跌親 見到有其他男人同我企近啲 X就會企係我前面保護我

#NSS個人 [GUEST] 啲人成日話暴力解決唔到問題，乜真係咁？ 小女記得件事發生係小學嗰陣，有一日就黎放學嘅班主任課時，學生就要做部分英文功課比班主任檢查（因為佢都係我英文老師），咁我同我啲同學鬥快做完比班主任檢查，邊個先做完就第一，包尾嗰個下次玩捉依因嗰陣就要做捉嗰個咁樣。咁我做緊功課嘅時候有一個高我好多（當時覺得乜嘢都好高，總之就高過我啦）嘅男同學搶左我份功課！我就係咁話：「比返我啊！ 比返我啊！」，我亦都大嗌：「missy!佢搶左我份worksheet啊！」，但係個班出任忙緊幫其他同學檢查功課同時其他同學係咁R班主任吹水，完全留意唔到我比人蝦。 係呢度講返少少說明先，呢位男同學成日持住自己高又大份成日都蝦蝦霸霸 ，佢好幾次都蝦到一個女同學（唔係我）喊。佢都係咁成日叫我花名，用花名黎笑我。 咁當時我就不停係咁叫佢比返我，我又唔夠高係咁跳係咁跳掂都掂唔到張紙，正常嘅女小學生係呢個情況應該都會喊，但我嘅個性比較獨特，我嗰時係勁嬲，忍無可忍之下我直接係咁打佢背脊，好大力咁打，我嗰時覺得佢咁大份我細粒過佢好多，我打佢可以痛得去邊？打到佢成個人踎低左，跟住成班同埋個班主任見到，其他同學問佢做咩事，佢喊住咁話：「好痛！」。我嗰時心諗：「你喊乜嘢？好痛咩？」，一啲愧疚嘅感覺都冇，班主任叫我同呢位男同學出去，出到去走廊班主任就問我咩事，我簡單直接超鎮定唔覺自己做錯咁答：「佢搶左我份功課，佢死都唔比返我，我好唔鍾意先咁樣。」，個班主任話：「咁你正係話你唔鍾意咪得咯，點解要打佢呢？」 而家諗返呢件事我真係想同呢位班主任講句：「我一個小學雞，你expect我諗到幾多樣嘢，小學雞嘅思維就係咁單向，小學雞嘅思緒就係開心、發脾氣、傷心兼且喊，更何況佢死都唔比返我，你真係覺得一句「我唔鍾意」就可以解決問題？」 咁就講左好耐啦，都唔記得左個班主任講左啲咩經啦，正係記得「打人唔啱㗎」，「同佢道歉啦」，同埋最有印象嘅一句「暴力解決唔到問題㗎」。我有同佢道歉，但我完全唔覺得自己有做錯，之後呢位男同學冇再咁蝦蝦霸霸同埋有段時間佢係完全唔敢同我有接觸or溝通。 係呢件事上我的確係用左唔正當嘅手法去幫自己，但係我亦都係到諗，如果我唔用暴力呢位男同學會唔會收埋我份功課放左學都未必搵得返？同埋佢會唔會依然咁蝦蝦霸霸？我選擇左暴力，我嘅選擇幫左自己亦都幫左少少比佢蝦嘅同學，唔係話咩伸張正義嗰啲，就係係度諗暴力解決唔到問題，咁係呢件事上算係咩？ 求admin post Thx admin

#NSS社會 [GUEST] 今日同大家分享下巴士迷 喺巴士迷界，一般我哋會稱呼啲影響成個羣體嘅人作為巴敗，例如以前喺貴台出現過部份嘅不良巴士迷，當中有一人稱呼佢為D。D平日並唔活躍喺巴士迷活動之間，不過係模擬巴士界嘅典型巴敗，早幾年就已經因為屢次侵權（即係我哋俗稱嘅leak嘢）而出曬名。 佢曾經因為俾人x得太犀利而潛過一排水，再出嚟之後侵權嘅行為都依然冇停止過。去到近期仲學識起底同投訴，多次針對部份令佢唔開心嘅人莫須有地投訴，因為香港絕大部分巴士迷都係中學生，所以唔少學校都已經接過佢嘅投訴，可能大家都有聽聞過。小弟就係其中一個受害者，喺2月咗近就發現D攞咗我嘅嘢放出街，然後話係佢自己整。跟住我就喺Facebook問佢咩事，然後佢就死口唔認再人格侮辱咗我幾日。D好鍾意開live，同佢嘅一班裙腳仔圍爐取暖，加上媲美x登嘅起底手段已經對好多人造成精神上嘅困擾。 小弟喺呢件事入面自己嘅Facebook不斷俾人洗版，亦有連續不斷嘅133電話打入嚟，最後將所有account同電話都換曬先至冇再繼續。眾多嘅同類型事件都有一個共通點，就係每一個D針對嘅人實際上喺法律上道德上都冇都冇做錯任何嘢，D嘅玻璃心加死要面造就咗一次又一次喺巴士迷界嘅傷害。 據講小弟而家打緊呢個post嗰陣D又搞緊另外兩三個人，相信佢哋嘅遭遇應該同小弟差唔多。巴士迷之間對佢已經係兩極化，一係就一班裙腳仔盲撐，一係就啲睇唔過眼佢或者俾佢搞着嘅人，因為D嘅存在，巴士迷界尤其模擬巴士迷界已經俾D搞到立立亂，今日希望透過呢度俾大家認識一位巴敗，亦希望佢停止網絡欺凌其他巴士迷。