#NSS個人 [GUEST] 身高180cm女仔好惨 小妹16岁 興趣打籃球，偏瘦，中二已經米7，最近身體檢查check到180.3cm。 通常系學校都會問我一個問題：（咦？你幾高呀？你籃球隊架？ ） 我通常都會報低一啲：（175左右）其實我冇著鞋米8。平時有啲自己話米八男仔，企我隔離，都高佢半個頭。而且我學號系1號，每次排隊，集會都系係最前面，一野遮住塞後面。 全校裡面比我高的女仔根本無😓，成日會有人標籤我，高竇，高冷，高妹等等花名，去餐廳著便服食學生餐會俾人誤會。最令人討厭是叫我女巨人。 最令人擔憂係，我成日系街啲人第一眼都系望我腳先，再望對鞋。連老師眼神都係咁。 其實尼個唔系我煩惱，最令我煩惱系同學尼句：通常有腳冇波。 而且我兩個好朋友都有男朋友，得我無，自從有左男朋友就唔理我。我都想搵返個男朋友，我想變矮。
#NSS愛情 [Htyc] 我知妳fol左呢個page, 所以我特登喺度投稿同妳表白, 因為我唔好意思同妳單獨講。 我留低嗰間學校簡稱係妳間學校嚟㗎。 其實我真係鍾意左妳好耐,應該有4年la。 由我識妳嗰一個moment開始,即刻由我同妳一齊補習見到妳嗰一刻開始,我就對妳有feel。 我諗我講到咁妳一定估到我係邊個,如果妳知道我係講緊妳嘅話。 只不過其實認真咁講我自己都唔知我想唔想妳睇到呢個post之後認得出係講緊妳自己。 其實有段時間我一直都覺得妳係鍾意我嘅,我嗰陣時有準備表白,但係我發覺你好似對個個都係咁嘅不論男女,所以我就放棄左。 而且我都知道妳好受歡迎,妳冇呢個必要揀我。 另外我亦都知道妳之前鍾意過一個男仔5年,所以我一直都冇呢一個勇氣講我鍾意妳呢件事出嚟,因為我驚妳未放低佢。 只不過近排我真係忍唔住,我真係好想同妳講我鍾意妳呢件事,因為我發覺自從我介紹左妳俾我啲兄弟識之後,妳好似對我一個兄弟特別唔一樣,我驚我再唔講,我以後都冇呢一個機會講。 我想講：「NB我真係好鍾意妳！妳可唔可以做我女朋友！我同妳一齊嗰陣時係我最開心嘅時候，我好希望我以後可以唔淨係以朋友嘅身份陪係妳身邊，妳俾個做妳男朋友嘅機會我呀」 一個暗戀左NB妳好耐嘅傻仔上 篇投稿有啲長 希望admin會po ig🙏 另外補充番NB係嗰個女仔嘅簡稱 我驚嗰個女仔睇完之後知我講緊佢😅 而且大家可能會覺得呢個投稿同之前嗰啲post有少少似,請唔好見怪,第一次投稿,參考咗少少
#NSS愛情 [SPCC] 暗戀就係，見住佢鍾意咗第個，好嬲但冇辦法呷醋。 仲記得我點解會鐘意你。開學嘅第一日，係班上面無人識嘅我極度徬徨，而你主動同我傾計。係呢一刻，我已經鍾意咗你。之後你調咗位，同咗另一個人（A）坐埋咗一齊。調翻位，同A同你一齊坐。呢一段時間，我發現我越嵌越深。有諗過同你表白，連段文都打咗出嚟，但最後都係驚表白比拒，同你連frd都冇得做。 終於有一日，我喺細帳Po咗Q&A，Q&A裏邊講咗有鍾意嘅人，而同我好熟嘅A問我鍾意邊個，而我答咗你。 之後A同我講你哋原來已經喺埋咗1個月，果日，我喊咗成晚。 諗清楚，其實我真係冇資格喺到喊，亦都冇資格呷醋，鍾意咗你，始終係一個錯誤…
[guest] 之前有篇文話好多香港人嚟英國唔自在。 我都係喺香港長大，移民嚟咗英國。我完全明白樓主感受。但我覺得攞BNO同埋投資移民呢件事嚟講完全冇必要，我屋企係拎BNO嚟，咁就可以代表BNO嚟嘅人阻住你地投資移民嘅人讀書？ 你又提到呢排嚟嘅香港人成日指手畫腳，我個人都係覺得外國人係會純過香港人好多，但係其實你自己都可以諗吓，佢地係咪真係特登針對你先咁做。 BNO係英國開放俾香港人嘅移民政策，我諗好多BNO移民家庭都有好大決心先會嚟英國。大部分都係為咗細路讀書，你發表呢篇野難免都係反感BNO移民嘅人。唔係你早幾年投資移民嚟就大曬，何必計較咁多
#NSS愛情 [GUEST] 我也是不肯定，妳未來的每一天，每一刻重要的時光，每一個生日，還有誰陪伴著妳。那群熟悉的身影裡還有誰，沒有誰。即使經歷過失去和遺憾，也仍然在迷惘中，帶著困惑，走在這成長的路上。 不過，比起過往的自己，妳已堅強了許多。 大一歲了，回憶錄多一撇了，也希望妳能記得。 對自己最好，對自己最有耐性，不要氣壞了自己，也不要委屈了自己。 有能力愛自己，有餘力愛別人。 我也是不肯定，自己還能留在妳身邊多久，或許我會什麼也沒有留下便消失了。不過可以確定的是，你永遠也能在回憶的碎片裡，和我的一字一句中找到我的存在。 若果有什麼東西留下了， 我相信那些細碎的存在，定能在你的前途，綻放出不朽的花。 親愛的，二十六歲快樂 妳不會知道，已經是大腸癌三期的男友字
#NSS愛情 [GUEST] Admin po ig thx 小弟一直想同初戀講對唔住，但係因為自己懦弱而唔敢當面講。 以下會用H代表初戀 大約一年前，我同H開始咗冇幾耐，一開始都成日wts，但係過咗一段時間就鬧交，我都feel到熱戀期已過，而係我同H鬧交嗰陣，我開始主動去搵另一個女仔—K。而我當時日日都只係同K聯絡，完全冇搵過H，K都知我有女朋友同問我唔洗溫H咩，但係我同K講唔洗，而H完全唔知K呢個人，更加唔知我當時同K既關係。過左一排，我就同H和好左，但係我當時依然有繼續搵K，而K都知道佢唔應該，但係佢都唔捨得我。最後我同H因為一件好小既事而分手，我就同K無縫接軌，而H都好單純，冇問過我同K識左幾耐，仲祝福我同K。過左一個月，我同K分左手，而H係我同K分手後打左畀我話想同我復合，但係我覺得自己曾經出軌，辜負左H，所以就冇同佢復合。 最後，我想同H講 對唔住，相信你知道我係同緊你一齊時出軌，你絕對唔會想同我復合，我亦都做得好錯，冇同你坦白。希望你會幸福🙏🏻 Sorry for 1999
#NSS個人 [GUEST] 小妹今年f6，有一個由中一識到宜家嘅好朋友，我哋兩個呢六年一直都好frd，雖然平時仲有幾個frd一齊玩，但係得我哋兩個係frd左足足六年，所以都當對方係best frd，成日一齊出街食飯，但係呢排佢日日對我嘅著衫話三話四，令我好唔舒服。但我哋兩個嘅著衫style其實完全唔同，完全係兩個風格。 舉例咁講，我上次同佢一齊出街，明明著出街果陣時好自信，(因為我一直都好在意自己嘅外表，所以鍾意睇網上d穿搭博主d視頻，唔係誇張另類果d）其實我當時著嘅衫都好正常、有小小韓式嘅feel，長風衣，牛仔褲，短靴。係場嘅第二個frd都話好好睇，但佢就話好mk…我果下真係好唔開心… 我有點confuse佢前幾日買左件同我差唔多嘅風衣係想點… 仲有一次，我都係著得好normal，一件長嘅冷衫，我第二個frd仲讚我件衫好好睇，佢就話我係名媛風…唔係話名媛風唔得，而係當時我哋學校有一個女仔成日扮嘢，鍾意名媛風，類似假名媛，所以我哋平時都唔鍾意佢。好明顯佢就有小小內涵我嘅意思，話我名媛風，但係我唔明點解我著件普通冷衫就係名媛風？仲要係一直講名媛，名媛… 我真係好尷尬 最離譜果次，我淨係著左一件人人都有，十分普通嘅牛仔襯衫，一點都唔誇張，好normal，真係好normal。佢話佢實在欣賞唔黎我件衫…，語氣仲要好鄙夷咁，當時仲有其他frd，我果個frd都冇話咩，得佢話欣賞唔黎。一件普普通通嘅牛仔襯衫都入唔到佢隻眼，聽佢咁講，我真係好唔舒服⋯ 其實我哋兩個明明係完全唔同嘅著衫風格，審美唔同好正常，欣賞唔黎對方嘅衫都正常嘅，但係我唸都唔洗一直踩低對方掛？佢平時嘅著衫風格我都唔係好欣賞，但係我極少評論佢d衫，佢鍾意點著係佢嘅事，我都理唔到，即使我唔欣賞，都唔會貶低。但佢就一直評論我，對我嘅穿衣評頭論足，一次兩次就算，但係次次都咁，係人都唔鍾意啦。 普通frd仲可以疏離，但佢係我best frd，我又唔想直接同佢講破壞我哋之間嘅關係，我可以點？
#NSS個人 [GUEST] 首先先辛苦admin 了 小弟比較擅長用書面語表達，用口語表達經常會語無倫次先在這裡抱個歉。☆為重點 事情是這樣的，小弟的家人開始試圖說服我去打疫苗🧎🏻♂️打科興，雖然科興打完副作用沒那麼多比較適合身體不太好的我⋯但是因為種種因素我還是覺得打復必泰比較安全。 我在詢問朋友打了復必泰對他們的副作用，和流程那樣。我雖然不太害怕打針，但是我莫名的全身發抖很想哭。 ☆最重要的是我怕死🧎🏻♂️之前聽到心肌炎已經很害怕，真的很害怕身體這麼差的自己會出現一大堆副作用。所以我今天來投稿的 主要原因 是想詢問大家打了復必泰有沒有特別嚴重的副作用🧎🏻♂️🧎🏻♂️🧎🏻♂️Main point ☆ 很抱歉浪費了你這麼多的時間，個人非常軟弱只能來投稿尋找答案🙇🏻 最後最後的一句，希望大家繼續維持身體健康，辛苦admin了！