#NSS學校 [西貢區的某間Band 1 中學] 不如不好上堂啦！經常偷懶不教書！ 小弟今年F5。我們教旅款的老師雖然温柔，但經常上堂不教書而做其他與教學無關的事。一星期內，小則1日不教書，多則5日都不教書，令我們的進度遠遠不及其他科目相應的。之後考試大家考不好，老師則怪責我們無聽課，但完全無想到是她自己經常不教書造成的後果！ 此外，她不教書也有多種理由，有頭痛、腳痛、學校工作繁忙無法教書、工作壓力大、電腦故障、遲上堂等種種理由。我對這位老師真是五體投地！
#NSS愛情 [guest] 係咁嘅小妹今年就f.4，有一個好好嘅男仔朋友，同佢同班左四年 下稱L，同佢就識咗差唔多四年，我啱啱識佢嗰陣已經開始鍾意佢，喺其中佢拍過兩次拖，而嗰兩位前女友有一位係我而家嘅好朋友（下稱W)另外一位係係我嘅同班同學(下稱H) 前年一開始W知道我鍾意L，所以佢約咗我同L同埋其他人一齊去玩，之後L同我講佢鍾意咗W（識咗一陣之後就做咗好朋友，所以佢先會同我講），然之後就開始追佢，最尾追到W，W同我講佢好對唔住我，跟住我就同佢講其實冇所謂佢鍾意邊個我管唔到，祝佢哋幸福，跟住就同L保持距離。 去到暑假嗰陣W同我講佢覺得L好煩，又話佢一開頭同佢一齊純粹係諗住玩玩下，最尾W提分手話唔想佢嘅情緒影響到佢 又話佢哋唔合適。跟住L就梗係好傷心啦，情緒低落到一個點，我就成日陪佢傾偈、開解佢。 去到開學W話佢心血來潮想同返L喺埋一齊，咁我就梗係唔想佢繼續傷害L，但係W性格好怪，我又唔夠膽阻止佢，所以就同咗L講佢哋分手嘅真正原因，但L份人好心軟，W就成日走去搵佢，L又唔忍心拒絕，差少少佢哋就會一齊返。可能咁樣做好衰啦，但係W本身份人就係玩玩下，佢每一次拍拖都長唔過一個月，我唔想L再俾人呃。 件事完咗之後就去到幾個月前，H就同咗L表白，因為L以前鍾意過佢而家仲對佢有鍾意嘅感覺，所以就應承咗佢同佢一齊，咁我就好想死心，過咗一個月左右，H就同我講L對佢好冷淡，成幾日冇覆佢message，佢嗰陣就好驚，我就安慰佢話可能佢好忙唔好亂諗嘢，跟住過咗個星期之後L同我講佢哋兩個分咗手，係個女仔講既，原因係因為阿爸阿媽 佢覺得有壓力。咁佢傷心咗好耐我都陪咗佢好耐。 其實平時我哋成日都會講嘢，當佢有女朋友嘅時候，我就唔會搵佢講嘢，但係佢成日share啲post俾我，分享佢嗰日有啲咩事，有時會問我送咩俾女朋友好（我：🙄） 識咗佢咁耐，有同過佢唱K，去Party Room 、迪士尼都有去過。（一大班人一齊去，搞者係我🥲），都有同佢一齊夜晚深夜call過（又係一班人） 之前有個男仔同我表白 拒絕咗個男仔之後煩住我，佢都有幫過我同我講點樣處理。佢亦都有問過我以前嘅事（嗰陣我好心動🥲🥲🥲） 佢成日搵我傾偈呀、會成日搵我吹水、亦都成日分享好多搞笑嘅嘢俾我，嗰陣我真係好開心。雖然係咁但我feel到佢當我係兄弟🥲 （當然以上啲嘢都係佢單身嘅時候發生嘅，佢有女朋友嘅時候我有保持距離💀） L分咗手之後佢就傷心咗好耐，話佢下年會去外國讀書，依家都係放棄 算 乜都唔使諗。 但係我放唔低佢，又唔敢同佢表白，我唔想連朋友都冇得做，喺我同佢既心入邊大家都係對方最好最重要嘅異性朋友。我真係唔知做好。有冇人可以話俾我知我應該？(;´༎ຶٹ༎ຶ`) （ps.奉勸大家唔好因為鍾意一個人跟住投其所好同佢做朋友，因為你哋識得來耐就會變成好兄弟、好姊妹🙏🏽） Sorry for
#NSS愛情 [GUEST] 小弟今年year2，追咗一個女仔一年，想比大家一個警惕。 我就長話短說，唔講太多追佢嘅過程。 首先佢係個好安靜嘅女仔，好多同學都覺得佢好難捉摸。不過，同佢熟咗之後發現原來佢私底下好活潑，都會追韓國男團，會對住偶像花癡，身邊又有一堆女性朋友，平時都會有啲閨蜜之間嘅親密接觸，又會傾下動漫靚仔嗰啲，所以我一直都覺得佢對男仔有嗰種興趣，而呢種對外對內嘅反差又令我更加鍾意佢。 直到我哋嘅關係開始熟絡，我會主動約佢兩個人一齊出街，彼此都越嚟越多肢體接觸，佢有時情緒高漲嘅時候會翹我手，察覺到之後又會慌忙咁抽番開，驚我唔鍾意。 每次傾計都真係覺得佢好cute，又覺得我哋又進一步拉近咗關係，都幾曖昧。 喺某次我鼓起勇氣，喺氣氛正好嗰陣打開咗啲有關愛情嘅話題，原本仲打算趁機問佢想唔想試下，點知仲未講出口就…… 「如果你係女仔我諗我應該都會幾鍾意你」 突如其來聽到呢句，我下意識咁「吓？」咗聲，之後傾下先知，原來佢一直都鍾意女仔，有過嘅ex都係女仔。 佢話呢件事佢一直都有收埋，係信任我先至會同我講，亦都係第一次同男仔講，都驚我會覺得反感。 我原本仲想測試下佢會唔會考慮下男仔，但佢答其實佢好明白，愛情呢家嘢無關性別，但單純係無論心理上定生理上都對男仔完全冇feel，相反地佢好清楚自己嘅心之所向對女仔係熱情好多，亦都好希望以後嘅伴侶係女仔。 嗰刻我嘅心情真係跌到落谷底，明明感覺已經垂手可得卻又一瞬間變得無比遙遠，諗起一直都係我自己一廂情願，以為我哋一直都有進展，就真係好想喊。 以前嘅我，淨係聽過同性戀向異性戀表白嘅時候會有呢種情況出現，再加上兩種性取向嘅數量普遍相差較大，所以一開始追佢嗰陣完全冇假設過呢種可能性。 呢次都算係一個教訓，建議大家追心儀對象之前先測試下對方嘅性取向，唔好以為性別差異所造成嘅曖昧感係理所當然。
#NSS家庭 [Guest] 小妹而家中四，上年年頭開始發現有抑鬱，醫生建議養吓啲小動物陪我，一開頭諗住養貓但考慮到冇乜位所以最後養咗倉鼠。其實我有諗過倉鼠咁短命到時死咗我又會唔開心，不過到時先算。 11月我去覆診嘅時候醫生話我嘅情況改善咗好多，可以試吓唔食藥，我嗰時好開心，好感謝我隻倉鼠– 開心果。 點知早排政府推出殺鼠令，作為無腦藍色生物嘅老豆老母即刻話揼咗隻倉鼠。我當然有拗，佢哋係咁話倉鼠有病毒，我有話過倉鼠唔出街點會無啦啦有事，係到我哋人類感染機會高啲啦，當然佢哋唔會理。佢哋威脅我話如果唔棄養嘅話就踢我出屋、唔供我讀書、揼晒我啲好珍貴嘅嘢。我嗰時即刻話我死都唔會棄養，點知下一朝佢揼咗我移咗民嘅best friend送畀我嘅手鍊(我長期擺喺臺)，阿爸話呢個只係前菜，我再唔決定棄養嘅話就畀我慢慢享受，我嗰刻好驚，因為我仲有好多我同我朋友嘅回憶收埋咗，仲有好多仲要嘢，但我都冇話決定棄養佢哋就襯我瞓覺嘅時候拎咗隻倉鼠去漁護署。我起身發現咗之後即刻崩潰，仲見到呀媽message: 「到時我哋賴嘢係咪入你數? 隻倉鼠你㗎嘛!你咁鍾意養咪之後養過第二隻囉，咪一樣! 咪煩啦，幫你處理，唔使勞煩到小姐你啦。」救命。我嗰刻真係世界末日，好想去x，最後望返我倉鼠嘅相先冷靜到。 到目前為止我都同佢哋冷戰緊，我係唔會原諒佢哋，因為再養已經唔係我原本嘅開心果。 好對唔住啊，開心果。 sor for 1989+6+4