#NSS個人 [Güęśt] 唔知係幾時開始，即使我依然每一日正正常常咁過，依然可以感受到快樂，亦唔係扮出黎嘅嗰種，但係我更加經常感受到嘅係空虛，呢種感覺佔據左我大部分嘅時間，只要我唔做嘢就會開始俾呢種feel覆蓋曬所有嘢，然後就會開始諗其實自己生存嘅意義到底喺邊，點解係我活著，點解我要有意識，反正遲早都會死，一切都好冇意義，唔知自己點解仲要留喺呢個世界上面，最後就又會諗到死亡。 近排因為某啲原因同一啲人玩埋左，呢段時間真係好開心，即使班友仔成日忽略我嘅存在，即使我地聚埋一齊都剩係會做埋曬啲on9嘢。我本身以為開始呢種生活之後呢種「我唔值得存在」嘅想法會就咁停止，但唔係。我依然有嗰種空虛感，甚至開始覺得有人無時無刻都監視緊、控制緊我，我甚至覺得我而家打緊呢段文字都係俾一個人控制住而打出黎，腦入面不斷有種「你係多餘嘅人、點解你唔去死、班朋友冇你想像嘅咁在乎你點解你要自己插隻腳、佢地自己幾個都可以好開心完全冇必要有你嘅存在喺入面」類似嘅呢啲負面諗法，有時仲會感覺我唔屬於我自己。（已經好盡力咁表達緊我個腦諗緊嘅嘢，如果都係一舊舊嘅話我好對唔住🧎♂️ 我其實好攰，每一次一訓就訓成日，每一日都覺得自己毫無意義，有時幾乎連開眼嘅力都冇，成隻喪屍咁。唔知有冇人同我一樣，我好想知你地點樣面對呢種情況⋯⋯ 最後雖然我幾乎日日都講但係，屋企人、師父、嗰班仆街💀、公公婆婆，我愛你地，多謝你地，請你地好好保重，務必要開心健康咁過，我都會盡力地開心咁過的。 即使我頂唔順離開左，都請唔好荒廢自己，請記得無論如何記得都仲有一個人愛著你們。 多謝admin，多謝睇到呢度嘅人，祝你地新年快樂，每天都快樂。
#NSS個人 [Guest] 小妹18歲，bi偏les。 事源開學冇乜嘢做，就喺康文署個gym度自己練，咁啱就見到個 唔係好熟嘅舊同學 (女; 簡稱“A”) 本身諗住扮睇唔到A，點知A就走過嚟撩我傾計，傾傾下就熟咗。之後A成日都搵我一齊去gym。 我哋一練完，休息嗰陣A有時會話我操得唔錯。有時又話想睇我個樣。有時佢又會摸我(本人ok嘅)。搞到我囉囉攣，嗰種想“制服”佢嘅心態經常上線，成日專心唔到🥵 我唔知佢係咪les/bi，有d想去馬。但係唔知點開口，同埋如果佢唔係嘅話就冇咗個frd〒〒 喺度想大家比d意見thx🙇🏻♀️💦 sorry for 1999
#NSS個人 [Guest] sorry我真係已經大壓力到唔知可以去邊到發洩，篇野純發洩，超多負能量，希望大家體諒😓 小妹最近移民左黎英國，依家簡直就係超級無敵後悔。本身抱住可以逃離舊學校嘅社交圈子，當時父母問我過唔過英國嗰陣我毫不猶豫就揀左去，結果過到黎之後就同左我阿媽我家姐同佢老公同埋佢個女一家人一齊住，我自細就已經好唔鍾意我家姐，關係一直都好緊張，仲要成日都要圍住佢個套道理轉，要絕對服從，如果有怨言或者唔肯嘅話就係表面上話冇事，之後就陰陽怪氣，比面色比說話完全齊曬，我阿媽又因為我家姐前年生左個女，佢個寶貝孫又細仲係bb就乜都就曬佢地，日撚日話要包容，我媽唔識講英文，所以基本上生活上稅單電費，就連去超市買小小嘢都要我家姐榜住，搞到阿媽變左和平主義者，例如應該要我家姐洗嘅碗唔洗擺曬係到搞到人地冇得用，原本應該係佢洗結果最後成日都係我阿媽執手尾….. 日日都拎「親情」「一家人」「親人」之類呢啲詞語一次又一次地情緒綁架，永遠啱嗰個係佢，挑事嗰個就係我，佢哋全部都係一個陣營，我就係另外一個，係香港返學已經大壓力，好彩係香港係同爸爸媽媽一齊住，同我家姐頂多都係一個禮拜見一次，情況尚好，到依家搬過黎日日見，講咩都要諗過度過，壓力真係大到就黎爆煲，依家返學已經要用多左幾倍精神去嘗試同外國人social同埋聽書，返到黎真係直接上房咩都唔做訓覺逃避問題算……本身個人就一直都唔開心，依家簡直覺得呢種日子真係暗無天日，唔知幾時先係一個頭……學業方面，即使比人付出左更多時間同努力結果都係跟唔上…..當初我地一家人過黎英國就係係抱住入籍嘅想法過黎，但依家真係大壓力同埋辛苦到開始自我懷疑一本passport係咪真係咁重要？新朋友，新環境，新生活等等，真係搞到日日喊，呢到根本唔係悠閒，直頭就係壓抑，兩點一線咁，屋企學校學校屋企，但我仲要清楚見住自己要繼續過呢種日子，係一個高壓力嘅環境下生存，每次都係抖一啖大氣，呼出只剩無奈，無可奈何 Anyway移左民/離開左香港嘅大家都要加油 Sorry for 1999