—類投稿

#NSS個人 [GUEST] 小妹今年Form 3, 要選科 我從Form 1開始就已經決定好一定會修VA, 但我而家好似對自己嘅drawing skills漸漸變得冇自信 可能因為睇得多人哋畫畫 我覺得我嘅drawing skills 同其他人比起, 我差好多 我大部分畫作都係reference其他人去畫 好少真係自己諗出成個idea 近排我開始諗, 修VA可以為我嘅前途帶嚟咩幫助 Fashion designer? 我冇足夠嘅creativity 漫畫家? 我又唔係擅長畫人物 室內設計師? 我覺得自己未夠班

#NSS家庭 [no] 真係越嚟越憎我老豆 事情係咁樣嘅 我屋企有五個人阿爸阿媽阿哥家姐 所以有陣時喺屋企啲嘢會好亂 但係阿媽通常都要出去返工唔喺屋企 我同我阿哥家姐都喺度做緊嘢或者瞓緊覺或者出咗街 所以啲嘢有陣時冇執 譬如有啲衫喺梳化上面 跟住有啲頭髮喺地下 跟住有啲嘢擺咗喺枱上面 跟住通常我喺屋企做嘢或者喺度玩嗰陣時 佢就會瘋狂喺度講粗口鬧我哋 譬如 廢物 乞兒 冚家* 記得之前仲試過有一次佢話想食蛋糕我話驚佢砌得樣衰我幫佢砌 跟住佢突然之間徒手打碎個蛋糕 搞到啲蛋糕全部整曬落地下同張枱上面 仲有一次得我同我阿媽阿爸喺屋企食飯 跟住阿爸阿媽因為啲嘢起咗爭執 喺我阿媽收碗嗰陣時 攞佢食緊嘅堅果嚟掟我阿媽

#NSS學業 [GUEST] 介紹返，小妹今年F.1 喺一間葵青區女校讀書 自問自己以往成績半桶水,只係符碌派位入到一間唔錯既英文學校。 入咗呢間學校之後,我心理同生理都開始出現問題,可以無端端喊,成日耳鳴/聽到有人喺耳邊尖叫,有幻覺,晚晚失眠,做出傷害自己既行為等等。我自己都知道係學業上既壓力造成,睇到呢度應該好多人會話F.1有咩壓力,但其實小妹自己本身抗壓能力弱,成績亦都逐漸退步… 班frd亦都成日勸我去見吓社工,叫我唔好俾咁多壓力自己,叫我放鬆啲 分散吓注意力,但情況都係一樣冇好過。 其實小妹嘅屋企人好支持我做嘅任何嘢,亦都唔會介意我嘅成績,成日都話盡咗力就好,唔好比壓力自己。但呢種無形既壓力令我更加唞唔到氣,加上小妹既細佬啱啱出世,屋企人個個都唔得閒理我,佢哋亦都唔知道我依家嘅情況。 想問下各位有咩方法可以幫到我 鬧下我都好 我只係想自己既情緒可以穩定啲 Sor for 1999 希望Admin可以po出去 thx 🙏🏻

#NSS家庭 [GUEST] 小女而家中二,我阿爸一直都有第二個女人,但我阿爸平時都對我哋好好,我一直都知道,從我一年級開始佢就已經係咁樣,小一嗰陣時候我無意中睇到佢同第二個女人嘅對話紀錄,就好無知咁樣話咗畀我阿媽聽,第二日佢哋即刻嗌交仲講到好似要離婚咁,咁嗰陣時咁細個梗係唔知啦,一陣叫佢哋唔好離婚,我阿媽都畀到咗一次機會我阿爸,但係出軌只有零次同無數次,我把一直都見到我阿爸keep住同佢聯絡,我阿爸同我阿媽中間都嗌過好多次交,但係而家都冇嘢,我到而家都見到我阿爸同嗰個女人聯絡,但我冇出聲,,因為我驚又會重現返幾年前嘅現象,所以就一直隱瞞到而家,我應該點做？ Sor for 1999 求admin post ig🙇🏻‍♀️

#NSS學校 [Guest ] 小妹今年f3,想知點先可以做到 teachers pet 😩 話說我有個同學，佢成績麻麻（但係成績表OK），亦都曳曳地(有分寸)，唔會特別擦鞋，但係就差唔多個個老師都好鍾意佢。佢就好外向嘅，啲老師有時會串下佢(玩)，之後佢又會串番啲老師。其實佢有咩特點令到佢咁受歡迎呢。btw雖然佢上堂成日傾偈，間唔中尖叫下，但係佢啲態度操行分好高。 係因為佢好開朗？我都好想試吓比老師偏心嘅嗰種感覺，好希望生日嘅時候老師會請我食糖，送少少禮物，存在感高啲。 最後想問問，我打扮下自己會唔會討好啲？

#NSS個人 [Guest] 吾知大家有冇聽過一個病叫妥瑞症/抽動症～ 係嘅冇錯，小弟我患左呢個病～相信好多人都對呢個病名好陌生，吾知係咩黎。其實呢個病嘅患者，通常身上都會出現一啲不自主嘅抽動，好似抽一抽搐咁，呢 D動作係控制吾到～其實我真係好想講，我哋呢個病嘅患者，真係真係好辛苦。 好似以我為例，我抽動嘅動作有時大有時細，通常番學或者同朋友出街嘅時候，因為佢地吾知我有呢個病，佢地就會問：你郁完未呀？/你做咩成日係咁Fig？雖然我知佢地吾知我有呢個病，我吾怪佢地，我知道可以同佢地解釋下我咩事，但係都會有 D難開口。同埋其實我聽到佢地咁話同咁問，其實心裡面都有 D難受～ 我真係好想同大家講，我地呢類型嘅病患者真係好影響我地嘅社交～ 我真係真係好希望，如果大家身邊都有缺陷，例如患有可能係妥瑞症，過度活躍症或者自閉症嘅人，希望你地可以包容下佢地，吾好笑或者歧視佢地🙏🙏

#NSS社會 [(求放IG）Guest] 致仍在堅持的你: 疫苗氣泡就嚟生效嚟，到時冇打針嘅冇街行、冇堂食、冇波打，其實白啲嚟講幾乎乜都冇得做。唔知你會有會為在人基本嘅娛樂而去打支針，加入嗰8成香港人呢？ 冇錯，小弟可能同你一樣仲係嗰2成香港人嚟，但我都係唔去打。原因其實好簡單，正常研發一支針少則3年，先可以用嘅。但今次支針只係用咗1年多啲嘅時間去研發。當然顧名思義係「緊急使用」，副作用有幾多？其實大家都唔係好清楚。你可能諗緊「啲科學家咪已經講咗副作用好少啫」，但諗清楚咁短時間了解支針可能都只係一知半解。其實10年後副作用係咩冇人知，最壞打算嘅係全部有打針死晒，或者全部冇打針不敵武肺死晒。你話我陰謀論撚又好反針撚又好，總之我一日我人身安全冇受到威脅我係唔會考慮去打。 另外，今日唔打針唔係犯法嘅，點解狗衝去打。唔打針中咗武肺最壞打算係死，打咗支針最壞打算都係死，條命係自己嘅唔到政府管。打針嘅係為人為己？為乜嘢咪又係周圍爆周圍中，係症狀輕啲啫，咁變相中咗都唔知，更加周圍Spread畀人，係咪真係為人為己呢？？？ 再講啦，而家政府早排出聲明block晒啲因為打針而死嘅個案，唔出新聞。而家有幾多人因為打針而死咗根本冇人知。冇事嘅公開畀人知，又點解唔得呢？再大層面嘅IG、YouTube呢啲完完全全Block晒反針資訊，完全冇餘地畀人討論支針，咁驚嘅係點解，大家都心中有數啦。 8成人打咗針但，個案有升冇跌，支針作用又有幾多？睇到呢度希望你真係諗清楚係咪決定將自己條命交比支針，而換取娛樂呢。既然堅持咗咁耐，而家放棄係咪好呢。 人類有權唔打疫苗！

[guest] title : 識frds 啱啱去外國讀書就嚟返學就有啲nervous 好驚自己識唔到frd 同埋因為我要揀科 變咗我一日會對住唔同嘅人 好驚難融入 想知你哋係識frds同融入佢哋??😢

#NSS家庭 [GUEST] 小弟今年中三，話說777日前公佈話要打針先入得公眾場所。我就一次疫苗都末打過。我想打biotech，我啊爸同啊媽想我打科興。我平時都吾算成日同佢地吵架，所以我都吾想因為依件事而吵架。請問有咩方法可以令佢地畀我打biotech🤧🤧 sorry for 1999 ， 希望大家幫吓手,Thank you🙏

#NSS社會 [guesr] 2022DSE 想問大家2022考生有冇打針🥲 我一針都冇打，但又好擔心dse，打大家都明，呢枝針打到人會死。想問有冇人一樣未打。 無意侵犯打咗針嘅人