#NSS個人 [GUEST] 想問各位仲有冇人未打針？ 小弟今年中三，本身唔想打針 一係完全唔信個垃圾政府 二係擔心疫苗副作用 我都知打完第一針 第二第三針基本上都係要打 屋企人起初都尊重我意見 無逼我打 但係今日林奠又無端端整個所謂「疫苗通行證」（即係逼啦）（仲有強制安心出行，但係我已經打算用白機安裝安心出行） 小弟每星期要去琴行 但係琴行又喺商場入面 搞到我而家完全唔知點做 屋企人聽到新聞之後都開始谷我打針 我同佢講我想有選擇嘅權利 屋企人都明白點解我唔想打針 但係政府逼到走唔甩 所以就想我快D打針「返去正常生活」 之後先可以返學 傾咗好耐最後意見不合嗌咗交😣 所以我而家真係覺得好無助 想問大家意見 應唔應該打咗就算？ 同埋如果各位仲未打針嘅打算點做？
#NSS愛情 [GUEST] 我想和你在一起，但我想你不會對我有興趣… 你（女）比我（女）大一年，今年你是我的社長，我是你的社幹。由我中一開始便知道你是誰，但是當時對你沒什麼特別的感覺，只是一個普普通通的師姐，到了今年開學後才真正和你有交雜，記得你當時要和我們一起拍攝社的照片，我是唯一一個很不合作很頑皮的，這都是在吸引你的注意，在這之後，你開始頻密地找我幫忙，我很開心，因為可以見到你。即使我們在同一層，但是見到你的機會真的是少之又少，每當經過你班房時，我都會不自覺地偷偷看看，你究竟在不在，有時我都會跟你對了一眼，見到你過得開心，我也會替你感到高興。記得有一次你邀請我陪你回學校做小幫手，我二話不說就立即答應你了，只奢求能夠見你一面……無人預計到那一天是那麼的大風，但是站在門口的我卻沒有抱怨，因為我知道，見到你，已經很開心，無論有多冷，我都願意為你承受，誰知道你見到我打了個冷震，彷彿在扮男子漢大丈夫似的，叫我和你交換位置沒有那麼冷…此時此刻，我軟弱了，只好像個乖寶寶一樣服從你的命令，換了位置後，你便開始看著外面的街景，而我卻選擇看著你可愛的臉……一會兒後，我們在課堂裏休息，和你一起聊天，聊了好一陣子，可以放學了，我和你和其他人一起走，你卻問了我一條問題，我沒有答到你，但是我卻回應了一句：「關你咩事=.=」現在真的非常後悔我當初那麼兇…… 幾個月前，我一直不停欺騙我自己，我是喜歡男仔的，但是遇上你之後，我發現我喜歡了你，你令我想保護你和珍惜你，但是這都是只有我想，你可能只當我是一個平平無奇的小師妹……
#NSS家庭 [CCKLN] (Re返上次唔想留係呢個屋企個post) 自己本身嘅遭遇同樓主你好似，我老豆又係喺我好細個嗰陣（自己仲讀緊幼稚園）就因為一次去賭錢而負債最終仲要我阿媽幫佢去還，如是者過咗幾次之後佢終於對我老豆失去左信心返反外地（雖然無離婚但自己已經算係單親） 自己仲讀緊幼稚園嗰陣因為阿爸嗰邊啲親戚都住喺香港而阿媽嗰邊嗰啲親戚都住喺外地自己嗰陣又唔懂事唔知發生咩事所以就被説服左留咗喺香港。嗰陣阿媽都有諗住挽留我但佢比起我阿爸嗰邊啲親戚溫柔太多而無比到太多壓力我 唔懂事嘅我就自然無跟佢走 仲記得佢對我只有兩個要求 唔好輕易放棄同要獨立 時間真係過得好快 而家自己已經form 5 叫話知道返發生過啲咩事 同埋我同我阿媽本身都有情緒病同埋心病（唔係傳統嗰隻heart disease 係 septal defect 有讀Bio應該明)先發現其實佢一直都好辛苦 而我係香港都因為我阿爸做錯野而比親戚鬧話我第時一定會好似佢咁冇前途而我自己雖然好鐘意香港亦都有好好嘅朋友但真心我唔想亦都好後悔留咗喺香港 而自己由細細個開始就因為冇咗阿媽同被親戚侮辱嘅我而家已經對個世界好冇安全感成日覺得其他人都會好似我屋企啲親戚咁憎我 成日都好唔開心 而因為疫情同其他原因我升中之後已經冇再叫過我阿媽 最多只會online chat 下
#NSS愛情 [GUEST] 以前的我從沒想過，自己會喜歡上了一個女生。 剛認識你時，很快就和你熟絡起來。卻莫名的，比起其他人，我總是特別喜歡與你一起，特別常想到你，特別喜歡黏著你。 還記得，那次失戀時，儘管我有多煩人，你都總是陪著我渡過。直至午夜，你仍然不會掛斷電話，不讓我獨自一人。因為你，我很快就渡過了悲傷。 在那一刻，你開始一步一步的，不顯眼地進入了我心裡。我卻仍然以為，我只是比起其他人，特別喜歡你這個朋友。 「我只係想同佢相處多啲咁啫？」「我只係特別重視佢啫？」「我只係冇乜安全感，特別關心同佢嘅關係啫？」 半年過去，事實慢慢地擺在眼前。所有的情緒反應，告訴了自己真相。一直逃避的我，那刻不得不接受了。努力嘗試接受自己，這掙扎卻一直一直折磨著我。 我也知道，你有喜歡的人；就算沒有，也不會是我。因為清楚知道沒有可能，我選擇了好好放在心底，仍然陪在你身邊，默默守護著你。 有人會問，為什麼不開開口，大膽賭一場呢？我只是不敢，也不願，因為這場賭博我實在不敢嘗試。在留有遺憾和失去之間，我選擇了前者。 儘管敏感的我留在你身邊有多麼疲倦，我卻終究捨不得放手。我希望，至少能留著這個朋友身份。 只是，有一天，「轉角那笑意，不經不覺亂了思緒。」
#NSS個人 [GUEST] 唔知大家屋企有冇裝香拜神嘅習慣？ 我本身有鼻敏感，冬天瞓醒基本係攞紙巾整鼻涕雲吞，之後就用其中一邊鼻洞呼吸。屋企向來有在廚房灶君和客廳嘅外國神像(我屋企有外國家人)度裝香，以前返學校面授嗰陣任佢哋在屋企裝香裝到煙霧瀰漫都唔關我事，但自從轉咗網上授課之後就出事。 我對燒香的身體反應比較嚴重，燒幾支香聞到就眼痕鼻塞咳嗽，早上佢哋一裝香我就難受攞命咁款，但佢哋自己就冇野。 之前我有同佢哋講燒香嘅危害，影響老人家記憶定認知能力和自己聞到嘅狀態，不過佢哋唔信話唔關事。 家父向來行動力低下，叫佢做嘢話做又冇做過野，要佢同性格固執嘅祖母講又不願意咁款。而不常回家住的家母又冇咩說話權，祖母對佢係兩種態度，相處嗰陣扮好人好者，家母一走佢就勁不屑，家母話幾時返黎屋企就同日日黎屋企嗰啲三姑死八婆係度講家母唔住係屋企，又唔知自己把聲大到係房嘅我都知。 唔知各位有冇咩方法解決裝香？我依家日日聞住啲香加上冬天鼻敏感，兩種效果疊加實在比死更難受。