#NSS個人 [GUEST] 一人一個有營養既YouTuber 最近太悶，打開YouTube, 睇到冇咩好睇 大部份出名youtuber 都係高產出垃圾 特別係arho tv 靠個d巨大化玩唔得幾耐 玩到無野好玩玩fing錢,買袋衫個d都話鐘意, 摸到乜買乜真係好浪費又唔係有趣, 成日曲線表現自己好有錢 真係唔好教壞小學雞d消費觀 典型廢片 睇完唔會有任何得著 又唔會令你反思 更加唔係好笑 不過現代人最鍾意睇呢d片 唔洗思考 純粹睇黎hea時間 而值得反思既係 點解呢個社會會變成咁 難道youtuber要拍呢d廢片先生存到？ 希望大家分享下你地覺得高質素又值得睇嘅youtuber。
#NSS愛情 [GUEST ] 想問下大家意見😥 麻煩admin po ig — 你地覺得分左手之後正常要幾耐時間先搵下一任？一日？一個星期？一個月？ 我一直覺得分左手一個月後同第個拍拖係唔正常。無縫接軌得太快了，可能我比較傳統啲，但係宜家啲00後兩三個禮拜就3-4條女，會唔會係兩個都係挽挽下？定係渣？其實渣係咪真係訓練出嚟，渣完一次，就會有第二次第三次？ — 有個人(a)同個女仔(b)第一日call，a就想同b一齊啦，但係a同b個陣都有各自嘅男女朋友。最後a同b就一齊左啦。其實a係算渣，短時間換左幾條女，想問下大家，到底對00後嚟講，點之為拍拖呢？呢個現象係咪好日常架啦？00後嘅戀愛價值觀係點？ — Sorry ，1999 我預左你地會屌我，又話人地點關你咩事等等，但我真係好需要你嘅意見，包括對無縫接軌同00後嘅價值觀，所以麻煩你地屌細力啲。 到底宜家仲搵唔搵真愛呢？ — 多謝你地睇到呢度。 圖Link: https://ibb.co/4R1NpW1
#NSS個人 [Guest] 我今年F3，由前排開始就係咁諗緊打唔打針好。 其實我唔驚打針之後有咩事，但係我就係唔想打。之前學界要交名單嗰陣，講明咗要打針先可以去，但係我最後都係決定咗唔打。呢個都係其中一個原因，我覺得其實都忍到依家，依家先打嘅話咪好似之前唔打嚟都冇用咁。 之前我屋企人全部都未打，但係政府嘅垃圾政策係咁加強，同埋又要返工，佢哋都話已經避唔到，所以依家全家得返我一個未打。有好多身邊本身未打嘅frd依家都打咗。 我知之後唔打可能邊度都冇得去，所以係咁諗緊打唔打好，佢依家24號之後唔到連商場都唔去得，我真係冇信心永遠唔出街，但係我又唔想打，希望大家可以比啲意見我。 可能有人話打針係為自己安全，但係以事論事我真係完全唔覺得疫苗有用，所以真係一直以嚟都唔諗住打。 Sor for 1999 Admin Po IG thxxxx🙏🏻🙏🏻
#NSS個人 [GUEST] **長文，啊唔係虎，總之有閃光彈，慎入啦** 大家好 首先，我想分享下自己嘅故事。上年F3嘅時候，我正式同同班嘅一個女同學成為情侶。一開始都冇乜人知，到之後去到全校老師，甚至連各自嘅屋企人都知道曬，亦都好好彩大家都冇反對。個個本身都好開心，冇乜嘢。 香港政府啲on _政策唔係第一日架啦，而正正因為呢個原因，佢(我女朋友)阿爸就提出之後好有可能會離開香港移民。當然嗰陣未確認真係會走嗰陣冇擺喺個心度啦。 直到冇幾耐之前，確實咗真係會走，移民去澳洲。知道咗呢個消息，正常人都會唔開心啦。 正正就係因為咁，我做咗個而家諗返極度自私而後悔嘅決定…… 佢係個非常愛我嘅人，我成日都要佢照顧，冇見一段時間會好掛住我，但就係因為咁，我決定遠離佢，甚至去扮鍾意第二個，令佢討厭我，就係想佢可以喺去英國之前放低我。我知，我真係極度自私，冇企喺佢角度諗，甚至hurt到佢，唔係講笑，佢係個非常情緒化嘅人，嗰陣佢真係用刀界自己隻手。 因為呢件事，引發咗之後好多事嘅發生。雖然我刻意疏離佢，但係我其實仲好愛佢。但係我唔想見到佢喺離開之後更加唔開心。決心疏離佢之後，佢朋友都勸佢離開我，但係佢因為太愛我而冇聽佢哋講。佢咁做，都令之後發生咗啲事**(下文會講)**而我朋友都建議我跟隨自己嘅心，做咗決定就唔好返轉頭。但係，因為佢坐喺我附近，每日望住佢唔開心，我個心就會隱隱作痛，非常內疚，因為咁，我主動搵返佢，同佢解釋，佢都好開心可以繼續同我一齊。 原本以為件事就咁就算，我啲朋友見到我食回頭草，多少都有啲不滿，嗰陣都仲叫冇乜嘢。再之後，我呢個pk竟然重復做多次，再次疏遠，甚至單方面提出分手。嗰陣佢好唔開心，佢啲朋友都再一次勸佢離開我，幾好笑嘅係，佢仍然冇聽。佢啲朋友都放棄勸佢。 再之後，我去咗同社工傾咗一段時間，知道咗自己嘅真正想法，決定咗。冇錯，再次複合，亦都係最後一次。可惜，因為今次，我哋兩邊嘅朋友都放棄咗我哋，唔係講笑，我哋點解釋都冇用，喺班上面，我哋成為咗兩個獨立嘅個體，嗰段時間我勁灰，冇曬班朋友，得返一個對我好好但係就嚟要走嘅女朋友，甚至係聖誕party，都坐埋左係角落頭。 自問我自己，雖然平時係好煩，仲gay gay地(?)，但係對佢哋都叫唔差，佢哋需要我嗰陣都會喺度，佢哋唔開心雖然會串一兩句，但係都會安慰佢哋，可能有時過激，令佢哋更加唔開心，我自己都知衰，但係過咗幾年之後先改一定會俾人話虛偽。佢哋都知我有呢個諗法，佢哋啱啱開始疏遠我嗰陣，都只係唔同我一齊玩，但係到之後，約好咗一齊食飯，但係佢哋就一齊跑走，我追到佢哋，一齊坐低咗，我就俾人當透明咁無視，當然我好唔開心啦，食完飯擺低咗錢就走先，但係我真心，到而家都冇嬲過佢哋。我唔想扮聖人，但係我真係好鍾意呢班朋友，係，我係好黑人憎，又煩，又串，我今次真係決心會改。 啱啱開始畀佢哋疏離嗰段時間，我每日都灰到落谷底，我女朋友每日都喺我身邊陪住我，但係都無補於事，我哋都有試過各自主動搵班朋友，但係就係得唔到原諒。我哋好想知佢哋嘅想法，我用盡曬所有方法，佢哋就係唔肯講。之後我甚至同屋企人因為咁嘈左場大交，仲入廚房攞住把刀威脅佢哋，阿爸一巴打醒咗我。見社工，同班主任傾，直接各自搵佢哋，乜都試過曬。 同樣情況我女朋友都係，佢啲朋友個個都覺得佢重色輕友，所以就一齊疏遠佢。我女朋友係佢好細膽嘅人，直至到last day佢先決定去搵佢哋。 直到而家，我女朋友已經確定咗日期，今個月內就會飛。因為停課，日日都要用zoom仔，同佢見嘅時間大幅減少，佢忙住執屋，根本抽唔到時間出嚟見個面食餐飯。 我好想透過呢篇文章，知道你哋有乜建議，同埋見到呢篇文章嘅朋友們，你哋見到一定會知打呢篇文嘅係邊個，我喺呢度鄭重道歉，希望你哋可以重新接受我。對唔住，我會改過，希望你哋可以原諒我。 ****thx admin po ig
#NSS其他 [Guest] {交友謹慎 好奇心害死貓}四年前的我被侵犯我啞忍，四年後的我被性纏擾我無路可退。（兩個人嚟）眾生皆苦人人有吾同心事可能未必講得出口 但當我每一再選擇抹去所有 發現我做吾到 呢啲都成為左我人生污點 可能所有嘅錯都係我嘅決擇所做成。事源～甘打機為求都想升分以前執念太深 見到佢個profile幾勁諗住有得痴下咁 點知一嚟就問我曖昧下 拒絕過但後尾都應承左 後尾傾到去澀 係吾知點知點解會推到落去 sd過相同叫床聲（有啲係網上摷，冇棵照） 拗過勁多次交 嘈撚到三更半夜阻撚住我瞓覺 都算。問題係我blk佢甘多次佢吾肯放手真係好得閒 一次次嚟揾我煩 仲開埋啲19ac改埋啲19名 頭像我嘅 狂stalk我 根本一個死變態 可惜啦佢係台仔 好似冇乜計可以對佢？都廿幾歲人啦仲成日做埋啲19嘢 um我未成年。佢嘅自以為是
#NSS個人 [GUEST] 我屋企唔窮，daddy做緊一份算係專業人士嘅工作，月薪二十萬，咁我好感恩。但其實我嘅午餐好慘，我屋企午餐冇人煮，日日都係食商場外賣(我住個度商場冇嘢食) ，食外賣唔係問題，但係有乜可能日日都係食美心一粥麵麥當勞 (仲要係藍，佢哋聲稱黃但日日都係食呢啲) 仲要叫我珍惜有飯食，冇理由差唔多日日都係食呢三間嘛，食嘅嘢唔多健康。我覺得有啲冇咁有錢嘅人屋企午餐都唔係淨係食呢三間㗎，人哋午餐起碼有啲變化又有營養。唉我真係好想知係唔係我太唔識感恩。究竟我應該點算好？我好希望我午餐唔止呢三間，多謝大家 請 admin post ig thank you