#NSS學業 [GUEST] 比返少少背景先，我F5，讀緊Band1A中學，學校LS用英文讀（我知用唔同Language 讀都或多或少有啲分別） 咁眾所周知，2023DSE（即係我個屆啦）係最後一屆需要讀LS嘅，Drop都無得Drop，更加無理由自討苦吃留一年去讀咩國民教育科㗎啦.. 但係我LS成績一直無進步、好差，自問有專心聽書、功課做齊，反正有努力去試攞好啲嘅成績啦。但係點試都好，都好似搵唔到LS份卷嘅竅門，點試都好，Paper1 都上唔到60%分數，一直徘徊係50幾%咁… 見住啲同學好似好輕鬆65%、甚至7成，我就更加自卑.. 我想出去補習，但係我見到補LS嘅地方少之又少，而且用英文讀LS甚至更少.. 請問呢度有無人會有推介嘅LS補習？或係有啲咩Skills/操卷方法可以提出？ 萬分感謝！好人一生平安
#NSS學業 [Guest] 小妹而家喺香港讀緊一間傳統名校，咁話說屋企人一直想我去外國讀書，上個月就去咗考一間全英國排頭十嘅學校。原本因為自己成績唔算好好，而考嗰間學校個個都係學霸，間學校有30%人都讀醫，alevel A-A* percentage 超級高，搞到自己完全冇信心冇入到。點知前幾日收到嗰間學校offer ，但係依家個人好亂，屋企人好想我去嗰間學校 ，但係真心覺得自己唔會捱到個種壓力，而聽身邊嘅朋友講間學校迫啲學生日日係咁溫書，完全冇課外活動 ，個weekend timetable 全日都淨係可以留喺房溫書，如果冇佢想要嘅成績仲會中間踢你走。大家覺得我應唔應該接受個Offer，定係考多幾間rank平凡少少（top 50) 嘅學校，咁可能至少可以享受校園生活，但就唔知點同屋企人講😭 大家有冇意見可以俾我？ Sorry for 1999
#NSS愛情 [GUEST] 今年係我識你嘅第四年， 可能你一直唔知，其實我對你嘅感覺， 已經唔單只係朋友嘅鍾意， 我知你唔鍾意女仔， 亦知道你心入面已經有一個男仔。 我啱啱發咗一個夢， 個夢好真實 ，感覺好幸福， 夢入面我哋做咗一啲情侶之間先會做嘅嘢， （唔係啲咩鹹濕嘢🙉 我好想呢個夢不斷重複喺我個腦海入面， 但係一切都只係夢，我終究都係醒咗。 醒咗之後嗰種無力感好重， 我都唔知點解突然間好想喊， 呢個夢嘅出現再次提醒咗我， 我同你係冇可能。 我曾經望住你同一個男仔由拍拖到分手， 見住你哋遊戲入面一齊綁定情侶關係， 親密度越嚟越高，到最後解除關係， 嗰陣我發覺，可能朋友先係最好嘅關係。 性別令我容易接近你， 但同樣亦都因為係性別， 令我唔可以光明正大咁鍾意你。
#NSS個人 [GUEST] 我真係好唔捨得我工人姐姐 我姐姐已經係我屋企已經照顧左我地10年就快11年。 老老實實 我覺得我見佢多過我阿媽阿爸 。佢平時對我同細佬勁好 我阿爸阿媽唔比我地食嘅嘢 佢都會偷偷煮比我同細佬食 ; 我同我細佬做錯野 (例:偷打機) 都唔會主動同我阿爸阿媽講 真係好nice 同埋煮野食都好好食 ,性格好好, 仲會幫我同細佬溫西班牙文 但係我地一家人四月去英國 咁就要say bye-bye啦。今日食飯嘅時候我阿爸同佢講左我地要走，佢表面冇乜嘢，但係食完飯佢係露台企左15分鐘，我完全未見過佢咁，跟著仲要眼濕濕。 我完全唔捨得佢 我之前有諗過到底姐姐走左我會點 跟著喊到收唔到 。我唔想之後日日都喊（我打呢篇野已經喊到傻左）過黎問下有介咩方法可以解決咁樣🙏🏻btw sorry
#NSS個人 [GUEST] （文筆唔太好請見諒）想分享一下，近黎我去學唱歌已經大約4/5個月倒，不過發現一個問題— 唱歌老師都話其實我啲skills/音準都冇問題，但係我就係感情上點都好似表達唔到，好似收埋啲嘢咁 以前細個啲嘅時候都好鍾意表演，上台冇乜點緊張。但係大個左經歷幾年係學校俾人批評/或者成日講嘢/鼓起勇氣表達自己意見嘅時候冇人理，再加上情緒上嘅壓力，搞到我好似連坐低打機都好難真正放鬆。而可能因為我長期抑壓自己嘅感情，導致依家好難表達想表達嘅感受，好容易俾人誤會。 其實我依然好鍾意唱歌/表演，但係好多時候一有人係面前就會令我自然地收返埋，搞到每次都差少少先到位。 我想問一下有冇咩建議/方法可以放低以前嘅嘢，點先可以唔好再係我心外面起牆，因為其實好辛苦。（冇都唔緊要！） 🙏 (sorry for 1999) (admin 請post IG）