—類投稿

#NSS愛情 [Guest ] Admin plz po ig🙇🏻‍♂️ 話說呢小弟今年dse。由於自己啲中文不嬲都麻麻哋，所以上年暑假之後搵咗個私補，幫我補習嘅係個大我四年嘅阿sir(下稱w)。我大慨一個星期補三、四次，每次都係我上w屋企。我同w都有打網球，所以大家好快熟咗frd咗。補咗四個月左右，開始有啲唔尋常 ;-; 小弟本身係bi仔 ;-; 又係好容易對一個有feel嘅人，可能因為成日同w見，又傾多咗偈，發現自己好似有小小鍾意咗w (?) w份人有啲高冷，但每次做完pp w見到我又錯啲唔應該錯嘅嘢就會好激氣，鬧我唔小心，見到w咁緊張我個樣就會成日亂諗 ;-; 但我唔敢諗太多，第一人哋都唔知係咪bi/gay，第二w可能只當我係一個普通學生咁教，第三比w知道咗一定唔會再教我，我dse啲中文就真係食得屎。都係focus落dse重要啲。 不過喺跨年嗰日就發生咗啲嘢。我不嬲都有fol開w挨豬，嗰日見到w po story 話唔開心，之後我dm w問咩事，w又話冇事。但我直覺覺得一定有啲嘢，平時w就算係唔開心都唔會特別po story，所以我睇完佢story 就去咗尖咀海旁睇吓撞唔撞到佢。又咁好彩比我撞到w，我咪走過去諗住同佢吹下水問吓佢咩事。我行過去見到成地酒樽，w成個人wing下wing下咁，我即刻扶住佢問佢咩事。w醉下醉下講話自己家庭好差，又唔接受佢，咩當佢唔係正常人，我追問先知原來w好細個已經知道自己係gay，又有情緒病，所以一18歲就搬出自己住。我嗰下聽到唔知比咩反應好，嗰晚我就用有啲興奮又帶啲擔心嘅心情陪咗佢一晚 ;-;

#NSS學業 [GUEST] 想問下補bio嘅話Scarlett Chu/Andy Tse邊個好？上面爬咗好多文，但係好少見到有人比較兩個🙇🏻‍♀️🙇🏻‍♀️（利申F4，成績還好而且記嘢都ok，唔係唔肯溫個啲，不過想識啲skills同埋清下concept） 聽人講Andy Tse個樣有啲惡，不過有朋友係個度補之後有進步。Scarlett Chu就搵到好少資料，淨係知佢啲notes好精美，而且都好似幾好？第一次補大型補習社想謹慎啲，唔要打手！！ （有其他大型補習社推薦都ok）thanks!!!!

#NSS其他 [何文田某間中學] Title: 何文田同學小心啲 話說1月12號星期三(sorry咁遲先投)我同兩個frd放學行落斜路嘅時候，突然有個男人着藍色衫啡色褸行埋嚟搭訕，喺到話「咁早放學嘅」「你哋幾年級」，開頭我都無乜所謂，可能佢想搵人傾下計，係咁咦敷衍下佢，之後就行快兩步撇甩佢，點知佢追上嚟，突然之間嗌我咩唔好打咁多飛機，我o晒嘴唔知點應佢。之後我行埋一邊綁鞋帶順便俾佢行先，雖然個男人冇停低等我哋，但係佢邊行邊另轉頭，睇下我哋落嚟未。佢見我哋唔太show佢，佢就行快兩步撩前面隔離學校一男一女，唔知個男人同佢哋講咗啲咩(應該係啲唔太好嘅嘢)，佢哋就即刻行得勁快，之後個男人見又冇人睬佢又另轉頭睇下我哋到未(我幾驚個怪叔叔突然跑返上嚟亂噏呀😖…好彩最後都冇…)

#NSS學業 [Guest] 真係好想各位揀咗科嘅俾下意見🙏🏻 小妹今年中三，已經煩咗揀科好耐，本身其實已經有啲頭緒同決定，但係一直都有好多其他人俾意見話我咁揀唔太好。 自己本身想揀Bio Chem同Geog，但係好多人都話呢三科都係多嘢背到死，咁樣揀只會連累我本身成績唔差嘅Bio。上網search過Bio係比較多出路，本身諗住棄Chem，但係好多大學都係偏好兩科理科一齊揀曬，雖然自己Chem都唔差，但係Geog係我真係有多啲興趣讀，但係Geog喺香港嘅出路比較少，其他科方面自己嘅興趣就無咁大。 所以想問下各位如果我照揀Bio Chem同埋Geog係唔係真係咁差，我知道最後都係要我自己決定，但係真係好想問下各位師兄師姐嘅意見🙇🏻‍♀️ sor for 1999

#NSS其他 [GUEST] 《迷宮》 我好像跌進了一個巨大的迷宮裏。 牆很高，我無法看清外面的世界，只有把頭抬高才能勉強地看到抱著白雲的天空，很藍，很美。 迷宮很複雜，高高白色的牆包圍著矮矮小小的我，到底怎樣才能找到出口啊？ 我踏前一步，薄薄的霧緩緩出現遮擋了我的視線，我試著再踏前一步，霧更濃了。我置身一片白色中，不知所措，我不知道該怎麼做，我不知道前方的路該怎麼走，我想把霧撥開，可我卻無法觸碰它。 不知道啊。 霧沒有自己散去，我仍然停留在原地，腳像是拴上千斤重的鐵，使我邁不開步，亦不想動。再抬高頭，天空依然蔚藍，白雲依然掛在天空，一切照常。我不明白，為何他們就在我的上方，他們低頭便能看到我的痛苦，但他們沒有，他們沒有伸出手，帶我離開。 對啊，我是如此的渺小，我不過是世界上的一粒塵埃，又怎會有人去在乎一粒塵埃會飄向何方，會落在何地，是生是死？ 我總是輕易放棄，這次，也是。 我害怕，怕我再踏前，霧會連那美麗的藍天也遮住；怕撞得遍體鱗傷，那樣會很痛的啊。是我太過懦弱，我只想逃避。 如果長出了雪白的翅膀，能像天使那般飛往天堂嗎？只可惜，這樣美好的幻想，也只屬於睡夢中的情景。閉上眼，也許看到吧。 好累，即使沒有努力過；我好想睡一覺，「你明明甚麼也沒做，有什麼資格說累？」陌生又熟悉的聲音不知從哪兒響起。「我的確沒有付出過什麼，憑什麼說我累？」是心裏的聲音嗎？只不過，我沒有力氣去想。想睡好久好久。可以的話，就永遠不要醒來了吧。 可能逃避是弱者的行為，那麼，我願意成為弱者，只要不那麼痛苦，反正我一向都是如此懦弱。我早已不求誰理解我，誰在乎我。就讓我獨自留在迷宮裏，再也聽不見外界的聲音，活在只有自己的世界裏。 放過我吧，我想離開，就讓我躺在迷宮的中心，在迷霧中，永遠地沉睡過去吧。 —— 祝所有仍在困境中的人能繼續走下去 By一位熱愛寫作的抑鬱症患者

#NSS個人 [GUEST] 小弟今年form 5 學校裏面有啲關係好好嘅朋友 平時傾計話題都好夾 但其中一位朋友時不時會講起我住嗰區嘅居住環境 話我住嗰條邨多白卡佬 「XX(街道名)真係垃圾地方 劣🤮🤮🤮」去形容 有次佢更加係我同其他FRD面前話：「呢條邨真係垃圾嚟，你叫你老豆啊媽快啲搬啦」 我都知我住嗰區喺十八區入面係最低收入之一 但佢次次都專登講起我住嗰區 再淨係講我住條邨(即係十八區再細分少少 類似區議會分區咁) 我心情都唔多好受 其實我父母都係辛苦咗好耐先喺呢區買到個單位住 如果有錢邊個唔想住好啲？ 佢每次講呢啲說話 我都有啲唔開心同尷尬 但又唔想同我父母講 驚佢哋hurt 但又唔可以同其他同圈子frd講 因為大家都係住同一區 所以件事煩擾咗我好耐

#NSS社會 [GUEST] 都過左兩年，其實大家點解仲要咁驚武漢肺炎？究竟係啲咩令到你地過左咁耐，依然認為疫情係咁嚴重？仍然戴住嗰死人口罩？真係諗唔通睇唔透。我知你班防疫撚開始打啲好公式嘅答案㗎喇，唔洗急喎我慢慢答你🤗 最常見到嘅不外乎1.「中左招惹埋屋企老人家點算啊」、2.「後遺症好嚴重啊，會肺纖維化」、3.「你望下美國死幾多人，就係因為唔戴口罩啊」、4.「變種病毒好恐怖，確診數字全球上升啊」等等嘅廢話，我一個一個咁答你。 1. 既然你咁驚惹埋比同自己住嘅老人家，咁你返到屋企有冇戴口罩？面對面食飯有冇戴口罩？有冇全家分開自己一個人咁食飯？你好似無咁做喎，咁其實你係咪想惹比你屋企啲老人家啊，咁不孝咁自私㗎，為左自己要食飯除低口罩。同埋你有冇鎖你啲老人家係屋企唔比佢出門口，你知㗎啦出面世紀大瘟疫啊，依兩年佢有冇同你依嗰孫仔孫女出街飲茶食飯啊，防疫破口喎，食飯要除口罩，點算好啊，肯定惹曬啲病毒比屋企人啦😵😵 1. 後遺症真係好嚴重，嚴重到C朗中招後仲可以跑得咁快。當日比黃藍大家庭通緝嘅李運強先生所謂確診後無接受任何醫治底下成功逃出醫院。就連侵爺咁老中左招幾日就無事，容光煥發。仲有好多好多確診左嘅人都係好似流感咁病一個禮拜就如常生活，無袁總統所提及嘅跳唔到幾多cm同嗰肺以後唔會康復。 2. 其實嗰口罩本身就阻擋唔到武漢肺炎，都唔知你班人其實究竟做乜。美國紅色州份之前取消防疫政策，確診數字係比藍色防疫州份少人確診。我諗唔明點解仲有咁多防疫撚迫人戴口罩。「啊我點知你有冇確診啊，戴返好嗰口罩啦又唔係要求啲乜」照你依嗰邏輯，如果你係男人我都可以叫你鎖住自己條撚，我唔知你會唔會強姦人，做多一步啫唔係要求啲乜。咁樣係唔合理㗎嘛，法律都有話「無罪推定」，你依家就「確診推定」。講真如果我對面條友無戴口罩對住我咳到噴口水，我贊成你私了佢啦，哇大佬啲口水飛曬埋黎塊面，咁對面好明顯病緊梗係可以叫佢戴口罩啦，好影響緊我阿嘛。再者，係你叫一個無病徵嘅人戴口罩嗰陣，你有冇了解過佢有冇病所以導致唔戴得口罩？皮膚敏感，心臟疾病，呼吸困難等等，你無了解就批鬥人唔戴口罩最自私嘅係你，你係無顧及他人嘅情況底下強迫人地服從你嘅命令。講真你覺得口罩有用點解仲要其他人戴啊，你自己戴住咪得囉。 3. 確診數字上升咁又如何啊，日日都有人中感冒流感（啊依兩年無曬因為全部當做武肺數字咁計🤭）依隻嘢無可否認係一隻高傳染力但係殺傷力如同感冒流感一般，我識好多人中完都唔知自己中左，喺佢比人要求檢驗佢先發覺自己中左。同埋我想講，依啲確診數字咩入院數字你地都唔好信咁多啦，最近美國先不攻自破地爆出原來所謂”Covid-19 Patients Currently Hospiotalized” 嘅病人其實接近一半都唔係因為武肺太嚴重而住院，而係因為其他疾病🤭淨係911事件媒體政府點樣掩蓋真相就知所謂美國民主國家其實並唔可信，得閒睇多啲而唔係淨係識得話好驚好驚，大把外國Channel有唔同講解，想聽廣東話又有白兵。 武漢肺炎嘅真相其實都慢慢浮現緊出黎㗎喇，講真如果隻病毒咁勁你覺得G7班控制全球嘅垃圾夠膽攬頭攬頸，然後隔離啲侍應好似低等生物咁戴住嗰口罩🤭，網上大把相有得睇。最希望係大家可以睇清楚嗰現況，尤其是中學生，最需要訓練獨立思考嘅一個階段。正正因為你對烏托邦嘅幻想，導致蒙蔽左你雙眼。極權只係塑造緊美好嘅烏托邦（齊齊防疫恢復正常生活），塑造一個共同外敵（武肺），同時就係到剝奪你嘅自由同實現佢地政治（美國大選，香港抗爭）同獲利（防疫用品）嘅目的。當大眾相信極權「共同打造烏托邦」嘅依一套，所謂影響實現烏托邦嘅人就會比大眾批鬥，人民批鬥人民正正就係菁英人士同極權最希望見到嘅現象，因為咁樣就無人會發覺依場鬧劇嘅幕後黑手就係佢地。 最後最後，我相信中學生仲有部分人係清醒。作為非主流嘅我地，我地係社會嘅待遇其實仲衰過黑人，唔係講笑😂希望作為學生嘅你地，可以盡自己能力，由生活上面入手。係學校拉低嗰口罩，自自然然就會有熱愛防疫嘅同學仔搵你傾計，話唔定你可以改變佢地，因為真理只會越辯越明！ 熱愛自由嘅普通市民上

#NSS愛情 [GUEST] 如果只係一時嘅感覺，咁我寧願我哋冇開始過⋯⋯ Hello大家好，我就係嗰個恐怖情人，#NSS211107B嘅樓主！咁一個月前我呢段關係就正式結束咗啦⋯⋯ 雖然真係好唔捨得，不過我依家都嘗試放低，雖然有啲難啦，哈哈。 如果你冇睇過之前嗰個post，我建議你睇咗先再睇呢個po。 咁喺一個月多啲之前，我就發現佢好似唔太對路，覆message等成日佢先覆，我唔搵佢佢電話都唔打個俾我，咁我就進行左呢個「三日唔理佢計劃」睇吓佢會唔會主動黎搵我，但係三日過咗去佢完全一個message都冇，我唔想亂諗嘢，所以我就去搵咗佢個friend問吓佢係咪好忙，好多功課要做，但佢個friend話冇乜，而佢個friend都覺得好可疑，建議我打電話俾佢。雖然我嗰陣時已經有個不祥嘅預感，但係我都鼓起勇氣打咗個電話俾佢，而佢第一句「喂」嗰陣時我已經feel到佢嗰種冷淡，好似唔係好想同我講嘢咁，但係我都繼續：「喂，你呢排好忙啊？做咩唔搵我嘅？」佢又冷漠咁答我一句：「唔係好忙啊，我都唔知點解唔想搵你。」然後講咗少少嘢之後佢就提出左分手，佢比我嘅垃圾理由就係因為我喺佢好唔開心嗰陣時不停搵佢，佢覺得有人陪佢好開心，但係而家好似冇感覺，所以就想分手⋯⋯不過佢都想要返少少時間諗吓，所以就約咗係聖誕節之前傾掂佢。 我約咗佢香港時間10:00am傾嘅，但係我因為嚟到加拿大嘅時差問題，所以我就睇錯咗時間，遲咗一個鐘，雖然我有錯，但係我想問點解佢呢一個鐘裏面完全冇搵過我？咁到我call咗佢嗰陣時我就問佢點解唔搵我，而佢就話：「我見你冇搵我咁我咪以為你唔想同我講嘢囉。」喂大佬呀，我約咗你就唔會放你飛機啦，如果唔係我約你嘅意思喺邊度啊⋯⋯ 就算我真係唔搵你，咁我諗一個正常人應該都會Send個message問吓掛？咁我哋開始講正經野嗰陣時，我就唔希望氣氛太尷尬所以就用咗我平時開朗嘅聲線同佢講嘢啦，而唔知點解佢喺度笑？？？咁耐以來第一次向我笑⋯⋯ 我到而家呢一日我都好想知道佢做乜笑⋯⋯ 總之，我哋一路傾嗰陣時我哋講嘅嘢都幾諷刺，哈哈⋯⋯ 其實我嗰日有好多嘢想問佢，我亦都喺自己心裏面講咗好多次，但係我去到嗰日緊張到唔記得晒我想講乜，跟住去到收線之前我仲喺度組織緊句子，但係佢已經唔耐煩跟住cut咗我線⋯⋯ 佢個人有冇耐性㗎？！ 我哋就係咁樣完咗我哋嘅關係啦⋯⋯ 我哋有講過繼續做朋友嘅，不過大家都知道呢啲嘢好少發生，甚至係冇可能，所以除咗新年同佢講句新年快樂（佢係已讀不回我）之外我都冇再同佢講過野。 雖然我都有啲嬲，但我其實本身都唔係一個好記仇嘅人，所以我都真心希望可以唔好冇咗個朋友，因為我哋仲係普通朋友嗰陣時，我真係好多謝佢肯聽吓我講嘢，因為我本身都係一個超多嘢講嘅人，而唔係好多人肯聽我講嘢，所以我真係好多謝佢，不過既然佢唔想同我講嘢，我都唔會勉強佢啦，費事搞到我好似嗰啲不停黐住佢，超煩嗰啲ex。 總括下我想講嘅嘢啦，其實如果你係突然間覺得你鍾意一個人，咁唔該你就唔好同人拍拖啦，俾多啲時間你諗吓，曖昧下先，因為如果只係因為一時間嘅衝動，之後一定會有一個人好似被刀插咁痛，日日喺度諗自己做錯咗啲乜嘢，令到呢段關係冇咗，亦都其實可能有少少陰影。 超多謝大家肯睇晒 sorry for 1999 😖😖😖

#NSS愛情 [GUEST] 小妹今年中六，話說我係中四嘅時候鍾意咗一個男仔，但係我覺得自己配唔起佢（自問自己個樣10分裏邊得6-7分，又係肥肥地個種）所以一直都冇同佢講😅我同佢幾乎冇傾過計（鍾意佢係因為佢性格好好）。上星期五放學嗰陣時，佢企左喺樓梯前面同朋友傾偈，見到我落樓梯，就擰轉左塊面。。。我想問下，其實佢係咪好唔鍾意我😅（自問同同學相處得好好，都冇聽到同學話我性格有咩問題）講真果下真係好唔開心🙁今日放學行樓梯又見到佢喺前面，我全程都揼低咗個頭行，好驚望到佢啲表情😭其實純粹係我唔自信，覺得佢唔鍾意我，定係佢真係唔鍾意我？（指同學嗰種唔鍾意）我好肯定佢嗰陣時係望到我，先擰轉左塊面！ 而且，我唔係得把口話鍾意人哋。我真係有努力過㗎……我為令佢留意到我，減肥已經瘦咗7kg。但係覺得好奇怪嘅係，其實我覺得佢都有少少鍾意我（或者係好感掛）之前都以為係自己自戀得滯，以為人哋都鍾意我。但係我身邊啲朋友都係咁講，仲有一啲同班但係唔係好熟嘅同學，問我哋係咪男女朋友關係。因為佢上堂嗰陣時成日望住我。所以我就唔明，點解嗰陣時見到我會拎歪塊面？😭 小妹自認文筆好差，希望各位可以高抬貴手😂 （唔知係咪咁用）以及希望各位可以俾啲建議我🙏 sorry for 1999

#NSS學業 [GUEST] 唔知有冇人同我一樣會做數做到喊。 小妹我係一個數學好差既人，只要題型轉左少少就唔識做，如果要我解落去就會用左錯既方法去計。試過私補，我覺得效益唔大，都係唔識既數先問，問題係我題題都唔識，無從入手。亦都試過大型補習社，我覺得進度有啲太快，唔係幾跟得上，雖然比起私補我係學到更加多野，但係到自己操數，係地獄既開始。 一揭開啲練習題，頭幾條冇乜問題，再難少少真係唔掂，繼續做落去，眼淚停唔到流落黎，我一度逼自己去計，最後真係計唔出。嗰種絕望失敗感勁強烈，慢慢開始我驚左數學，我知數學係主科，逃避唔到，總有一日會面對。究竟係唔係得我一個做數做到喊？定仲有其他人都係咁？ Sorry for 1999