#NSS個人 [GUEST] 我好鐘意睇動漫、漫畫等等，睇見個d cosplayer（角色扮演者）真系覺得好犀利好好睇，所以我一直對cosplay（角色扮演）好有興趣，而家有翻d私己錢就想試下cos一d簡單嘅角色，因為冇任何經驗所以我就去google cosplay需要知道d咩，然後我見到個關於cosplayer嘅討論區就按入去睇，點知入面d人全部都唔系cosplayer，係度講一d偏見，仲要系好噁心，話cosplayer都係唔檢點嘅人，有d人仲評論話要識d咁嘅cosplayer，我睇左幾眼就唔想睇，開始諗都系唔好cos，一係唔知係咪個個都咁諗，二係萬一我撞到d咁嘅人真係死火。而家我就好糾結，想知道正常人對cosplayer有咩諗法，同埋我到底要唔要試下🤧
#NSS社會 [guest] 我唔知係乜嘢原因令到你地會咁冇腦，亦都唔明呢個垃圾無能政府同埋共產黨有咩好支持。 香港本身係一個好好嘅地方，無論地理位置定經濟，全部都可以令到香港人好驕傲。 – 19年社運，我地係爭取民主自由，前線係攞命去搏，而唔係你地口中暴徒，請了解清楚真相。警察又做咗乜嘢，亂開槍、白衣人、推跌孕婦老人、販毒、偷嘢 等等。呢啲狗種行為講都冇人信係警察。好多人犧牲咗好多嘢，本身講好嘅一國兩制五十年不變，依家乜都冇曬。 – 去到今時今日，所謂國安法，我地已無力再爭取，只能忍氣吞聲。政府壓榨市民，冇人出聲，新聞自由？執笠。點解咁都會有人支持，去到死我都唔會諗得明。 – 疫情期間，好多人失業，好多人連飯都食唔起，天氣凍仲要露宿街頭。政府從來唔會睇到呢啲，淨係識防疫，谷針。大公司比如話港鐵，九巴，藍絲/政府集團，全部係度賺錢，市民呢？已經冇工開仲要忍受加價，政府有冇做過乜嘢？ – 講起肺炎，政府淨係識防疫，柒都唔做，停曬成個香港就係為咗所謂防疫。有幫助咩？你估香港政府會冇身過同病毒共存？爺爺隻科興幾多人打，咁科興又有咩用，淨係為咗支持大陸搞到香港烏煙瘴氣。 – 我文法唔好，我都只係一個F.2學生，同埋我已經唔喺香港，我淨係唔明點解呢個世界點解會有小粉紅，點解咁多嘢明明係香港人係度忍受緊，但係又當睇唔到繼續支持政府。
#NSS社會 [guest] 標題：本土人 直擊主題，今日係想講下香港現今紅色政治下嘅「本土人」。隨著一分一秒過去，紅色主義因為黃色保衛者冇辦法保衛國土而滲入本土，紅旗丶愛紅教育丶唱紅軍進行曲等，縱使「本土人亅經常話自己嘅意識係好堅定，但本人唔柒係咁撚樣認為！ 的而且確，盲目抵制紅色主義一定唔係明智嘅舉動，但BC2019年，一個地方嘅志願軍奮力抵抗，為咗加強成效，行為同盲目抵制係冇乜分別，嗰個地方嘅民眾即使婉如一盤散沙都願意作出不同舉動保衛自己嘅地方。好可惜，兩個學堂作為根據地接連淪陷，紅色主義律法亦都滲入該地。 一開始嗰個地方嘅人都好反對，甚至有熱心民眾捨生取義，但隨著時間的推移，信念嘅火炬已經逐漸凋零，曾經嘅嗰一批民眾不少已經被紅色主義潛移默化，唔信嘅話就睇下面嘅幾個例子。 就以當地政府同民眾之間為例，政府因為自己的過失而封鎖了某個地方，有民眾闖咗入去，就好似嗰一個足球場投稿咁樣，當中嘅黃色保衛者固然有表達不忿，但佢地之間的一部分人就認為因為樓主違反規定而做錯。喺呢一度我想同大家講一句嘢：「依家唔係要睇有冇犯法，而係睇嗰條法律有冇道理！亅封鎖足球場固然係合理防疫要求，但係而家就成為咗政府因為己身過失而犧牲嘅替罪羔羊，當中嗰一班亦為因為違反規定就錯嘅人似乎係咪忽略咗呢一點？ 再者，嗰個地方學校就有每星期升掛一次國旗之要求，學生當然深深不忿，而當中兩名學生嘅舉動令我最為深刻。當中一名學生堅稱自己十分不滿，BC2019年開始就成為了黃色保衛者,2020年如是，但在BC2021年卻表示只要心中信念猶在就可，BC2022年竟然在升旗時主動上前幫手。另外一名學生在 BC2019年十分支持紅色主義，但在2020年開始醒覺，BC2021年更一度嘗試抗爭，升旗時無不反抗，BC2022年已立志奮守家園，不論成功機會渺茫，仍然搏盡無悔。情況就如當今學生，對社會發生咩事都係聽咗就算，慢慢地，紅色主義得以長驅直進侵入。 第三，思想。抖音丶獨特的普通話風格等都是紅國之獨特文化，嗰個地方嘅人都好抗拒，但係呢一個現像已經逐漸消失。「我恨紅色黨而不是紅國」丶「你確定日常生活真係可以唔用任何一樣紅國嘢？亅丶「鍾意紅色嘢係人哋嘅思想，你冇權阻止喎～亅某程度上我係認同嘅，但係似乎係呢一班有咁樣嘅思想嘅人已經畀紅色主義潛移默化……今日或者佢哋會咁樣講，聽日或者就會成為第二個例子第一個學生咁。有咁樣嘅思想嘅人我想問你哋一個問題，紅國軍隊再次進軍本地，你哋身為黃色保衛者仲願唔願意保護家園？ 最後，我希望可以藉住呢一個投稿令更加多嘅人醒返，當身處於嗰個地方嘅人面對紅色主義入侵，仍相信自己的信念係永遠不能被消滅而不作任何舉動抗爭，只是默認自己為順民。可能會話驚畀法律制裁，但係那怕係小動作仍能作抗爭的印記，偷偷地喺背後做五一囉，插袋囉，都唔夠膽嘅話心入面諗都得啩。 如果關心開時事嘅應該都明紅色國家丶紅色主義丶黃色保衛者係乜嘢 求admin畀我投稿，以警醒「本土人」 sorry for 1999 長文sorry🙏 其實我近排已經開始心灰意冷，希望可以喺呢一則投稿度搵番多啲同路人，激起火矩！
#NSS學校 [Guest] 是咁的，我學校有個中文老師，喺度教咗幾年，不過我哋班第一年上佢嘅堂，結果搞到全班超憎佢，但係又冇方法投訴，跟住就講吓佢有咩咁過分。 首先，佢每堂都用一啲好文青嘅語言，例如「交妥」「胡來」，咁我哋班真心覺得冇乜問題，只不過係覺得有啲難聽姐 但係跟住，就開始引起民憤。首先佢喺實體課嘅時候成日會喺WhatsApp比功課，最重要係，嗰日下晝四點俾，要即日晚上用WhatsApp私訊形式交返，咁我就想問如果嗰日啲同學有事冇得用手機，或者咁啱要出街做嘢，做唔到功課，咁點呢？最過分嘅係，佢話啲睇唔到WhatsApp嘅同學，係「唔屬於呢個時代」，咁如果一啲學生唔係太富裕冇手機，或者咁啱手機壞咗，咁係唔係就唔屬於呢個時代呢？ 第二，佢係編排測驗同功課嗰度直情係「胡來」，佢可以喺測驗之前嗰一日比三份功課聽日交。仲有，佢可以喺測驗之前嗰兩日先話要測驗，仲要個測驗係佔平時分好多，叫人點溫得切呢？ 第三，轉返Online嘅時候，佢照常咁Assigned 功課，但係當我哋交完功課之後，佢就逐個同學話文件命名錯誤（份檔案冇嗰份功課嘅名)、掃描模式錯誤（要文件模式，唔可以相片模式)。最離譜係佢話Scan嗰陣唔可以影到張枱，咁我想問點樣影響你改功課呢？最關鍵係呢啲指引佢完全冇講過，之後用咗全堂嚟逐個同學喺度話 第四，因為我哋學校啲功課係佔平時分，而係上一次考試之前，老師話仲有幾個男同學未交功課，而佢更加話如果佢哋之後唔交返份功課，所有男同學都會少1分平時分，係所有，你冇聽錯。咁其實準時交功課嘅男同學錯咗啲咩？ 第五，佢超級重女輕男，當一個女仔同一個男仔同時冇帶書（兩個成績差唔多），佢叫個女仔坐低，淨係講一句下次記得帶；而相反，個男仔俾人叫咗去班房後邊企左成堂…….. 最後，佢係歧視一啲冇帶書嘅人。喺某一節中文堂，老師準備交第二冊中文書嘅其中一課課文，咁佢之前就冇叫我地帶第二冊，所以佢就預先print定一啲嗰課嘅課文喺張紙上邊，俾大家喺上面抄住筆記先。唯獨就係，嗰一堂啲紙唔齊，有一啲人係唔會有，而佢竟然叫冇帶書嘅人比嗰張紙一啲有帶書嘅人，而冇帶書嗰啲繼續企後邊，完全冇考慮過叫其中一啲人兩個一齊睇。乜冇帶書嘅人唔配有學習機會咩？ 全班真心嗰個老師好多負評，大家真係好嬲
#NSS學校 [Guest] 是咁的，我學校有個中文老師，喺度教咗幾年，不過我哋班第一年上佢嘅堂，結果搞到全班超憎佢，但係又冇方法投訴，跟住就講吓佢有咩咁過分。 首先，佢每堂都用一啲好文青嘅語言，例如「交妥」「胡來」，咁我哋班真心覺得冇乜問題，只不過係覺得有啲難聽姐 但係跟住，就開始引起民憤。首先佢喺實體課嘅時候成日會喺WhatsApp比功課，最重要係，嗰日下晝四點俾，要即日晚上用WhatsApp私訊形式交返，咁我就想問如果嗰日啲同學有事冇得用手機，或者咁啱要出街做嘢，做唔到功課，咁點呢？最過分嘅係，佢話啲睇唔到WhatsApp嘅同學，係「唔屬於呢個時代」，咁如果一啲學生唔係太富裕冇手機，或者咁啱手機壞咗，咁係唔係就唔屬於呢個時代呢？ 第二，佢係編排測驗同功課嗰度直情係「胡來」，佢可以喺測驗之前嗰一日比三份功課聽日交。仲有，佢可以喺測驗之前嗰兩日先話要測驗，仲要個測驗係佔平時分好多，叫人點溫得切呢？ 第三，轉返Online嘅時候，佢照常咁Assigned 功課，但係當我哋交完功課之後，佢就逐個同學話文件命名錯誤（份檔案冇嗰份功課嘅名)、掃描模式錯誤（要文件模式，唔可以相片模式)。最離譜係佢話Scan嗰陣唔可以影到張枱，咁我想問點樣影響你改功課呢？最關鍵係呢啲指引佢完全冇講過，之後用咗全堂嚟逐個同學喺度話 第四，因為我哋學校啲功課係佔平時分，而係上一次考試之前，老師話仲有幾個男同學未交功課，而佢更加話如果佢哋之後唔交返份功課，所有男同學都會少1分平時分，係所有，你冇聽錯。咁其實準時交功課嘅男同學錯咗啲咩？ 第五，佢超級重女輕男，當一個女仔同一個男仔同時冇帶書（兩個成績差唔多），佢叫個女仔坐低，淨係講一句下次記得帶；而相反，個男仔俾人叫咗去班房後邊企左成堂…….. 最後，佢係歧視一啲冇帶書嘅人。喺某一節中文堂，老師準備教第二冊中文書嘅其中一課課文，咁佢之前就冇叫我地帶第二冊，所以佢就預先print定一啲嗰課嘅課文喺張紙上邊，俾大家喺上面抄住筆記先。唯獨就係，嗰一堂啲紙唔齊，有一啲人係唔會有，而佢竟然叫冇帶書嘅人比嗰張紙一啲有帶書嘅人，而冇帶書嗰啲繼續企後邊，完全冇考慮過叫其中一啲人兩個一齊睇。乜冇帶書嘅人唔配有學習機會咩？ 全班真心嗰個老師好多負評，大家真係好嬲 To Admin:呢個係修改過嘅版本，之前個版本可以唔post (post嗰陣刪除呢句唔該🙏)
#NSS社會 [GUEST] re #NSS220124E 長文慎入！小妹第一次投稿 打嗰陣嬲到手震 所以可能有啲打錯 希望各位體諒 睇到篇嘢嗰陣真係火都黎埋，所謂嘅價值其實由頭到尾都係人類賦予俾動物，動物有冇價值並唔係由我地決定。再講，動物係人類嘅財產？佢地對於人類有價值就可以留低，而冇價值就要死？對於每一個人黎講，動物嘅價值都唔同，憑咩你要決定所有動物嘅價值？就算係人都好 每一個人都係無價，係冇可能用數字去定義每一個人嘅存在，而動物都係一樣。 另外，如果生物嘅存在就係為左傳宗接代咁我地唔需要再關心其他野 什麼社會議題 世界危機 全部都唔需要理 每個人只係需要生仔同生仔就夠 如果唔係咁嘅話 點解某啲生物傳宗接代嘅能力低就唔應該留低？ 仲有，執著殺生同唔再食肉或者見到動物攻擊自己而唔反抗有咩關係？本人係素食者而我唔食肉唔係因為我執著唔應該殺生，而係人類處理動物嘅時候總係覺得自己高人一等 而從來冇尊重過動物 不過呢啲係另外一樣野 係呢到唔詳細講 至於見到動物攻擊自己就一定要殺死動物？既然人類被稱為全世界最聰明嘅物種咁應該有其他解決方法啫 多思考多分析之後其實我睇唔到殺死倉鼠同野豬係利大於弊 再者，我得登去search同理心嘅意思（同理心亦稱為共情或換位思考，是理性與感性交織的能力，是主動地去瞭解對方實際情況再去感受，能夠察覺對方真正的情緒和處境，並用對方實際的狀態去思考和感受並不隨意插手他人課題。）而你所謂支持再生同寬恕犯人係因為佢地之後會為我地帶黎價值。咁樣唔係察覺對方嘅情緒同處境，純粹係因為對方某程度上可以帶黎價值所以先支持佢地。睇到嗰句「佢地無能力帶來更多價值，同理心自然唔適用」，真係好想講，同理心係換位思考，係進入對方嘅處境然後理解佢地，與價值冇關，所以你支持再生犯人根本就證明唔到你有同理心，更加突顯你嘅冷血果斷。 至於「人類唔可以傷害任何動物黎得益」嘅講法的確係商人利用大眾情緒去賺錢嘅說法，但係同時亦都唔錯得晒，就算唔傷害動物，我地都唔應該利用動物去為我地帶黎利益，因為動物從來都唔係一件商品，一件物件。當一個人被販賣嘅時候我地會覺得不公、憤怒，但係當一隻動物被人當商品交易嘅時候，我地好多時都無動於衷，而呢個係無可否認嘅事實。