#NSS愛情 [Guest ] （某傳統女名校）求admin post ig 我真係越嚟越亂，我已經分唔清鍾意同崇拜。 上年教我中文嘅老師KC，係一個人好nice，好關心學生，又教得好（有一班佢教嘅中文成班攞A）嘅老師。好多人畀佢教左冇耐，已經對佢有好感，包括我在內，但係一開始我係知道，只係崇拜佢，而唔係鍾意佢。 不過到左上年下學期，我開始懷疑自己係崇拜，定係…… 咁我哋班有一個學生KC係好偏心佢，成日讚佢。有一次KC讚佢篇閱讀報告寫得好，又話拎埋畀其他老師睇，其他老師都讚。果一刻我心情即刻好差、好唔開心，係度呷醋，跟住我就開始懷疑自己究竟係唔係鍾意佢，如果淨係崇拜佢，點解會呷醋？我開始有啲亂。 跟住，我甚至一見到有人同KC講野我就呷醋，甚至係對果位畀KC偏心嘅人反感，好憎佢可以坐第一行中間果個位，同KC咁近，好憎佢同KC成日傾計。但係點解我會憎佢？係唔係我真係鍾意左KC？但係我知道鍾意老師，會畀到好多麻煩佢，而且佢對我應該冇乜野，所以係唔會有結果。 到左今年，佢冇再教我，但係我仲好似嚴重左。我成日都諗起KC，會特登落去一樓偷偷望佢幾眼，又會時不時拎佢嘅相出嚟睇，每次見到佢都心跳加速。 我越嚟越懷疑自己係咪鍾意左佢，我已經分唔清鍾意同崇拜。其實我唔想鍾意上佢，我想說服自己我只係崇拜佢，點算啊，我真係唔知自己而家究竟係鍾意定係崇拜，我唔知而家點好，可唔可以畀啲意見我😭 Sorry for 1999
#NSS學校 [淨係知我唔係CFSS嘅學生] CFSS嘅學生求你哋收手啦，知唔知你哋咁真係好柒？ Admin plzzzzz po on ig 我由今年先開始fol NSS secret，近排先發現啲post有意冇意都同CFSS有關，對於其他人嘅投訴、意見我一直保持尊重，唯獨對CFSS嘅學生我冇嘢好講。 1.比學校谷針：啲學生一個二個喺到吵話學校幾咁幾咁衰，為咗有得返全日不擇手段(?)。我想講返全日係間間學校都想嘅事，目的都係為咗學生可以有好嘅成績。更何況打針唔單係為自己，仲係為别人。擺明你哋就係唔想返全日先狂咁上nss唱衰自己間學校啫，你哋咁嘅態度我淨係可以講係自私同不思進取！ 2.迪士尼風波？：真心相信已經冇人唔知你哋間學校唔比你哋去迪士尼啦？我連簡介都唔使講。你哋想去迪士尼就自己買飛去啦，學校組織嘅係會好玩啲？本人可能有小小過度重視學業，但真心學生唔係應該擺嗰心係學業上面先啱咩？實在唔係就愛情友情親情都好啊，但似乎你哋間學校嘅學生嗰心係曬唱衰自己間學校度，唔明你哋咁憎間學校當初又點解要揀呢間？ 最後想講，你哋所謂嘅不滿係我哋其他學生已經做緊or不曾擁有過嘅嘢。學下知足啦，知足常樂，你哋宜家嘅所有「不滿」，對我哋嚟講就好似啲小學生發爛渣，有夠柒。