#NSS學業 [GUEST] 拜託admin po ig🙇🏻♀️！！！好需要大家嘅幫忙！！ 努力和成績不成正比 是咁的小弟今年f4 揀econ同bafs 但係讀得好差🥲 我以前f3成績係全級頭30 依家已經跌到50幾 但我已經好努力咁溫書 但d成績都上唔去😶我回頭望返d卷其實真係唔算難 但就係唔明點解唔識做 我溫書嘅方法其實就係死記爛背 d定義已經滾瓜爛熟但去到考試就完全一頭霧水😞 只係僅僅合格 對比起以前成績差過我嘅同學 佢地依家都好過我好多🥲我依家日日都好頹 我真係唔想放棄 但成績就係考成咁我真係完全唔知點算 補習我又驚中途入去跟唔上進度 想問下大家有咩意見 sor for
#NSS個人 [GUEST] 係噉嘅，本人現正處於一個好迷茫嘅狀態……希望各位俾啲意見 人係會成長架，細個嗰陣任何做過嘅尷尬事都可以話係童言無忌，好快就冇人記得，自己都唔會耿耿於懷。隨著年紀成長，我發現一言一行都要自己負責，隨便講一句說話，都可能會惹嚟圍攻又或者得罪人，好容易就落下笑柄，又或者會麻煩到人，而且我仲成日做呢啲尷尬事，一時心血來潮或者情緒湧現隨便做一個決定，都好似惹到成身蟻噉，或者可能係我諗太多，總之搞到我而家好迷茫，做每一個決定好似要承受好多風險，完全唔知算，好想逃避，甚至不願社交。 而且我慢慢發現自己抗壓能力，耐性都好差，而且好在意他人想法，好似如果有人鬧我一句，我可以有超多內心戲,諗多咗，然後唔開心成日。又或者我做咗一件事，只要一有人話我做得唔好，我就會即刻自責，然後想盡辦法補救。同埋有時候搞極都搞唔掂一單嘢，就會崩潰到喊，有時候可能只係好細嘅一單嘢，比如解唔到條數，都會喊，有時我自己都唔知自己喊啲乜，有乜好喊。 再者唔知係唔係因為自卑，加上成日做埋曬啲糗事，得罪人，又對唔住自己，結果成日都同人講sorry,sorry彷彿變成咗我嘅口頭禪,講到人哋都覺得我煩。身邊嘅好朋友，又冇乜幾個可以做樹窿，同佢訴苦，佢覺得好煩，但係又好容易唔開心，啲負能量冇地方發洩。 就好似眼前一片模餬，搵唔到方向，跌跌撞撞，無人可依…… 我應該點算？ 點樣訓練自己嘅抗壓能力？ 點樣令自己敢於面對選擇？ 點樣先可以令自己唔好諗咁多？ 太玻璃心點算？ 好迷茫點算？……
#NSS社會 [[GUEST]] 最近動物權益的問題頻生, 不足半年便有野豬襲擊人類、賽馬受傷及近日倉鼠疑似傳染病毒, 而被人道毀滅。有人抱着生命平等的想法, 對人奪取生物生命的行為怨聲載道, 更笑言人若襲擊他人、受傷或染疫, 亦需人道毀滅。我對此等將人與動物相題並論的想法嗤之以鼻, 人本來便與動物不同, 不論二肢站立以騰出雙手或大腦發達而提升智慧, 都顯示出人比動物優勝。 從神學角度入手, 在主流宗教中神創造人時有別於其他生物, 亦提出人有比其他生物更高的智慧 上帝正是為了管理天下萬物而創造人類。至於從科學角度出發, 人在智商方面固然遠超其他生物, 而弱肉強食, 適者生存, 正是大自然的真理。人類以智慧站在食物鏈的頂端, 固然有能力以一槍一炮掌管其他生物的生殺大權。 人是自私的, 若以動物和人類作為電車難題, 我相信你不需多想便把電車轉向非人的一面。其實動物亦如是, 熊為保護其子女會毫不猶豫向入侵者搧下熊掌, 蜜蜂為保護蜂巢而窮追猛打接近的人。
#NSS學業 [VC] #NSS220119e Title: 再分享下我想drop通識嘅心路歷程 大家好,我係一個禮拜前話想drop通識讀公社嘅樓主。 本來想公佈問卷結果,但因為投稿冇得放hyperlink,手機app又冇得copy條link,所以搞到回覆數量極低,得個位數,所以就唔公佈啦。 不過啲comments都好一面倒,叫我唔好drop通識,好好珍惜讀通識嘅機會,又話公社科冇我想像中咁易,而且好洗腦,所以都知道大家嘅睇法。 其實我都知係自己問題,不過喺度一直逃避,唔想面對。初中嗰陣,我好期待讀通識,到F.4上學期仲搞得掂,但自下學期開始,啲嘢就深咗,又開始要做卷二嘅題目,要喺極少資料下寫千字文, 所以就搞唔掂啦,嗰陣好多功課都諗唔到,結果遲交,咁啱下學期嗰陣,教育局宣佈將通識科改為公社科,於是我就開始萌生drop通識嘅念頭。 但嗰陣我對公社科嘅想像好模糊,到之後公社科嘅詳情開始出,我對呢科嘅理解都愈來愈清晰同具體,想drop通識讀公社嘅念頭都愈來愈強烈,喺我心入面揮之不去。 到F.5,我更加一直想Drop通識,不斷幻想降班到Form 4讀公社科,唔駛再對住通識呢科,又或者唔讀通識,2023年DSE都唔應考通識,基本上一喺上堂要做題目,又或者對住啲通識功課,測驗,考試嘅時候,呢個念頭就會彈出嚟,行到四樓F.4班房走廊嘅時候,又會諗起佢哋讀公社科,唔使讀通識,好羨慕佢哋。 由升F.5開始,我就一直呻通識好難,話要drop通識,我嗰班嘅同學,同同我一齊上elective嘅同學,仲有所有F.5教我嘅老師同學校社工,都知我想drop通識,佢哋睇到我啲post,應該都知道我係邊個。 而我覺得通識最難最想drop嘅地方就係IES,原因上個post講咗。我嗰陣諗住做嘅題目係應否取消校本評核,因為我好憎IES,好唔想做,好想佢取消。如果教育局冇取締通識,我應該會做呢啲題目: 香港政府應否取消通識科? 香港政府應否將通識科改為選修? 香港政府應否取消IES? 總之我就係好想drop通識啦,尤其係IES,所以最終IES取消咗,我勁開心。 我想drop通識讀公社到一個點,就係變到對公社科極度好奇同有興趣,試過上網睇呢科嘅教材同試卷,係咁幻想自己讀公社科,唔使讀通識。我理智上係知冇得drop,點都要讀,但情感上仲未死心,承認呢個事實。學校考試嗰排,我試過問F.4同學仔借公社科notes睇,仲諗住問佢哋借公社科試卷睇。notes就睇到,但試卷就因為兩form考試時間唔同,搵唔到人借。 我喺F.4考公社個日,喺社工室度搵F.4同學借公社科試卷睇,結果嗰度得一個F.4同學,佢份卷已經被碎屍萬段,扔咗落垃圾桶度,我都冇時間重組佢,要去下一節考試。(完咗之後返去,啲碎片己經唔見咗,應該係佢執返,所以冇得睇) 考試嗰份通識卷對於我嚟講好難,又唔夠時間做又諗唔到咁多point,我都恨不得將佢碎屍萬段,扔落垃圾桶,但我之後又要對卷,所以冇辦法。考哂試之後嘅週末有啲時間,我就喺呢度投稿,宣洩下我一直以來對通識嘅不滿,兩日之後就出咗喇。 之後嗰個禮拜就對卷,我好好彩,通識喺完全寫唔切(見上post)嘅情況下啱啱好合格,分數如下: 卷一: 17/34
#NSS社會 [GUEST] 小弟見近日喺呢個page關於動物議題爭辯甚為激烈，欲於此表達一下意見。 – 對於倉鼠生命嘅價值，我相信大部分人唔會否定。至於若有人覺得為人類嘅利益而隨意大規模屠殺倉鼠係合情合理，則只能夠話係有啲冷血。 – 我講隨意，係因為政府做屠殺倉鼠呢個決定，係真係十分隨意。當初下令屠殺倉鼠，根本未有充分嘅證據確定倉鼠會傳染病毒畀人類。況且檢測並非冇可能，你同我講冇錢，ok，冇錢你又買50架特別用途咩咩車返嚟？睇嚟国家安全始終比倉鼠呢啲「低賤」嘅生命重要。 2500 條命呀，2500 呀pk – 至於交出倉鼠嘅民眾，撇除啲養咗兩年都照交出嚟嘅人，或者一啲稱倉鼠係「廿蚊」嘅人，可能有真係稍為尊重生命嘅人。講白啲，叫盲目聽從權威嘅人。正如我頭先所講，倉鼠傳人根本係未確認嘅事，呢班人只不過係因為一班有「權威」嘅「專家」喺度亂噏廿四(例如姓袁嗰位)，就信到十足，要下年買過隻畀個仔。「關心家人」根本係籍口，因為你個腦入面少咗樣叫「關心倉鼠」嘅東西。 (仲有，要中都中咗，而家先嚟趕住殺鼠，唔知想點) – 我唔係佛家出身，唔係要食齋，但生命始終係生命，唔係話無端端就捉二千隻倉鼠去「人道處理」(好L變態，如果噉叫人道，真係人性泯滅)，希望唔好再嘗試justify呢次大屠殺。 sor for 1999, 首次投稿 btw 唔怕屌，小弟始終仲係小弟
#NSS學校 [kslo] 件事係咁嘅，我今年中二，遇到個堪稱我人生中最pk嘅老師，佢有好多「事蹟」嘅，我就列舉幾件啦 第一件事就係佢每次畀考試範圍，都好唔準確，有次佢話成課嘅課文問答都要背，但另外幾班嘅人收到嘅範圍淨係要背3題，問佢點解佢竟然話因為我哋係精英班，認為我哋有能力背多啲……. 第二就係佢教書真係唔得，之前考試前一日佢話佢有啲嘢想補充返，結果所謂「補充返」係教返之前本來應該要教嘅修辭……佢仲要上堂成日浪費時間做啲冇意義嘅嘢，例如話背默一篇唔使考，冇乜教過嘅文言文，又例如話檢查我地用嚟擺功課嘅file咁樣。 唉總之佢好有病但我仲有成個學期先可以擺脫佢，諗起都想喊。
#NSS愛情 [Guest] 上年七月同咗個女仔一齊，但… 我一開始認為自己唔配，論學歷背景都唔夠佢好，有咩我都盡量滿足佢。 但係我享受唔到一絲快樂，喺學校定online都係每次由我打開話題，佢唔會主動同我傾偈，除咗問我攞textbook answer/notes，其餘時候佢好少text我。我成日質疑自己有冇嘢做得唔好，所以經過我深入嘅了解，我知道佢鍾意睇IG嗰啲愛情語錄，我就決定隔一兩日就會send俾佢，希望可以同佢多啲傾偈，但係每次佢只會回覆相似嘅留言，吹多兩句關於學術性嘅嘢，個conversation就完咗。我自問係咪有嘢做得唔好，所以一見到佢出story有嘢打開話題嘅我都會text 佢，我嘗試分享多啲關於我嘅daily life，佢的確嗰排同我吹多咗兩句。 但係之後我發現佢個close friend，加咗某幾個異性friend，加佢嘅原因竟然係成日擦佢鞋，話佢身材正。我唔明白點解會咁。 之後我仲發現佢竟然會主動搵一兩個異性朋友傾偈都唔會搵我傾偈。 去到上年有日學校cosplay 加 last day，佢竟然主動搵晒佢啲異性friend影相先搵我。我唔明我個地位係咪比佢哋更低，定係究竟做人男朋友應該係咁。 我自問我已經盡量做好，甚至乎每晚佢臨瞓前日日同佢講good night，比surprise 佢，但係都唔會因為咁樣傾多咗計，加上佢接近相似嘅回覆，令我覺得心很累。 我想分手，我應唔應該分手？ 希望各位要鬧嘅可以細力D