#NSS家庭 [Family] 屋企出現咗好大問題…… 交代下背景先媽媽係護理員 爸爸係的士司機 一切都由一月一號嗰晚開始 嗰晚媽媽係我爸爸手機見到其中一個乘客msg我爸爸 話「X先生 明天來接我」 咁我媽媽就即刻去問我爸爸係邊個啦 咁我爸爸都即刻用平靜嘅語氣答話依嗰係熟客每日都係8:30由xx地方去xx地方 之後我媽媽就好似俾人撻著咗咁 大大聲咁講話「嗰女人連地方時間都唔俾你就直接叫你去接佢？」 咁我爸爸就好自然咁再講多次話係熟客且有其他人同行 之後我媽媽就開始「熟到咁都唔知係咪你出面有女人每個月過錢俾佢」 咁我當時就係房溫緊書本身都唔打算理依件事 諗住佢地講兩句就完 但係都係抱住食花生嘅心態開咗少少門偷睇 之後就不斷不斷聽到佢地越嘈越大聲越黎越勁 無非就係圍繞住我爸爸出面有女人依嗰話題 我聽到我爸爸佢不斷解釋話冇 之後我媽媽就開始扯到去平時買餸啲嘢 總之就係乜嘢日常小事都拎出黎鬧 咁我爸爸就開始忍唔到 就話我媽媽係痴線
#NSS學校 [長沙灣**已經就黎唔係band1**嘅男校] 不公不義，係本校被普遍學生認為嘅代名詞。 “家醜不可外揚”，我都覺得我作為該校嘅學生，冇必要將自己學校嘅醜事講曬出黎，但係近來見到NSS入面不斷有post喺度討論自己學校，我都覺得，係時候要”宣揚“吓本校。 談論下本校嘅老師先，其中以訓導主任問題最大。佢多次聲稱本校校訓為(四字成語)，訓示我地呢班人都應該要保持呢種精神，唔好令到自己變爛仔，仲要脅我地唔想讀書咁咪過去隔離(band3B學校)讀囉，仲喺度話搞到本校就黎跌落Band2完全係我地嘅風氣問題，上堂唔認真，喺度嬉皮笑臉。講住咁多，先唔好談及佢係唔係間接攻擊緊該band3學校，呢位訓導主任做嘅野，就真係只有“訓”，個“導”係完全冇出現過嘅，佢有佢一味講，實質做過D咩? 係冇啊! 難道佢覺得只係用一把口就可以令到貴校起死回生? 簡直係天方夜譚。 再談論下本校嘅secret，是的，本校都係有設立secret嘅。但係其作用，自從唯一嘅新admin上任後，有一個post名為”不公不義(5)”嘅控訴post就即刻比該admin移除，唔知道係因為咩原因，總之喺唯一嘅新admin上任前該post係依然存在嘅。嗰一個post主要係講下本校嘅prefect實在係愚蠢嘅存在， 包括: 1.未睇清楚事情嘅來龍去脈就亂下定論及加以懲罰嘅head prefect 2.一位極想爭取來年做head prefect嘅現任prefect，佢嘅威水史，例如兩個中二仔只係傾左一句計，就即刻比佢拖出去訓導+罰寫檢討書200-300字不等 以上兩位prefect為不公不義嘅代表之作，實在令人懷疑佢地係唔係第二同埋第三位嘅訓導主任。 其實呢間學校本應係好有人情味先啱，點解短短四年就突然變到咁，係唔係肺炎感染埋大家個腦搞到hang曬機，權力爭霸戰似乎喺學校上演得如火如荼，令到某D人連最基本嘅審判能力都比權力所掩蓋，希望本校可以儘早康復，還各位學生一個公平公正嘅校園環境。 *祝各位可以將自己學校嘅不公不義宣洩出黎，呢D咪就係secret嘅初衷囉，聽到未啊嗰位新secret唯一admin
#NSS學校 [GUEST] 今日想同大家講下我地學校(某小西灣區中學)管理層嘅處事手法，唔係迪士尼個啲無謂野。 如有雷同，實屬巧合 話説我係考試期間被人係學校課室偷左銀包+電話，於是就馬上同老師講啦，咁啲老師就開始問我案發過程/時間咁，問完之後，啲老師就第一時間叫我千其唔好同其他人講我被人偷左野呢件事。企圖壓一壓低件先，之後訓導組同我阿媽溝通/跟進嘅過程，亦都唔係直接對話/提供調查過程，而係再通過中間人轉述同溝通，於我被人偷左野嘅2日後，我地嘅班主任就特別係我地班出左公告，大意係叫大家要保管好自己個人財務，以防有意外嘅損失，大概過左5-6日左右，學校訓導組就話已經揾到偷野個個人，但係就冇同我/我家長講個人嘅身分，只話係坐我附近嘅低年級同學。咁問返個條友嘅動機，佢就話本意係打算畀返我，幫我保管先，但係太緊張就放學一下跳左上巴士等好荒謬嘅理由，我全部屋企人都唔信呢個係真相，然後學校方面就話會再調查跟進，但係當我update班主任啲最新手機位置，佢就話「都可以繼續update嘅，但其實都係咁㗎啦」。咁前幾日，學校就突然通知左我家長，我本身以為係有新進展，原來係打算就咁結案，老師就話：「其實都冇話真唔真相，都問左位同學好幾次，大致上都係咁」，就打算close file，然後我阿媽就話想要返個調查報告，然後班主任又話要問返學校因為呢啲嘢都係internal document。 想問一下大家認為呢間學校管理層處事手法如何?
#NSS學業 [某普通中學] 以下呢篇嘢純粹寫嚟想呻吓，唔介意各位comment下我嘅諗法(不過唔該各位請Diu細力啲…) 小女我今年中五，由細到大都唔係好識點讀書，其實應該話我根本讀書冇咩天份，成績只係普普通通……尤其係中文，真係差到冇得再差，唔怕老實講，我真心覺得出年中文DSE應該 lv2，而其他科都只係啱啱合格多啲，得英文四分卷成績都OK。 但係偏偏我想將來大學想讀嘅嗰一科最少都要30分，其實我都唔肯定如果攞31、32分佢會唔會收我……因為我見好似好多人都係攞住35分以上入去……但係基於我能力有限，所以將個target set住30分先。我計過條數，至少都要兩科有5*，一科4，其餘記一定要有5（順帶一提，個一個學科係用best 6嚟計）其實暫時我對大學收身認識都唔係好高，所以都唔係太清楚呢一科係唔係淨係會收一啲高分嘅人，例如係35分以上。 就係因為我好想入呢一科，而呢一課要求嘅分數都好高，再加上我而家成績未如理想，所以一直都好大壓力……由F4開始就已經進入一個完全專心備戰DSE模式，好多人都話中四仲可以玩，但係我真係唔敢……好怕自己成績真係唔達標……依家一諗到距離DSE淨係剩返一年時間，真係好驚……真係好驚自己到時候攞住張放榜紙會即刻跳樓，更加驚嘅係呢幾年嘅努力白費晒…… 好抱歉我冇寫想讀邊一科出嚟，我驚寫咗出嚟之後會有人發現我係邊個，我唯一可以講嘅係我想讀嘅係一科醫療科。 我寫呢篇嘢純粹係想講吓我呢一兩年讀書嘅感受，同埋對將來嘅恐懼……歡迎各位喺下邊留言討論一下同埋小女我中文真係好差，表達能力亦都唔好，如果有錯字或者有其他問題嘅請各位多多體諒，希望可以Diu細力啲……btw祝各位DSE考生前程錦繡！（求admin post pls thx!!)
#NSS個人 [港島某間中學] 學校啲同學/老師令我失去歸屬感。 我是一個香港/英國混血兒，如以下文字不通都是因為我屋企大部分講英文，少講廣東話。 我係我嗰級唯一嘅混血兒，每次傾起有關英國嘅嘢，人人眼神都即刻啄住我：「有邊個想去英國讀書？攞visa可能有難度，但係知道某位同學（我有英國國藉加護照）唔會有問題，IELTS都唔使讀。」咁樣單獨咗出嚟好尷尬！我好運，但係可唔可以正常啲？ 我嘅中文程度又唔高，要比其他同學更加努力先追到一般程度，正統做個香港人。（我聽過中文能力≠係唔係香港人，但我諗自己，如果連正式溝通都搞唔掂，講嘢停停滯滯，讀中文又慢死但英文反而完美，我點有資格可以叫自己係土生土長嘅香港人？我係呢度出世，但都覺得自己唔屬。） 同學仲衰。歷史堂學鴉片戰爭，提起英國的過錯又望住我。討論不平等條約，我仲記得有人問過我：「咁你究竟係支持香港定英國？」我嗰陣時真係想喊出嚟，你眼中係咪淨係睇到我嘅國籍，有冇諗到我同呢啲以經死咗嘅英國人完全沒有關係？仲夠膽笑出嚟。我花咗好多心機認同我係香港人，我唔係格格不入嘅，我屬於香港。一句就就咁樣打倒。 當然，呢個唔係單一例子。呢個淨係我抽出嚟其中一個事件，令我深切地感受到不歸屬嘅事件有好多。無論係聽唔明人哋嘅笑話定點，學校所想產生嘅寬容、歸納感反而無。我就係心靈上越嚟越孤單。對唔住。
#NSS學校 [Canossa College] 希望Admin可以揀中之後post ig 我今年f5，其中一科選修係VA。 大家都知道art既sba份量好大，好多時捱通頂都做唔晒 但教我地VA個老師居然叫我地係1月前要交兩份Sba 最新個份仲要係聖誕假之後先交 我地學校1月初到中後段又要考試 到前幾日上堂成班14個人一齊無交到 佢就話我地創左新紀錄 唔識管理時間etc 我聽到真係o左 你當我地聖誕假唔使溫書同做功課？又唔係唔知我地d師資差，上堂完全聽唔明，要出去補習先搞得掂。 我猝死都嚟唔切做sba
#NSS愛情 [Guest] 小妹係F3學生，係小四參加cadet 嘅時候試咗個師兄，稱佢為a，嗰陣時a好nice ，我嗰陣時仲細，唔知，當咗a做我呀哥，但係a P6 畢業我哋就冇再聯絡，直到上年8月佢生日，搵左a，漸漸就同a熟咗，我都鍾意左 a .。嗰陣時幾乎日日都同a call，仲表咗白但係佢拒絕左，我同 a 都好正常咁日日call ，佢仲成日要我係call 度表白，雖然好似利用緊我咁，但係每當我唔開心嘅時候佢都會陪我，寧願陪我傾到凌晨兩點幾都唔溫書，就係驚我唔開心但係因為某啲原因而我嬲咗佢，a 個 frd(稱為b) ，b 係 a 嘅好兄弟，但係b 又唔俾a 搵我因為我爆咗b同 c 個秘密，但係c 原諒左我，b