—類投稿

#NSS個人 [Guest] 求admin po IG pls 是咁的，小弟有個疑問想請教一下大家，因為呢個問題都令我煩擾咗好耐，一直都唔知自己內心係想點，希望大家可以認真留言解答 thx 。sorry for 1999 and 錯字。 我去到F.1-F.2都係睇男女動作片，但係自從停課試過睇男男之後就一直返唔到轉頭，仲喺Twitter互相睇大家嘅下體，更試過同人約。平時返學見到靚仔第一下反應係睇佢哋下面，仲對佢哋產生過性方面嘅幻想。 但去到目前為止我都淨係鍾意女仔，但對佢哋身體上就冇乜興趣。睇男女動作片都會有反應但相比起睇男男動作片就冇咁勁。 最後都好多謝你哋睇完，希望可以留低你哋嘅意見。 圖Link: https://ibb.co/F0zJp1b

#NSS其他 [guest] 希望admin會post我… hello, 我唔知點搵，所以想借助呢個平台搵人。 我同我妹係雙胞胎。記得係好細好細個嘅時候，我地分開咗。我只記得屋企成日吵架，好嘈好嘈，突然有一日我就被迫跟咗其他陌生人走。從此以後我都冇見到我啊妹，而爸爸媽媽個樣我都唔記得了。 我只係記得，我被迫走嗰日，啊妹半夜叫醒我，叫我同佢交換衫著。嗰陣時我覺得莫名其妙，而家諗返起佢應該知道啲嘢。 好希望借助呢個平台，啊妹會知道我搵緊佢。因為大家都話雙胞胎心連心，呢幾日唔知點解我總係覺得心好痛，唔知發生咩事。 希望你見到，會留言.. 我一定要搵返你。

#NSS個人 [GUEST] 點樣屙尿先唔容易整到周圍都係？ 小弟屙尿嗰陣成日整到廁所其他位，又要用水沖一沖佢，有時屙屙下啲尿分開咗左右，仲會越分越開，所以好多時我嫌煩就直頭坐喺度屙，但係其實有無其他方法可以減少整到個廁所污糟邋遢？

#NSS學校 [Guest] 最近去咗紐西蘭讀書，係讀boarding school 。本身自己喺香港識新同學/朋友都會主動/算熱情，但係嚟到紐西蘭就有啲抗拒識同學，唔知係咪因為唔同國籍唔同語言，我覺得喺留學識到嘅frd 係唔會做到長frd ….. 你都唔知點解我會咁諗，大家可摸以比啲意見🙏🏻（但如果我唔去識朋友，呢個boarding 生活都唔會過得好，始終出外靠朋友） ，但係我又唔知點解幾抗拒識新frd 😣🙏🏻

#NSS社會 [GUEST] (請admin po上 Instagram 感謝) 致各位親愛嘅香港人，麻煩你地訓醒啦好嘛。 原諒我語氣可能會非常重，但我真心唔明白大部份支持防疫嘅人係PTSD定點。(並無取笑真正PTSD患者的意思) 唔知你地係因為經歷過沙士定還是政府嘅問題，自從傳言話有武肺開始，各位就好似失心瘋咁自發防疫，但好似甚至連查證都冇做過，又不斷鬧政府唔做野。然後出左豆苗(非錯字)冇耐，就不斷有人話依家唔打似D就冇得揀。先唔論係咪滑坡，連因果本身都存在矛盾點。然後又係咁迫人帶口罩，慫恿人地打豆苗(非錯字)，散播恐懼，結果猶如《V for vendetta》一般，極權政府獲得權力限制人民自由，但其實有冇諗過一切都係你地咎由自取？可笑嘅係，你哋依然冇打算停，自由，倉鼠，之後係咩？ 小弟今年S4尚未考DSE，但係今日稍微傳出風聲話教育局會考慮考DSE嘅人一定要打豆苗(非錯字)，身邊就有一堆人開始擔驚受怕，諗住打豆苗(非錯字)避難。但直到依家為止，強制打？冇選擇？大爆發？一樣都冇發生。(注：你唔好同我講成條邨萬幾二萬人入面百裬人感染十個重症都冇叫嚴重大爆發。)麻煩清醒啲好冇，可唔可以從歷史學習教訓？我地每一個人都有份促成依家嘅局面，但係依個唔係你服從嘅藉口，除非你真係無路可退。所以各位到今時今日都仲堅持緊嘅，加油唔好放棄！ *雖然我係純粹抱住憤怒去寫依一篇野，但係如果你自認防疫真係冇問題嘅話，你撫心自問你真係有認真做過資料搜集同埋查證？武肺真係咁嚴重？豆苗(非錯字)真係有用？兩年啦，外國人民都可以成為一個好好既例子，反觀我地而家做緊啲乜嘢？醒啦唔該。

#NSS家庭 [GUEST ] 我係之前嗰篇阿哥話想做警察嘅po主，咁我又再多次post 嘅原因係我又同我阿哥鬧交+畀佢打。 咁佢打我嘅時候我有一刻拎到手機報警嘅機會，然後我老豆就叫我唔好報警又搶走我部手機，然後我就唔知點算就走咗去後樓梯。 然後我老豆就到後樓梯搵我，仲一直叫我唔好報警，叫我包容下佢，我完全唔講咩好，一樣都係你個仔點解你可以忍受到我畀人打，仲唔畀我報警拉佢去坐監。我真係唔知可以點，好想快啲成年好想快啲搬走，好想唔再見到佢哋。真係寧願死都唔想同佢一齊住。 有一部份嘅傷勢圖，只係有小部分嘅。原諒我影相技術。 Sorry for 1999上次出post唔記得加 求安慰🥲 圖Link: https://ibb.co/tDzVtsc https://ibb.co/qmVpY1C https://ibb.co/jfb47wm https://ibb.co/Fhy79S1

#NSS學校 [某何文田區學校] 學校有個「朋友」 但佢完全唔尊重我意見 我話唔鐘意同佢有身體接觸 然後佢死都要痴埋嚟 我話唔鍾意人哋咁叫我 但佢一直都係咁叫 已經唔係一次兩次咁簡單 同佢講左好多次 但佢一次都冇聽過 真係唔明佢有冇當我係朋友 仲有一次我話好攰想一個人靜下 跟住佢又要跟住我又要望住我 同埋佢成日覺得自己同我好熟 仲有啲政治野就唔講了 想同佢絕交 唔知點講好 同埋都驚啲同學覺得自己 好mean 排擠自己 可以點做 唔該晒admin🙏🏻

#NSS家庭 [葵青區山區女校] 我係黎回應返表弟對兔仔個post，今日佢做嘅嘢係我預計之內。 係佢黎之前，我將兔仔個籠擺入我房，閂好門（因為係趟門冇鎖）佢一入到門口口罩冇除 手又未洗 好大力咁開咗間房房門，立刻衝入去大叫兔兔兔兔～ ～～ 今次同上次一樣，用草篤兔仔隻眼 dum我啲公仔落去，chok個籠 我當然有鬧佢啦，佢走出去大叫：表姐自私啊蝦我啊⋯⋯ 我出去大叫：呢家點計先？你呢家蝦我隻兔仔喎。 啊婆又講埋嗰句，佢7歲咋…….（省略） 我同佢講，咋？我6歲佢出生啦，我7歲佢都mung我頭髮啦，我都冇同佢計，佢點對我我算數，但唯獨蝦我隻兔仔唔得，佢唔係公仔啊。 之後我閂埋門 坐喺房出面唔比佢入。 見到有人cm建議搵社工/同家人講真實想法。我係有諗過搵社工，但係我驚家人知道我下場仲慘🥲。我係有同家人講過我真正嘅諗法 佢扮聽唔到🧏🏻‍♀️ 次次都係咁我都好無奈😮‍💨。

#NSS個人 [九龍某中學] 喺小學因為外貌所以比唔同嘅同學欺凌，有D鎖我入學校雜物室，有D直接當面話我好樣衰，有D直接將我個樣P喺隻猩猩度。我有試過話比老師聽，不過老師好似唔係咁想理呢件事，陣係叫佢地唔好再咁做。點知佢變本加厲，欺凌得更犀利。不過我派位派得好過佢地好多，升上中學總算擺脫左呢個噩夢。不過因為疫情要帶口罩，而我隻眼都唔算醜，所以上到中學之後，D中學同學都對我好好，話我靚女。不過當疫情消失，我始終都係要除低口罩，我想搵返D自信，應該點做… Sorry for 1999.

#NSS家庭 [GUSET] 大家好，我今次投稿係單純嚟發洩一下同埋想問吓大家意見。第一次投稿，如果表達得唔清楚請多多見諒。（長文慎入） 簡單介紹吓背景先，小妹今年中二，有一個大我一歲嘅阿哥。父母關係唔係好融洽，一直有離婚嘅打算，聽佢哋講好似想我同阿哥大個啲先。 我由細細個開始就係比較百厭活潑嗰種人，而我阿哥比較乖，成績上都好過我。我由小學開始就覺得我阿媽唔算好鍾意我。可能係我阿媽心目中我阿哥乖巧懂事，而我只係一個惹佢討厭嘅麻煩。我阿媽對我唔係嗰種打我，虐待我，但好明顯感覺到佢討厭我。有時候明明係我阿哥做錯野，但佢冇睇清楚就打咗我先。成日聽到佢講「生個叉燒都好過你，離婚唔帶埋你走，早知唔生你⋯」咁嘅說話。可能有人話佢係一氣之下開玩笑姐。但我睇佢講既時候，個眼神係真係好討厭我嘅存在。平時我同佢基本上零交流，好似佢係我監護人而非父母。有時候叫佢，佢都只係求其覆啲嘢或者直接無視我。但同我阿哥就傾得好開心，好似我係局外人，領養咁樣。佢俾我既感覺係當我透明，後悔生咗我。 小學識咗啲捐友，吸煙喝酒界手嘅人。我父母係我小學嘅時候吵得好厲利，報警嗰種。有時候我阿媽甚至冇緣冇故就擺身邊啲野打我。本身自己係學校壓力大加上父母，就聽啲捐友講界手。小學自己唔識諗，面對偏心既父母，差唔多每日都吵架既家庭，係學校被人笑，就開始界手。嗰陣時情緒起伏大，會想將枱上啲野推晒落地下，之後就想喊，覺得自己好垃圾，好想死。覺得界手可以令我暫時冷靜。不過自從有一次界太深，身上留咗條幾明顯嘅疤就冇再界。之後我都一直著長袖，夏天都照著。有時會諗點解佢會唔知，咁係因為佢完全唔關心我，只要我冇死就得。有一次發燒，好唔舒服，想嘔咁，唔記得幫佢煲水就聽到佢話仆街。 佢望住我嘅眼神就好似望緊啲咩垃圾，嘔吐物咁，覺得我既存在就係增加佢嘅煩惱。但佢對我唔係好差，都會俾錢我買嘢，同我同阿哥出街。但咁樣先係煩惱。我寧願佢打我罵我，我都有資格去憎佢。有時真係好想死，想殺死佢哋再自殺。有時會幻想自己吊頸，跳樓，真係好崩潰。但係每次都諗起我已經好好，有屋住，有野食，可以買自己鍾意嘅嘢，已經比好多人幸福。好似有人係腦入面罵我唔感恩。 想問我咁樣係咪唔正常，想殺父母，界手係咪有問題，同埋可以點遮界手疤。想問大家意見，都好多謝大家睇到最後。希望冇人表達太差🙏🏻