—類投稿

#NSS個人 [Guest] 大家新年有乜地方去？ 小弟今年 form 4 咁因爲疫情又停課 就想同班friend農曆新年假約出嚟玩下 見下面咁 但係個個都諗唔到去邊/做咩好 所以就想投稿問下 大家新年有咩活動/地方推介？🥸 Sor for 1999🙏🏻

#NSS學業 [GUEST] 小妹今年讀緊F4 . 我間學校F1-F3合格嘅分數定為50分(相信全港嘅中學應該都係)，而F4-F6 合格嘅分數定為40分. 本身都唔覺得有啲乜問題，以為全香港嘅中學應該都係咁，因為始終高中d嘢難咗。 但我補習老師同我講其實大部中學set嘅高中合格分數都係50分，只有小部份中學係定為40分合格，而我嘅小學同學間學校都係50分先合格。所以究竟係我間學校要求太低定還是其實係正常？ 申利:讀緊band2A學校 sor for 1999 Thx Admin 🙏🏻

#NSS文化 [GUEST] 本人認為香港學校應不分男女皆着裙返學 學校應統一男女校服設計之原因有二： 從性別平等角度論，男褲女裙之定型觀念已經荼毒世界過百年，在外觀以外施加服裝款式的限制對兩性皆不公平，既造成部份對某種裝束之學生有抗拒之困惑，亦在結構上排斥跨性別者及性別認同障礙者。設計兩性有別之校服實際上原因只有一個，乃為在外觀上分辨兩性，或可牽扯為方便學校行政，但實已沒有其他目的，所謂配合社會文化之說乃自相矛盾，學校彷彿忘記當代諸多文化皆由教育做起。當然從外觀之上分辨兩性有好有壞，但既然有眾多方法達致，利用衣着款式此結構性上有欠公平之做法實屬不妥，應當予以糾正。 從行政角度論，學校極之着重之「整齊統一」能夠透過統一男女校服更上一層樓，且校服之設計及製造亦無需分開兩套，減省時間及成本。另外，學校在處理跨性別者的安排上能夠從中取巧，減省處理一個問題，為跨性別者提供一個便利。 而學校應該廣泛採納裙裝而非褲裝作為校服之原因有五： 從學生成長論，裙裝在本質上使學生能夠更注重儀容，兩性之間亦能彼此更加接納，消除分等之觀念。 從學習效能論，女生比男生一般學業成績較好之原因，一部份來自因着裙裝而使身體活動較少之故，在需要身體運動之時（例如體育課）才換上褲裝，有助於建立學校本質是學習的觀念，推崇學習文化。 從經濟角度論，製造裙裝之成本比褲裝為低，學生及家庭在校服的支出能夠降低，減輕家長經濟壓力。 從社會風氣論，由學校做起可以推動社會打破對衣着之偏見，建立社會對時裝及衣飾的新觀念。 從社會穩定性論，採納裙裝正如上述會導致學生趨向少動，有助降低犯罪率及灌輸學生應守規有禮之觀點。 可能本人之說法乃天方夜譚，但此文本人時至今日方願投稿，目的除闡述觀點外，亦為推動社會對此話題之討論，打破忌諱。 亦學其他人做法，Admin po IG plsssss!!!

#NSS愛情 [HK] 疫情之後大家都戴口罩個個變晒靚仔靚女，如果鍾意咗一個人鍾意咗半年（未見過佢除口罩個樣）但係嗰個人除口罩之後冇咁靚大家會唔會因為咁唔鍾意佢?

#NSS個人 [Band1英中] 愛情是什麼？我不清楚 我沒有經歷過遇到某人會心跳加速的感覺 沒有經歷過想一個人使自己心不在焉 對我來說 愛情既是複雜又撲朔迷離 但我卻很嚮往 很想經歷一段關係 那種溫馨又浪漫的感覺 足以使我羨慕 渴望 憧憬及幻想 但其實我好像只是看到身邊的朋友拍拖而自己想拍拖 為拍拖而拍拖的這樣真的好嗎？ 其實我好像想現在有一段玩玩下嗰的那種關係 和一個大家都對大家有極度好感的異性朋友 在學校一起 一起放學 一起吃飯 一起聊天 一起出去玩 互相鼓勵對方努力加油 會安慰和關心對方 etc

#NSS家庭 [GUEST] 我有一個零防疫意識的爸爸。話時話而家疫情越嚟越嚴重，大家出街應該戴好口罩，而我阿爸話就話有戴，實際上戴住個口罩只係遮住個嘴，我每次見到佢都要幫佢扯返上去，但係隔一陣就會跌返落嚟。佢戴口罩嗰陣時仲有機會戴反，佢話佢個袋裝住好多口罩但係我真係好懷疑佢嗰啲口罩日日都係用同一個。除此之外，佢仲會喺條街度除口罩食煙，仲要食完一支之後隔幾分鐘再食，真係講佢都冇用。除咗食煙除口罩，佢仲會話自己唞唔到氣要除口罩同埋傾電話嗰陣對方聽唔到自己把聲所以除口罩，有陣時仲會好冇公德心咁除口罩咳。每次叫佢戴返好口罩都會俾佢鬧返轉頭。小弟住緊嘅呢一區，最近多咗好多源頭不明。唔係我詛咒佢，如果佢再繼續咁，遲早中肺炎。

#NSS學校 [GUEST] 為何經常用學號來稱呼我？ 小弟是F5同學。 是這樣的，自從在學校某一次點名後，當時我們採報學號來點名，我因用英文報學號，班同學以後就以我的學號來稱呼我。其實用英文報學號有甚麼問題？班是否歧視英文？不過都不出奇，因為除了我及極小數的同學以外，每一次考試英文科都無人及格。 之後，同學經常都以學號稱呼我，如問我借文具、讓路等。儘管我不理睬他們，試圖減少他們以學號稱呼我的次數，但次數不但沒有減少，反而越來越多。我在網課前極受困擾，現在長假期，我應該要如何做才能解決這個問題？

#NSS愛情 [GUEST] 我同時愛上咗兩個人。 小妹今年F2。我知我應該好好讀書，但係鍾意一個人真係無法控制。 是咁的。我鍾意咗兩個人，第一個稱為T，第二個稱為L。 T係一個身高米八，樣貌唔錯嘅一個男仔，又識打籃球，相信滿足到好多女仔嘅擇偶條件。但係我鍾意佢呢一個人，而唔係佢所擁有嘅特點。我真係好愛呢個人，而L亦都知道呢件事。但係我同佢連朋友都唔係，都覺得自己同佢冇可能，但亦放唔低佢。 L係一個米七嘅肥仔，又懶又串。我自己都唔明點解會鍾意咗一個肥仔。但係我覺得同佢相處嘅時候好舒服，會ff同佢一齊咗，甚至會刻意製造同佢有身體接觸嘅機會，我都覺呢啲動作好似有啲bit**，但係同佢接觸嘅時候真係好開心。我已經分唔清呢啲係友情定愛情。 我好疑惑應唔應該同時鍾意兩個人。我應該揀邊個人，又或者我應該放低邊個？ Sorry for 1999 Thx admin🙏🏻

#NSS家庭 [GUEST] 自己一個過年，好慘 家家有本難唸的經，每次都係咁。 小學時候，爸爸脾氣暴躁，媽媽很早離世。到了中學，爸爸娶了一個阿姨，講野超大聲，成個阿嬸咁。之後爸爸和阿姨成日吵架，阿姨有個阿女，阿姨覺得我係佢眼中釘，成日蝦我，學費唔幫我俾，冇新衫著，病左唔帶我睇醫生。學校每次回條，旅行費，書簿費都係我最遲交。班主任成日話我懶，佢仲話：你咁唔聽話，你屋企人一定唔錫你啦。 我每一日都好唔開心，有時候真係唔想翻屋企，我成日都係塊面毫無表情，平時係學校同同學有講有笑，有時候笑下，但好快變翻原型，同學仲話我好高竇。 上年自己一個係街到過年，覺得自己屋企成日吵架，爸爸媽媽都對我唔好，仲打爛屋企碗和碟，不如係街到仲好。

#NSS家庭 [Guest] 我好憎我阿爸阿媽 講左我阿爸先啊，佢係一個重男輕女嘅人。佢成日都對我細佬好好，好關心佢，又會買好多嘢俾佢，但係對於我，佢淨係識得鬧。佢成日都會無理取鬧，就好似呢幾日我同我阿媽執屋，然之後我阿媽掟左佢啲嘢食，佢就好嬲，發晒癲咁鬧我話我點解唔幫手睇實佢啲嘢，但係佢嗰啲嘢係已經過晒期冇用，我哋掟左都好合理，而且又唔係我掟佢啲嘢，點解要對住我發脾氣。佢好多習慣亦都令我覺得好不滿，去廁所成日都唔沖廁，又日日係度講粗口，大聲到我隔離鄰居都搵我投訴過幾次。而且唔係成日沖涼，有陣時仲會好臭。有幾次喺街上面大聲講粗口又臭嗰陣我都想唔認佢，我知道呢啲諗法唔啱因為佢都有養我，但係我控制唔到自己唔去諗呢啲，每次見到其他人嘅阿爸好錫佢哋嗰陣我都好羨慕 。 再講我阿媽，我覺得佢幾愛我，但係佢嘅愛對我黎講真係好痛苦。我成績其實唔算差，都係喺全級中上，考得好嘅時候可能入到全班頭五。但係佢好似一啲都唔會覺得滿足，佢成日將我同一啲讀書好勁嘅同學去比較。由細到大我發揮失常考差左佢就係咁鬧我，但係我考好左佢都係喺度踩我，令到我好自卑。而且我嘅朋友唔多，佢就係咁話因為我成績唔好冇人同我玩，好似乜嘢都關成績事。我知佢係想我成績好為我好，但係我真係覺得好辛苦 ，又有可能係因為我抗壓能力好差，但係我真係好攰，唔想面對住佢。 佢哋兩個嘅感情係一啲都唔好，就快離婚嗰種，每次佢哋放工返到黎就會開始嗌交，我由一開始會偷偷地喊，變到而家麻木晒。其實我都好想佢哋離婚，就算我嘅生活條件會變得更差，我都唔想咁樣一路聽佢哋嘈，如果可以，我更加想離開佢哋自己去生活。 純發洩 sor for 1999