—類投稿

#NSS愛情 [GUEST] 「冇人可以代表佢」 （Repost)純粹想投稿釋放下負能量 我係上年7月識咗一個女仔朋友(代名為A)，佢係一個日本人，所以我哋有時會半英文半日文咁傾計。我係第一次遇到有人會聽我訴苦，雖然我哋語言上有少少障礙，但係A從來都冇敷衍答我。佢係唯一一個人當我打機搵我嗰陣，我唔覺得佢煩，反而令我會即刻覆佢message 嘅人，直到而家，我哋一次交都冇鬧過。 我由八月開始，無論溫書、食飯、行街、瞓覺我都諗緊A，每當我起IG見到有好野食、有好野玩、有靚相，我都第一時間會諗：好想同佢一齊去呢度食嘢，好想一齊去旅行。我平時生活嘅一點一滴，我都想分享俾佢。直到有人問我有冇鍾意嘅人，我第一時間 係諗起佢… 我冇諗過去表白，因為我覺得我哋兩個都係女仔，起唔同國家，年紀相差咁大(7年)。所以我一直將衣份感情收埋係心入邊。但係有一次，A同我傾偈提到佢前任，我先知道原來佢都係雙性戀。我嗰陣係覺得有啲開心，但係我未開心完，現實打斷咗我嘅幻想。 （對話內容由英直譯中） 有一次，我地傾傾吓計，A突然問我：「可唔可以做我嘅情侶*？」我激動到想喊，我答咗句：「認真？！」佢打咗一個問號，然後話：「唔係呀嗰個係翻譯錯誤笑死，我係講緊遊戲拍檔*！」我個刻嘅心情係由天堂跌落谷底，不過我都答咗句「好啊」，但係我都知道我哋之間係冇可能。 *由日本翻譯做英文，相方可以指伴侶/情侶 Sorry for 1999

#NSS愛情 [GUEST] 「冇人可以代表佢」 純粹想投稿釋放下負能量 我係上年7月識咗一個女仔朋友(代名為A)，佢係一個日本人，所以我哋有時會半英文半日文咁傾計。我係第一次遇到有人會聽我訴苦，雖然我哋語言上有少少障礙，但係A從來都冇敷衍答我。佢係唯一一個人當我打機搵我嗰陣，我唔覺得佢煩，反而令我會即刻覆佢message 嘅人，直到而家，我哋一次交都冇鬧過。 我由八月開始，無論溫書、食飯、行街、瞓覺我都諗緊A，每當我起IG見到有好野食、有好野玩、有靚相，我都第一時間會諗：好想同佢一齊去呢度食嘢，好想一齊去旅行。我平時生活嘅一點一滴，我都想分享俾佢。直到有人問我有冇鍾意嘅人，我第一時間 係諗起佢… 我冇諗過去表白，因為我覺得我哋兩個都係女仔，起唔同國家，年紀相差咁大(7年)。所以我一直將衣份感情收埋係心入邊。但係有一次，A同我傾偈睇到佢前任，我先知道原來佢都係雙性戀。我嗰陣係覺得有啲開心，但係我未開心完，現實打斷咗我嘅幻想。 （對話內容由英直譯中） 有一次，我地傾傾吓計，A突然問我：「可唔可以做我嘅*情侶」?我激動到想喊，我答咗句：「認真？！」佢打咗一個問號，然後話：「唔係呀嗰個係翻譯錯誤笑死，我係講緊遊戲*拍檔！’」我個刻嘅心情係由天堂跌落谷底，不過我都答咗句「好啊」，但係我都知道我哋之間係冇可能。 *由日本翻譯做英文，相方係指伴侶/情侶 Sorry for 1999

#NSS社會 [Guest] 啲冇腦鏡粉可唔可以收皮？ 本人都係鏡粉（理性追星嗰種）啦，2020年mirror未有依家咁紅嗰陣已經入坑，嗰陣時好欣賞佢哋同埋支持本土文化（同當年twins差唔多😃），都好想佢哋快啲紅起。過咗年幾，因為男排同大叔的愛令鏡仔嘅人氣急升，身邊自然就多咗好多鏡粉啦。不過唔明嘅係，有一部分鏡粉真係可以咩都盲撐一餐，將佢哋無論係visual定實力都捧上天花板，一聽到任何負皮就一律話係妒忌（再on9啲嘅就直頭話係藍😃），甚至為咗佢哋周圍dis 其他齋聽歌/團飯或者追外國明星嘅人，再唔係就其他港星。其實香港仲有好多實力派（好似dear jane,mc,Terence Lam,Hins Cheung etc.)，而講真鏡仔佢哋實力真係冇佢哋咁好，佢哋應該為鏡仔嘅學習對象，而唔係你哋「鏡粉」嘅箭把囉。明白你哋有時真係想保護自己偶像，但係咁樣只係會令街外人對佢哋更加反感，所以唔該你哋做下好心，收下把聲，柒少陣啦。 我知啲人實cm屌我一餐，隨便～～～

#NSS愛情 [Guest] 希望admin po ig 我見到有啲post 話身邊嘅人都唔係咁接受到自己鐘意同性，但其實同性異性係咪真係咁重要呢？ 真係鐘意嗰個人，唔會係因為佢個樣，咁點解我哋又要著眼於嗰個人嘅性別呢？其實性別同樣一樣，係天生嘅，唔係我哋有得揀，而鐘意一個人，係因為佢嘅人品同性格，同性定異性，又有乜所謂？ 世界上對於性取向有太多嘅定型，亦有好多唔同嘅睇法，但其實鐘意邊有咁多呢啲嘢，最直接都係你心入面嘅諗法。 Sorry for 1999 不喜勿插 有一千個人，就會有一千個建議，但邊聽得晒呀。忠於自己，人一世，物一世，唔好諗咁多！

[oxford某一間international school] 活著真係咁痛苦咩?? 我今年yr10 (form4) 九月去左英國oxford讀書 讀international school 有香港 大陸 俄羅斯 etc… 原本第一個term都好好地 而家第二個term 突然換左兩個boarding house嘅staff 一個係assistant 一個係dorm head 一個星期長駐嘅啲 新黎嘅assistant嘅power好似仲大過上個term本身係到嘅assistant 我嘅生活根本從天堂跌到地獄 好多好多嘅rules或者staff嘅行為係上個term無嘅 舉少少la 1.

#NSS個人 [屯門band1A] 大家好，小妹拜個年先。咁我就讀緊中五。我想分享一下我嘅外貌焦慮。 其實，我細過一直都冇特別理自己嘅外貌，只係正常細路一個。可能由於我俾人慢熟，所以我細過成日唔知點反應，因而我成日俾人蝦。但係，之後我又睇咗D心理學書話咩外表係我地對一個人嘅印象嘅重要因素，而且第一印象好重要。之後，我就開始懷疑人地對我差係唔係我外表唔好。諗返起，或許真係真，但係，跟住我就亂諗嘢，覺得咩着名牌人地會俾多D尊重，靚女就唔會受D社會定義為低質嘅男仔溝。由於我成日俾人溝，我都希望自己變得傳統靚，咁會少D人溝我。每次一有D人做咗D令我反感嘅嘢，我就將自己嘅外貌衣著拉上關係。 於是，成件事就越演越烈。我不停係度想盡辦法去改自己嘅外表，但係外表依D嘢係好主觀，我D朋友都對外表有唔同意見。因此，我好迷茫。 小妹求求你地俾D意見我可以點做，多謝🙏。

#NSS個人 [ 呢篇唔算長啦，我仲有好多嘢想講] 點算？我仲係會成日諗起你，但我哋兩個好似一早已經冇晒瓜葛。琴晚我夢見倒你，但係夢裏面係咩內容，我一早已經唔記得，真係唔記得咗，我諗之後我應該都會不知不覺咁樣忘記你。今日原本諗住sendmessage俾你，講類似於新年快樂之類嘅嘢，但係諗吓諗吓，都係唔好啦。 我一直都係咁諗㗎: 放棄鍾意一個人有講唔完嘅遺憾，但係時間可以將我嘅感情分薄，然後佢可以將一切嘅遺憾沖刷開去。二如果我唔放手，一旦你唔鍾意咁樣嘅我，我同你曾經嘅回憶都會變成你嘅惡夢，我哋會怨恨對方。如果你唔憎咁樣嘅我，我哋會一齊行過某一段日子，然後有一日，你會厭倦我或者我會厭倦你，又或者有家人、外界嘅干涉，我哋最終都係會分開㗎…而喺好多年之後嘅同學會，我又會以一個點樣嘅身份去面對你呢？係同學固有前度定係陌生人？再之後，如果你遇到一個比我更加愛你嘅男人，或者我遇到一個愛我嘅人，只係因為佢哋係一個男人，你或者我，會同各自嘅佢攜手走入禮堂，生兒育女。而係之後我哋又點樣同佢哋每一個解釋我哋嘅過去呢？ 我唔係體貼，我唔係諗得周到，我只不過係好細膽， 我唔夠膽面對呢個世界面對你同面對自己嘅內心。 成日聽人講話喺呢個世代，大家嘅思想開始變得冇咁封閉，不斷有唔同嘅法律去保障唔同性向嘅人，又有人話BL同埋GL嘅出現係為咗去幫同性戀、雙性戀「去污名化」。但呢啲係真嘅咩？ 事實上，只不過係商人睇中咗市場嘅需求，特登賣腐，大家睇中嘅其實係顏值，同嗰啲令人興奮、滿足嘅瞬間，而唔係佢背後嘅意義… 以前我見到你笑嘅時候，我就可以精神一日，而喺你離棄我嘅嗰一段日子裏面，我好似每日都覺得好沮喪。我以為你走咗之後，我可以重拾心情，然之後重新振作，因為我唔使再睇住你同人哋卿卿我我，我可以專注返自己嘅生活。但係你走咗之後我嘅狀態竟然係一落千丈，我望住你班房嘅空位，我覺得：呀，你已經唔喺度啦？之後每當班房門打開，我都唔使再抬起頭，望係邊個入咗嚟；紅色小巴經過嘅時候我都唔會睇入裏面，球場我都冇再望啦…朝頭早訓練嘅時候，7點25分，我唔會再望向走廊睇吓你返嚟未，會唔會望吓我。我嘅生活靜咗好多，又頹廢咗好多，好似人生好似冇咗目標咁，個心都好空。 我哋會再見嗎？一個係澳洲，一個喺歐洲？ 我會掛住你㗎，你會掛住我嗎？ 唔知自己點解要咁做，但係我想承諾一下如果後來我有能力照顧好自己，有能力支撐起自己生活，有能力去保護自己身邊嘅人，當我足夠強大時候，我想嚟搵你，第一切都隨你意願，我只不過係想再來一個守護者嘅角色去愛一個人。 另外我想講嘅係，我認真好多謝，好多謝，某年某月有人同我寫咗一篇我鍾意嘅故仔，結果下一個月嘅第二日我就知道佢要走，喺製作嗰篇故仔嘅嗰段時間，佢亦都同我坦白左，接下來嗰段時間，原本唔係好close嘅兩個人，日日黐埋一齊，佢請我食早餐，佢同我一齊打機，運動會嘅時候我哋拖過手，佢同我睇鬼片，佢連續寫咗好多年信俾佢嘅之後，佢寫咗唯一一封信俾我，你嗰張卡封面上嘅一句話，我永遠都冇辦法忘記。 沉船的我，一早就已經冇救㗎啦。其實我都知道自己係一廂情願嘅，但係我唔捨得放低啊…. 我究竟係應該放棄自己嘅想法，定係以佢作為一個信念去繼續我嘅人生呢？ 圖Link: https://ibb.co/w7cbb3q

#NSS愛情 [Guest] 真人真事，請唔好屌咁大力🙏🏻🙏🏻🙏🏻 講返少少背景 小弟今年f.3，學校就有分精英班同非精英班嘅，小弟前兩年就係喺普通班(?)今年莫名其妙升咗上精英班。咁一開學就求其揀位坐，小弟就慣性坐咗最後嗰排，隔離係一個短頭髮嘅女仔。佢份人雖然講嘢好mean不過好開朗亦都有分寸，所以有好多朋友。小弟喺相處間亦都鍾意咗佢(〃∇〃)雖然佢成日都同另一個女仔lesles哋但係本人表示好想同靚仔出pool，所以應該唔係les😂 sorry上面咁多廢話(´•ω•̥`)依家入正題 小弟呢兩個月就終於鼓起勇氣request佢private account，發現佢好鍾意一啲男嘅vtuber同埋睇動漫，去到呢度都冇乜問題，最大嘅問題係我發現佢係個微病嬌嘅抖m兄控🤯我點解可以肯定係因為首先佢po嘅story好明顯睇得出佢好鍾意佢阿哥，見到咩都會諗起佢阿哥。之前有開過嗰啲1-100年尾Q&A，其中有一題係問你下年有咩想做，佢答咗話俾佢阿哥踩同舔鞋底…佢仲有補充過話覺得佢阿哥依家表面嫌棄佢其實對佢好好嘅傲嬌屬性的確係幾好，但係好想好想阿哥一直留喺佢身邊，仲話想鎖住如果可以嘅話挑斷佢阿哥腳根(ʘᗩʘ’)但係之後又講返話佢阿哥係唔可以咁樣俾佢玷污，佢阿哥係佢嘅信仰之類… 小弟都幾肯定自己係鍾意佢嘅，但係呢個形象嘅轉變幅度實在有啲大…所以想投稿問下應該要點樣渡過呢個心態轉變期🥲因為我驚我之後如果有得上實體嘅時候見到佢會諗起佢兄控嘅事情而避開佢，錯失培養好感嘅機會🥲

#NSS個人 [guest] 小弟今年中三，性格比較內向，邊緣人。近排希望可以做d嘢令自己生活充實d，同埋識下朋友。請問大家有咩活動建議，例如係joint school或者慈善之類嘅嘢，適合我嘅年紀。或者我應該做d咩可以識下朋友，試下女仔，令到自己生活唔洗咁dry同無聊。 請問大家有咩寶貴嘅意見，可以幫助同分享俾我，萬分感激🙏！！！！！

#NSS愛情 [GUEST] 同男朋友一齊咗一段時間,最近男朋友覺得我好chur,日日call好多個鐘,其實正常嘅一對中學生情侶係咪唔應該日日call,如果係日日應該call幾多個鐘?定其實係要大家磨合?同埋小妹自己最近呢幾日覺得好似得自己經營緊呢段感情咁,講早晨係我晚安又係我,佢全日唔搵我都唔太覺有乜問題,成日都唔想同我call,對我又好冷淡,但佢之前對我真係好好,好肯就我又好錫我,我應該點做?