—類投稿

#NSS家庭 [Guest] 我哥哥嘅一句話。 哥哥，對其他人黎講可能只係一個親人，但對我黎講「哥哥」唔單止係一個名，更加係我唯一嘅靠山。 小妹出生於一個少窮嘅家庭，爸爸離開左屋企，而媽媽因為呢件事而都對我同哥哥冇左希望，患有嚴重自閉症。哥哥大我7年，我15佢22。由於家庭唔富裕，所以我真係交唔到書簿費，一開始連校服都買唔起。 每一日返到學校就比老師鬧同學笑，日復一日年復一年。終於，我頂受唔住，做左人生中最錯嘅一件事———偷竊。冇錯，我14歲果年，連續偷左4次錢。果一年，我真係忍夠了。冇校服；冇書；冇面…唔好話學校嫌我廢，果一刻連我都嫌棄自己。我覺得好對唔住屋企，成頭家唔可以淨係靠阿哥養，作為個女我都有責任，但係我冇出色不特止，仲慢慢地成為左累贅。就係咁，我開始逃避現實，逃避家人。 但係作為人類都需要有人支持有人陪伴。有一日，我真係忍唔住打比住係宿舍嘅哥哥。接通左後，我如釋重負地留下了眼淚，而成通電話淨係得佢講嘅一句話。 「我知道，阿哥喺度。」 呢句話，係我聽到戳得我心底最深嘅嘅一句話，我無法忘記。好老土but雖然我阿哥未必可以比到物資上嘅支持，但佢一定係我最大嘅精神後盾。 依家回想起，經歷過家暴，校園霸凌…好啦唔開心嘢唔講，要happy ending✌🏻 冇阿哥嘅果一句話可能我依家都唔會攞起部電話分享我嘅經歷啦haha😉 雖然唔知阿哥你認唔認到係你妹妹我，但係原諒我冇勇氣喺現實中面對面同你講聲多謝🙏🏻 阿哥，冇你就冇今日嘅我，多謝你。

#NSS學校 [SPCC] 學校極度瘋傳呢段野，老師都一齊send☺️ -積積復積積，唔識就唔識，測驗夠刺激，居然無題識，上堂聽唔識，搗亂多款式，自修一樣識，睬佢都生積，午膳食下飯，噴飯是奇蹟，小息去打波，波餅向面擊，到響上堂鐘，秩序又唔識，老師話放學，立刻飛奔即。日日返學愁更愁，老師講野無離頭，我就聽到似夢游，次次批評無理由，功課多到似報仇，做野做到似撈頭，課外活動無睇頭，冇得去玩悶過頭。校花校草出風頭，永無我份方理由。老師真係 老過頭，講書内容好陳舊。擦鞋擦到似隻狗，放學齊齊去跳樓。溫書考試為出頭，派成績表縐眉頭。滿江紅兼操行差，對住阿媽喊晒囗，為求阿媽收下手，打到塊面變豬頭。返學放學方時休，讀多幾年變白 頭..返學為左乜，日日被糟質，功課都係抄，一係就唔交，返學等放學，放學飲可樂，打鐘各自飛，就咁又一Day~生係香港人，死係香港魂~~要我學英文，梗係冇可能~~英文唔合格，更顯我性格~~數學唔合格，老師負全責~~中文唔合格，我都方辦法~~考試考得好，全靠隔離好~~考試考唔好，隔離唔識做~~這個中國人，真係失禮人~~叫佢學中文，佢話佢低能～~叫佢學英文，佢話冇可能~~叫佢學計數，佢話會頭量~~考試考得好，全靠運氣好~~考試考唔好，完全意料到~~唔駛睇相佬，大家估得到~~這個中國人，乞食爭遲早~一落樓 梯，二樓仆底，三個筋斗，四腳朝天，五塊膠布，六個傷口，七時入院，八時釘蓋，九時出殯，十分墟陷。平日不用功，考試望天空，試卷交上台，鴨蛋掉下來。從前開賭擋，疑是十三張，舉頭標冷汗，低頭輸清光。返學須知(必讀)返學九個月，怨聲已不絕：晨早六點九，趕住著衫走 ：路口等小巴，車費又再加：行到校門口，仲有幾層樓：返到班房内，竟然方人在：聽到人示愛，遲到又要再：今日第一堂，學生已發狂：漏帶一本書，九族都要誅：科學子連擊，難到你唔識：跟住中文堂，擦鞋仔最忙：最後英文科，變晒做睡魔：返學等放學，放學飲可樂，天空飄著小雨絲，似在嘲笑我的癡，為何妳那麼自私，狠心讓我空相思。攪盡腦汁寫的詩，滿腹心酸有誰知，只見豬頭和%$@^%＄#4盯著螢幕讀此詩。一看試卷，兩眼無神，三思不解，四肢無力，五臟俱焚，六神無主，七竅生煙，八面受敵，九死一生，十分痛苦，百事待舉，萬事休矣，不如歸去。我校女生一回頭，嚇死河邊果隻牛。我校女生二回頭，全校男生一齊嘔。我校女生三回頭，全球色魔齊跳樓。我校女生四回頭，黃河從此不再流。我校女生五回頭，大慶油田不出油。我校女生六回頭，浮游生物不浮游。我校女生七回頭，碧咸要打乒乓球。我校女生八回頭，和尚洗頭用漂柔。我校女生九回頭，豬排侵占我地頭。我校女生十回頭，人人逃離這地球。我地讀書好難做，成日惡補中英數，又怕Miss打報告，政府都要賣廣告。 多謝你睇到黎呢度，感激無限

#NSS家庭 [我阿媽同姑姐因為呢件事而唔理我] 長文慎入 小妹F2，同屋企人關係都唔錯，但係最近發生咗件事⋯⋯ 我有兩個姑姐（下稱姑姐A及姑姐B)，喺我小學低年級嗰時我阿媽已經同姑姐A不和，反面，其後姑姐A同姑姐B都反埋面。 姑姐A有一個女（我表妹，下稱C），因為上面嗰啲反面事件我阿媽都唔太鍾意C，而姑姐B更加有少少針對C，對佢唔好，小小事就會係咁鬧佢。 平時我阿媽同姑姐B都成日喺我面前話姑姐A呢樣唔好，嗰樣唔好，佢哋有時講嘅嘢係誇張咗好多，但我呢啲後輩講多幾句嘢都會俾人鬧，所以我唯有認同佢哋，咁我真心嗰句梗係唔係好似佢哋咁樣諗啦。我有好多心事都會同姑姐A講，因為我覺得佢真係了解我，傾完我個人會舒服好多，偏偏我好啦同姑姐B唔鍾意，一見到我同姑姐A傾偈就會俾說話我聽。 前幾日，C同細佬喺度爭執睇YouTube嘅問題，驚動到姑姐B，然之後佢就不斷鬧C：「點解你自己有部iPad又唔睇，爭完會好睇啲，」、「你再係咁我掟爛你部iPad」、「夠薑就叫你阿媽過嚟鬧我，到時我就殺咗你」 直至我聽到話要「殺咗你」呢一句說話之後，我就覺得姑姐B越嚟越過分，平時特登對C差啲都算，佢咁樣對一個小朋友講嘢我覺得會影響到佢嘅心理，搞到C淨係會喺我同姑姐A面前先可以做返自己，先會講心事同埋喊。 嗰時姑姐A唔喺屋企，所以我即刻打俾佢同佢講呢件事，但我阿媽知道咗之後就同姑姐B講，然之後佢哋就俾咗幾句說話我聽，然之後就開始唔理我，見到我都當我透明。我同姑姐A整咗啲曲奇餅，姑姐B仲要趁我瞓覺嗰時整碎晒（我入咗房未瞓着所以知道） 以上所有事我阿爸都係唔知（我阿爸對我同埋C都好好），我阿媽咁樣唔理我我好想同我阿爸講，我阿爸一定會話我阿媽，所以我阿媽都一定會再問返佢點解要同我阿爸講。我驚件事會變到越嚟越嚴重，所以我唔敢講。大家覺得我應該點做？ 多謝各位睇到嚟呢 唔該晒admin po IG Sor for 1999

#NSS個人 [GUEST] 大家好，小妹中1，13歲。自己自願做醫生，大個去英國讀書。我係家庭暴力受害者，所以18歲想搬走，以後都唔想同佢哋聯絡。 大家都知道，外國讀書好L貴，獎學金嘅機會好少好少，所以就想儲夠錢畀第一年嘅學費我計過條數，我而家幫兩個細路補習，每個鐘頭賺70同80蚊。如果我再幫多D人補習我就會賺到多D錢。我已經喺社區發到宣傳單張， 希望多啲人搵我補習。我計過條數如果我15號開始就 做part time 計埋 暑假啲paid internship同埋宜家瘋狂草錢 我應該爭少少就可以交到第一年學費希望攞多個 20%scholarship 就應該夠畀第一年學費。 我而家暫時想搵多啲part time去做 有冇人知道啲唔介意學歷嘅part time？我希望自己大個啲（15歲）去做。 同埋如果大家有啲乜嘢可以賺錢嘅方法，請同我講。 sor for 1999 🙏🙏

#NSS愛情 [GUEST ] 小妹今年中四 係一個好容易鍾意對方既女仔 容易鍾意對方呢個term係我身上發生既話 就係對方一對我好好 我就會暈船… 我會好留意對方 覺得佢好好 因為佢會同一個咁唔顯眼既我相處 當我對佢有好感 我既眼中只會有佢 同時間當佢都有女性朋友既時候 我會自責點解我要盅個頭埋去 當距離遠左 佢冇再黎搵我 我就冇再留意佢 問題就係佢一搵返我 我就會好有希望 我對自己既評價係自卑 冇咩好 人緣差 當佢對我好 我就會對佢十萬咁好

#NSS學校 [GUEST] 中學on9事 見到好多人投稿中學f1、2啲人幾白癡同MK，等我都講下先。 本人小學嘅時候，打天才波，入咗間Band 2A/B之間嘅學校，呢間學校喺當時香港仲有分Band 1-5嘅時候，排Band 5。之後靠歷年師兄師姐嘅努力，而家校風都好咗好多。我當時入呢間學校嘅時候，身邊啲成年人都話，「好啊！」、「之前間學校Band 5，宜家好咗好多」，一個大我一輩嘅親戚都係讀呢間中學，佢話佢讀嘅時候已經冇人「接放學」。 之後我就如期入學，渡過左一年f1，加入左籃球隊。 其實喺嗰一年入邊，淨係單單個小小嘅實體上堂，已經見盡呢班人幾咁白癡&MK，我心諗算啦，我嚟學嘢，唔係嚟識朋友。從來都冇融入佢哋嘅圈子，所以f1我係一個朋友都冇。 但係…… 係籃球隊就賴嘢。除咗打波，打波之前喺學校食飯（因為老師比唔夠時間返屋企，有得揀我都唔想喺學校食，好L尷…)，各種原因，好自然就會同籃球隊呢班人接觸得多好多。 你地明唔明望住佢哋上1秒好friend，下1秒反面，反面嘅原因仲要好L白痴，嘅感覺係幾痛苦？ 佢哋真係好MK… 唔係講笑，阿A同阿B本來好friend，反咗面之後阿B又話自己條仔係xxx（三合會）啲人，條仔仲要send WhatsApp 恐嚇阿A。 唔知大家會唔會覺得阿A好委屈好無辜，但係其實阿A都話佢自己識油尖旺啲人… （省略過千字） 成段故都幾長吓，唔講得咁詳細。總之啲人好幼稚、MK同白癡，仲有一個學人精（真係我嘅陰影啊）。 最後想問吓大家，唔知你哋嘅MK同學有冇搞黑社會？定係純粹行為言語好MK？

#NSS個人 [GUEST] Re: NSS220424A 長文慎入。首先如果我講嘢1999，或者過份中英夾雜，令到大家閱讀不便，我係度道歉先。內容可能冒犯到各位，都請大家多多體諒。以下係我本人嘅對 #NSS220424A 嘅愚見，以及對生活少少嘅發洩。有勞admin po ig了。 我同樓主情況或多或少相似，我有興趣有天賦嘅嘢學校都冇得學（fyi我人宜家喺英國，上年過嚟嘅，今年year 10），一樣對哲學都有興趣。但係我個人比較喜好廣泛，所有好多嘢都有涉獵，尤其同聲音有關嘅嘢。事關我對耳比較靈敏，而呢個其他人眼中嘅優勢，帶比我唔少嘅困擾。（因為咁我亦係一個嚴重嘅聲控lmao） 我認我讀書好，但係我冇興趣，升中之後尤甚。每次考試我都好大壓力，因為自己會比人討論，高分好，低分都好，我都會驚一餐。過咗嚟仲衰，一個轉學生一入嚟projected就高過啲local一大截，每次測驗都要好小心咁保護個分數，因為一個人知就傳到成級都知。而我好內向，唔中意呢種attention。 我每次一想搵人傾訴，一講到學業就會俾人用一句「下，你成績咁好」搪塞。雖然理性上明白佢哋唔係有意令我難受，但係我感性上冇辦法做到一笑置之。正係因為呢種咁嘅同儕壓力，我越嚟越質疑自己。我嘅壓力係咪好無謂？我到底係咪唔值得同情？我唔知，可能係我抗壓能力弱掛。 另外，我係一個相對內向同厭世嘅一個人，嚟到英國更甚。我好唔習慣，特別係一啲我個人認為無理嘅規則，搞到我越發抗拒返學，甚至對之焦慮。我打緊呢篇回覆嘅時候正係復活節假完前嘅星期日，我真係好想x。 講返啲規則，有條係室內唔可以著外套。但係本人免疫系統好弱，家族遺傳病史多，數哮喘同貧血對我嘅影響最深，導致我好怕凍。有時老師開窗通風，或者break要出外面，我就好想打x自己。偏偏啲老師宜家又日日捉儀容，解釋又唔聽，真係有啲燥底。於此同時，本人因為pe堂嘅一啲意外頸椎移過位，有留低後遺症，令我成日燥底到想打人。 上面有提到我內向同對聲音敏感，所以喺學校社交簡直係地獄。呢度啲人喺學校嘅聲量對我好折磨，我除咗帶耳機聽歌乜都做唔到。因為學校唔俾帶手機嘅關係，成為咗detention嘅常客。 除此之外，我社交能力真心好差。唔太識睇面色又唔識捉時機俾意見，講嘢有啲直白，又成日因為唔想社交而蝕底，導致我由細到大都成日俾人恰或針對。呀媽每次都會開導我，我由心底覺得感激。我呢一年先有膽量同佢講我想去therapy，但係因為人生地不熟，到宜家都係未做。因為有讀開心理學，最近又知道有個表弟有俗稱嘅自閉症，想了解佢多啲。一睇就驚覺自己好似有啲傾向，做咗個nhs提供嘅測試竟然9/10，搞到我而家好不知所措。 於此，鄙人想問各位幾個問題： 1. 唔知有冇在英嘅人對睇therapy有經驗可以分享？過程大約係點？ 2. 係唔係應該同學校反映我嘅心理狀況？ 3. 如果你有相關嘅情緒病往史或者經歷緊類似嘅嘢，有乜方法overcome呢啲debuff？(Lol) 多謝大家睇完本人嘅投搞，希望大家可以理性討論同俾啲意見我。

#NSS個人 [GUEST] 喺五年班嘅時候識佢 我唔知係惡夢嘅開始 我要介紹我一位朋友 我係小學五年級嘅時候識佢 嗰陣時我唔知係惡夢嘅開始 其實一開始我當冇事 因為只係改花名講一啲我唔鍾意聽嘅嘢 去到後尾 每次行樓梯嘅時候我都好驚 你會唔會無端端再出現喺我身邊 一腳踢落黎我度 打我一巴掌 小賣部？回憶？7少陣拉 如果唔係為咗唔想俾你蝦我真係唔想請你 你阿媽用你部手機恐嚇我嘅時候 我到而家都仲記得.. 後來我再同你提起..你竟然同我講因為阿爺走咗所以將情緒放喺人哋身上… 喺嗰個時候 我真係好無助 身邊冇一個人理解我 自己望住俾你整爛嘅鞋 係度喊 我將自己封閉咗

#NSS文化 [Llllllll] *純放負 即係阿我啱啱開電視啦 nexflix轉咗去tvb之後睇咗5分鐘 我屌阿 佢講咩歌唱節目 知唔知入便講咩 一開頭講咩香港回歸25到算 之後有啲嘉賓登場 dllm 全撚部大陸閪 乜鬼毛不易 之後嗰啲完全唔識 講起毛不易我諗起有條yt邊訪問00後有留意啲咩歌手 之後有個細路女港tfboy ，毛不易 個陣我心諗屌咩 香港變到咁撚 過多幾年cctvb係咪播我愛中國個啲節目 sor1999 錯字勿屌

#NSS個人 [Guest] 因為見有人將自己寫嘅野投搞，我無聊都去投下，睇下自己有咩進步嘅地方，所以我簡左一首近期寫嘅詩🙏希望大家比啲comment🤌 《活着》 活着像是履於冰上而行， 足跡構成了絢爛的極光， 底下的河流一個又一個波紋， 在搖搖欲墜中保持平衡， 在平凡中施展魔法。 寫詩的人愛把活着當成苦差事， 三頭蛇、千手女妖、紅眼猛獸， 猶如活在地獄的啞巴， 在焰火中不得尖叫痛苦。 活着不是美妙的嗎？ 如果指尖能綻放色彩的噴泉， 我想這是朵以愛澆出的花。 自由的， 純潔的， 安穩的， 呼吸引領生命前行， 隨着血的流動抵達身體的每一端， 快樂是簡單的， 我讓填滿快樂的空氣來到我的生活。 忽其何時， 活着成了負擔，