—類投稿

#NSS學業 [Guest] 小妹今年Form 3, 要選科 我從Form 1開始就已經決定好一定會修VA, 但我而家好似對自己嘅drawing skills漸漸變得冇自信 可能因為睇得多人哋畫畫 我覺得我嘅drawing skills 同其他人比起, 我差好多 我大部分畫作都係reference其他人去畫 好少真係自己諗出成個idea 近排我開始諗, 修VA可以為我嘅前途帶嚟咩幫助 Fashion designer? 我冇足夠嘅creativity 漫畫家? 我又唔係擅長畫人物 室內設計師? 我覺得自己未夠班

#NSS愛情 [guest] 如果你真係好掛住一個人 好唔捨得佢 就同佢講啦 無論佢點諗你都好 起碼你自己講咗出嚟會舒服啲 因為你唔知道幾時會係最後一次 所有嘢都隨時會變 寧願要一時三刻嘅尷尬定係一世嘅遺憾？ 話唔定你呢次唔講就冇下次 希望心裏面有一個佢嘅你會有呢份勇氣 就當係好好咁同佢道別 同呢段感情道別 放心啦 時間會沖淡一切嘅。 sor for 1999

#NSS愛情 [GUEST] 小妹今年f1，由小四開始都有10幾個人同我表白/暗戀我(有人話我知)(同班同埋friend都有)，我都知都未必係認真，但真係有幾個都持續咗好幾年(覺得好煩， 因為啲同學成日喺度傳)，我冇諗過咁早拍拖， 所以都全部拒絕。 其實我冇乜特別，成績一般，個樣都一般，係一個普通人，唔知點解咁多人鍾意，其實都覺得幾困擾(因為同咗佢哋講佢哋都繼續，仲有啲同學又成日亂咁傳，話我同佢哋拍拖)。 純粹分享下，睇下有冇人有類似經歷。 sorry for 1999

#NSS個人 [好驚同啲丑嘅人傾偈] 唔知由幾時開始我就唔係幾想同啲丑嘅人識，如果同佢哋講嘢嘅話我唔會正面咁望住佢哋，我覺得好核突，我會刻意避開佢哋視線，我仲想快啲結束話題最好就唔好再找我

#NSS個人 [GUEST] 有冇人同我一樣好討厭新年，今年因為疫情關係直情可以留係屋企唔去拜年，只係同咗長輩facetime，但我嘅朋友反而成日笑我有問題話我太緊張，有冇人今年同我一樣冇去拜年，究竟我係咪真係有問題？

#NSS個人 [GUEST] 人越大我越明白到個樣靚係有幾重要 小妹自問應該係普通樣 唔係嗰啲大眼鼻高面尖嘅靚女 隨住越嚟越大個 我開始唔鍾意自己個樣 所謂嗰啲「靚仔靚女」真係有太多更好嘅待遇 我知道有啲人可能係真係會睇內涵 但問心嗰句有幾多人都係睇咗個樣先決定要唔要了解嗰個人？ 越諗我就越嚟越冇自信 唔敢係啲啱啱識嘅人面前除口罩 驚佢哋會見到我個樣之後覺得失望 亦好驚拍拖或者嘗試追男仔 因為我真係對自己個樣好冇自信 有冇人有同樣感受😔

#NSS個人 [Guest] 小弟中五都係成舊飯咁，本身個人都內向，成日唔出聲，然後上online就連唯一可以返學講小小嘢嘅機會都冇。人哋問我嘢就噏頭擰頭，問乜答乜，好少主動同人傾野。可能因為自小喺屋企都唔出聲，開心傷心嬲都唔講出嚟。所以唔太識同人溝通，成日驚講錯說話得罪人。中英oral都勁垃圾，一要即埸反應或者小組討論都口啞啞。開始意識到再係咁去到職場實死，好想訓練自己口材，但唔知點算。去到呢個年紀啲人都唔會當我係細路唔識講嘢，雖然試多啲同人講嘢係好，但唔知其他人點睇我。有冇同路人可以比啲意見🙏🏻

#NSS家庭 [GUEST] 說來話長，但總括一下嚟講，大概就係想向大家詢問一下處理離婚的手續同後續安排等等。因為發生好多事，父母關係已經差到貼哂地，所以打算勸佢哋離婚。 本人今年四月18歲，同父母三個人住公屋，稍微上網了解過下，發現如果有撫養權嘅一方可以擁有公屋居住權，出面樓檟太貴，我暫時冇收入，媽媽收入唔高，離婚以後可以繼續住公屋會比較好，但租約上個名係寫父親嗰名，所以係未趁我四月前仲未成年決定離婚會好啲？ 定係會有其他更好嘅出路..唔想媽媽繼續受委屈，所以想佢哋離婚，就離婚呢個選擇嚟睇仲有冇更好嘅安排？不過都只係想法，想先搜集一下資料準備好再攤牌，希望可以有多啲意見🙏🏻 希望comment惡意唔好咁大..批評的話也請溫柔些吧🙏🏻

#NSS家庭 [GUEST] 我就嚟頂唔順 – 我由細到大見屋企人嘅次數少之又少，佢哋一係就係公司，一係就唔喺香港，就算返屋企都淨係識不斷做嘢，我想同佢地講下嘢又話我煩住佢地趕我走。有時心情唔好又話我黑口黑面好煩。呢2年都冇返過嚟慶祝過任何節日，「生日快樂」呢句野我等左15年。 我發現喺學校受歡迎嘅人全部都超outgoing，我慢慢學識隱瞞自己嘅情緒，希望藉友情感受下親情。但係上年升中一先發現原來中學係另一個世界。就算真係扮到好outgoing都有好多人講你壞話，雖然小學都有，但係嚴重程度高幾倍。我又嘗試日日請人食好嘢飲好嘢買禮物比人希望識到朋友，點知的人會變左奉承。係我背後話我有屋企人生，得工人養、曬命日日請人食嘢等等，我先發現我呢種人真係唔配有朋友。 我想打比屋企人講下心事，但係每次既結果都係「呢度係XXX’s office，有咩可以幫到你？」我以為自己已經麻木咗，唔需要任何人陪我都冇問題，但原來我根本承受唔到壓力，又要考樂器，又要顧住學業同pe類嘅嘢，有時無端端又要學下傾生意，完全唔知我父母想我點，我已經好盡力做好每一件事，我只係想佢哋好好地陪我一日，真係一日就夠晒。 最近我開始越嚟越唔開心，我唔知我應該點做先好。我根本冇能力達成父母對我嘅期望，我只係想過平凡嘅日子，有朋友，有屋企人陪嘅日子。 sor 4 1999

#NSS個人 [GUEST] 我記得有一次見家長嘅時候⋯⋯ 老豆老母：老師呀，我個仔呢成日都喺度打機，又唔溫下書，又唔出去做運動，點算好呀？ 女班主任：你個仔喺學校都冇乜朋友，佢打機都係想喺虛擬世界裏面搵到樂趣，不過過量地打機亦唔係好事。你哋可以同你個仔一齊出去做下親子活動，咁你個仔應該就會減少打機。 如今嘅我依然係只有少數「朋友」，更加係冇「知心好友」。我曾經嘗試同佢哋建立更好嘅關係，只不過冇人有相等嘅行動，更有人認為我喺度挽挽下。愛情係要雙向，友情都唔例外。所以我好快就打消左呢個念頭。 而我喺虛擬世界出現嘅頻率亦都減少。一開始可能真係可以得到樂趣，只不過去到最後，都會因為冇朋友同我一齊挽而感到寂寞。 各位大佬，我可以點做？😞 sor for 1999