—類投稿

#NSS個人 [GUEST] 大家對於遲到呢樣嘢有咩睇法？ 是咁的 呢邊就有兩個識咗起碼十年嘅Friend（下稱A及B）我地三個女仔一路都好Friend 一個禮拜會見三四日咁 但係問題就係呢度 我地三個每一次出街 A都一定會遲到（少則十分鐘 多則一個鐘都有） 其實我地約親都係佢屋企樓下 搭完LIFT行一分鐘都唔使就到約定地點。。。 而且成日搵理由去合理化自己遲到呢樣嘢 我同B都有嘗試攤出嚟講 但係發現A係根本唔想同我地溝通呢樣嘢 我地有講過 聽日邊個遲到要請嘢飲之類 想強逼A準時 但係佢就會彈出黎話「我無話過要參與」或者甚至直接話「咁我唔去囉」 呢樣嘢都真係困擾左我好耐><但係又唔想因為呢樣嘢破壞咁珍貴嘅友情。。。希望大家可以比少少實際嘅建議！ Sorry For 1999

#NSS個人 [Guest] 小妹發現自己髮線開始後，而且仲有M字額。我先13歲…平時紮開馬尾，想知除左少啲紮辮之外仲有冇其他解決方法！宜家放假都冇紮咁多辮，但係冇乜用。定要隔好耐先會生返多啲頭髮？宜家搞到我冇乜自信，sorry for 1999

#NSS學業 [Guest] 係咁嘅，我而家F.4，讀緊Band 1a 傳統名校，嚟緊準備考igcse。我間學校有得俾我哋之後揀讀IAL或者DSE，我仲未決定到，所以就諗住喺度問吓大家意見。首先我就應該唔會去外國留學嘅，因為屋企冇錢。至於中文成績就一般般，最弱係作文。最近聽人講話讀IAL容易啲入大學，而且我F.3 F.4 都讀緊igcse，唔知轉DSE有冇影響。我遲啲大學諗住讀商科，希望大家俾啲意見我，唔該晒。

#NSS其他 [冇乜自信點算] 本人微胖,隻腳又唔長,搞到我出街冇乜自信,屋企人全部都係偏瘦,阿哥同家姐成日話我胖。日日出街都好似覺得人地鄙視我。同埋由細到大都冇男仔鐘意過我,係咪因為我胖?

#NSS家庭 [Guest] 我覺得自己嘅出現俾咗好多壓力我父母。 講返少少背景先，小妹讀咗直資學校11年，身邊最親近嘅同學仔父母都係打政府工，所以學費只需要俾一半，但我爸媽唔係。 我爸係做IT嘅，佢部門嚟講應該係under啊頭，人工幾多我真係唔知。佢緊呢幾年成日都講話部門老細唔做嘢，將所有job推晒俾自己，但係出面啲細嘅都知係自己做。老細乜都唔洗做，但係人工佢又袋晒。 雖然唔憤氣但係打工仔嘅世界就係咁㗎啦⋯⋯媽媽本身係幫緊自己家族生意打工，但疫情開始咗之後，生意就一落千丈，上個月老細決定退休，媽媽依家係「退休」狀態。我記得我媽以前曾經講過：「你以為我個個月月入萬幾啊？」由嗰陣開始我已經知道我媽媽人工唔高。 由細到大我都唔祈求咩奢侈品，我亦都好知足。媽媽本身性格好大方，做咩都好為人著想，所以佢人緣好好。不過有時我覺得你越係大方，你就越蝕底，可惜我講一次，我就比佢鬧一次。呢個都唔係重點，重點係我每個月嘅學費係講緊九千幾，一年約十萬。未計衣食住行同補習嘅費用。我知道我成績唔算好，但我唔想浪費佢地咁多錢去補習。IB補習講緊一堂七百幾蚊，我真係唔想補。不過我知道如果我唔補，我成績就唔會好，到時公開試考得差冇大學收，我一定會後悔。 我好想減輕佢地嘅負擔，但係我又唔知可以做咩。 我應承你，我嚟緊呢一年會俾盡200%嘅努力！ 我會用最後一年嚟報答返咁多年你地對我嘅供書教學。 第一次投稿，文筆唔好真係唔好意思🙏🏻 Sorry for 1999

#NSS愛情 [GUEST] 小弟鍾意咗個男仔Ching ，有咩表完白，俾人拒絕之後唔尷尬嘅方法😗

#NSS愛情 [GUEST] 希望admin po ig🙇🏽‍♀️🙏🏻thx （篇投稿少長sorry orz） – 交代返少少背景，小妹今年f3，由上年開始我就發現自己鍾意左一個人，佢細我啱啱好1年，我地係喺校隊度識嘅，喺學校班房都喺隔離。 講返正題，本身我同佢個frd熟先嘅，之後先慢慢同佢熟，一開頭佢知道我社恐冇frd所以成日搵我傾計同玩，知道我會打機之後就成日都走埋嚟問我幾時陪佢一齊打，到後來依家熟左之後差唔多日日都會一齊打機。喺小息嗰陣因為我地成日企埋一齊吹水打鬧，慢慢佢啲兄弟都開始成日起哄話我地幾時喺埋一齊、表白未etc. 喺佢地起哄之前我已經知我鍾意佢但一直冇講，而佢聽到人地起哄每次都係笑下就算咁。 平日私底下msg佢都好玩得，我唔開心/嬲嗰陣佢都會好耐心咁聽我講、好似氹細路咁，我有問過點解佢每次都肯咁做，佢答我嘅係：你係我個frd嚟㗎嘛、就算你唔當我係frd都好我都會當你係frd 之類嘅嘢。正因為每次佢都朋友、朋友咁講，所以即使佢學校啲同學點講佢鍾意我都好我都認為佢地係純粹覺得我好玩先咁講。 本來諗住安安分分當冇事咁做返普通frd/師姐弟咁就算，但佢成日都會講啲好模凌兩可嘅嘢，例如：我唔使溝女啦你陪我咪得囉、就算你依家嬲緊我都好我都會喺度陪你直到你嬲完為止、對我嚟講你就係你，你唔係任何人嘅替代品，唔係我溝唔到女先用嚟消磨時間嘅人等等… 仲成日都同我講話好想出pool好想要女咁，搞到我次次都勁矛盾，又想同佢維持返普通啲簡單啲嘅關係，但又想試下同佢講。 唔夠膽同佢表白除左係因為唔知佢點諗、係咪真係當我係普通frd、表左白之後會冇frd做呢啲之外，仲有嘅就係年齡，雖然只係差1年，但感覺姐弟戀普遍人都未必太接受，究竟我應該人一世物一世去搏一搏，定其實真係單純啲做返師姐弟算？

#NSS愛情 [GUEST] Halo想問下大家對第四愛有咩睇法🙏🏻🙏🏻 p.s.【第四愛（Reverse Love story），即獨立於第一類愛情（普通男女之戀）第二類愛情（男男之戀）、第三類愛情（女女之戀）外的第四類愛情，是指“女攻男受（女性強勢，男性弱勢）”的愛情模式】

#NSS愛情 [Guest] 友情以上 戀人未滿 我地可能只係差一步，就可以一齊到🥲，而我又唔敢表白，因為a係嗰種唔想hurt 倒人而同人地一齊嘅人，好驚a會因為唔想hurt 倒我而同我一齊。 我今年中三，鍾意左一個男仔三年，下稱a。今年我同a熟左，得知a鍾意玩傳說，我特登download 嚟玩，我又玩得唔係太好，而a又肯陪我一齊玩，仲送咗超多親密度道具俾我，玩左兩三個月就有2、3千幾親密度。 話說聖誕節成班frd 約出來玩，當然包括a，a請左我食糯米糍，a 淨係請左我食(班frd 有其他女仔) 。 前幾日a 係ig無啦啦send 左個❤️ emoji 俾我，a send 完之後逗留係個chat 10分鐘，第二日a 話send 錯左，但係咁樣又有幾大可能，呢d 算唔算係鍾意我嘅象徵(?

#NSS學業 [GUEST] 比返少少背景先，我F5，讀緊Band1A中學，學校LS用英文讀（我知用唔同Language 讀都或多或少有啲分別） 咁眾所周知，2023DSE（即係我個屆啦）係最後一屆需要讀LS嘅，Drop都無得Drop，更加無理由要自討苦吃走去讀咩國民教育科㗎啦.. 但係我LS成績一直無進步、好差，自問有專心聽書、功課做齊，反正有努力去試攞好啲嘅成績啦。但係點試都好，都好似搵唔到LS份卷嘅竅門，點試都好，Paper1 都上唔到60%分數，一直徘徊係50幾%咁… 見住啲同學好似好輕鬆65%、甚至7成，我就更加自卑.. 我想出去補習，但係我見到補LS嘅地方少之又少，而且用英文讀LS甚至更少.. 請問呢度有無人會有推介嘅LS補習？或係有啲咩Skills/操卷方法可以提出？ 萬分感謝！好人一生平安