#NSS愛情 [GUEST] 最近覺得小學同學好似對我有好感(? 我有個小學男同學，小六先開始frd起嚟嘅，咁而家中學仲有聯絡嘅都得佢同幾個女仔。咁我同佢本身係嗰種普通frd，會互講粗口嗰種🤡但係呢幾個月佢突然之間成日讚我，明明以前我哋係會互損嘅，同埋本身佢冇玩嘅Game，見到我Story po咗，然後download咗陪我玩🙉仲會share一啲乜星座排名，好似話「越愛一個人越不敢說出口」，類似咁嘅標題，第一名係佢嘅星座啦，咁我真係超級唔get做乜send呢啲嘢俾我，又唔關我事🤓搞到我真係勁疑惑，我又唔想好似自戀狂咁覺得人哋咁就係鍾意我🥸所以想問下你哋覺得點解佢突然之間咁?XDDD
#NSS個人 [Guset] 標題:我個friend 好似特登冷落我咁…😔 小妹今天年係轉校生,開學嗰陣時識咗個friend,一開始同佢都幾傾得落,小息放學都會傾下計咁,漸漸同佢越黎越friend 但係近呢2個月就唔同講法,whatsapp佢,約佢返學校門等,佢就唔理,反而係同其他friend 一齊 班上面就狂ship佢同另一個一齊,佢話唔鐘意佢,但係寧願同佢放學都唔同我放… 約佢一齊温書, 佢又唔肯 禮拜六,日約佢去玩唔係話要補習就係約咗人… 覆佢D Ig動態又Like完就算,至少都覆下我啦…始終佢個個動態我都會覆 叫佢係啲類似「Tag你10個好朋友」嘅challenge 佢又唔肯… 近幾日初一約佢夜晚去行市集又話去拜年,賭錢 (佢係朝早10點拜年,唔通你拜成10個鐘咩… 唉…都唔知點解本身好好地嘅友情可以變成咁… 希望你睇到可以同我講下拉 同埋希望各位可以比D健議
#NSS個人 [GUEST] 長文慎入！！！ 過度活躍症對你地黎講可能好陌生，覺得好似普通精神疾病咁，但係佢其實唔係好似抑鬱症咁後天得返黎，而係先天性嘅一種精神疾病，患者都唔想有呢個病。好多時呢個病喺佢哋仲喺佢哋媽咪個肚入面已經決定咗要影響佢哋一世。 因為我小學係會接受一d只要食藥就可以好似正常人一樣學習嘅輕度精神疾病嘅一間小學，所以喺我小學嘅時候，已經有接觸一d同正常人會有少少分別嘅過度活躍症患者，當時都覺得佢哋除咗吵d，曳d之外冇乜其他特別，但係知道我同佢地玩嘅人（包括我父母）都叫我唔好同佢地玩太埋，盡量都唔好同佢地玩。 嗰陣時仲細個唔知啱定錯，所以我都有聽到佢哋講，唔好同佢哋玩得太埋。但後來都其實當冇嘢咁同返佢哋玩。 我成績算係band1嘅嗰種學生，而有個過度活躍症嘅frd佢成績都算幾差，亦都因為有時會控制唔住自己而去被訓導主任捉去訓話，導致操行都唔好最後就入咗某間band3嘅中學。 佢去嘅個間中學有幾個小學同學一齊去讀，本身應該係好開心㗎啦，但係就係因為個d小學同學周圍爆佢有過度活躍症，搞到個個同學都排擠佢，欺凌佢。 話曬係band3學校啦，咁其實個校長老師都唔會點理㗎啦。 佢都想可以好似個正常人咁生活，但佢點食藥呢個病隨時都會有一刻令佢控制唔住自己。 佢亦因為有過度活躍症而比人蝦比人排擠，屋企本身又唔點理佢，日日返屋企都好似冇返咁（可以話係根本冇家庭應有嘅個種溫暖親切）再加上佢本身已經有抑鬱症，搞到佢已經唔敢返學（而家online好好多）仲有輕生嘅念頭。 因為我自己之前都有過一段超級低落嘅時間，所以我知道點樣安慰佢，陪住佢，鼓勵佢。啱啱同佢傾完佢都算係好返dd，但係我都係驚佢會輕生甚至比同學蝦得更慘。 投稿嘅目的係想各位睇完可以唔好再每當見到「過度活躍症」、「焦慮症」、「抑鬱症」等精神疾病而去標籤一個人，佢哋真係唔想咁，佢哋需要嘅係體諒，包容，陪伴，而唔係被唾罵，排擠，欺凌嘅行為。 願所有受到無論係精神疾病抑或係身體上嘅疾病困擾嘅人都可以得到體諒，可以好似正常人一樣生活🙏❤❤ 最後多謝你地咁有耐性地睇到呢度💕💕 可能有錯字/文筆有一d唔流暢/講錯，但唔該focus返喺我想帶出ge道理上🙏🙏🙏 admin please post ig plsssss🙇♀️🙇♀️🙇♀️
#NSS個人 [[GUEST]] 呢一句「如果你係女仔就好」已經成為咗小弟最大嘅噩夢。 (長文同負能量慎入！) 介紹返背景先，我今年F6，係獨生子。一直以嚟屋企兩老都特別想生女，但由於媽子身體差同家境貧窮嘅關係，所以呢個念頭就打消咗。 可能佢哋想要個女嘅怨念(?)或者欲望太大，搞到由細到大佢哋同我講過最多次嘅說話就係「如果你係女仔就好。」雖然我聽耐咗，已經習以為常，但多多少少都會覺得心有啲唔舒服。 我兩年前就開始暗戀緊我嘅一個好兄弟。我覺得嗰種感覺好辛苦，因為身邊冇一個人支持同性戀，加上佢講過佢只鐘意女仔。我明知我同佢冇可能但都係好鐘意佢，放唔低。我嗰時開始同意父母講嘅嗰句「如果你係女仔就好」，並怨恨點解我會係男仔。我亦都冇勇氣同屋企人佢哋出櫃，我好驚佢哋講嗰句嘅次數由兩日一至兩次變成日日一次。 隨住時間推移，鐘意但唔會有好結果嘅痛苦同兩老日講夜講嘅嗰句，可以話係帶比我精神上一個比較大嘅折磨，我冇哂動力去做上DSE呢個戰場嘅準備(對唔住,還請各位原諒我抗壓能力弱)。我有同老豆媽子講過唔好再喺我面前話如果我係女仔就好，第二日佢哋直接冇咗件事，繼續講。 到最後，我真係頂唔順暗戀對方但唔會修成正果嘅折磨，所以我決定同嗰個兄弟表白，希望可以透過佢嘅拒絕嚟擺脫折磨。我寧願痛得一時，唔會痛得太耐。 但問題嚟了，表白嗰日，如我所願，佢拒絕咗我。但我忘記唔到佢之後喊住同我講嘅最後嗰句一一「如果你係女仔就好」。嗰一日起，我會經常性發夢夢見我身邊所有人都質問、鬧我點解我唔係女仔、不斷講如果我係女仔就好。 我而家就嚟要癲，明知冇好結果仲點解要去表白，點解自己唔係女仔。一諗起又要聽媽子佢哋喺度話我係女仔就好，我就想喊。呢一句對於我嚟講，真心仲難聽過粗口…… 多謝你哋睇到呢度！我打呢篇文點主要目的係想發洩情緒，如果有影響到你哋嘅心情，喺呢度誠懇同你哋道歉。 Sorry for 1999，第一次投稿。 麻煩哂Admin。
#NSS個人 [[GUEST]] 呢一句「如果你係女仔就好」已經成為咗小弟最大嘅噩夢。 (長文同負能量慎入！) 介紹返背景先，我今年F6，係獨生子。一直以嚟屋企兩老都特別想生女，但由於媽子身體差同家境貧窮嘅關係，所以呢個念頭就打消咗。 可能佢哋想要個女嘅怨念(?)或者欲望太大，搞到由細到大佢哋同我講過最多次嘅說話就係「如果你係女仔就好。」雖然我聽耐咗，已經習以為常，但多多少少都會覺得心有啲唔舒服。 我兩年前就開始暗戀緊我嘅一個好兄弟。我覺得嗰種感覺好辛苦，因為身邊冇一個人支持同性戀，加上佢講過佢只鐘意女仔。我明知我同佢冇可能但都係好鐘意佢，放唔低。我嗰時開始同意父母講嘅嗰句「如果你係女仔就好」，並怨恨點解我會係男仔。我亦都冇勇氣同屋企人佢哋出櫃，我好驚佢哋講嗰句嘅次數由兩日一至兩次變成日日一次。 隨住時間推移，鐘意但唔會有好結果嘅痛苦同兩老日講夜講嘅嗰句，可以話係帶比我精神上一個比較大嘅折磨，我冇哂動力去做上DSE呢個戰場嘅準備(對唔住,還請各位原諒我抗壓能力弱)。我有同老豆媽子講過唔好再喺我面前話如果我係女仔就好，第二日佢哋直接冇咗件事，繼續講。 到最後，我真係頂唔順暗戀對方但唔會修成正果嘅折磨，所以我決定同嗰個兄弟表白，希望可以透過佢嘅拒絕嚟擺脫折磨。我寧願痛得一時，唔會痛得太耐。 但問題嚟了，表白嗰日，如我所願，佢拒絕咗我。但我忘記唔到佢之後喊住同我講嘅最後嗰句一一「如果你係女仔就好」。嗰一日起，我會經常性發夢夢見我身邊所有人都質問、鬧我點解我唔係女仔、不斷講如果我係女仔就好。 我而家就嚟要癲，明知冇好結果仲點解要去表白，點解自己唔係女仔。一諗起又要聽媽子佢哋喺度話我係女仔就好，我就想喊。呢一句對於我嚟講，真心仲難聽過粗口…… 多謝你哋睇到呢度！我打呢篇文點主要目的係想發洩情緒，如果有影響到你哋嘅心情，喺呢度誠懇同你哋道歉。 Sorry for 1999，第一次投稿。 麻煩哂Admin。
#NSS個人 [guest] 長文慎入⚠️ (雖然係咁講但都希望有人可以認真睇下🙏 Hey大家好 🙂 小妹08+移居咗去英國🇬🇧 想分享下自己最近嘅煩惱&困惑🥲 -友情 話說我喺香港同英國都有班frd，香港嘅係中一嘅時候最close嘅frd，大家興趣差唔多，到依家都有聯繫。而英國嘅frd都係學校入面嘅香港人，3-4個咁，雖然唔太啱傾但都可以玩得癲。 講下香港果班先，其實我同佢哋一路都有傾偈，啱啱嚟英國身邊冇人傾心事都係依賴佢哋。但到近排，我感覺好似疏遠咗同埋其中一個好似專登排擠我🧐首先我哋個WhatsApp grp少傾咗好多，由一日300+個msg到依家幾個鐘先有人覆一句。咁我都覺得冇乜嘢嘅，始終香港學業繁忙。但其中一個frd就好似唔係好鍾意我咁，喺grp傾偈又特登唔覆我，我dm佢又已讀不回，仲成日喺ig tag我哋班frd入面其他人話best frd forever，就唯獨唔tag我。究竟係我玻璃心定點？🥲 到英國嘅朋友，我覺得同佢哋唔太啱傾，因為英國嘅分級制有啲特別，例如我依家year8 (=hk f2) 係由08年9-12月+09年1-8月出世嘅學生。變相我會識到嘅人多數係09，然後我依家班frd入面4個有3個都係09😀，我覺得佢哋比較幼稚(?)，自己又算係慢熱，所以成日都唔係好融入到佢哋。不過其中一個frd同我一樣鍾意mirror，所以都尚算啱玩🤣🤣。 我知道識到好朋友已經需要感恩，但我想有一啲真係啱玩啱傾又明白我嘅frd囉🥲 -愛情 小妹就唔太好鬼仔，所以都唔會鍾意學校嘅男仔。反而我鍾意一個以前香港中學嘅同班同學💩。以前我哋都算係朋友，因為學號相鄰嘅關係，有啲堂都坐埋一齊，有時會傾下計玩下。但之後我嚟咗UK就漸漸冇乜聯絡。但到近兩個月，佢無啦啦開始覆我story，仲越嚟越頻密🤡🤡，然後我哋都有共同興趣。有幾次真係幾心動: 我生日果陣佢居然準時香港12點同我講hbd🥲; 我病咗然後佢叫我take care;
#NSS社會 [Band 1A 中學] 大家踩過單車嘅 都知道 有時單車徑 有一舊舊二舊舊紙巾 咁我就有種 碌過佢哋嘅衝動 會加速 為求碌過佢哋嗰陣時 有大啲嘅 “啪勒” 一聲 (碌過紙巾嗰陣時) 成功嘅話仲會 YES 一聲 有一日俾人聽到 “YES !” 就俾人鬧戇鳩 想問吓有冇其他人都係咁 抑或淨係我覺得好有成就感