#NSS個人 [GUEST] 小女讀緊中二，有學鋼琴，但係我覺得好難。 其實我由細細個已經學鋼琴，不過因為細個扭計所以到小四先考1級。之後為咗趕返進度，一年考一級仲係跳住考，不過3級、5級都係啱啱好合格個種。 唔知點解，我覺得鋼琴好無聊，可能係因為我根本唔擅長掛？我冇考樂理，基底都打得唔好，完全唔識sight reading 又唔識 d咩 G major A minor 有幾多個sharp幾多個flat（我都覺得自己連d三四歲都比唔上）久而久之我對鋼琴失去咗熱情，平時都唔想練，不過當我練到好順既時候就會好想繼續彈，我都唔知做緊咩。 宜家小女學緊8級，不過自問進度慢，d歌都幾難，放棄係唔得架喇（至少都考埋先啦），不過我真係覺得爸爸媽媽既栽培浪費咗。身邊有好多彈得好好既人（比份譜佢就可以彈個種），真係好想變成佢哋。 所以想請教各位，我點樣先可以搵到動力？宜家點樣追返d basics ? 我仲有冇希望？ thx admin 都 thx 睇到呢到既各位
#NSS家庭 [guest] 是咁的 我開始對佢感到反感 *［長文慎入］ 講返個情況先，小妹個嫲嫲係一個勁傳統嘅中國人，有一年我搽咗指甲油返去，我阿媽鬧我阿媽點解俾我查埋啲化學野，自此之後我就冇再查過指甲油。 每年年初一小妹都會跟爹哋媽咪返去嫲嫲度拜年，近幾年我啲表哥表姐或者堂家姐都唔係每一年都返去拜年，有啲就因為私人問題或者去咗外國讀書。我老竇就係排行最細，所以我同我細佬就係最細嗰兩個，自問我老竇就最錫我嫲嫲嘅，我嫲嫲有咩事我老竇都一定會去幫佢搞掂，而每隔兩個禮拜返去探佢或者拜年嘅時候都係全家出動去佢屋企。 事緣就係今年年初一，咁就去嫲嫲屋企度拜年，今年我其中一位親戚因為私人問題所以就返唔到嚟拜年。一開始就冇事嘅，去到食飯嗰陣時候，我嫲嫲就同我其他親戚傾偈啦，傾傾吓佢就有少少火滾，唔知點解佢開始有少少嬲，咁嗰陣時我全家人就食完飯，等緊個工人姐姐出嚟不湯俾我哋，我阿媽就勁惡咁樣問我阿媽，做咩唔不湯，又諗緊啲乜嘢？，係真係勁惡嘅語氣，咁我同我阿媽就即刻話：啊冇嘢啊我哋等緊啫，仲有佢問我阿媽，點解整咗馬蹄糕唔俾佢，我阿媽就解釋話因為整得好核突，所以今年唔俾你，下次再整靚啲俾你。但係過咗2分鐘之後，我feel到真係有啲唔對路，跟住先發現原來我阿媽喺度喊，痴線我咁大個女我都係見過我阿媽喊過幾次，我阿媽唔係嗰啲咁容易喊嘅女人嚟㗎，跟住我老竇塊面都開始好黑，我feel到我老竇真係嬲咗。之後我哋就提早走，返緊屋企嘅途中，我阿媽喊到隻眼腫晒，我老竇就不停喺度鬧，不停喺度呻。咁喺鬧嘅途中，我聽到我阿媽嘩原來嫲嫲其實鍾意佢，又話本身已經覺得我阿媽好有嘢。唔好話我老竇，我都開始有啲嬲。到咗第二日，我見到我阿媽隻眼勁腫，我都知咩事，今次我真係好嬲我嫲嫲。 喺度我呻少少嘢。其實宜家咩年代姐，你唔鍾意我阿媽，其實你唔使咁樣玩針對囉，咁係人哋整嬲你，又唔係我阿媽搞到你嬲，你憑乜嘢鬧佢啊。雖然我知道我咁樣對長輩講嘢真係好冇禮貌，但係你今次真係過分咗囉，你咁樣做係真係超級無敵之唔尊重我哋全家人囉，自問我哋每一次都全家人咁樣返去探你，而家咁嘅世代邊有人係真係會每一次全家人出動咁探你呀？大佬好心你用下你個腦諗吓啦，又喺度話咩搭巴士答道個pat pat好酸又冇得去廁所，話咩搭的士就好快好舒服，你真係食米唔知價，的士幾貴，巴士幾貴啊，講真我真係好嬲，呢個世界上除咗我搞到我阿媽咁開心之外，都冇人可以搞到佢咁開心囉（雖然搞到阿媽唔開心都係衰）你憑乜嘢話我阿媽姐。馬蹄糕個方面，今年整得樣衰，咁咪下年整靚啲攞俾你囉。其實次次我阿媽整咗啲嘢俾你，你都淨係擺喺度唔食，咁點解我阿媽要整俾你呢？我阿媽辛辛苦苦買埋啲食材整俾你食，只係今年整得核突唔俾你姐，係咪咁都唔得啊？ 小妹因為呢件事諗咗好耐投唔投稿，而且之後太嬲特登去咗查指甲油😂😩 sorry for 1999, admin po ig please🙏🏽
#NSS學校 [英國學校一間] 小妹想講我喺英國留學發生嘅事 女主角就我，男主角叫A 小妹1月插班，我間學校係男女校，以前讀女校所以其實都唔係好識同男仔溝通，只係好有禮貌咁但都盡量避免同佢地講嘢 上science 堂我同A唔同班但係班房啱啱喺對面，只係隔住埲牆同道門連住。但係道門中間有一條長嘅玻璃，所以兩間班房可以望到對面，咁啱我同A都係坐喺道門前面嗰個位，就係咁有一次我哋咁啱望上去嘅時候對上眼，我哋兩個都即刻dup低頭做嘢 之後lunch因為學校啲枱係一張勁長嘅枱然後兩邊係對住面食飯嘅，咁咁啱A又竟然坐咗喺我對面，然後就好尷尬咁，又對上眼，跟住之後我諗佢覺得太尷尬？佢就講咗幾句問候下我 然後到放學我坐巴士返屋企，點知A又坐埋同一㗎巴士仲要坐我隔離⋯咁跟住佢又同我講咗幾句嘢我又唔知點答佢因為太尷尬就好hea咁搭咗幾句 救命之後我唔知做錯乜，我每次經過A班兄弟同佢，佢哋都喺度笑，救命咩事呀😭 仲有lunch佢哋次次都坐喺對面然後撩我傾偈超尷尬 ，究竟發生咩事
#NSS學業 [淺水灣以東，石澳以西嘅野區男女名校] 小弟今年f.3，繼上次見到有同校人rap鳩自己學校，激起小弟參與一份，但原諒小弟沒有填詞天份，無法作詞 本人學校雖然唔係話好勁，band1英中，全港排名24，當初比呢間學校吸引嘅地方就係有IB考，老實講見到香港咁嘅教育制度，依家當然想揀IB都唔會考DSE啦，不過自問小弟成績唔係名列前茅，亦唔係精英班，上次exam雖然全部pass晒但成績唔係話特別靚，好擔心唔夠人鬥，冇得揀考IB，冇記錯IB剩係得兩班，仲要係成績越好先有機會揀，比較普通或較差成績就一定要考DSE，當然有成績勁嘅都依然選擇考DSE但真係好少數囉，其實我自己都有自知之明，呢啲機會唔係我嘅，所以我諗緊不如去外國讀書 我哋學校一年七萬蚊學費仲要未加雜費，我住九龍區，每日六點就要起身七點出門口司機接送，每日來來回回都要兩個鐘，車費油費隧道費人工費全部都係錢，計過一年要用三十六萬費用喺學業（其實我哋學校有宿舍嘅不過唔捨得屋企，所以冇揀住宿），諗諗吓既然要嘥咁多錢，倒不如留低留返啲錢去第二度讀，我自己就想去加拿大，但父母就話依家疫情嚴重等考埋DSE先去，想問各位有冇建議 第一次投稿，中文差文筆唔好，敬請體諒 麻煩admin盡快幫手出IG tks
#NSS學業 [LSC] 【一派胡言：文本分析 應試無敵】 請試想想這個問題：假設我們選出一位公認學術水平最高的教授，用文本分析的方法來做中文閱讀卷（就算不限時），他能拿滿分嗎？ 近日，我聽聞有人用「文本分析法」來為中文閱讀卷的出題者護航，原以為對方有紮實的理論根據，不料越聽越惱火，簡直一派胡言，於是寫了這篇文章以作反駁，在此作幾點膚淺的反駁，望起拋磚引玉之效，讓真正學過文本分析的人用紮實的論文狠狠地砸醒我。若讀到這篇文章的學者或教師感到任何冒犯，請不要誤會，我是真的有意冒犯。 推論簡表： 【1. 反意圖主義：作者無得話事，所以文本分析話事 2. 形式係例外：作者可以話「部分」既事 3. 文學的構成：點解文本分析只能夠話「部分」既事 4. 歧義的影響：點解文本分析有機會「完全話唔到事」 5. 推論與因果：來自休謨既挑戰（字數限制，斷尾見諒）】 //羅蘭 · 巴特 – 作者已死（反意圖主義） 許多學者不服記者訪問文章原作者的作法，他們認為作品的詮釋不應受到作者的意圖所限，即使作者事後表示沒有那個意思，只要文章這樣寫了出來，那麼通過客觀、科學的文本分析，得出的結論必然比作者本人的意圖更能解釋該作品。他們指，作品的解釋只能基於文本本身，作者或自由心證的讀者也不能決定，因此通過文本分析來解構作品的考試機構，就能解讀出最正確的理論了。 大意就是，因為所有「人」（包括作者）做的解釋都是錯的，所以我們讓「科學」來做解釋，那麼就正確了。 //