#NSS愛情 [GUEST] 關於師生戀 師生戀 愛嘅一種 不過大部分都係學生對老師嘅一種單/暗戀 點解明知冇乜可能 但係都係一直有人鐘意老師 可能因為佢哋有一種成熟穩重嘅氣質 佢係我嘅幾分之一 而我係佢嘅幾百甚至幾千分之一 呢分距離有幾多個可以克服到？ 我會係上佢堂嘅時候特別認真 希望佢留意到我 經過佢喺度嘅班房會望多幾眼 當朋友係我面前提起佢我都會本能有一種戒備/比較敏感 當同學係到討論佢 我都會盡量少啲參與言論 當朋友問我鍾唔鍾意佢(教書方面)我都係避而不答 因為我覺得佢教得幾好(應該係我對佢嘅濾鏡)而我啲朋友一律覺得佢好嚴 我又想佢發現我對佢有感情 但係又唔想佢知道我鍾意佢 呢種感覺真係好煩 我問自己究竟係邊種鐘意 我自己都唔知
#NSS愛情 [[深水埗某間大型補習社]] Eric sir 我決定在DSE之前勇敢一次，我不只是想和你發展師生關係，而是情侶關係，我覺得你對我也有感覺，因為你每年聖誕節也會大家派發糖果…我明白你只是想找個藉口送給我，大家也欠缺一份勇氣，我決定不再膽怯了，Eric 我愛你！ 麻煩上載在Instagram
#NSS個人 [黃大仙山區學校] hello，我睇左一半之前個post嘅comment，想補充番啲野～ (補充之前都想say個sorry，文筆唔流暢。同埋應該投去其他secret(追星/愛情)，令到有啲唔想睇嘅followers見到🙏🏻。但係因為本身都冇乜點睇匿名secret，淨係識呢個，所以第一次就投左嚟呢邊。依家希望有始有終。如果有唔想睇嘅user，依家可以碌走了) 1.我自己間學校係黃大仙區嘅，師姐師妹唔好嚟相認🤣😬 2.小妹成績都OK的，不過不失(學校冇問題，教得好好嘅！)，同埋冇比拍拖影響到成績🤣，有錯處可能係因為用語音detect錯左，同埋第一次投稿，平時都冇乜睇呢類secret，唔係好識(今次投稿有盡量用少啲英文的，請見諒🙇🏻♀️) 3.「夢女」、FF文——說實話，一開始唔知咩係「夢女」。我自己有睇動漫，但係都冇點接觸過呢個字(係咪大陸字我唔係好知🧐)我係識咗佢之後先開始接觸追星嗰方面，會去睇返佢啲片。我本身係個宅女，唔追星，唔會亦冇任何必要去幻想同明星發生互動。 4.晒命——男朋友係大陸明星，如果真係晒命我就去左抖陰快手嗰d大陸social media講呢件事😂其實算係想share呢個經歷，呢個唔係一個值得炫耀嘅身分(又冇得一齊出街等等) 5.佢唔係「網紅」嚟㗎，佢係明星(已包括演員/idol/歌手/主持人 and more🪖)其實我諗唔止大陸，香港都有好多明星唔紅㗎嘛。佢起大陸應該算係比較紅嘅。 6.佢讀緊書，我都係讀緊書，年齡差距都唔係好大，大家年齡都偏細。可以話係Puppy love或者係teen love，唔算係咩「搞未成年」🤣(之後都會同佢傾返我地嘅發展對佢職業嘅影響同較近嘅未來) 7.我哋唔係用FaceTime 打facetime，我有幫佢開個ig account，依家我哋最主要喺ig dm(佢用vpn) 8.我應該唔係魚嚟嘅😬，佢公司同學校都有d人都識我，如果遲d因為發現咗佢有類似黃xx嘅行為而分手，我一定會爆佢大鑊。(如果咋，我對佢有信心) 9.相識嘅過程——Sorry呢個唔話比大家聽😓，有機會知係邊個。不過可以話，係佢心動先嘅😝(同埋關於外表嗰方面，自己,親戚朋友都話麻麻。不過有男仔問過ig，應該…都唔差？😼好啦，自信嘅女仔特別靚) 10.唔知上一個po主旨喺咩——其實係想分享下我同佢之間嘅事，同埋希望追星過分狂熱嘅人，有返自己生活(即係例如好想好想嫁比佢/娶佢)可能你鍾意嘅明星現實中同螢幕上面有好大嘅分別。除咗個樣，根本冇咩一樣，可能仲有不良嗜好(好似吳籤咁搞未成年，黃xx咁同時拍幾個女朋友) 不過當然，以追星作為動力都係好好嘅，都希望各位追星嘅人都可以努力，然後見自己嘅星，一齊加油～ 上一次投稿嘅留言：大家係有言論自由，有啲幾有趣嘅留言，有啲就係問問題嘅，我上面都解答左少少。有d就係真係算比較…不過整體來講都已經算友善🤣換位思考，見到啲留言都冇乜mood。本身諗住share下(雖然文筆用字欠佳)，但係就受到各位嘅質疑同批評😓 網絡世界嗰啲「無惡意」「無意冒犯」如果本意真係無惡意，又點會寫埋出嚟呢。
#NSS其他 [[GUEST]] 是咁的，小妹同情緒病朋友發生啲爭執，後尾產生咗啲隔閡。 補充返少少背景先，我同嗰位朋友一直以嚟關係都幾好，至少識咗五六年。我係佢唯一嘅best frd，所以我係佢所有frd入面唯一知道佢有情緒病(具體係咩就唔講啦)嘅人。 咁前排佢病發就搵我訴苦，佢話自己想go to 4(Sorry😢我驚敏感字)，我一直勸佢唔好。之後講咗好耐佢先覆我話我一直都唔理解佢，用正常人嘅思維去諗佢。嗰時我因為自己嘅一啲私事(唔關嗰位朋友事)搞到超炆，可以話係完全嬲到失控，於是覆咗句「咁你呢，有冇理解過我呀？」。 我send完呢句之後，我想delete咗佢，但我個frd已經已讀咗😭😭😭，之後佢冇再搵過我。之後我親自上佢屋企，親自同佢道歉。佢接受咗，仲話自己都好有問題，同我道歉，我都接受咗。表面上好似和好咗，但實則係佢冇再搵我訴苦，或者講任何唔開心嘅嘢，一個人死頂哂所有負面情緒。望住佢嘅眼神越嚟越無神，真係好心痛。 雖然我之後日日都同佢講過唔好一個人對抗情緒病，我會陪佢一齊，但仍然無補於事😭，佢都係一個人收收埋理。我開始擔心我日日都講呢句會唔會帶比佢好大壓力，但我真係佢可以依賴返我。我好驚佢某日頂唔順，真係go to 4。 Cls，我嗰時jm9呀……我平時真係唔會好似嗰日咁好燥底㗎，點解喺佢最需要陪伴嘅時候我先突然間咁燥？當我以為我終於成功調整到自己嘅情緒再去陪伴佢嘅時候，根本就調整唔到之餘仲hurt到佢，而家越諗越想兜巴星比嗰時嘅自己。我哋係咪已經返唔到好似之前咁frd？ 求各位指點並大力屌醒我……可以嘅話，請唔好鬧我嘅朋友，佢比情緒病影響先會咁樣。 題外話，喺呢度想同各位情緒病病人嘅陪伴者講，你哋辛苦了。明白你哋好大壓力同好辛苦，但唔好忘記，調節自己嘅情緒同心態都好重要！你哋嘅情緒都需要被照顧，唔好學我一樣臨爆煲都唔去處理自己嘅情緒問題，最後對病人造成傷害。 最後同情緒病病人講返，你哋辛苦了。請記住，呢個世上總有人會愛你哋，會陪住你哋行落去。 打到「我哋係咪已經返唔到好似之前咁frd」嘅時候我已經淚流滿面，加上第一次投稿，所以我諗文章內容免不了係有啲比較難明嘅地方……敬請原諒！ Sorry for 1999!!! 麻煩哂Admin！
#NSS個人 [GUEST] 我係一個f3女仔，我由細到大都好驚動物，係所有動物都驚個種 (除咗人類) 我細個旅行去農場唔敢餵羊，因為啲羊係草地亂跑亂撞真係好恐怖。之後有一次去一個公園玩，個度又有過百隻鴿子，嚇到我大喊大叫。我平時係 ig見到狗會覺得幾得意，但我係條街見到狗、雀鳥都會好驚。問題嚟啦，我bio成績ok，對 bio有興趣，但我好驚我高 form要解剖老鼠，因為我係一個連倉鼠、天竺鼠都好驚嘅人，所有鼠類嘅嘢我真係搞唔掂。如果你叫我解剖人類我就 ok，我唔怕血，我只係驚老鼠，老鼠感覺好污糟。但係真係煩，我想做嘅職業又需要bio，我冇理由為咗一隻老鼠放棄我鍾意嘅 bio，咁我仲應唔應該揀 bio？我有咩辦法可以唔再驚老鼠？呢度有冇人都係好驚老鼠但揀咗 bio？最後又克唔克服到解剖老鼠？多謝大家！我知我講嘢好奇怪但希望大家俾啲建議我。