—類投稿

#NSS愛情 [Guest] 808．1202 —————————————————————————————— 我同呢個男仔喺網上打機識嘅（叫佢A） 我哋有好多相似嘅地方，所以一拍即合，好快就一齊左🙂雖然A唔係我心入面嘅理想對形，但我嗰時都俾佢打動咗😀A好錫我，我需要佢嘅時候佢就一定會喺度陪我，安慰我。佢對我百般遷就，從來都唔會嬲我，當我係一個公主咁…而我哋都好快由網戀，發展到現實生活嘅戀愛。👏🏻我哋一開始好開心㗎，日日都一齊傾計，因為嗰陣時係暑假，所以我哋每日都會用10幾個鐘去傾計同玩，直至開學… 一開學，A同我都多咗好多野做，因為係高form，所以都忙住為考試同測驗作準備。我就因為學業方面搞到好忙，每日得番3-5個鐘陪A，而咁樣亦令到佢成日都唔開心。A好依賴我，佢成日話我係佢嘅唯一，冇咗我佢會生存唔到，只要我冇應佢機，佢就會不斷轟我message，又會開始擔心到喊🥲因為我要兼顧A嘅過度依賴，情緒問題同我自己嘅學業，所以搞到壓力好大，我哋兩個之間嘅關係都變差🥲 我好珍惜呢段感情，所以我不斷問朋友，甚至老師嘅意見，因為我唔想失去呢段關係，亦唔想令A心碎🥲。係獨女嘅我由細個大要乜有乜，唔易遷就別人，但同A一齊，我嘅第一位變咗佢，「唔想佢唔開心」「唔想hurt到佢…」，我發覺原來我自己變咗，我識得為佢著想☺️ 忙到死嘅我每個禮拜都會抽幾日時間出黎陪你A，由將軍澳出葵芳搵佢，諗住佢可以掛住我少D，但佢只有變本加厲，對我嘅依賴越來越多，甚至發展到成為一個「恐怖情人」🙂。當我夜晚溫書溫到好攰唔記得講good night嘅時候，A會緊張到喊，甚至喺凌晨不斷打電話過黎，而咁亦令到我嘅爸爸媽媽好辛苦丶冇覺好瞓😔 思考咗好多日嘅我終於喺嗰一日同A講分手，原本以為我會好唔開心，但結果反而好似鬆咗口氣咁，連一滴眼淚都冇流😞。我同佢講完分手之後，佢不斷求我留低，但我已經俾過好多機會佢，期望佢會慢慢改變，佢每次應承我會改，最後都只有變本加厲，所以最後我好絕情咁堅持要分手😕 … 寫呢篇野嘅時候，嗰D「A」同「佢」全部都寫錯做「你」，因為我真係好想「你」知我嘅感受，好想呢篇野係俾「你」睇嘅🥲好對唔住，我唔係一個完美嘅女朋友，俾唔到「你」想要嘅長時間陪伴😔，希望「你」明白，呢個世上唔係淨係得我一個，「你」話我係獨一無二嘅，但其實仲有好多好似我嘅女仔 希望你可以搵到一個真正屬於「你」嘅人，同佢幸福快樂，亦都好多謝「你」😊 Sorry for長篇&1999🙇🏻‍♀️🙇🏻‍♀️🙇🏻‍♀️

#NSS愛情 [山區女校] 讀女校可以改變我嘅性取向？？？ 從細到可以都覺得女鍾意男係天經地義，但係自從我入左女校我發覺我比較鍾意女仔？？？ 話說有無靚仔les可以溝下

#NSS愛情 [Guess] 我都幾肯定我鍾意咗自己個補習老師🍭 介紹下自己先 小妹16歲 依家喺一間沙田嘅補習社補習 個性非常乖 係讀書差啲🥲 8月嘅時候開始跟一個阿sir補英文 唔知可唔可以話佢靚仔 但都算好眉好貌 眉骨好高 唔係肥但係高同大隻 唔算係後生嘅阿sir 大概20幾歲尾至30歲頭 同埋都幾惡吓 我第一堂就因為唔記得溫默書辣㷫咗佢 畀佢留堂留咗一個鐘 但係佢冇鬧我 🤓後來我發現佢對我同其他人唔同 例如指定我要坐佢前面嗰個位 同埋特別關注我嘅進度 可能大家會話我進度畀其他人落後佢先至會咁（雖然我進度差係事實🌚) 但仲有其他嘅~ 仲有阿sir唔係啲唔會鬧女仔嘅男老師

#NSS愛情 [guest] 長文(？)慎入 唔知應該投去secret定crush😂 上年中一開學, 因為網課嘅關係, 我一開始冇乜留意你。之後上返實體課, 你咁啱坐我後面, 慢慢, 我不知不覺鍾意咗你😶‍🌫然後我開始同你溝通多啲, 製造多d機會接觸你… 上堂嘅時候, 我會襯傳嘢嘅時候望下你; 電腦堂嘅時候, 你又係坐我隔離, 有一次你同我喺度玩+傾偈, 我真係好開心; 平時喺WhatsApp班grp傾偈, 你reply我msg嘅時候我又會自己開心; 我仲因為想同你傾偈而勁唐突咁問你幾時生日😂😂 到年中, 我要移民去UK, 果陣超sad, 因為以後更冇機會同你傾偈😶 過咗大概5個月,

#NSS愛情 [Guest] 嗨小妹今年f4(´∀｀)想問下大家關於感情嘅問題。就係我鐘意咗一個大陸嘅男仔。交待一下背景，佢係2019九月先移民落嚟讀書，但係佢係東莞人所以溝通係冇問題的。而我係有兩個哥哥，最大嘅哥哥2019年10月畀狗拉過所以我哋一家五口都好黃。咁h啱啱落嚟嗰陣完全係大陸味濃，打王者丶睇bilibili &wts grp 係咁發啲抖音短片出嚟，所以我哋級都唔係好鐘意佢。大概12月嗰陣佢就調咗坐喺我後面，咁我係嗰種乜都可以傾嘅人，當時冇為意立埸就同佢狂傾計。佢好好人，運動大部分都識，好似識鋼琴&結他，特別嘅係我偶爾一次爆咗我個m期畀佢聽，之後每次嚟m就塞好多糖入我櫃桶(去到上個禮拜仲有)。咁我就好明顯咁沉咗船，但我唔敢話俾朋友同屋企人聽。之後就疫情啦去到2020年三月，佢話俾我哋聽佢開通咗IG(冇錯佢用開通呢個詞)，咁我哋就互fol 。我係IG就係成日repost黃絲嘅新聞&鬧中國，佢睇到曬之後都冇出聲。跟住佢好似180度轉變咁，開始買日韓風嘅衫(有一件係我之前話好靚嘅)，個髪型變咗，冇再講普通話，一隻簡體字都唔再寫(好似想飛甩佢係大陸人嘅身份)，follow 好多黃絲嘅page，六月返學嗰陣就係咁同我哋講政治嘢，一齊鬧埋中國一份。之後就好多女仔鐘意佢了(靚仔+黃絲)而我上年開學嗰排就想表白，因為我Frd話佢變到咁係因為鐘意我？佢IG淨係fol咗30個人，有我丶我隔離嗰個(冇係IG PO過政治嘢)丶佢隔離位(少上水)丶一堆抗爭page同三個av 女優，而抗爭page係佢睇到我repost一排先fol嘅。同埋佢而家送糖俾我仲會偷偷哋貼張紙係度，但係我最後都係冇表白。咁最近我又想試下啦，結果俾佢搶先一步，我就話一個禮拜之後會答佢。我突然間醒起我哋兩邊嘅屋企人，啱啱同班嗰陣我有同大哥抱怨過佢，而我大哥有話佢係「死大陸仔」；係10月嗰陣我哋有小組pj ，上咗佢屋企做，閑聊嗰陣我就話我打算大學係台灣讀，佢阿媽突然間話「台灣有巧(好)多台獨同亂港份子，會唔會考慮深圳嗰邊啊？」，然後有個同學唔小心講咗武漢肺炎呢個term 佢啊媽就黑面，話三點好晏趕我哋走。我應該可以點做？

[GUEST] 小妹而家form 3，下個學年移民去英國，所以想了解吓唔同嘅科目。我對Music、Music Technology、Japanese同Psychology 比較有興趣，所想了解吓。最主要係想知呢啲係大概讀咩，有冇咩特別要求（例如英文要超好？）同埋想知道讀日文無正式學過有冇大問題？佢哋係由零開始教定點？如果大家讀其他科有特別嘢都歡迎分享，我好想知多啲🙏🏿 Sorry for 1999

#NSS其他 [ye] 黎集思廣益下點樣懲治唔覆msg嘅仆街朋友

#NSS學校 [GUEST] 小妹今年喺友情上遇到d問題，想問下點樣去測試一個朋友對你係唔係真心。 thx admin🙈🙈🙈

#NSS個人 [GUEST] 是咁的 小妹一直好唔肯定自己嘅性取向。我本身有睇開bl/gl漫畫，仲有追韓星，但冇追過女團（無感），剩係追男團，但我有時睇gl漫畫會覺得啲女嘅波好正 越大嘅越鐘意😭。想比大姐姐好好咁愛（X，男嘅就好想蝦佢。搞到成日覺得自己好有病好變態。拍拖方面男女都得 亦都有想做男仔嘅諗法 但暫時現實中冇乜女仔吸引到我。男仔就還好，但唔會動心。我到底係attract to fictional character定純粹咸濕？定我係bi？先感謝各位ching嘅意見🥲👐🏻 admin po ig thx唔該晒><

#NSS社會 [guest] sorry for太無病呻吟（？ 無口語係因為唔知可以點寫到通順d 打書面語先會習慣😹😮‍💨 有個議題想討論好久——「人情味。」 提起現代，大部分人都會想起快節奏，冷漠，發達。從什麼時候開始，現代社會給別人的印象變成了這麼沒有人情味呢？ 在這個世代，因為互聯網的普及，以及科技發達，大家接觸到的資訊越來越多，種類也越來越多樣。網上的資訊真真假假，又無從考證，只能盲目相信，自然混雜在其中的「假」信息，比如某些社交媒體的小廣告：xxx生病了，需要捐款，又例如我是xxx家人，他被欺凌了，也存在於魚龍混雜的訊息裡。人類是感性動物，很容易被文字煽動。在能接觸到的資訊裡，當事情不符合人類主流道德三觀時，人就會同情弱勢的一方，去謾罵他們認為錯誤，比較強勢的一方：起底、語言攻擊，電話騷擾等根本不在話下。他們會認為自己做了正確的行為，會認為自己是在幫助他人，會認為他們就是正義的一方。隔著一個屏幕，人沒有什麼辦法也不會花太多精力在這些即時接收的信息上，只會選擇相信，但許多時候所謂的「真相」，不過是從一個人的視角看待事情得出來的結論。一個人信了，有人存疑；兩個人信了；還是有人懷疑；當第三個人也相信的時候，人不會再去理會背後真實的情況，只會跟從大眾想法，去相信一面的真相，這也就是「羊群效應」。如今社會狀態如上。 在這個背景的影響下，當所謂的「真相」被發現不同於真實的情況時，之前攻擊強勢的一方的人們，會覺得自己的同情心被利用了，自己是受害者，加之大部分人是沒有辦法接受自己的失敗，判斷失誤，原本只想幫別人，到頭來成了加害者。自責、後悔、憤怒、愧疚、挫敗……種種複雜的情緒混合在一齊，人便會選擇逃避，不再去散發同情心，理會那些可能需要幫助的事。久而久之，會把內心想要幫助別人的想法屏蔽，做到了「各家自掃門前雪，莫管他人瓦上霜」，社會也就慢慢變成了冷漠，失去了人情味，不再願意被別人消費同情心，也不想去賭一絲絲真的會幫到別人的可能，輸了，他就有可能是仗著你的同情心偷蒙拐騙。 但我想批評這個現象嗎？可能。可是這是社會發展的必然結果，人都會因為自己的利益去努力，從而促進社會的發展，就像秦始皇統一六國，他是為了人民脫離戰爭苦難而想統一嗎？一部分吧，但大多還是因為想統一全國，不然也不會在統一後稱自己「功過三皇 德兼五帝」。所以失去人情味，可能就是換來社會的進步的代價吧。 通篇講下來，其實我就是想讚揚一下現在社會上願意在別人需要幫忙時伸出援手的人，和再次感謝一下之前在我no money搭bus時那個借我錢還不用我換的人，還有人願意去相信陌生人，不怕被騙，或許這就是社會還保留著一絲人情味的原因吧。