—類投稿

#NSS個人 [hotung] 爹哋媽咪嚟咗婚之後媽咪叫我自己搵嗰個新爸爸..

#NSS個人 [Guest] 我大約2月同咗一個識咗一年嘅friend反面，而同我反面嗰個就簡稱為A啦。同A就喺中一識嘅，都幾friend嘅，而今年又同班，所以我同A就同另一個今年熟嘅人一齊玩（簡稱為B)。同A反面嘅詳情唔多講，真係好難去解釋，我可以briefly咁講，係A搞件事出嚟，而我對佢自此改觀+失望+嬲。搞咗件事之後，我就同B講件事嚟來龍去脈，佢自己都覺得A嘅行為非常怪，所以就變咗得我同B單獨相處。而前幾日A post 咗個story係A同B call 既截圖，咁睇到嘅我就當然唔歡喜啦，但係我自己係比較樂觀嘅，就冇當過咩事 。而今日A又post咗一個story，係同B打機嘅，所以我又唔開心。其實我唔係介意佢哋兩個friend，因為未發生件事我哋都幾熟嘅，而係前幾日我同B call 緊嘅時候佢無端端話A D衰嘢，但係佢哋而家又無端端喺度每日一call。其實我自己都好珍惜B呢位朋友，因為佢為咗我而放棄左D嘢。同時B同邊個friend亦係佢嘅自由，我都無權話事。睇到呢度嘅你好多謝你嘅耐性，因為我平時都唔會為呢啲嘢而煩。同埋我嘅表達力唔係太好，所以我都唔知你哋明唔明我講緊咩😅。sorry for 1999 🙇🏻‍♀️希望大家可以俾D意見🙆🏻‍♀️

#NSS學校 [GUEST] 佢成日叫我幫佢做嘢，應該點做🥲 Hii小妹F3，我不嬲都好細膽，又怕羞，所以中學基本上好難識朋友～今年好好彩識到個女仔A，我哋好快就好熟，佢仲令我識埋佢嘅其他frd。A份人好好，會成日主動搵我傾計，或者陪我去搵下老師咁。 我覺得朋友互相幫助係非常之好嘅事，所以佢問我借下功課，我都會畀佢。 到咗呢次長假期，我因為想多啲時間休息或者出下街，頭嗰兩個禮拜已經做晒啲功課。然後A都係有問我功課，我初頭都會send啲答案畀佢。 但之後發覺A差唔多全部功課都問我攞答案，除咗一啲作文，或者啲抄咗一定會畀人發現嘅功課。但係因為我覺得A真係我一個好好嘅朋友，都冇咩所謂，我都會send畀佢。 最後有差唔多三分之嘅功課，A都係唔使自己做，有答案抄，我就喺度諗，我嗰兩個禮拜做得咁辛苦，咁樣公平咩🥲。啱啱提到一啲抄咗一定會畀人發現嘅功課，A冇問我抄，但係， A會問我關於嗰啲功課嘅details，我真係想就咁同A講，其實老師已經打晒喺個google classroom度㗎啦。最終我都係直接話畀佢知，因為我驚會令我哋鬧一埸交，或者唔知點，我唔想之後小息，分組嗰啲要自己一個。我真係好細膽🥲。 好啦，A問我咩我都會解答佢，我以為佢會對我好啲，或者唔好意思咁麻煩我。係，我諗多咗，我send完之後，A唔單止冇覆thank you之類，而係直接like咗我啲message，甚至係已讀。 我想問下各位，有咩方法可以婉轉啲咁拒絕A，或者同佢傾下(? 感謝大家睇到呢度🥲🥲sorry for 1999 thanks admin!! ^^

#NSS個人 [GUEST] (受 #NNS220423I 啟發) 我自認係一個核突嘅人 小弟15歲，有自慰嘅喜好，都算正常 而我估大多數會用色情網頁等自慰 唔同嘅類型啱唔同嘅口味，好似食物咁 小弟會留意朋友ig，廣告或者電視節目等，將「可對其自慰」嘅女性記錄低，好似名單咁 然後會對其一一自慰，獲得強大嘅心理滿足 其實係我留意到女性對「被自慰」嘅概念入面嘅忌諱，恥辱，物化性等等 好多佢哋嘅才華，人格等都被外表所遮蓋，比冇眼光嘅男性濫用 亦聯想到呢種現象大多係男對女，顯現咗好多社會入面男尊女卑嘅現象，猶如女人只係一種物品 意識或經歷到呢點嘅女性大多都會有不甘，憤怒，甚至嘔心，當佢哋意識到隨時有幾多人對佢哋做呢啲令人不齒嘅行為 我從中提煉到一種變態嘅慾望，想像佢哋對呢件事嘅悲憤無能為力，踐踏緊佢哋嘅尊嚴，某種高高在上嘅感覺 所以我會通常揀啲學識高，才華高嘅女士自慰 完成後嘅負罪感，好快一飄而過，繼續搵緊下一個目標 「冇人知咪ok囉」一直係我自我辯解嘅手段，所以呢篇文都算一種扭曲嘅釋放 冇人知，咁係咪冇錯呢？我冇犯罪，但係我自認呢種係核突嘅表現 某種程度上，我擔心呢種行為會加劇/惡化，影響到我正常嘅生活 我有冇需要，或者點樣停止咁樣做呢

#NSS社會 [GUEST] 放鬆啲啦，香港人。 你睇吓，李家超都做特首啦，識人好過識字。 睇啲外國影片嘅留言，Grammar 錯，又點啫，又唔見有人會鬧「 WTF！Your English sucks！」， 睇明咪得囉。 寫錯字or冇用正字，大部分人都睇得明，係偏偏嗰小撮人嚮到鬧，「好難睇呀！」，其實係咪你閱讀能力有問題？理解能力有問題？真係有嘅，出聲。我好樂意幫助你去解釋。 如果你係睇得明嗰班人，但係你偏偏要走去鬧原Po。 真心想問，你係咪想原po 騰文俾你？ 講返聲，多謝你喎老師。 同埋純粹就人哋嘅文筆評分嗰啲，係咪都係好想做老師？但係理解能力力有不逮，所以做唔到？ 你又唔知人哋係咩背景，可能人哋係初學粵語嘅外國人嚟投稿呢，你都唔可以排除呢啲千千萬萬個可能性。 批評有助保育粵語文化咩？ 一個地方嘅語文係文化嘅根基，係咪想令批評成為文化嘅一部份？批評只會令人卻步，就好似點解香港嘅學生咁驚答問題咁。咁樣做不單止無助粵語保育，更加助長批評文化。 見到「Ar媽」啲留言，嬲咗。 見到咁Q多like，仲嬲。 大家幫手𥄫下有冇錯字，對我來講，捉錯字真係有啲難度，始終啲嘢自己寫嘅。有嘅歡迎留言講返。繼上次成為最乞人憎嘅post，睇吓今次有冇進步。多謝各位。 BTW上次個post插嘅，比想像中少。（好事？ 都係嗰句 Sor

#NSS學業 [Guest] 我覺得我好似揀錯科，定係中四咁樣係正常架？本身中3讀science，聽人講到高中會好唔同，都預左。不過唔同嘅程度真係令我好驚。 理科嗰3科宜家冇一科聽得明，做功課嘅時候一個鐘頭都做唔到一題。Quiz嗰陣30分滿分，攞個位數已經預料之內，從未冇驚喜過。啱啱好合格都已經謝天謝地。 因為考得唔好，搞到連上堂嘅心機都冇。反正聽同唔聽嘅結果都一樣，都係聽唔明。望著本書半個鐘睇都睇唔明。有試過問老師都係唔明。 我嗰班啲老師比較嚴格，對我地要求好高，因為上學期考得唔好，個老師同我講希望下次見到我有進步，但係我宜家嘅情況反而係日況愈下。唔好講進步，退步都話唔埋。 所以搞到自己喺讀書依方面成日都好唔愉快，有冇咩方法可以改變下？ Sorry for 1999 thx admin🙇🏻‍♀️

#NSS個人 [Guest] 小妺今年f3 ，對自己嘅朋友好有佔有慾 ，見到佢同其他人傾電話會好唔開心 ，見到佢同其他人去街唔叫埋我去又會好唔開心，而家仲有一個人同佢越嚟越frd， 然後我又會諗明明我識佢先點解佢同另外一個人咁frd ，又會喺度比較自己同嗰個人諗自己有咩唔夠佢好， 跟住就會開始慢慢唔會同佢放好開咁傾， 甚至想遠離佢(? ，我都知自己冇無權同唔應該干涉任何人同邊個frd ，但係我又控制唔到自己唔好咁樣諗， 甚至仲成日發夢見到佢哋好frd然後我得自已一個人 ，我都好討厭自己會咁諗 ，再加上就快要上實體 ，我唔想再因為見到佢哋好frd而覺得唔開心同上堂分心 ，唔想喺佢哋兩個成日走咗去唔知邊度而剩底我一個人喺班房嗰陣再繼續唔開心落去，所以想問有冇人可以俾啲解決方法我或者有冇身同感受嘅人？🥲

#NSS家庭 [GUEST] 【長文慎入】求admin 出post 本人第一次投稿，講嘢可能一舊舊，請各位高抬貴手，要屌的唔該細力d同埋希望大家可以畀少少意見。 講返少少背景，小妹今年form1， 讀緊band 1 中學，屋企算係中產家庭，冇兄弟姊妹。我嘅家庭背景同埋父母對我嘅期望搞到我好大壓力。 【以下內容係100%真實】 我個人認為我阿爸嗰邊嘅家庭背景好恐怖，成個家族嘅英文底都非常好，無時無刻都畀緊壓力我。首先，我阿嫲七十幾歲仲幫我補緊小四，小五d英文同數學， 講到呢度你哋實覺得佢喺度亂教教到我錯曬，但係我因為佢d成績先回升。(p.s. 我而家諗返先至覺得我阿嫲好勁) 跟住我大伯，我阿爸，我阿叔喺香港讀完初中(band 1) 就去咗英國讀boarding school，值到讀完大學， 就連遠房親戚(一年先見一次嗰啲) 都喺外國讀埋U先返嚟香港。重點嚟啦，我喺我阿嫲嘅7個孫入面最廢嗰個。 一個堂妹就去咗澳洲讀書，有三個就由細到大都讀國際學校，有兩個小四都未讀完就去咗英國讀一間幾top嘅boarding school。至於我點解讀到band 1 中學就因為小學呈分試嘅時候唔知黐咗邊條根，四個主科都straight A，先至考到而家呢間中學。嗰陣時我阿嫲勁開心， 主要原因係英文嗰科入面咁多份卷入面都係A。最難頂嘅係，

#NSS社會 [Hkg] 嚟緊考LS，咁我溫溫下就突發奇想：如果當年接受袋住先方案，宜家特首選舉會係點樣~

[guest] 大家好，小妹第一次投稿。 上個月黎左澳洲，而家放緊term break 。27號就正式第一日返學。 好緊張自己會係學校識唔到朋友，因為事關我學校係公校，大部分都係外國人，好驚佢地歧視我。我英文唔係講唔到，但係到日常生活講野就好多字都load唔到。 自己本身係香港都唔算好多朋友，大家有冇建議點樣可以容易啲識到朋友？ 唔該曬admin幫我po ig 🙏 大家覺得點樣