#NSS個人 [GUEST] 最近真係好迷惘 有冇人可以幫下我？ 話説我有兩個好friend嘅同學 由中一識到而家中三 大家都追exo 永遠都有講唔完嘅話題 時不時一齊出街 上大家嘅屋企玩 係學校我哋三個成日一齊 就算唔同班 小息放學都會等埋一齊傾偈。咁我就稱佢哋為A同B。 直至最近，我發現到A同B好似不和，A B佢地同班，平時小息or lunch我會去佢哋課室，等A B一齊出嚟係門口傾偈，但係最近呢幾次， 我行到佢哋課室嗰陣，只見A行出嚟，我問佢B點解唔出嚟，佢就話：唔使理啦 我哋落去先啦(去小食部食嘢)，嗰陣A係咁拉住我，叫我唔好問咁多，咁其實我都唔在意啲咩。 大概前幾日，我地學校lunch之後個堂有個講座要落禮堂聽，行緊落去嗰陣，我見到A B佢地個班係前面，但係嗰陣我好清楚咁樣見到A 同B分開行 而且A B各自同另外一個同學傾偈。可能咁樣未必證明到佢哋不和，但係之前AB佢哋成日走埋一齊行(因為我同佢哋唔同班，落樓梯佢哋自己一班行，咁我就喺後面見到)有時仲搭晒膊頭咁，點會突然分開？而且呢個情況已經見到幾次。 喺嗰陣我都覺得已經怪怪地，就係前日，我去咗問佢哋班其中一個同學，佢話佢都覺得好奇怪，明明一開始佢地好friend
#NSS學業 [VC] 有冇人同我一樣想Drop通識? 我F.5,考2023年DSE,亦都係最後一屆讀通識嘅學生。 通識對於我嚟講,係一場惡夢。我由升Form 5開始,就一直想Drop通識,不斷幻想降班到Form 4讀公社科,唔駛再對住通識呢科,又或者唔讀通識,2023年DSE都唔應考通識,之後嗰年讀返公社科嘅嘢,考2024年DSE公社科,攞個達標返嚟,再combine cert 申請JUPAS。 雖然我知通識係主科,冇得drop,點都要讀,係理智上知道幾唔鍾意呢科都要捱埋佢,但係情感上都係想drop呢科,係咁唸自己點解唔遲一年出世,好羨慕Form 4嘅學生唔使讀通識呢科根本難到唔係人讀嘅科,好想落返Form 4…… 點解咁憎通識? 因為我根本就讀唔掂呢科！首先啲題目根本做唔切,成日炒。例如今次學校考試,卷一兩大題各三個分題,我尾二嗰條六分影響題要兩個影響寫得一個,最後嗰題八分爭議題更加係留空咗,卷二八分嗰題,阿sir話要寫四段,我淨係寫得三段,十二分嗰題阿sir話要三正兩駁,我勉強寫咗兩正一駁就夠鐘要停筆,分數相信會好難睇。可見通識合格簡直要謝天謝地。 其次通識涉獵嘅內容有六大單元,無所不包,廣闊無邊,要學生通通都識,但我肯定更多人同我一樣通通都唔識。上堂講好多概念同議題,但考試點都用唔着。啲人話通識唔使背嘢,但事實係啱啱相反。最基本係成堆概念詞,乜嘢可持續發展,自尊感,生活質素呀都要識定義同各方面,仲有考試要識用。如果要考好啲,仲要背大量嘅時事例子,喺卷二用,卷二先會攞到高啲嘅分數。卷二要攞自己識嘅具體例子嚟論證,但通識內容包羅萬有,要背嘅例子極多,而且背咗一百個例子都唔一定喺考試用得着,好睇運氣。 再者通識係一科要摩打手之餘,仲要係短時間諗勁多point嘅科目,讀到你腦細胞壞死。我自己就係受害人之一,做題目嗰陣(尤其卷二)成日諗唔到point,腦海一片空白,勁沮喪。我仲試過因為咁,Form 4全級小測交白卷零分,拉低哂個平時分。諗唔到嘢都係我通識考試做唔切嘅原因。 (其實通識有一樣嘢仲衰,叫IES。佢就係要你喺F.5就一個社會議題,寫幾千字嘅論文。當中從題目界定到資料搜集呢個議題嘅背景同持分者睇法以及運用通識概念,再到整問卷做問卷調查,邀請人做訪問,最後到分析同論證,都要自己一手包辦,獨力完成,簡直難過登天。除咗帶嚟極大壓力,仲榨乾哂你嘅時間精力,令你冇辦法兼顧其他科嘅嘢。呢樣亦都係我最憎通識嘅嘢。因為佢已經俾教育局取消咗,我呢屆唔駛做,所以擺最後先講。 仲記得教育局話取消IES嗰日,lunch一收到消息,我就興奮到跳起,班房啲同學知道消息,都好開心,同我一齊歡呼。好彩我呢屆唔使再受IES折磨。Thank goodness！) 所以我真係好鬼羨慕班Form 4,可以讀公社科,唔使讀通識。第一,公社科得一份卷(類似通識卷一),冇卷二同IES,主要參考資料作答,唔使憑空諗咁多嘢同係咁作文。第二,公社科有MC,就算長題目唔識,都會有啲分。第三,公社科淨係計你達唔達標,唔係計grade,合格就得,壓力細好多。第四,公社科內容減半,由六大單元減至三大單元,而且範圍較通識清晰同明確,唔似通識咁廣,容易啲吸收。由此可見公社科嘅難度比起通識科係低好多,基本上係冇乜壓力。 我諗讀公社科唯一嘅壓力,應該係有時要寫啲你唔認同嘅嘢(如果你係黃嘅話),如果你係藍(或者冇立場)嘅話,讀呢科直頭冇問題啦。 唔知Form 5嘅同學又有冇同感呢?Form
#NSS學校 [九龍某間女校] hi，我係上次#NSS220116F 嘅樓主 上次提到校園欺凌我已經收到大家建議，我可以講我冇呢個勇氣，首先同大家講聲對唔住，對唔住大家。雖然我唔夠膽同老師講，但我自己都諗開左，我唔會再諗自殺嘅野架喇。 其實對我黎講呢個世界唔係受害者就係加害者，不過唔使怕，我以我經驗同與我有相同遭遇嘅人講，其實加害者內心可能唔知道自己有錯，所以唔好理佢地，如果只係言語上欺凌你，就唔好太上心，如果係身體上嘅欺凌，揾人就可以，雖然我冇試過比人有肉體欺凌，但我深信有人幫到我地。 最後我好多謝大家，我地互相唔認識，但我睇到你地幫緊我，多謝大家。
#NSS愛情 [GUEST ] Re:NSS220117D Admins 請出 正文: 師兄唔好意思，睇完您篇文，我有幾個疑問/質疑。希望您可以解答下小弟我愚昧嘅問題。 第一，請問第一點第一段的John Bowlby 的依附理論是指愛上一個人的行為模式嗎(安全、焦慮、迴避、依戀)？小弟我才疏學淺未聽過此理論。 第二，樓主說有人被強迫而成為同性戀(即使並無可能)是怎樣侮辱到身心健全的同性戀者? 我想不到，您可以解釋一下嗎？ 第三，「認為」性向是能夠改變的和「支持嘗試」改變性向是不同的，認為性向能改變不代表會支持改變性向。請問是我理解出了錯嗎? (當然，由於「人類的性傾向是具浪漫或性吸引力的恆久特定模式」，改變性向是不可能的，因此我只關注邏輯問題。) 第四，提倡想清楚性向才表白的行為有剝奪意義和存在的必要性嗎？我真的看不出，請問師兄您是如何看到的? 第五，您指出強迫是錯誤的行為此點我理解，但你究竟是在說社會群體還是表白者是錯誤的？ 第六，樓主指出他人強迫別人成為同性戀是存在的，跟混淆視聽有何關係，我看不明您的解釋，抱歉。 呢篇文真係好正，我想學吓嘢，因此希望您可以解答一下我嘅疑問。 可惜我唔係樓主，唔係比位勁人清理邏輯都幾爽，可惜。 sor1999
#NSS家庭 [GUEST] 求各位幫下小妹🙇🏻♀️長文慎入 一切都係由一開始我細佬講咗句「收聲啦好煩呀你」而引起 有日喺屋企細佬無端端同阿媽講「收聲啦好煩呀你」，因為我係房入面所以完全唔知阿媽講過咩，但細佬呢句說話就大聲到連房都聽到。最後聽到兩次關門聲(都幾大聲 應該好嬲) 然後阿媽就開始日日同我哋嘅對話都講呢句，連我好認真咁問佢野或者只係好平常咁同佢講嘢都會講，甚至加埋 嘈 得啦 咩呀 之類嘅嘢，仲係好大聲 。 佢用咁樣嘅語氣同言詞，令我覺得好似俾人鬧緊 凶緊我咁。 但明明就唔關我事，我都冇做錯野/講錯野，佢就咁同我講嘢。 跟著一直以來都係咁就過咗2個月 前排因為考試所以我都盡量避免同佢講嘢，自己溫下書，或者約下friend 出街咁。 但係到咗而家考完試，派卷有啲要簽名，咁自然會俾佢簽(阿爸好夜翻 如果見我未訓又會鬧我)佢又會問其他科目嘅成績，我覺得冇乜特別咪講，反正同之前差唔多。 但係點知佢就一直捉住我唔合格嘅科目話我，成日叫我去溫書，講埋啲好難聽嘅嘢，同哂啲親戚講，係咁唱我廢。(明明之前都冇咁大反應) 佢咁樣令我好大壓力，成日都好崩潰好想喊 ，但同時又唔想俾人覺得我好軟弱 我覺得可能喺人哋角度只係會覺得係小事 甚至只係講笑。
#NSS個人 [港島區學生] 想有真心朋友，唔知要點樣先有 小妹第一次投稿,有咩錯唔好介意 我喺學校係屬於人緣差個類不過又未至於去到冇朋友至少有幾個但係我唔約佢哋出嚟佢哋都唔會約我出嚟,學校有啲朋友又好少同我傾偈通常都係我搵佢地多個佢哋搵我 我出面比較多朋友講明先我自己係鏡粉所以我會識到啲鏡粉不過係網上認識佢哋有自己嘅朋友唔會約我,有啲又唔出得自己有報過校外活動都識到啲但係大家只會係大家一齊參加個活動嘅時候先會聚埋一齊傾偈平時都唔會約大家出又唔會傾偈 自己已經好努力去識朋友但係冇一個真心對我 已經盡量對佢哋好包容佢哋但係我自己都搵唔到個真心朋友 要點樣做先可以搵到？
#NSS個人 [港島區學生] 想有真心朋友，唔知要點樣先有 小妹第一次投稿有咩錯希望唔好介意 我喺學校係屬於人緣差嗰啲不過喺學校都算叫做有幾個朋友但係我同佢哋一去到放學又唔會點樣約出嚟大部分放學之後都唔會WhatsApp主動同我傾偈有啲通常都係我主動同佢地傾偈多過佢哋主動同我傾偈 自己喺網上都識到啲朋友但係佢哋又好少同我傾偈又係我主動多個佢哋主動約出街又係佢哋通常都係約佢啲friend都唔約我又係我主動約佢哋出街多啲 自己都有參加校外嘅活動都識到幾個朋友但係只限於喺活動嘅時候會好friend一活動完咗就唔會傾偈唔會出街 我已經好努力去搵人但係好多都話唔得閒或者放我飛機究竟我應該點樣做先可以識到啲真心嘅朋友可以一齊聯繫到個感情，一齊出街傾偈