#NSS個人 [guest] 小妹今年17下年就中學grad 講下男朋友先啦 有個同年拍左兩年嘅男朋友 一直都對我好好 我地依家係住附近嘅 隔離屋苑嗰種 如無意外行到最後嘅都會想係佢 而佢都一直對我好堅定（佢係嗰種好受女仔歡迎嘅類型）而細細個f2乜都唔知喺埋一齊過一陣就分開左 之後又一齊返 可能因為過左兩年佢思想成熟左咁啦 呢個唔係main point 細個就係跟住爸爸同阿姨 仲有同父異母嘅家姐阿哥住 佢地大我六七年 而且佢地好憎我⋯ 但係過左幾年阿姨因為意外而走左 然後就一直跟住爸爸搬出去住 雖然係私人樓但係就得一間房 （根本就係外表好好實際上劏房咁嘅feel）成日覺得冇自己嘅私人空間 而且自己真係唔鍾意呢種同爸爸兩個人成日鬧交嘅感覺⋯而我亦都因為早兩年壓力太大而有左抑鬱症 小妹因為自己屋企嘅原因 心入面一直好想喺畢業後就可以搬出黎自己住
#NSS家庭 [Guest] Hello~小妹今年f2，有個小六嘅阿妹，想知道其他阿妹會唔會好似佢咁，定係其實係我嘅問題 正常嚟講，小六應該要揀中學，不過佢就無乜意識要溫下書。 而且，佢應都有責任幫下個小三嘅細佬。就例如平時我負責煮晏晝飯，佢哋應該開定抬嗰啲，但係佢地唔係分工，而係佢將啲野交哂畀細佬做，自己係度玩電話。之後，食完飯洗返自己個碗都好合理，但係佢一係就叫個仲未夠手長嘅細佬洗，一係就擺係度等我洗 每當我同佢溝通，又或者提點下佢嘅時候(因為佢唔做嘅話媽咪會鬧佢加鬧埋我)，佢都會用一種不滿嘅態度同說話方式應返我。我真係滿頭問號 但係佢同我講嘢，當我用正常方式應佢，佢又會好不滿同黑口黑面 好似佢哋宜家Zoom，我都會盡量保持安靜，但係我做功課溫書嗰陣，佢哋就超級嘈，叫佢哋靜返少少我要溫習，阿妹：講嘢咋嘛，唔得咩，然後又繼續嘈，我真係好無奈，就算同爹地媽咪傾過，佢都係咁 我只係想係同一間屋入面住可以開開心心咁相處，唔使父母操心，其實係我有問題定佢有問題？有咩方法可以解決呢個問題？
#NSS社會 [大埔卍慈中學] 好多人當19年嘅抗爭只係一個潮流，我唔可以話曬所有抗爭都只係因為浪漫主義走出嚟，但好明顯有一班人係當革命係潮流 當年大家走上街，有好多人走上街都冇諗過自己為乜，有啲人只係覺得對現況不滿，更加有啲人係因為潮流上街，但冇好清晰咁諗自己想要乜嘢，更加冇諗點樣為之“勝利”，煲底除口罩相擁，好撚開心咁然後呢，之後應該點建設一個民主社會，你連你想點都未計畫，仲點抗爭 浪漫主義真成撚日講埋曬啲煽情說話，乜撚嘢「今生只嫁前線巴」「齊上齊落」「兄弟爬山」乜乜柒柒，革命唔需要浪漫，你而家搞革命係為咗溝女？人哋革命真係拎條命搏，但有班人借勇武之名嚟溝女，食盡人血饅頭。而家呢，熱潮結束咗，港女去咗追mirror，變咗只嫁移民巴，外國護照巴，嫁狗 19年識屌黑警同政府，但武漢肺炎嘅時候竟然係幫港共執法，黃店屌人唔scan quote，唔戴口罩係藍絲，但當年又會支持抗爭 人哋選擇去幫襯乜嘢鋪頭，係人哋嘅自由，人哋投唔投票，或者投票俾邊個，係個人選擇，一個民主嘅社會係唔應該咁樣限制人嘅消費權，投票權。杯葛警察家人，佢父母衰唔等於佢全家都衰，屋企人係冇得揀，批鬥人全家同共產黨有咩分別，文革， 大躍進嗰陣就條全家批鬥 “你對唔對得住手足” “你想多一個同路人定小一個同路人”旭下就講啲情緒勒索嘅說話，真係想知點樣先對得住你哋所謂嘅手足。屌邊個人點點點做過乜嘢，所以佢唔係黃，咁要點先係“黃”，但只要嗰個人係受歡迎嘅就標籤佢係黃，姜濤幫美心，幫m記賣廣告，都繼續死撐，有啲人鍾意癲撚到覺得撐mirror等於抗爭，屌mirror就係廢老，簡單講即係， 你鍾意嘅就當佢係黃，你唔撚鍾意就做鳩佢係藍，呢種二元對立要去到幾時 大家究竟係點看待19年嘅抗爭，坦白講而家仍然有人為香港抗爭，有義士因為革命入獄，大家又會點看待佢哋，係咪當佢哋condom，死監躉，我哋要做嘅嘢係諗下香港重光之後嘅建設
#NSS愛情 [guest] 小妹今年中四，讀女校，近排發現自己好似鍾意咗我個best friend（下稱F） 我同F每日都一齊搭巴士返學，成日傾計，亦都成日會有身體接觸，例如係攬下、撓下手咁樣，以前一齊食飯嘅時候會互相試吓大家嘅食物等。 以前一路都覺得朋友互相攬吓冇所謂，一直都唔抗拒F無啦啦同我有身體接觸。但係直至上個月，我唔知點解會想推開佢，但係其實我又唔抗拒，反而有少少怕醜，我就開始懷疑自己究竟係咪鍾意F。 但係我一直對一個喺補習社識嘅男仔有少少好感，所以我就只係懷疑我鍾意咗F，唔係太肯定。 想問吓大家，我對F究竟只係朋友嘅感覺、朋友嘅佔有慾，定係鍾意佢？ 同埋我應唔應該表白？因為我地form 4, 5, 6都將會同班，所以我驚我失敗咗之後再面對佢會好尷尬。 我啲文筆好差，希望大家明白我想表達出嚟嘅嘢。
[GUEST] [Form6] （背景，dse預計自己 中：3-4 英 3-4 數 4-5 Geog 4-5 Phy 4) 大家好！我係黎緊2022 dse 嘅學生，我想問下對工程同埋外國升學認識比較清楚嘅同學仔。 黎緊我就有打算去外國升學，暫時首選會係加拿大，而有比較希望想讀一啲工程嘅科， civil engineering/ environmental engineering之類，但係我見好多嗰邊嘅大學都會要求喺香港有讀chem ，而我就只有 phy+ geog ，想知道應唔應該都照報嗰啲學校？ 另外，其實我見好多升學網站都會話一月至二月已經係報名嘅
#NSS個人 [wsc ] 我究竟做錯咗啲乜嘢，嗰天咁對我 本人今年讀中一，讀緊荃灣區嘅band 1學校 一.學業 話說上個禮拜就考完試，咁今過禮拜就理所當然就派卷la，第一科係派中文卷，我收咗份試卷返嚟之後就覺得勁失望，我攞咗55分（總分100）我嗰吓真係勁失望因為考中文嘅前一日我由放學就温到夜晚1點，温到勁熟，嗰陣時嘅我真係好想喊。（跳咗其他科）到數學科，考數學嘅前一日同樣瘋狂操卷，但係到考嗰日就做唔晒成份卷，所以收到試卷嗰分數唔合格！之後收到其他科試卷同樣都唔係幾好，一係合格但係退步咗一係就唔合格or爭幾分先至合格。之後我一路行返屋企喺到諗:我咁努力温書係為咗啲乜嘢？到最後嗰成績乜仲差過上次測驗，我返到屋企又等阿爸返到屋一齊食飯嘅時候，阿媽問我考試點樣，我冇答佢，直接攞本手冊俾佢（因為我寫晒啲分數落去）佢同阿爸一齊睇，阿媽第一時間塊臉就黑晒，唔出聲，跟住嗰吓我忍唔住滴咗幾滴眼淚，阿爸冇安慰我，反而同我講：我都預咗你今次會考得咁差㗎啦。我嗰陣時真係勁傷心。自己偷偷地喊咗出嚟，因為我唔想俾佢哋知。第二日我同我其中一個又唔係好frd 嘅frd一齊行返學（稱為佢做A）咁A本身成績都幾好，亦都幾鐘意曬命（好黑人憎）我本身都唔係幾想同佢做朋友，但係成日黐住我，好煩。講返正題，咁A就特登問我數學攞幾多分（佢知我做唔晒份卷）我就講我唔合格（唔想直接講個分數出嚟）A就開啟曬明模式，係咁講話自己考數學嘅前一日冇温到書，講到自己幾L勁，A亦都講自己數學嘅成績高過我哋班嗰啲男仔（因為喺我哋男仔數學好勁），但係當我另外一個frd就問佢中文幾多分嘅時候，佢就即刻講第二樣嘢（大家都知咩事la）呢啲人真係勁黑人憎lor勁想同佢絕交 二.人際關係 咁小妹本身喺scaa 打咗一年排球，咁我喺嗰度係丙隊(無錯，係低級）咁我喺嗰度比較細嗰（嗰度係11至18歲本人今年13），要入正題，我同另一個frd（佢12歲）俾人排擠，因為我哋啲球技仲未係好好，但係亦都唔差，喺中間。有一次分組嘅時候，分剩我同我嗰frd同埋另外2個成日排擠我哋嗰兩個八婆，咁阿sir叫我哋一組，咁我唔想阻住其他人練波所以就主動行過去同佢一組，嗰陣時兩個八婆喺度啤住我哋，我真係好想罵佢lor，我心諗：你估你哋打波又好好咩，乜同我差唔多，成日自以為是咁嘅款，cls！到學校嗰方面，我想講係頭先提過嘅A，除咗成日曬明之外，仲成日勁鐘意hurt人哋，我就係其中一位受害者，咁話説之前小息嘅時候，佢冇lala 行過嚟搵我（因為佢冇乜frd）就無端端問我有冇自己嘅一間房（因為佢有錢過我）我就話冇，嗰陣時冇諗過佢會糟質我，咁佢又又開始曬命模式，係咁話自己有好大間房亦都有兩部apple iPad一部apple 電腦一部手機，懶係有錢咁以為自己好勁，佢每次講嘢都係冇諗過人感受，真係好嬲囉，我次次都以為我同緊一個小學雞傾計，你估個個都好似你咁有錢咩痴線！補習嗰方面，有一次，我見到有兩個高中嘅人喺度啤住我講壞話，我心諗我幾時得罪過你呀我都唔識你，甚至讀唔同一間學校啦！我究竟做錯咗啲乜嘢？ 我有諗過搵學校嘅社工傾訴，但係我學校啲社工好似唔係幾靠得住，所以就冇去搵佢哋。所以就選擇喺度投稿，講晒我一直以來收收埋埋嘅嘢。 而家亦都勁擔心將來高中嘅成績同埋人際關係 大家有咩意見，我想知道有咩方法讀書同埋點樣同A絕交（因為本人比較心軟唔想太hurt人哋嗰心） 唔好意思🙏🙏打咗咁長 唔該晒admin🙏🙏
#NSS個人 [Guest] 希望admin可以出post thankyou . Hi大家好。小妹諗住留低呢篇文，就永遠唔好諗起呢件事。 有一日，我放咗學之後就好似之前咁搭巴士返屋企，嗰時都冇乜留意啲咩，落咗車就返屋企。嗰時我記得同朋友係ig 傾緊計，但係我冇諗過，就因為今次傾偈，就引起之後嘅事。 嗰晚，ig 有人dm我問我係唔係搭嗰㗎巴士，一開始我都不以為然，以為係朋友嘅惡作劇。但佢開始講埋我嘅落車時間、搭咩車返學放學、同埋去巴士同我傾計嗰個朋友嘅ig 名，佢甚至連對話內容都同我講埋，內容係完全相同。朋友都否認左唔係佢哋做，根本除咗我同朋友之外，根本冇人知我哋嘅對話。原來佢坐喺我後面，一路望實我部手機。有時仲不斷ig 打俾我，嗰陣我真係好無助⋯⋯🥲 當我以為成件事完嗰陣。佢係之後嗰幾日不斷問我去到邊、又叫我比地址佢送嘢俾我，我冇答佢。 但後來佢同我講佢知道我屋企地址（知道住邊一期邊一座）嗰陣我已經好驚，但完全唔敢同屋企人講。 就算而家佢都有搵我，我唔敢block咗佢，因為我驚後果仲嚴重🥲 所以大家要保護好自己嘅私隱！