#NSS學校 [男校] 發現你story鍾意用🦄 所以以下就會用🦄嚟代表你 小弟今年中四 近排發現自己竟然好似鍾意咗一位師兄🤯 🦄大我一年 唔算特別靚仔 但係樣又唔差 對我嚟講唔知點解有一種吸引力 開頭都淨係因為係師兄就follow咗 嗰陣時只係覺得🦄好似幾趣緻 對眼幾charming 所以只係有啲衝動想識佢 但係我本身有啲怕醜仲有冇乜朋友🙈 對自己冇乜信心 冇信心可以令佢肯同我講嘢 所以最尾都淨係follow咗佢ig 留意吓佢啲story咁 直到今年🦄做咗隔離社嘅社長定係副社長 運動會喺我隔離看台好落力咁嗌 好熱血 就算係一個幾有地位嘅師兄 佢都會對佢個社啲細嘅師弟幾好 唔似其他
#NSS愛情 [[Guest ] 小三係我好朋友⋯⋯] 我今年中一，識咗個男仔（我叫佢A)，佢幾天真，互相表白之後就開始咗（全級都知😶，家長唔知）。 後來我一個識咗六年嘅朋友坐A 隔離，一開始佢哋傾少少野我冇問題，但直至佢哋越玩越癲，互相送禮物，我就忍唔住向個朋友問清楚，佢否認佢哋有嘢（但我知道朋友咩料，依六年佢一唔滿意我就害我，暗中咁害，我又搵唔到證據證明佢害我，咁我咪默忍佢，驚佢又扮嘢搏人同情話我蝦佢，只得我知道佢真面目⋯⋯）咁我唯有由A 入手。 我同A講：（我朋友）唔係好人嚟架，你小心啲佢啦，我真係知道佢真面目⋯⋯ 跟住A 答: 佢（個朋友）好天真架，唔會咁嘅，你諗太多啦！ 我驚A 嬲，就冇再講lu… 其實我好清楚，朋友對A冇feel ，但做綠茶婊係因為我最近冇乜點同佢玩（我好想離開依個充滿機心嘅朋友），我應該點做？每次佢哋互動我都諗起朋友險惡嘅一面⋯⋯同時亦唔可以同朋友絕交，A 唔信我呀嘛，A而家喺朋友手上面😔
#NSS學校 [[ GUEST ] 遊戲係唔係重要過現實既友誼？] 小弟（F.6）近排遇到一D唔愉快既事令到我有D困感同難過，希望可以聽下各位意見。 話說從細到依家小弟自問比較少friend所以同我做朋友既我都好珍惜。 係平時我有一班玩得比較熟既F.5朋友差不多有近3年既交情，每逢小息就鼠入佢哋課室到一齊傾計打鬧，一齊食飯咁。 我記得佢哋每人每次生日個陣我都會買份小禮物送俾佢地，好似我哋圈圈入面有個特別沉迷玩電腦嘅friend咁，我就買咗張類似課金卡嘅嘢送 出去作為生日禮物，因為我認為投其所好係好朋友身上可以鞏固彼此友誼其實係值得既，我亦唔會好計較個小小錢。 每到星期六，日都會約出嚟打波，食飯做功課咁基本上我呢D場合冇甩過底，但近期有一件令我有D無奈嘅事發生，因為之前小弟買咗部桌上電腦為方便做group project功課同網課咁，得開睇下Netflix，YouTube甚少話玩steam遊戲咁。有次打完波特別沉迷玩電腦嘅個個friend知我有電腦，非常開心咁問一陣要唔要開隊槍game，我話可以但我亦有講我唔係咁中意亦唔常玩電腦game，跟住返到屋企沖完涼我真係太累飯都未食就訓着咗，結果第二朝醒起琴日唔記得打機，我就主動搵番佢打（即使好廢），以為會無咩會發生，第二次中意打機既friend又主動問陣間一齊玩？我個時趕緊嚟緊present既個power point 就hea覆咗句等陣玩，但做完份嘢都就嚟凌晨兩點半(我要做埋潛水客個份)就好順手儲檔熄機訓覺，根本無察覺話有要打機呢回事，結果有一返學校佢完全無視左我，當我透明直白D講盲嘅人都知佢排斥緊我-，氣氛真係好尷尬，後來透過佢既close friend先知原來佢嬲我三番四次放飛機話打機，結果無上線令但期待落空，仲話如果我唔係100％確認就唔好俾佢期待，因此先搞到咁直到一段時間佢都再無理過我。我不禁係到諗就住呢件事所謂的“守約”係唔係真係重要到要因為我無一齊打機而要犧牲現實中我哋所建立既友誼？我就從此變成失信的人？失去朋友也是我應得的？唔通我需要向對方道歉？我都唔知點好，因為比起讀書，打波，聚會，做課題，打機真係好小事。
#NSS家庭 [ccst（希望唔好公開學校] 如你所願 我離開了 永遠地離開了 冇錯 我希望我嘅死亡可以讓你帶著呢種愧疚和不安感過一世 多謝你嘅苛刻 多謝你無情嘅羞辱和詆毀 多謝你對你親生骨肉嘅殘忍辱罵 真係好多謝你 我諗我呢一世都幾多姿多彩下 其實我都識左好多嘅朋友 經歷左好多嘅事情 老實講 我嘅自殺唔淨係令你愧疚 我唔至於咁諗唔開～ 但係 唔好意思 我嘅死十有八九係因為你 xxx。我要你萬病纏身 但與此同時只感受到呢種無法擺脫嘅痛苦 卻無法死亡。我 祝妳永生 祝你同我一樣痛苦
#NSS愛情 [guest] 我想發表吓關於男女朋友嘅睇法。 舉個例子，係我身上發生咗一件令人好費解嘅事，我有個frd，男，同佢女朋友已經一齊咗成年。我一直以來同佢相處嘅方式都係朋友，完全冇過界。前排佢女朋友叫佢唔好同異性有接觸，我本身係以為我frd做咗啲唔應該嘅事，點知係佢女朋友唔俾佢同女仔玩。甚至我有事搵佢，都係次次已讀不回。 講到已讀不回，我第一感覺就係唔尊重，人地搵你，回覆係最基本嘅一個動作，有冇必要上升到男女關係。做咁多小動作唔係會令人覺得你地有幾恩愛，反而會覺得幼稚。 愛情如果想要長久，唔係單單靠呢啲方式，係心智未成熟嘅人先做得出。試問有冇見過一個幸福恩愛嘅夫妻係會冇異性朋友。愛情係要有信任，信唔過對方就唔好選擇一齊。咁驚對方鍾意第二個，就唔好拍拖，對自己冇自信嘅人先會咁。 奉勸咁多位拍拖疑神疑鬼嘅人，放過彼此，放過身邊朋友。