#NSS家庭 [GUEST] title :我老豆好似有咗第二個。 – 大家好 我係一個F.1嘅女仔(大家唔好因為呢樣嘢唔睇我篇文pls🙏🏻) 入正文: 咁我屋企就公屋嚟嘅，冇房 隔音差。我啱啱就食緊lunch啦，跟住我阿爸就出咗去廚房(阿媽唔喺屋企)我隱約聽到我老豆同電話講緊嘢, 初頭我都冇乜留意, 但後尾我突然聽到”老婆”呢啲字眼(我好肯定唔係同我阿媽講)跟住我發現佢講一句 電話就repeat一次(我都唔知咩事, 電話把聲都幾似機器人, siri聲)。我就一直默默聽住我老豆講嘢，佢嗰把聲同對住阿媽把聲超唔同…. 我而家真係好迷茫… 我應唔應該同阿媽講… – :會唔會係我諗多咗 有可能 但我必須講一句 我阿爸以前有出過軌。 – 我諗住觀察多幾日, 但我諗就算我老豆出軌我阿媽都未必會離婚。
#NSS學校 [guest] 好長，sorry… 即係咁，小弟有啲嘢想問下大家意見。 我意外得罪咗一個老師，嗰個老師喺學校教咗好耐，學生起碼有一半都幾鍾意呢個老師，佢亦都係好強權嘅人，唔跟佢嗰套一定搞你。 事源就係一次分組活動，朋友都有自己嘅小組，但係我就知道佢哋係唔係太認真，所以我就冇加入。但係個老師就係都逼我同其他人一組啦😂 之後我就作大話咩同全班都好唔啱呀之類嗰啲，佢係信，但係之後就講咗一句令我唔係好認同嘅說話：「依家唔係要跟你嗰套係要跟我嗰套！出到嚟社會仲有得畀你揀啦？ 依家個遊戲規則係我定嘅，我話之你仲人啱唔啱，合作又唔係叫你做乜，我同其他老師都鬧交啦咪一樣係一齊合作！亅 呢一句嘢睇落好似好有意思係咪？唔緊要我同大家分拆開先。 首先佢一開頭嘅三分之一我係認同嘅， 但係隨後嗰一句「我話知你同人哋啱唔啱呀總言之合作又唔係叫你做乜」有冇諗過學生隨時可能喺合作入面會有啲咩唔開心，有啲咩爭執然後有啲更加大件事嘅出現？第二件事就係話佢同老師鬧交都係照樣合作，佢同嗰一位老師係好熟嘅，先唔講炒嘅可能性，佢呢一份工作係一定需要同老師合作，我個分組活動嘅隊員係唔做嘢得我一個人做，所以我先至睇出一個人做嘅要求，佢拒絕我都冇嘢好講啦，可見其實我份人係均真嘅。 當日嘅第二件事， 有一個同學就喺度話我一定要聽老師講，不停覆述個老師講嘅嘢啦， 我就問咗佢一句關你咩事？ 老師就發難鬧我？😂 喺呢一度我就唔明喇，如果話喺度大聲講嘢嘅話，ok咪鬧囉，我認我做錯。但係佢淨係話我就唔講另外一個同學，理由係佢關心緊我！？ 話曬佢係老師，我畀專重佢，落堂再同佢理論。 當日嘅第三件事就開始離譜！我同佢解釋返成件事到底係點樣，同埋我係點解要反駁佢， 佢講咗一句令我極度憤怒嘅嘢。「 我就梗係知道嗰一個同學咁樣講你會不滿啦，但係你唔理佢咪得囉， 你淨係識得喺度製造麻煩， 你上我嘅堂就唔好再講嘢！亅我聽到咁wtf嘅嘢就梗係繼續問啦😂 但係之後佢就叫我快啲走唔好煩！？ ok fine,
#NSS社會 [Stmc] 小弟已經唔係學校讀書，已經前往歐美國家讀書。有鑑於見到香港抗疫新聞，有感而發想打篇文，順便訓練下生疏嘅中文邏輯思考。 第一，全民接種疫苗無阻疫情。即使全民打疫苗，香港人都唔會過到正常生活。根據所謂政府專家同高官所講，只要大家接種疫苗，所有嘢都會好似之前咁，大家可以過返正常嘅生活。先唔講2019之後嘅香港會唔會變返正常嘅香港，要思考嘅係100%疫苗接種率又如何？睇新聞會見到嘅係，疫苗好似係神丹妙藥咁，有咗疫苗就唔會中武肺，好似成世都會避免咗中武肺咁。首先我唔否定疫苗有佢相對嘅功效，的確打咗疫苗嘅人中武肺嘅症狀係會減弱，部份人更加連自己中過武肺都唔知。但係以小弟為例，全家打咗疫苗都係同樣中武肺，照樣發燒照樣咳。證明疫苗只不過係某程度幫到人減輕發病時候嘅病情，無辦法阻止被傳染或者傳染其他人。你打咗針都係會中武肺。再者，隨住武肺不斷進化，由Delta去到而家嘅Omicron，由第一針去到而家嘅第三針，基本上你要係咁打針去追趕武肺嘅進化速度，根本無可能有一種疫苗係會令到人唔受感染。總括而言，疫苗不是神丹妙藥，只不過係幫你減輕你嘅病情，亦都無法斬斷傳播鏈。你打疫苗係為咗你自身如果中咗武肺，病得冇咁嚴重而已。而唔打疫苗，並不是社會罪人，並不是沒有肩負起社會嘅責任，並不是社會的異類。打或不打，並不影響公共利益，只是個人權利嘅選擇。 第二，香港清零政策根本無效。清零政策指嘅係零個案，無論係境內或者係輸入個案，依個都係無可能。香港的確係清零咗一段時間，但係就算政策有幾「嚴謹」或者叫做嚴苛，都無辦法阻止到病毒來港。先唔講人口來港帶來疫情，就算通過物件同埋空氣，武肺照樣會傳播。正所謂天下無不透風嘅牆，清零係冇可能長時間維持到。同時，有人會指出，香港之所以一直無法清零，係因為有人不守防疫措施，導致出現疫情缺口。首先，依樣野係冇辦法避免，就算台灣國內冇感染，之前成為媒體紛紛報道嘅疫情淨土，而家都係忙於處理疫情。證明係無方法令到香港零個案。再者，基本上全球多個國家都係主張與病毒共存，例如英國放寬唔同嘅防疫措施，美國入境唔需要隔離。反而唯一主張清零政策嘅只有香港同中國，但就算係中國，佢地嘅封區同埋強制檢測都冇辦法做到清零依個烏托邦。即使香港同埋中國可以清零，但係其他國家仍然主張與病毒共存，當其他人因為與病毒共存，可以如常生活。香港係咪仍然要繼續封關鎖國，唔比他國人民進入香港，香港人出國回港需要隔離，咁先係真正實現經濟攬炒。 第三，武肺只不過係風土病，香港人需要接受嘅係武肺嘅存在。武肺只不過係一種高傳染性嘅病毒，同感冒無異，對大部份人係無生命嘅影響，只係會病數日。同樣有人會話，長者一但感染武肺，死亡機率非常高。但係長者本身大部份有長期病患，就算係好普通嘅感冒，細菌感染同埋跌親，佢哋死亡嘅機率都好高。反而當你中過武肺，你身體自然會有保護機制，對抗武肺，再中嘅機率或者病徵會減輕好多，依個亦都係一直講緊嘅群體免疫。香港人因為政府不斷誇大武肺嘅嚴重性，將武肺看作世紀大敵，先會令到香港人誠惶誠恐。 從而引伸到一個反思嘅問題，究竟因為所謂清零政策，捨棄自己嘅個人權利值唔值得。香港人捨棄堂食，互相指摘他人不守防疫規則，嘲笑外國疫情上百萬，轉而支持安心出行，因為支持政府心目中嘅理想清零國度而去閹割自己個人嘅權益。究竟依樣野值唔值得，相信依個問題香港人心中有數。 小弟打依篇文章只係有感而發，我並非專家，亦極度討厭phy chem bio，並無任何有建設性嘅建議，只係希望大家思考多d社會現況，多角度思考唔同嘅社會問題。
#NSS學校 [[鄭榮之中學]] 急！！！求admin po ig🙏萬分感謝！！ 冇錯，又係鄭榮之中學啦！自從新校長上任，學校負面新聞不斷。 而家我就想講下學校對於上zoom嘅一條極度無理規矩，今日（1.21）我地偉大嘅訓導主任「一息間」先生就話，下個禮拜開始屋企上zoom，而佢話學校覺得同學用嘅虛擬背景唔太恰當，會騷擾其他人上堂，於是呢位偉大訓導主任就宣佈禁止同學使用其他虛擬背景，佢話如果同學要用虛擬背景，必須先向學校申請，並且必須使用學校自行創作嘅虛擬背景，唔可以用其他。我想講其實呢d係人地嘅基本自由嚟，其他人用咩虛擬背景輪到你理？訓導主任，你食咗藥未？我祝你長命百歲呀！ 咁都唔夠，訓導主任仲話因為同學喺屋企上堂嘅時候衣衫不整，著背心或者好薄嘅衫上堂，於是佢又宣佈偉大嘅措施，就係喺屋企上zoom嘅時候必須穿著校服或者運動服上堂，以免影響他人上堂。學校真係冇腦得好犀利，最冇腦嘅當然就係訓導主任為首啦🥺人地著咩衫你都要理？關你鬼事？基本權利都被剝削？我真係怒火中燒，火冒三丈，面紅耳赤，嬲到七竅生煙，拍案而起，怒髮衝冠。學校成日話想我地全神貫注，聚精會神，心無旁騖，專心致志咁上堂，但其實呢d措施真係可以令同學專心上堂咩？定其實係壓制基本權利？訓導主任，你做咁多陰騭嘢，又咁腌臢，你會有報應架！子姑待之！ 唔知大家睇完有咩感覺，我作為鄭記嘅學生其實係好無奈，呢個訓導主任做嘅嘢一向都係為人所不齒，佢將會遺臭萬年，聲名狼藉，惡名昭彰！ 最後好多謝各位花時間睇到呢度，希望各位睇到呢個投稿嘅鄭記同學可以share去ig story，令更多人知道訓導主任嘅所作所為根本係天地不容！ 如果大家都對學校嘅措施不滿，可以打電話去2604 9762或者send Email去[email protected]向學校投訴，多謝大家！🙏 *中文唔好，有錯字請見諒！
#NSS愛情 [GUEST] 小弟今年f4，喺f1嘅時候鍾意咗一個女仔，但係傻更更「表白」咗之後（其實佢唔係鍾意我），唔知佢係咪驚定係唔開心定係點，之後我每次send msg都係已讀我，但係我仲唔覺得有問題。 中二有半年網課，我依然係死心塌地咁鍾意佢。去到中三嗰陣先醒覺有啲問題，就同佢講清楚曬，但係我覺得我係欠咗佢一啲野，想補償返，但係佢依然係已讀不回，直到而家都係。 而家我放低咗㗎啦，本身我係一個比較內向，自卑嘅人，唔係好識同人溝通，所以無咩朋友。但係中一係特別活躍，比起小學同埋而家都係，所以先至會有呢啲野（中一嘅我真係好傻）。而家講出嚟會令個自己舒服啲。
#NSS學校 [Guest] 我喺本港某間著⬜旗袍嘅學校讀緊書， 繼上次學校奶共大佬規定口罩顏色，谷針blablabla,今次佢又出招。話說禮拜一就要上返網課，雖然暫時淨係上一個禮拜，但係已經知道會好辛苦。 今日早會特登同我哋講嗰人一定要佔鏡頭三分之一，要見到頭至上身同埋對手，呆咗 癡線 手喎 究竟係學生/zoom定係高層問題？除咗托頭之外 真係諗唔到點樣show曬 頭 上身 手仲要手keep住寫字兼清楚睇到個mon。如果做唔到，校服儀容唔得就要記名扣分。大佬最鍾意叫埋佢幾個得力助手幫佢巡..zoom，講真有無必要為咗知道學生有無做其他嘢而去咁樣為難學生?老師邊有咁多時間教書兼check全班啲cam 想問下各位有咩方法可以解決問題，點樣先可以show曬頭 上身 手🙏🏽