—類投稿

#NSS家庭 [Guest] Admin pls po ig thx thx Sor for 1999 唔知大家有冇希望過父母多啲干涉自己嘅生活？ 小妹係個好有主見嘅人，又細到大都唔太點聽屋企人嘅話，屋企人反映過好多次，但係性格呢啲嘢好難改㗎嘛，危急關頭邊會記得佢哋講過嘅嘢。雖然有陣時會有啲爭拗，但係都算係個和和氣氣嘅家庭。 但係屋企人宜家好似越來越唔多理我。可能係因為我已經升上s4，佢哋諗住我自己嘅事我自己解決，所以parent’s day同講畢業之後嘅出路嘅talk都唔再去。就正如我之前講過話我好有主見，其實我已經諗好咗以後嘅出路，有自己嘅目標，所以唔去聽呢啲講座係冇乜損失。但係一feel到屋企人唔再為我擔心，好似已經放棄咗我咁，我會覺得好心痛。我唔想長大，我唔想同屋企人分開… 純屬表達個人感情，尋找共鳴 話我群腳妹定乜都得，唔洗顧忌我 再一次sor for 1999

#NSS學校 [某港島中中官中] 是咁的，大約三個月嚟咗個體育代課男老師 喺佢身上會見到三年前一位阿Sir嘅身影，兩位阿Sir都有一團火，一團教識學生咩叫體育嘅火。 可能喺其他學校只係一位普通老師，不過喺呢間有啲歷史嘅學校，佢係少數嚟教書，而唔係返工嘅老師。希望三年前嚟嘅新體育科+訓導組男老師可以好好學習同反省。 因為佢對教學嘅熱誠感動到全校男同學，在此特別表揚馮子健老師。

#NSS社會 [guest] 其實一班人係度話毀滅倉鼠無人性 真係好白癡 唔通想疫情更加嚴重？呢啲倉鼠傳染左咁多人 唔殺有咩用 你地真係咁有同情心？老鼠螞蟻花草呢啲咪又係生命 又唔見你地去同情 啲香港人真係一個二個都無腦嘅 一日到黑都淨係識搞事 好心你地去做啲有意義嘅事啦 淨係識攞住個電話係度鬧人 一班自以為有愛心嘅智障

#NSS愛情 [Noooo] 之前比一個拍左幾年的伴侶飛左，我keep左傷心左好耐好耐，但突然佢返黎話問我復唔復合。復合左後好似都有di隔膜，係咪已經唔鍾意佢定係點，但分開個段時間真係講唔出既失落🥲

#NSS學校 [GUEST] 我地今年中三，第一年接觸biology。 學校嚟咗個新嘅bio老師，一開始覺得冇乜嘢，上堂幾有趣，好正常。 不過宜家真係憎佢憎到核爆… 班同學想向學校投訴佢好耐，但投訴可能又要開班開名，咁個老師一定會知道，大家都唔確定下年會唔會揀bio，以呢個老師性格，佢會秋後算帳，費事以後又俾佢篤背脊。 佢教得勁垃圾，我哋係英中，但佢上堂一句英十句中，唔係話用中文唔得，但佢之前係咁話自己留過幾多年學，依家諗返真係吹水唔抹嘴。 上次考試，佢upload咗份錯嘅答案上google classroom，搞到成part畫圖大概佔9分，冇哂分，大佬呀我真係ball ball you可唔可以盡少少責。 宜家我哋過多幾日就考試，但佢本書成個chapter都未教，今日先喺堂上面講：「原黎隔離班有教啊，我未講吖哈哈哈，依家嗱嗱臨講」，你不如考完先同我講？ 佢偏心到出哂面，自己做第二班班主任，俾曬佢地成張a4紙咁長嘅考試tips，咁仲考啲乜？ 上次考試 ，我哋一級有五班，佢教四班，基本上其實班班嘅進度都好汶水，個個都就嚟教唔切。但佢喺臨考試之前，特登幫佢自己做班主任嗰班補課，唔通其他班就唔係佢嘅學生？其他班未教晒考試範圍都冇問題？ 仲有佢改野係超級慢，成日喺度講自己有教幾咁多班，有幾多嘢改，有幾咁辛苦。我心諗，呢啲唔係你做老師嘅責任嚟嘅咩？莫非因為教得多班，就可以一份quiz 拖成個月都唔派？幾個月前做好嘅report 就可以到而家都仲未改返？ 我哋而家都要讀十幾科，唔通我話我讀十幾科好辛苦所以就唔交你嗰份功課？ 距離考試冇幾日剩，而家個個同學都勁頹…大家上次bio分數已經好低，佢宜家考試範圍都唔記得教，咁搞法點進步？日日喺度嬉皮笑臉，望住佢都火滾。

#NSS社會 [GUEST] 究竟人道毀滅啲倉鼠係咪正確？ 唔該咁多位入嚟睇睇 個人認為雙方出發點係正確 不過係有其他方法解決 – 以下順便回應下 #NSS220121D 我知道你想講咩，不過事實係佢哋明明有其他方法可以阻止病毒蔓延，就偏偏要用人道毀滅先係最💩，一啲人性都冇啊！同埋你用甲甴同貓狗去比，其實根本比唔到🤣因為佢哋對人同動物都有害唔單止係人啊🙈仲有人哋話做咩唔人道毀滅啲受感染嘅人，係因為倉鼠同人一樣係有生命，要尊重 – 講翻點解要人道毀滅啲倉鼠先，係因為銅鑼灣一間寵物店(Little Boss)有倉鼠畀人驗出有病毒，政府驚市民買同樣受感染嘅倉鼠，因為可能會蔓延到整個香港，先要搞人道毀滅，根據大埔貨倉有病毒，寵物店首輪篩查中有超過一成倉鼠帶有病毒，有職員及顧客受感染來判斷，可能是荷蘭或香港有人在貨倉將病毒傳給倉鼠，再由倉鼠在寵物店將病毒傳人 – 好啦！問題嚟啦，人都可以居家隔離，或者去做強檢，之後等結果係陽定陰，點解倉鼠唔得先？ok！你同我講係成本，時間，人手不足所以搞唔到，咁你又有人手，成本，時間去殺野豬，去人道毀滅啲倉鼠？好自相矛盾啫🤷‍♀️ 我明白真係未必有資源去研發啲藥治療倉鼠，的確成本係貴，不過我希望各位明白，喺2日前已經毀滅咗1213隻啦，呢個數字真心高，我相信如果政府真係幫呢班倉鼠去做病毒檢測，需要人道毀滅嘅數量肯定唔會到200，最基本你起碼唔會人道毀滅啲無辜倉鼠對得住良心先啦唔該你！ – 最on9係咩呢？咪就係有啲人連養1～2年嘅倉鼠都送去人道毀滅囉，阿大佬啊？你冇嘢啊嘛？你感染完病毒，你隻倉鼠都未感染啦！唔該你唔好為棄養而揾藉口啦！而家搞到一個二個都棄養，我真係鬼唔望你下世畀人人道毀滅，倉鼠係生命嚟！唔該畀啲尊重！而家防疫出問題就係因為部分人成日周圍去，例如個啲乜乜官員囉😒搞到一個二個感染，之後就將責任擺喺啲倉鼠度？？！ – 最後我希望大家理性討論，大家要明白，一旦病毒隨倉鼠流入社會係可以令好多人感染，不過！根本冇需要用人道毀滅呢個方法去解決，檢測一樣可行，而家人道毀滅，搞到啲倉鼠被逼同主人分離，搞到無數主人流下數之不盡嘅眼淚…可能你會話一隻倉鼠咋嘛，有病毒啊，唔人道毀滅哂全部，我咪感染？*我只可以同你講，倉鼠或者只係你人生嘅一部份，但係你呢個主人就係隻倉鼠生命嘅全部 多謝大家睇到呢度，歡迎大家CM留低你嘅意見🙇‍♀️

#NSS個人 [guest] 時間會沖淡一切?係咪時間仲未夠? 我曾經起學校比人bully過 當時聽得最多嘅莫過於”時間會沖淡一切” 依家已經過左好幾年一度覺得自己已經放低左 但最近同friend吹開水自嘲式講返嗰時嘅自己 講講下莫名地流眼淚(我幾乎唔會起人面前喊)先知原來一直冇放低過 一個人嘅時候成日會諗如果冇發生咁嘅事 依家嘅心理會唔會”正常”啲 似返同齡嘅朋友多啲 同朋友傾計唔會每講一句野之前都要confirm N次呢句野”冇問題”人地聽完唔會憎我先敢講 唔會因為人地未得閒覆我就不停諗係咪我講錯野 唔會因為途人嘅視線而覺得佢地係咪覺得我好奇怪 唔會因為人多就驚到個心狂跳同出冷汗 唔會小小野就不停怪自己 諗下諗下又會諗其實係咪好似當時個學校社工講嘅一樣我做錯啲咩先比人咁對我 只係我自己冇發覺… 我真心希望呢刻只係未夠時間 而有一日時間會沖淡呢一切

#NSS社會 [guest] 唔該做人俾返少少善意 近排啲投稿無論係咩標題都好，下面梗有人會串，真係唔知串緊乜。即係可以表現到你好型定點，人地成篇嘢打出嚟求意見，有啲人就係好鍾意捉住人地一句兩句嚟鬧，為屌而屌。有意思咩，寫啲實際性意見得唔得，講嚟都嘥鳩氣。

#NSS家庭 [Charlotte] 好奇點解啲家長好似鐵籠咁鎖住我嘅人身自由😂 本人15歲，唔知係咪青春期影響會開始有自己嘅主見，有時就係因為父母唔比同frd出街而同佢哋嘈，心都攰 我自問唔係出夜街，一星期都係想約frd出去練下舞，四個鐘內都可以返到屋企，但係我真係唔明點解咁嘅小要求父母都要拒絕😑 想問下各位係我問題定點？我個人認為父母咁樣做真係有啲太過嚴，唔知各位見解係點？

#NSS其他 [guest] 話說今日開信箱嗰陣時我就見到圖入面嗰封信, 咁通常個個人見到都係會揼咗佢唔理,咁我都係咁做嘅 但係我發現咗個問題係,其實有好多唔同機構或者小教會都會宣傳下基督教比更多人去加入相信 你哋喺街上面宣傳都算啦 但係你哋直頭係寄埋封信去人哋屋企嗰度宣傳wo 你哋有冇諗過其實好有問題呢？ 宣傳都有一個限度啦係咪？ 不如你哋下次去人哋屋企門口門宣傳？ 其實我想講你哋咁樣做都可以構成騷擾 你哋咁做係咪強迫人哋一定要相信你哋嘅教會呢請問？ 圖Link: https://drive.google.com/file/d/1IG9-6q4E90qgWYKN9hsJcV7LeDX1Ctdo/view?usp=drivesdk