—類投稿

#NSS學業 [GUEST] 小妹今年中三,啱啱考完試,成績一向唔太理想,尤其係數學,數學一直有補開一間,補咗4年有多,補習社氣氛一直都係比較輕鬆。老師都對我好好,但今次考試之前嗰堂態度突然唔同曬….. 數學成績一直係50-60之間,老師次次都會係考試前一堂同我惡補,為求可以合格。唔知係咪因為今次老師覺得我唔會合格,所以就開始放棄我。唔識嘅問佢,佢叫我做下一題,或者同我講「呢啲識就識唔識就唔識,冇得教㗎喎」但係隔離嗰個問佢佢就即刻答。臨走嗰陣,我問佢可唔可以借cal機,聽日要考試但係自己大意唔小心整唔見咗,佢又答我「我借咗畀你你可以合格咩？」 嗰陣真係唔知可以點答佢,即使已經知道自己畀人放棄咗,但係都想努力,四周圍問人借cal機,好彩最尾都搵人借到。 前幾日派咗卷,考得差已經預咗,亦都記得佢講過我一定唔會合格,所以冇臉返去見佢,亦都怕佢知道咗我咁低分,又會講啲乜。 啱啱問佢我使唔使返(考完試之後放兩堂假,因為其他科未考完,正常今日係要返),因為疫情停課我唔清楚使唔使返實體,佢答「你想嚟咪嚟唔想嚟咪唔好嚟囉」真係唔知可以點復… 喺佢嗰度補咗四年,之前佢一直對我好好,唔知點解突然之間咁大改變,想轉間補習社,又唔知點同阿媽講…其實自己都知成績唔好唔關佢事…但係唔想再對住佢。多謝你睇到最後,如果可以,可唔可以畀啲意見我? 初次投稿,唔好介意🙊

#NSS社會 [Guest] 倉鼠唔係特別矜貴。 點解大家會覺得生命係平等？如果真係咁平等咁點解會有適者生存嘅道理。世界上所有嘢都係唔公平，恐龍絕種之後人類早就成為咗食物鏈嘅最高層。我先唔同你分動物同人類，用動物同動物比你其實都可以睇得出有分高低。家養寵物大家都覺得比較矜貴，因為佢哋你“屋企人”。咁其他動物同昆蟲？唔係所以昆蟲都係害蟲嚟㗎，你哋夠膽講自己冇殺過普通昆蟲？昆蟲只係生得比較‘’醜樣‘’你就應該殺佢？社會早就為所有嘢分好晒等級，人類自己都會為人類分階級，可況動物？唔好講到好好聽咁，人類連最基本生得靚唔靚同有錢窮人都要分類，生得靚同有錢固然着數冇得否認。動物同人類嘅道理都一樣。 禽流感，豬瘟嗰陣時一樣要殺晒啲雞同豬，點解你哋唔出聲？乜雞同豬嘅生命唔重要？定其實係人類眼中因為佢哋只係食物所以殺咗都唔緊要？寵物就特別矜貴？以前世界各地有瘟疫嘅時候一樣都係由得嗰度嘅人死或者殺咗佢哋，又冇人出聲？佢哋都一樣係生命嚟架。其實成件事就係電車問題，撞死一個人同五個人都係要殺死生命，但多數人都會揀撞死一個。乜嗰一個人嘅生命就唔重要？咁點解大部分人都揀救五個人？因為可以救到多啲人嘅生命。 養咗兩年都送去死嗰啲固然有問題，但喺指定期間買咗嘅人送去有咩問題？即使係人類傳染比倉鼠先，但你唔可以否認佢哋會有機會再傳返比人類。人類一向都係自私，事實上食物鏈運作就係咁。個頭已經洗濕咗，你哋再鬧政府都冇用。咁得閒喺度上網留言鬧政府，不如為倉鼠祈禱啦。

#NSS學業 [GUEST] admin post IG please！ 有冇啲專係畀學生溫書嘅咖啡室或者cafe可以介紹？thx=］

#NSS學校 [GUEST] 我見學校啲師兄，玩運動、攝影同音樂嗰啲成日都好受歡迎，係咪有呢啲才華嘅人係特別受歡迎。

#NSS學校 [九龍某一間女校] 小妹F1，喺上年9月份啱啱開學嘅時識咗3個friends，稱A B C A一開始已經話自己過個二十幾次拖， 咁嗰時我都冇為意， 由11月開始A係咁炫耀自己有幾多條仔，屋企有幾多錢， 咁我同B C已經覺得有少少煩。 到12月， 我同A第一次鬧交， 原因係因為A成日打我哋(B,C)，唔係細力嗰啲，係次次都打到我哋紅曬…. 結果件事要老師同社工幫我哋和好返。 但係其實我根本都唔想同佢和好返，但係因為B同C 我就決定同佢和好返， 到近排， 我同BC已經開始避開A因為覺得佢真係好煩，例如 行行下撞開人、唔識理人感受… 琴日有份宗教project，A死都要同我哋一組, 我就話A上次同你一組嗰時你乜嘢都冇做=_=佢就即刻反駁我就講話上次成個powerpoint都係我做㗎， 之後我就講話全部資料都係我揾同做，A就即刻行去同其他同學講我bully佢。解釋都冇用ಠ_ಠ 依家人人都覺得佢可憐， 我唔知點算，求大家俾下意見我🙏🏻 sor

#NSS學校 [男校] 朋友話憎大陸，但自己就睇大陸節目/聽大陸歌。 小弟F.3，前排因為分組做grp project識咗個新同學 (下稱D)，同佢都好好傾，之後都frd咗好多。 上個星期，因應國安法，有幾個人嚟咗學校分享國安嘅‘重要’。D一知道到要去聽講座就已經私底下同我丶其他frd講：又嚟洗我哋腦啦，瞓覺算啦。 到前日某個小息，大家都喺度清緊locker，跟住有一個同學用普通話鬧：操，為什麼開不了。(大概係咁，唔係好大聲同聽得冇咁清楚) D同我都喺隔離，個同學講完之後D就拉咗我去遠少少，喺度屌嗰個同學，又話畀幾個同我哋比較熟嘅frd知呢件事。 問題嚟啦，D成日都po唔少story，之前佢po咗幾個story，內容主要係話呢套戲好好睇丶果然冇介紹錯，好好笑(唔知係邊個介紹)等等。但D po嘅嗰啲戲/節目都係大陸做嘅。 又有一次小息，D同我丶三四個frd圍埋一齊傾計，傾下平時聽咩歌。有幾個都話鍾意MC丶Jer嗰啲，但D就話：點解唔聽下大陸嗰啲呢？D仲即埸唱咗句，但全部人都冇聽過丶唔知咩嚟，D就話我哋：乜你哋咁out㗎，得閒睇多啲抖音啦。 過咗呢幾件事之後，我發現自己下意識咁疏遠 咗少少D，但其實D真係同我好啱傾，佢好好人，我同佢傾計都好開心(撇除上面嗰啲對話)。所以想投稿問下各位點睇，係咪對D嚟講兩樣嘢冇衝突？或者我可唔可以同D傾下？感謝各位。🥲 Sorry for 1999🙇🏻

#NSS其他 [Guest] 一直以來唔少身邊自稱「黃」嘅人都有用開淘寶。一方面又話好憎中國，一方面又同我講淘寶有幾方便、幾好用🤣真係好矛盾……

#NSS個人 [Guest] 想講下關於發生係我身邊朋友嘅戀愛令我受到影響。咁首先我有個frd女呢排同左個男仔A一齊，個男仔係偏向玩的開而且對男女身體接觸係比較開放嘅。但係我frd就係比較放唔開嘅，事源係開學嘅時候個A就同我做frd啦coz大家坐隔離傾傾下就好自然frd左，咁我都當然話ok啦多個朋友係好事黎。咁係佢地一齊左之後，A就寫聖誕卡比好多人啦，我都有份嘅，張卡就開玩笑口吻咁寫「我真心想同你frd啊」咁樣啦，我冇第一時間睇卡所以我就放左係檯面，咁啱我個frd走黎搵我影相佢見A寫左張卡比我佢就問我睇唔睇得，咁我就話ok啊你睇啦，呢個時候我都仲未知張卡寫左乜嘢。個女仔睇完之後就走黎同我講話之前A已經三番四次話想同我做frd點點點，因為我本身自己都係一個玩的起玩的開啲嘅人啦，好自然會搵返差唔多type嘅人做朋友係好正常。但係之後個女仔成日有意無意地講起呢個一句說話，而且都成日暗串我eg「佢成日都話同你要做close frd架啦」「係囉同A好close架佢，你叫佢去問啦，我呢個女朋友掛名架咋」我個下心諗咪搞我，諗住之後同A再保持多啲距離啦（利申：同A正係普普通通frd）然後呢排A就問我點解我好似呢排冇乜點同佢傾計打波嗰啲，我都冇正面回答呢個問題，因為我未免比說話我frd同A聽，我就求其搵個藉口搪塞左佢咁。然後A之後text我話如果再唔一齊玩會失去一個frd嗰啲點點點，我唔想少個frd，但係我亦唔想因為A同frd左好耐嘅frd反面嗰啲 請問我可以點做唔傷大家之間嘅友誼？

#NSS學校 [某間東區中學] 星期五（也就是1月21日）早上 學校如常舉行升旗儀式 開始前竟然有四位同學不舒服 我還看到遠處有一名同學暈倒 想起如今疫情肆虐嚴重 我不禁擔心起來 大家要保重身體 盡量不要出外堂食

#NSS家庭 [GUEST=[orz]] 想問吓大家有冇方法可以幫下我🥲 話說我阿媽好鍾意食飯嘅時候落豉油 咁其實一次半次唔緊要 但係佢日日夜晚食飯都落🥲雖然唔係好多 但係積少成多🥲我真係唔希望佢第日腎炎🥲🙏我試過拎開隻豉油 同埋同佢講過好多次 但係佢就係唔聽🥲 想問吓大家有冇方法可以提議下🥲 Thx Admin🙌🏻