—類投稿

#NSS學校 [有一句話我想講好耐但講唔出口] 小妹13y，日日都受到壓力嘅折磨，有一句話我自從小三後，我一直好想講，但我永遠都講唔出口：「咁不如我死咗佢算！大家開心我開心。」件事由幼稚園講起。幼稚園我係讀所稱嘅happy school，冇乜功課冇乜測驗默書，唔洗考試。咁樣嘅生活持續咗3年，機本上我日日無所事事，讀下故事，練下琴，睇下youtube咁就過咗一日。直到小一我先開始感覺到辛苦，因為小一我靠我家姐嘅成績，拉咗我入間九龍城區都出名同chur嘅小學。而事實上，我真係冇果個能力入。 幼稚園時日日咁嘅生活令我個人好天真，以為升咗小一之後都可以開心過。結果係，入到去因為我成績差，樣又生得唔靚，見識又少，性格粗心大意，老師同同學個個都唔鍾意我，佢地成日蝦我、唱衰我、做錯事屈錯事落我度等，正心朋友正係好少。 小一到小二我自己覺得還好，覺得佢地蝦我都係同我玩下姐。但係小三佢地變本加厲，越蝦越過分。偷我支筆，放垃圾入我櫃桶、VA袋，將佢支等放入我書包話我偷，全部壞事通通都有。我有即時狡辯，叫老師check cam但係佢地cam都冇check就賴落我度，今我失去咗我形象。而且咁啱有親戚離開咗，令我對「死」哩方面好敏感。而且因為唔開心嘅事越嚟越多，長期受欺凌而冇人肯聽我訴苦，我開始有啲抑鬱。但係因為我唔想令家人擔心我，所以我一直將哩度所有發生嘅事隱瞞，所以喺朋友面前嘅我同真實嘅我性格完全唔同。 到小五就更加仆*，因為學校為呈分試做準備，根據我地中英數成績分為小組教學。最勁係第一組，最差係第四组。唔洗講，我就係所稱嘅444。但事實上，只係我主要核心科目中英數差，其實但我他其科係拉返高個分嘅。有一次，我個校車同學問我我係咩組。我冇答佢，因為我唔想答，我覺得好冇面。之後佢用各種理由迫我答，我都唔太想答，所以我冇理佢。結果，佢打開我書包，拎起我本手冊…就係咁…佢見倒晒。真係冇冧過佢個人咁衰，過咗唔夠3日，佢將我啲秘密傳到全校都知。果刻我放學返到屋企，放低咗書包，企咗喺打開咗嘅窗前2個鐘。有一刻，我真係好想三二一跳落去死。但係一冧到我幾個朋友，身邊嘅親戚，同佢地開心相處嘅時光，我真係唔隱心就咁走，畢竟我仲係10歲，應該仲有好夠嘢未做夠。而且我仲好記得我冧過：如果我跳落去死咗，我就可以安心死唔洗再受折磨，但係身邊必定有會唔捨得我。我咁樣死又代表我不孝，又對唔住咗我家人同創造我嘅天父。如果我跳落去未死得，會更難受又更加加重屋企人負擔。總之成件事好矛盾，我冧冧下開始無咗意識咁。 後嚟我升咗間中挺中學，級入面我唔算好叻，前15左右，但係可能因為有能力？老師都經常揾我參加比賽，佢地對我期望越嚟越大，令我壓力越嚟越大。而且我經常受到「朋友」嘅孤僻、拋棄、對我嘅冷漠，同埋因為受到太多因素影響，包括小學發生嘅事，令我開始控制唔倒自己思想。一唔開心，就好易衝動，好易冧負面嘢，或甚至自閉唔見人。有時我一唔覺意，甚至好易就整傷咗自己。我一唔順意，一消唔倒啖氣，就經常冧起小學發生嘅事，令我好想快啲死咗算。 但係小妹從細一直都有個夢想做youtuber，希望靠網絡分享生活點滴/消消氣，為大家帶嚟歡樂，但係就一直受到父母反對，令我好咀喪…我一直渴望將以上心底話同身邊老師/社工/朋友/親人講，希望有人為我打氣，希望有人同我傾心事，但我一直冇哩個勇氣。 以上內容唔係想博同情/認叻，只係純粹個人分享，希望大家畀啲意見我。 亦希望nss幫我原成心願，出post徵求意見。Thanks 🙏🏻💖 亦都多謝大家願意睇到哩度💓亦希望同樣煩惱嘅朋友，一齊努力🥲

#NSS學業 [GUEST] 小妹依家中五，學校banding唔算top,大概band1C, 中一嘅時候校內成績唔好，中後左右，但一直有進步到依家全級頭十，但都知出到去公開試同啲band 1A嘅名校生根本冇得鬥。自己有諗過讀啲神科（醫），想醫人、救人，但知自己未夠班，所以一直都唔夠膽同屋企人、老師講，驚佢哋反對/對自己要求、期望高，只會自己偷偷地睇讀醫嘅資料，可能大家會覺得我睇緊啲無謂野、浪費時間，因為我都冇乜能力入醫科。 我今次考到頭十之後，其實老師都已經對我期望愈來愈高，我都感受到好大壓力，被人哋過份重視嘅感覺都幾可怕。。。 而假期前本身都算會做齊功課，但冇啦啦放咗個「暑假」，本身諗住7-8月嘅暑假先開始操卷，但乜計劃都變曬。諗住呢個假操卷，但要應付功課、測考，發現自己嘅拖延症嚴重咗，做1個鐘嘅功課要做成3個鐘，成日分心、坐唔定，之後就走咗去打機、煲劇。同埋好多都未教曬，結果冇操過卷。 我呢個假期hea咗好多，求其做咗啲功課就不停打機、煲劇，都有想溫書都真係冇動力，假期一日一日咁過，依家完曬，好快又UT。感覺自己會大退步，因為之前真係用盡曬力先可以考到頭十。又成日覺得其他人一定好好利用呢個假期溫書，人哋升2-3個grade, 我就冇進步過，真係好驚。。。而家做好多嘢都力不從心，不論係音樂方面定讀書方面都係。 加上我屋企唔大，300-400尺 一個4口住，日日困喺屋企，有個細佬，成日都好嘈咁打機。爸爸放工仲嘈啲，佢哋一齊打機，又無啦啦大叫。我同佢哋講要溫書，試過鬧佢哋，但佢哋都唔理，連我媽咪都冇佢哋辦法。可能你哋會覺得只係藉口，但我喺嘈嘅環境真係專心唔到。 經過呢個假期，我覺得好大壓力，一次過又好多嘢殺到埋身，雖然21號已經開始網課，但仲未覺得係開始返學。依家成日都瞓唔著，氣管好似被石頭壓住咁，好似抖唔到氣。 同埋發夢自己已經考緊DSE，會瞓瞓吓嚇醒，以為自己遲到，鬧鐘冇響咁。 不過上堂都ok精神嘅，但成日壓力好多，心很累。 有時都會發脾氣/對屋企人嘅態度差，有時佢哋唔記得我講過嘅嘢，我會唔耐煩。其實我唔想㗎，但控制唔到自己。 想問大家有冇咩方法pick up返溫書、做功課？同埋做啲咩可以幫我減吓壓？我驚我捱唔到去DSE🥲 唔該曬admin 🤍🤍 Sor for 1999

#NSS個人 [GUEST] ［超長文慎入⚠️⚠️⚠️］ 我今次係以某post(出咗1.0&2.0）個樓主個frd嘅身份投稿（大家應該知係邊一個post)［我唔係佢兩個小學同學其中一個，我哋中學先識］，我之所以用呢個身份，係因為我都有一啲算係普遍好多人會遇到嘅問題嘅經歷（下面係分享我一啲經驗&啟發&鼓勵大家嘅一啲說話）事先講明⚠️我唔係嚟賣慘嘅，真人真事（依家中一，但我覺得我上咗中學先明白感覺好遲🤦🏻‍♀️⋯⋯） -經歷- 有時真係經歴過先知，自己一個捱過嘅係一件幾痛苦嘅事，我更加多係學業上同家庭上嘅壓力，被人針對、無人理解，有好多時都係自己夜晚訓覺頂唔順自己係到偷偷喊，有一段時間我係喊到心好痛個隻，有時重好似透唔到氣咁，之前一直以為呢啲只係電視劇先會發生嘅嘢，冇估到真係發生咗係我身上⋯我有一段時間真係好討厭返學，甚至處於放棄狀態；到家庭方面，我其實覺父母都唔係太理解我，我有時同佢哋講，佢哋都以為我係到玩玩下，都話我‘正經讀書啦你！’ ’你一定係睇太多電視劇‘ -堅持落去嘅動力- 學業方面，而家升咗中學，慢慢有返之前對返學嘅熱誠，坦白講我係真係開心過以前，多咗以前冇個種動力；家庭方面，我其實覺得，只有阿哥真係理解我，佢包容我所有嘅任性同每次都好耐心聽我講嘢，我係佢話入面從來冇聽過佢話我做唔到呢樣嘢，佢永遠都係最支持我個個人，就算係吵交，我哋好快就會好返，所以呢個都係我比較親近阿哥嘅原因，雖然我好遲先意識到阿哥對我有幾好，不過起碼我哋兩個依家都算係雙向奔赴兄妹情嘅感覺。 -堅持係生命入面係最重要嘅- 其實我都諗過好多次自殺，我相信好多人都有諗過呢個問題，我其實覺得幾乎個個人都有抑鬱症，只不過係輕定重同有冇確診證明，我知道，每一個人都過得唔容易，所以係放棄生命之前，記得要堅持住，你重有好多野未睇過、見過，我仍都未常幸運，每次都堅持咗落去。 -啟發- 特別係今年，我明白咗太多，終於知道世界係有幾慘同不公，自己已經算幸運，有時真係覺得電視劇嗰啲道理好啱，明白太多辛苦嘅只會係你自己，我以前係為自己嘅壓力而唔開心，而家喺為咗世界嘅不公同殘忍，而唔開心，但即使覺得唔公平，因為想理冇能力，有能力嘅人唔想理，所以只有成為一個有能力嘅人先可以去改變你想改變嘅嘢。我依家算係搵到生存落起嘅意義同努力嘅動力，我之前一直唔明生存係為咗啲咩，一度以為自己生存就係為咗分數、學習，但我而家搵到想做嘅嘢、想見嘅人，都算係件好事。 -要做個好人- 傷害人嘅方法有好多，但最唔可以接受嘅係，打住抑鬰症/受害者嘅名義去傷害害你嘅人/其他人，仇洗仇洗唔清，簡單嚟講就係‘即使你比惡意對待，都要做個好人！’可能你嘅改變可以改變好多人（例如，我就係受人啟發嘅） -無人係絕對黑/白- 如果用黑同白比喻人嘅惡同善嘅話，無人係絕對黑或者白，所有都其實係灰色，只不過在於深定淺，畫過畫應該都知，你要用好多白色先可以將深色變淺，相反，你只係用好少黑色就可以令淺色變淺。若果你係深色嘅話，我希望你可以變返個好人，因為你始終係呢生命入面出現過白色（淺色） -鼓勵- 大家要記得生命真係好珍貴，所以唔好咁容易赴死（自殺），要堅持，係呢度都祝福大家搵到生存意義同努力嘅動力，為自己而生存！同埋，記得，要做個好人！ ［雖然上面嘅內容我有同frd講過（one only)，但都係想講出嚟鼓勵更加多嘅人同補充更加多我嘅諗法］ 多謝你睇到呢度 ［錯字、漏字etc勿怪😮‍💨］ ［sor for

#NSS社會 [某中西區中學] 標題：中國香港 ＊以下內容含敏感議題 小妹讀中學，以下嚟段文字會用繁體，因為繁體漢字都係中國漢語體系入面嘅其中一種文字，從來冇人話唔俾我哋用。 好啦，宜家入正題。 我想講嘅係，香港自秦朝起，就已經係中國嘅一部分。喺英國於鴉片戰爭入面打敗咗清朝之後，香港先變為英國嘅殖民地。自1997年7月1日香港回歸中國後，香港已經再次成為中國領土，採用「一國兩制」嘅政策統治。所以，「港獨」之說全屬無中生有。 第二，好多人都話宜家啲初中學生，小學生等等，都被「大陸化」咗，但小妹反而覺得，好多學生都被「港獨」等思想影響咗，而因為咁離棄自己嘅國家。 第三，無可否認中華上下五千年，國家總有地方做得唔好，但係，邊個國家冇啲唔光彩嘅歷史？即是等同「人誰無過」嘅道理一樣。知錯能改，善莫大焉。識得從錯誤中學習就得。相信我哋嘅國家會越變越好。 第四，小妹雖然會睇陸劇，聽普通話嘅歌，有時會講兩句普通話，但我亦熱愛香港文化，有睇香港嘅電視劇，有聽廣東歌，亦十分鍾情於老香港嘅懷舊文化同氣息。對於我唔太鍾意嘅文化，我都會尊重，希望各位就算唔鍾意內地文化，都可以尊重下，始終嗰啲都係中國五千年來演變，衍生出嚟嘅；亦都對內地人俾返少少尊重，少部分可能有啲帶惡意嘅人，並唔能夠代表全個地區嘅人係點，始終，邊到都會有壞人㗎嘛。 小妹純粹睇唔過眼ig好多人對自己嘅國家不滿，有感而發，並非中二病發作，亦非洗腦，各位請勿見怪。 此生無悔入華夏，我係中國香港人我驕傲！

#NSS個人 [Guest] admin麻煩po IG🙏🙏🙏唔該 係咁嘅，小妹今年15，有打開拳，我好鍾意呢項運動，因為我讀書成績好差，泰拳係我唯一鍾意又比較勁嘅運動，以後都會想參加下啲比賽咁。 琴日練拳踢沙包嗰陣失咗平衡，菠蘿蓋移咗位跟住跌落地，即刻痛到慘叫，然後call白車送咗去醫院。 醫生話我之前都試過咁，可能會變成習慣性甩骹，而且今次搞到我軟骨碎裂，韌帶都傷咗。雖然話唔使做手術，但我好幾個月冇得練拳，明明上一秒踢沙包仲踢得好過癮，下一秒就攤喺床到郁唔到，真係覺得自己好廢，麻煩到我爹哋媽咪，又令身邊嘅朋友擔心。 聽到幾個月冇得練拳，我真係好唔開心好絕望，唔知接下來幾個月應該點樣渡過，再加上本身有情緒病，我直接喺醫院熄燈嘅時候崩潰爆喊，喊到對眼又痛又腫，依家番到屋企諗起呢件事，甚至係打緊呢篇嘢嘅時候又會忍唔住喊，差唔多10分鐘就會喊一次，我驚自己幾個月冇做運動就會肥番，驚肌肉量跌番，又驚復操嘅表現直線下降，驚自己因為情緒問題而做傻事，呢幾個月完全冇一樣嘢去俾我發洩情緒，我真係唔知點算。 我接受唔到冇咗泰拳嘅生活，我真係好鍾意好鍾意呢樣嘢，唔知依家除咗養傷應該點算好。多謝大家睇到呢度，希望大家可以為我打下氣，等我舒服少少，多謝晒！ sor for 1999

#NSS學業 [Guest ] 而家f.4,讀一間band1既學校,成績越嚟越差,上學期考試既成績係要留級嘅成績,所以我想搵下補習(我知而家先補有啲遲）,我呢排都睇咗好多唔同嘅補習（eg 學思, 學博, 靜研中心, YYlam, 經致,同埋好多hkdsemath既acc……）,但係都揀唔到, 想問下大家有冇咩建議?如果可以就講埋係點樣教,大概教啲咩…🙇🏻‍♀️ 我覺得自己差既地方: 英文-> vocab 少 ,listening 聽唔切&聽唔明&寫唔切 中文->文言文超級差（唔係講笑,認真好差,每次做都想死,完全睇唔明, 唔明點解要有文言文囉,啲人係咪得閒得滯） 數學-> 完全冇聽書 (所以一年跌一個grade,我知係我問題) ,但係無論有冇聽書去到考試都係唔識,淨係識啲basic 既 (以上次考試為例,section A(1)

#NSS個人 [guest] 點解要逼我轉校 是咁的，小弟08依家喺uk，依家喺uk讀嘅學校都幾多香港人， 我入到嗰間學校一個月都唔夠就同好多人混到好熟，都有一班幾好嘅friend， 但係就喺今日， 阿爸無啦啦同我講有一間好好多嘅學校收咗我， 如果我應承入嘅話，一個月之內就可以轉校。 我好想既刻推咗佢，但係我知我屋企人都好想我入呢一間學校， 咁我唯有話考慮下。 跟住我呀爸同我講如果我入呢間， 佢可以畀我砌機( 我之前有同佢講過我好想砌機)， 但係就算佢畀， 我都唔想放棄依家嘅朋友。 跟住我阿哥偷偷地同我講， 其實佢依家用緊一個可以畀我揀嘅態度同我講並唔係真係可以畀我揀， 而係想我心甘情願咁轉校， 所以無論點都係要入呢間學校， 分別只係我自願入定係佢迫我入。 其實我依家讀緊嗰間學校唔算差， 好多同學喺香港都係讀band1， 再加上而家嗰班friend真係好好，我唔明點解佢要畀我轉校。 我嚟英國讀書嘅原因係為咗可以輕輕鬆鬆咁讀書， 唔係咩都為成績，但係我阿爸日日係咁要我溫書，而家仲要因為嗰間學校成績好所以要我轉校，

#NSS個人 [guest] 小妹今年中二，自從上年我個best fd因為我性格問題同我絕交，我唔開心咗好耐。雖然我宜家知衰，已經改曬之前所以乞人憎嘅嘢，但係因為呢件事我之後就變得內向，好care人地點諗我，唔敢同人講嘢。我好想有個可以分享所有嘢嘅fd，可以點做……我宜家真係好辛苦，每日想搵fd傾訴都無 唔該曬admin放出嚟 萬分感激🙏🏻 sorry for 1999/錯字

#NSS愛情 [Guest] 其實有女朋友嘅男仔係唔係應該要同異性保持返少少距離？ 事緣就係咁，我同我男朋友就拍咗差唔多4個月，佢就讀緊某band 1男校，而我就讀緊某band 3嘅男女校，一直都還算幾穩定，直到有一日，我哋因為佢成日同女仔傾電話而鬧交，鬧交嘅原因係因為佢同某個女仔frd 有幾次凌晨先傾電話，而且仲要係call住瞓 然後我就好好地同佢傾，但係佢反而鬧我「呢個世界朋友唔係男就係女㗎啦，你可唔可以唔好咁霸道」，咁我都有同佢講我嘅諗法，我同佢講「我唔係唔俾你同異性聯絡，但係你都要識得分寸㗎，其實我都會唔開心….」，佢原本應承我會好好注意分寸，但係隔唔夠一日之後，佢同我講佢又同嗰個女仔凌晨傾電話，但係佢話今次冇傾住瞓覺，一點傾到三四點，佢同我講已經好過之前，我笑笑口冇點答，其實心入面覺得好唔舒服，同埋其實因為我自己好自卑，佢差唔多識嘅女仔都係band 1，自己根本都唔係嗰個圈子嘅人，總係覺得自己好似一個外人…🥲😭😭 我想問吓係唔係我真係好霸道，定係個個女仔都接受到自己嘅男朋友同其他女仔凌晨call住瞓覺？🥲🥲（希望大家可以俾啲意見我可以點樣做🥲🙏🏻 第一次投稿，可能有啲1999，唔好意思🙇🏻‍♀️🙇🏻‍♀️ Admin pls post ig thanks🙇🏻‍♀️

#NSS其他 [Guest] 呢個post可能有小小無聊 但我想做個意見調查 🙂 請問你哋覺得無印/zebra sarasa 邊隻筆好用D 同埋可唔可以講下佢哋嘅優點決點 因為我見到身邊啲同學大多數都係用呢兩款筆 所以好奇邊款係有人氣啲 Thanks you !