#NSS社會 [GUEST] 動物議題隨筆 近來倉鼠同野豬嘅相關議題成爲大衆熱話，甚至係知道嚟啲事嘅人多過知道烏克蘭局勢嘅人。小弟希望可以在此表達一下自己嘅看法。第一，係媒體及某些人嘅鼓吹下，唔少人產生咗人類唔可以傷害任何動物來得益嘅看法。當然，我唔係話野豬會滅絕人類或倉鼠真係會大規模傳播武肺，只係唔少人都似乎認爲傷害其他動物而令人類得益係非常錯。舉個例子，係絕對二選一嘅情況，絕大多數人都係會揀返人類，但係點解係依個情況又會有動物>人嘅看法？當然，會有人反駁話並無必要，但係必要與否又有無重要性？傷害人當然要睇下有無必要性，因爲每個正常人嘅價值都係天文數字。咁動物？在小弟看來係唔傷害該動物以外嘅其他有價值事物嘅情況下，該動物而只係該動物嘅價值大部份情況下係小到可以犧牲俾人類嘅近乎任何實則益處(注意，唔包含任何非理性，無意義嘅娛樂，縱容非理性無意義係好危險嘅事)。而例外通常係一物種嘅僅餘少數(白話即係瀕危物種)或該物種對生態環境有巨大貢獻或他人財產，物種滅絕係現時不可逆嘅，隨便做係不智，有啲物種例如係植物亦對生命嘅延續有不可否認嘅重要性，而他人財產更係大家都明(人哋嘅寵物)。咁可解佢哋嘅價值咁小？其實諗深一層，就會發現的而且確係咁，你幾時見過佢哋除咗傳宗接代之外有咩貢獻？係生命延續上，難道植物同人類唔係更有能力咩？而野豬及倉鼠(主人已經自願放棄，並唔係寵物)正正係最適合嘅例子，佢哋嘅死比生更有意義。且慢，有人亦會執着於〝殺生〞二字，如果係咁，唔好再食肉，有動物攻擊你都唔好反抗，嚴厲反墮胎嘅人被討厭係有原因㗎，奉勸大家遠離絕對原則，多思考多分析，而且上面亦表明咗殺野豬殺倉鼠係利大於弊。且且且慢，同理心？小弟看來同理心(明白自己都會犯錯，因而唔急於嘲笑或懲罰)同寬恕一樣，係爲咗避免做得太絕而失去一啲未出現嘅價值。例子就係再生犯人(爲咗唔好令你哋覺得我係冷血果斷嘅，其實我係非常支持再生並寬恕犯人，假如佢哋唔再危害社會)，表面上我哋係基於同理心而協助佢哋，深一層係唔放棄佢哋之後帶來嘅價值。咁野豬及倉鼠呢？好無奈地，佢哋無能力帶來更多嘅價值，同理心自然唔適用。總結，人類唔可以傷害任何動物來得益嘅說法只係媒體利用大衆情緒賺錢及少數野豬及倉鼠嘅終極粉絲保護佢哋所愛而無所不用其極嘅說法，假如你唔係365日都要屌人或對野豬及倉鼠有奇怪癖好，我希望你哋放棄仇恨(唔係講更正苦，繼續屌thx)，尊重其他人務實嘅選擇。第二，即使你真係基於某啲理由(亦希望可以同你討論)而不敢苟同，花時間係此等小事亦都唔明智。此話可解？因爲係依個世界上真係有好多更值得關注嘅人道危機，疫情，難民，氣候變遷(遲下都可能寫隨筆)，而且烏克蘭都就快全面戰爭喇，塔利班仲係到搞緊阿富汗嘅人民啊，更加唔好提北方嘅鄰居啦，執着係啲野豬倉鼠真係好撚無用啊，唔好曬時間啦，令更多人真係知道世界各地嘅危機啦！真心，野豬倉鼠嘅命真係比人類嘅延續重要？第三，小弟真係唔撚明人道處理有幾〝諷刺〞，安樂死仲唔人道(僅限動物，尤其係馬會啲馬)？ 完 小弟淺見，希望可以同大家多啲討論，bye!
#NSS學業 [五旬節中學] 臨近中五drop 科， 小弟我有好多問題同顧慮，問咗身邊好多人，問咗好多人都係好矛盾。 我而家讀緊BAFS Econ 西史, 但係econ 西史 冇乜心想讀, 西史成績還可以，chur盡嘅話可能有5, econ完全唔得,再努力都係得3 or 4 ，所以我唔知drop邊個好。 BEST5 當然係bafs 同西史，容易俾我湊高啲分，但係上到大學佢哋又好似冇乜關係？ (暫時未知大學想收乜)，。 bafs econ 好多人嘅選擇, 上大學都好似比較容易揀到科， 但係我讀唔掂(但係有可能係drop世史之後有咁多時間操)。
#NSS學校 [CFSS] 校長為咗恢復全日面授課而無惡不作 冇錯，又係伍淑清中學（因為間學校真係有好多問題）我希望大家可以知道校長為咗谷針可以去到幾盡。因為我哋學校21日宣布全校啱啱好夠70.0%人打針（651/930 真係冇多冇少，啱啱好70%）所以全校可以恢復全日面授課（雖然兩個鐘後推翻咗） 一、不停地洗你腦。何迪信校長由開學禮嗰一日第一句就係叫你地去打針，佢一共用咗成十幾廿分鐘喺度廢up，又話唔打會點點點，打咗會點點點。好似打完會百毒不侵咁樣。之後每次升旗禮都叫你打針，話半日課浪費時間之類。 二、Email轟炸你。學校IT部門痴線到整咗個website，專門記錄學生嘅打針情況。佢知道你冇打就會每個星期炸你一次機，叫你去打針。其後何迪信校長會係升旗禮鬧唔打針係好不負責任。 三、道德綁架你。何迪信校長會係升旗禮讚美支打針係一件好事，唔講仲以為賣廣告。然後鬧你唔打針係好不負責任，會對社區及學校的人士構成威脅，然後仲話你搞到人哋失去左寶貴嘅學習時間，務求令你難堪。 最後，我真係好討厭呢間學校，希望多啲人知，多謝。
#NSS社會 [guest] 係討論交唔交倉鼠殺唔殺倉鼠之前不妨諗下點解會出現呢個問題同埋有冇其他解決方法。 首先倉鼠嘅病毒係Delta病毒，而唔係omicron病毒，而呢種Delta係巴基斯坦籍女子帶入黎香港。而傳播地點係隔離酒店，原因係因為通風系統吹左d病毒去隔離房。所以搞到去左嗰度隔離嘅人由冇病變有病！經過不斷傳播之後再去左倉鼠度。係睇完件事點樣發生之後，究竟政府點解唔諗下解決左隔離酒店嘅問題先？呢個已經唔係第一次因為通風系統問題所以係隔離酒店入面傳染㗎啦wor。源頭你唔解決，ok fine 你無能唔係第一日。 咁討論返目前問題，對於有「傳播風險」嘅倉鼠政府選擇收集再人道毀滅嘅方法。首先到底會唔會傳播到俾人類已經係一個問題。okok我當你真係傳染到啦，解決呢個傳播風險可以有唔同方法，例如將倉鼠收集搵個地方隔離，雖然成本會俾直接人道毀滅高，但搵地方隔離d倉鼠真係咁難咩？我自己養過倉鼠，我明白倉鼠要分籠養，但2000隻倉鼠嘅命，唔值得你投放時間心力咩？擺水，定期放糧清籠，有咩問題？生日party都可以放返出黎自己行街咁高風險之下，著套保護衣入去整一整唔會好浪費時間姐？有一個可以保存道德而且成本比逐一檢測更合理，點解唔用？ 唔交倉鼠人係值得respect，佢地願意將寵物當為家人，唔放棄佢地，將佢地視為有血有肉嘅生命。動物有平等同埋更加平等，係我同意，但人類有bias都唔係第一日啦？再者，我覺得交唔交倉鼠係應該從責任角度考量，而唔係因為人類更重視自身利益就要體諒佢地。 體諒佢地冇錯，不過體諒甚至認同一個咁自私嘅行為，體諒嘅人都幾有趣，更加唔好講個d將倉鼠由10幾樓dum落街嘅白癡。 sorry for 1999 （有錯字請見諒 Orz） thank you admin Orz
#NSS家庭 [GUEST] 小妹有個問題 是咁的，我阿妹今年P.4 之前我借我阿妹部iPad search 嘢時， 見到佢個瀏覽記錄有睇《回復術士的重啟人生》…(我承認套野的確幾好睇) 當下我直接呆左， 心諗：wow，阿妹你唔睇其他動漫，偏偏睇呢套(′ʘ⌄ʘ‵)( ̶睇̶嚟̶阿̶妹̶都̶有̶慾̶望̶(≖w≖)✧) 事後，我一直諗緊應該點做好， 話俾父母又太誇張， 會唔會當冇咗件事好？但係我又驚佢個價值觀被教壞( 始終《棍勇》每集都do❤️，而佢只係P.4，驚佢覺得男主多人P係一件正常/沒問題嘅事) 會唔會陪佢睇/ 同佢坦白我見到佢瀏覽記錄，然後同佢講返入面男主角做嘅嘢係「打咩」 希望大家俾啲意見我🙏🏻
#NSS學業 [某 band1 名校] 小妹今年f3 英文成績中 話說今年好多香港人走左去外國，因為我唔想讀中文同考dse，所以唔想繼續留喺呢間學校，於是我就同我阿媽講左我想去外國既諗法，佢一開始都贊成。直到琴日我阿媽同我講，佢話屋企經濟資源有限，話一係就讀國際學校然後去外國讀大學，一係就讀外國中學然後返黎讀大學。我原本係想讀完外國中學繼續讀外國大學，搞到我成日都係度發呆諗呢樣嘢。我之前同外國人相處都融洽，壓力都無咁大，但係一諗到要返黎讀大學就。。。我想問定國際學校啲人nice唔nice 同埋係咪成日都要講英文（小妹溝通能力為0/人緣唔好）同埋我都唔知點決定，因為如果中學讀唔好都咪諗住自己會讀啲好既大學所以我會傾向讀外國中學但係我又想讀外國大學 認真決定唔到 真係好苦惱。 Sorry for 1999
#NSS學業 [GUEST] 呢位miss對我影響真係好大 小妹今年F3，鍾意左一位女老師三年，我地相差11年。中一中二佢教我英文，亦都係我班主任。自從我中一開始follow左佢ig之後，唔知點解就開始對佢有好感。一開始以為自己只係普通對老師嘅仰慕同欣賞，最近先開始慢慢feel對係真係鍾意佢，先知道原來自己係bi。 我知道自己同佢一定冇可能，之前同佢傾計有傾到過師生戀，佢係完全接受唔到，仲有留意佢平時嘅興趣愛好，知道佢應該都係鍾意異性嘅（btw佢未有男朋友，所以一直將呢份鍾意放係心底，一直同佢保持著朋友嘅關係。 因為我地有共同興趣，所以都幾傾得埋，feel到佢都幾鍾意我呢個學生，平時有野搵我幫佢做。 自問英文不嬲都唔好，小學個陣幾乎冇合格過咁濟。中一中二個陣佢教我英文，我真係可以好努力咁努力咁去學，知道自己基礎差，所以日日係到背vocab學英文，都係希望自己可以係呢科攞到好成績比佢睇，當時英文真係開始慢慢有進步，去到學期尾攞咗個頭三。當然唔單止係英文科，其他科都一樣，因為佢係班主任張成績表始終都要過佢手。 而家F3，要面對揀科。咁今年佢冇教我啦，我發現自己慢慢對讀書失去左熱誠，原來以前嘅自己真係係為咗佢而努力讀書，想係佢面前展現自己。但係佢今年冇教我真係完全冇曬動力，越嚟越懶。有朋友建議我得閒揾佢傾下計，希望咁樣可以比到動力我，我試過但完全冇用，畢竟佢已經冇再教我，相信佢見到我而家嘅成績都定係失望，唉。知道F3呢年好重要，所以希望各位大大可以係呢方面比到意見我，我真係好鍾意佢，佢真係我動力來源。 sorry for 1999🙏🏻🙏🏻🙏🏻🙏🏻🙏🏻🙏🏻
#NSS學校 [CFSS] 校長用迪士尼去谷人打針，夠數就走去取消，當學生係condom 眾所周知，早前NSS已經有幾個post講我哋學校冇得去迪士尼。呢啲事我就唔再多講啦。今日，我就嚟講吓校長用迪士尼谷針呢件事。 相信各位都知道，迪士尼將會只接受打針人士進場，咁嘅話為咗去迪士尼就唯有去打針啦。因為迪士尼嗰一日係計上學日，如果唔去就計你曠課記缺點。 呀校長就係知道我哋會因為去迪士尼呢個誘因而去打針，所以就決定舉行去迪士尼一日遊。並從中谷針，希望盡快復課。所以所有事都係喺校長嘅計劃之中。 而1月初，校長最期待嘅日子終於到。學校啱啱好無多無少夠7成人打咗針（651/930）所以校長就走去「延遲」迪士尼並申請全面復課。我地班學生就做咗condom，遭到遺棄。 我心諗，如果你哋係教得好，一定會成班人仆去打針為咗上堂聽書。你冇需要用到呢啲揦鮓招去谷人打針。我希望校長叫人打針之前，諗下自己係咪教得好會令到班學生自動自覺去為上堂而打針，唔係出迪士尼學習日去叫人打針囉。 有鑒於之前有人問校長IG，佢IG為「dicksonho4」。不過佢係唔會用佢嘅IG account，基本上係contact唔到佢。要搵佢嘅話就去佢Facebook搵佢啦。