#NSS學校 [GUEST] 大家好。事緣喺學校我有四個朋友，我同a就friend啲，b同c同d就friend啲，咁近呢一年我地四個就一齊玩，但係就發現問題越嚟越多。 其實一開始都幾正常，我地四個都玩得幾開心。但自從幾個月前c同d先後移民走咗，得返我地三個，b就開始變得無理取鬧，當放學或者放假約我地出嚟，即使我地解釋話屋企人唔比佢都照鬧我地同黑面。又或者請完我地食野之後我地做咗啲咩令佢唔滿意就開始話我地唔識感恩（佢嘅意思係我哋應該聽佢話之類之類 仲有因為我同a比較friend，所以佢就成日痴埋嚟撞開我拉走a。仲有次趁我唔喺度叫a同佢出去玩，不過好彩a冇去，最後都同我講返 我有同a傾過，但好似都冇辦法，問過c同d點算佢地都話唔知。我地都冇勇氣同b當面講呢個問題。求comment有冇咩辦法？
#NSS個人 [GUEST] 想問下大家點睇我呢個決定 最近我遠離咗一個由小六識到而家中四嘅frd 事關佢有啲唔尊重我 每次同我出街或者食飯都會同佢男朋友或者男仔frd call住 甚至係video call 基本上佢同call緊嗰個人講嘅嘢多過同我講嘅 由識佢嗰時已經係咁 但係啱啱識嘅時候唔係太熟 所以我就忍咗去 忍下忍下 就忍咗幾年 當然有啲嘢忍得一時 忍唔到一世 之後我有同佢講過呢個問題 但係佢居然話同屋企人食飯都係咁 唔覺有咩問題 聽完之後我成個人呆咗 仲過分嘅係有一次我同佢食緊飯嘅時候 佢突然間話佢男朋友到咗 想佢男朋友上嚟餐廳坐 唔好咁辛苦係出面等佢
#NSS個人 [Guest] 求Admin post🥺 好啦是咁的，小妹04，政治立場係黃嘅。但係我係王嘉爾嘅fans，睇到呢度你哋應該想屌我，我曾經都有想退過坑，但係最終都係忍唔住繼續追。 我係喺大概2017尾18頭嘅時候，喺嗰陣時佢好似我嘅生活支柱咁😭。即使到而家我都係想像唔到如果我嗰陣時冇咗佢我嘅生活係點。嗰陣時發生過好多唔開心嘅事，每次唔開心嘅時候，我都會聽佢嘅歌，睇佢嘅綜藝，佢喺我嘅生活裏面真係有一個好重要好重要嘅位置。 咁大家都知佢之前社會運動嘅時候表咗態，其實嗰陣時我都估到，所以我嗰陣時只有少少失望，曾經我都有想退坑，但係退坑嘅原因係因為我啲friend都知道我係佢嘅fans。自從嗰件事之後，就不停喺我面前串佢同鬧佢，而且唔似以前咁樣同我玩，有一排覺得追佢真係好攰，甚至唔敢同人講我追佢。 但係到最後我都係會入返坑，就咁樣重複咗好多次。 所以到到最後，我想問如果大家係我會點算，會繼續追佢定係強迫自己退坑。仲有如果大家係我嘅朋友，知道咗自己嘅朋友有追同自己政治立場唔同嘅藝人係咪會真係好反感😭。 （唔該晒Admin！🙇🏼♀️）
#NSS學校 [SSC] Re #NSS220108G 學校旅行去主題樂園有咩唔好 唔通你想去錦田一齊去食草？ 其實ih 教維尼係迫住要做 佢教ih 唔係英文不如唔好嘈 因為你連「離」字都寫唔到 英文老師當然除咗英文就乜都冇 英文堂講廣東話梗係罰企啦大佬 既然你咁勤力點解寫文唔操數 其實陶大宇係邊個冇必要知道 如果真係有人吸毒你咪搵校長報告 WiFi 咁慢咁你快啲去投訴 依個世界冇野完美正如你EQ唔高 貧富懸殊嚴重咁你叫人比錢平均分佈 希望你快啲畀到唔好天橋底變老 可能你畀到就光宗耀祖 知道咗校長住邊你有咩意圖？ 係咪想日日上校長室搵佢抱抱？ 日日見到殘體字就為你哀悼
#NSS個人 [XXXX College] 我係一個「恐怖情人」 – 我知呢個標題可能會引起各位嘅輿論 但係希望大家可以睇完之後再屌柒我 – 我第一任 亦都係初戀同唯一一任 同我分咗手就快半年 但係直到今日 我都仲係放唔低佢 我本身有抑鬱 食咗就快兩年藥 咩咩咩（費時ig del post）呢啲少咗嘅 不過仍然好容易有負面諗法 最嚴重嗰次差少少路都行唔到 過咗幾個月都未淡化 當時嘅我成日用🐑嚟博取佢注意 導致佢會覺得我🐑係因為佢 我好愧疚 但係我唔知我可以點
#NSS愛情 [YHT] 少長慎入 我由上年開學到而家都一直鍾意緊你，喺呢段時間入面，我同你喺埋過一齊，可以叫做擁有過你，但係我估唔到，你竟然係個咁嘅人，因為新鮮感呢樣野就要同我分手。你知唔知我有幾唔開心。 本身我都以為自己放低咗你，但係我發現，我根本就冇，近呢排，喺補習社再見返你，我先知道我仲係好鍾意你。 我幻想過無數咁多次可以同你喺返埋一齊，但係我知道冇可能㗎啦，而家只可以眼白白望住你鍾意第二個，我亦都知你有follow呢個page，我希望，點都好啦祝你可以同佢喺埋一齊，如果你會想同我喺返埋一齊，我一定會喺度等你，唔好成日飲咁多酒，對身體唔好。最後，祝你永遠幸福。