—類投稿

#NSS家庭 [一個band2中學生兼鏡粉] 講明先我係一個鏡粉 我想講我覺得我家姐好睇唔起我 (其實仲有啲事令到我覺得佢睇唔起我) 例如 中秋節嗰晚唔知我老竇咩事無端端同佢講話我想買部相機跟住佢就講咗一句佢買相機都係影mirror咋嘛 咁即係你覺得我冇資格買啦 我相信唔係鏡粉嘅你一定覺得佢咁樣講係冇錯 但身為一個鏡粉都想要影張靚靚嘅飯拍見到真人啫 咁都有錯 如果唔鍾意佢哋排通宵做乜 其實佢自己都有部相機㗎囉佢自己都唔係專業攝影師囉佢又唔係成日用囉我唔明點解佢話我囉 你用相機就得我買部相機就唔得 你喺背後講都算啦問題係你係我面前講吖嘛 其實真係無論發生咩事都好我都係好鍾意佢哋對佢哋嘅付出都多 淨係想要張靚相啫但係點解都唔得 有時候身為一個冇咩飯拍既人見到好多人都有靚靚嘅飯拍自己就冇 都好想自己有好多飯拍 自己凌晨起身去排隊我覺得自己都有付出呀但係好似咩都冇咁 想買一部可以影到真人嘅相機都係一個錯誤嗎? 其實我真係好想講一句我真係好撚愛mirror 唔愛mirror就唔會咁大付出 最後雖然佢唔體諒我追星如果佢見到呢個post我都想同佢講一句我真係好鍾意好鍾意mirror而你又知唔知我嘅鍾意係有幾大付出有幾大 而且我冇笑你冇睇唔起你希望你唔好睇唔起我覺得你買部手機冇問題我買部手機有問題

#NSS學業 [Guest] 本人係一個band3嘅中二學生，由小一開始成績就比其他同學差（或者當時唔識得咩叫做讀書）一開始阿媽都幫我報咗好多補習班，但係英文同數學都係徘徊喺合格邊緣，小二嗰陣我個班主任懷疑我有讀寫障礙，叫我阿媽帶我去驗下 點知真係有（唔係最嚴重嗰隻 我算係中間）有嗰陣開始，阿媽覺得我點谷成績都唔會好得去邊，所以佢開始冇咁谷。 三年班嘅時候我阿妹出咗世，我阿媽又冇乜時間照顧我學業上嘅問題，有嗰陣開始我默書有又乜點溫，考試都係幾日前先溫下，一直拖拖到第二次呈分試，我開始知驚 但係又唔知由邊度入手溫返以前啲嘢，嗰陣阿媽叫我盡量溫 最終考到勉強合格（即係六十幾分嗰啲） 跟住又有疫情，我又冇專心上堂 所以我嗰年冇進步過。。。 最終我入咗間band3學校（因為疫情取消咗分班試,所以係隨機分班~可能我係最廢嗰班啦~），中一教我嗰啲老師完全唔得 特別係嗰個sa姐 佢唔係好識識教書，我同幾個同學都係自學 ，最後中二升咗次好班（其實所謂嘅次好班只係啲人正常啲真係讀書） 有一日,我諗緊 我咁廢到時應該搵唔到咩工做 有諗過考紀律部隊，但係要dse五科合格 大家覺得我而家開始努力dse會唔會五科合格呢？ 如果而家開始努力讀書，可以由邊度入手同點樣去溫呢？ 仲有,大家覺得band3學生dse有冇可能考到5副合格呢? 小弟第一次投稿，如果句子不通順或有冒犯 請見諒

#NSS學校 [大埔某間綠色校服嘅中學] 呢間學校呢真係乜撚嘢都戇鳩㗎 全撚部都係煲冬瓜人 遍布f1-f6 一落樓就係聽到各種嘅煲冬瓜 連啲老師教書有陣時都會寫殘體 之後仲會喺禮堂宣揚殘體字的文化 話殘體字歷史悠久過繁體 之後乜撚嘢都要用煲冬瓜 連宣布都用煲冬瓜 之後啲人又個個喺度玩抖陰 喺IG打殘體 真係好恐怖 有時仲見到有啲香港人為咗迎合啲煲冬瓜人走去講煲冬瓜 之後而家疫情又嚴重咗呀嘛 仲要繼續喺學校返全日食飯 依家仲搞返個課外活動 真係我唔知啲老師有冇腦 定係佢哋斷咗網唔知而家疫情爆返🤣依家學校有條友仔係密切接觸者唔知有冇嘢 而且仲要唔知係咪喺學校食埋飯先至走人🤣一陣間條友原來真係有嘢 真係多得班老師校長唔少

#NSS家庭 [Band1c] 我今年F3 ,有一個阿妹，咁我同佢同一間房，有一個勁煩嘅老豆。每次我放一放少少嘅都話我，又唔得。特別係星期六日，唔出街佢又成日係屋企攞嘢嚟話人，有時仲要將我間房搗亂，要我由頭到尾執嘢，每次我執嘢又話執完仲亂過冇執，佢又唔知，其實阿妹嘅嘢仲多過我，每次都覺得佢執得好整齊，每次阿妹做咩都啱，我做咩都錯。真係唔想再理佢，都係好煩。真係好唔想理佢😡

#NSS學校 [元朗豐年路某中學] 小妹form3黎緊下個星期三考完試，跟住咁啱學校接種率有70%，跟住星期四立刻全日復課。我想講嘅係啱啱考完試畀啲學生唞下得唔得。但係宜家啲疫情又嚴重左，好多學校已經取消左，佢偏偏反轉要全日復課，完全唔理解，相信冇幾耐都要停課架啦，意義係咩姐？

#NSS其他 [GUEST] halo，想借NSS呢個page幫手搵一個ac，之前睇過個ac但無fol，宜家想搵翻。個ac係講關於情侶偏18+(應該)，重要係一隻粉紅色兔仔同一隻啡色熊仔係主角。 唔該曬咁多位🙇🏻‍♂️

#NSS學校 [guest] 真心覺得比同學利用好辛苦。明明我係小學無做錯事，同學就要排擠我，真係好難受

#NSS愛情 [guest] 我鍾意咗你好耐啦 小妹我今年都係我認識你嘅第三年 你有時候真係好可愛 有時候又有型 我地都係frd 雖然我知道你係雙 但我講唔出口 我驚因此破壞咗我地嘅感情 但我有時候見到你 真係好想直接攬住你 有時候你都會攬下我 又一齊傾計 我有時候都懷疑 會唔會係雙向嘅愛情呢 不過我又冇咩吸引嘅 我又唔係個靚女 但我都想我地可以一齊 我見到你就好開心 但我唔知道你會唔會唔接受我 但我真係好愛你架 sorry for 1999

#NSS學業 [女校] 電腦科真係好難:) 上年F.1因為停課唔使考,今年F 2先知慘 話說前幾日睇history嗰陣我已經夠想死,結果而家仲要加多科電腦,嗰啲電腦簡稱同history嗰啲人名係差唔多級數嘅,要背嘅數量可能仲多啲,我背到就嚟死都分唔清嗰啲簡稱邊個打邊個,個老師仲要上堂都唔知有冇攞嗰本書出嚟一次,有冇咩可以容易啲記嘅方法:) Sor for1999

#NSS學校 [唔想提供] 中史要點溫？ 唔知道要點背，記唔住！！！