#NSS個人 [旺角某Band1名校] 最近考試到來 發現很多人的IG動態都是只要你轉發這條動態…你的成績就會提升 我覺得比較煩的是，如果你看見了，你不轉發，你的成績會一落千丈等等，這種類似於「詛咒」的話語其實是會讓人很不舒服 如果你只是單純求一個好兆頭，那你去轉發我覺得沒所謂，但是如果是那些後面帶著，如果你不轉發，你會怎樣怎樣之類的話語，其實是很令人所反感，所憎惡。 其實是最近考試突然出現的比較多，但平常也有，說：我把你當朋友，所以我把這個轉發給你，還説如果你不轉發給我或者轉發給其他人，就代表你怎樣怎樣，還說晚上會被鬼爬上床，而轉發夠15個人你就會有好運到來。 但其實你寫了這麼長的一篇「廢話」，是想表達什麼呢？或者說你是想要得到什麼？或者帶來什麼？ 是為了讓自己所寫的話流傳下去嗎？讓更多人知道來獲得所謂的虛榮感？而為了讓更多人轉發你，選擇去寫一種類似於「詛咒」的話語。 我可以一生平平無奇，我也不需要好運加持，我覺得我的命運該是這樣就是這樣，不會因為你所寫的文章而去改變，也不會因為你的「詛咒」而令我的生活出現不好的事。我自問我並不相信你這些所謂的「詛咒」能影響到我，但我不是那些高尚之人，我既不是人們口中的「蓮」亦不是「菊」，蓮在俗世中保持高尚，菊則隱世飄逸。即便我不把你這些話放在心裡，我也會被煩到，會被你這些讓人憎惡的語言所煩。 或許你寫這些「詛咒」是無心所為，亦或者是跟隨之前的人繼續這樣寫下去，無論如何我希望口中積德是每個人都應該做到的。 有心或無意 誰又能分得清，在我的角度我的眼裡你或許就是在詛咒我，給我帶來了負面情緒，誰會知道你到底是無意之中所做的事情？當你被人發現你就是寫這些所謂的「詛咒」的人時，當你百口莫辯的時候，當你對於事情的把控已經無能為力的時候，你又該怎麼辦呢，難道是寫更多的詛咒去詛咒別人嗎？無心之人也會變成有意 其實我也不明白我寫這篇文是想表達什麼，就是有時候想抒發一下對於這些事情的感覺，我不是在禁止任何人去發那些東西，只是那些帶有類似於詛咒的東西的事物時，我會覺得很反感，請不要再發或者去寫類似的文章，可能跟我一樣，對於這些事情感到噁心的很多，請亦希望不要再寫，再去散發類似的文章。 當你在節假日開開心心的放假，看到這些讓人感到厭煩的文章，心情真係大打折扣🙄 本來想發在個人動態，但是覺得自己影響力太低，或者發出去根本沒有人看 Sor for 1999
#NSS學業 [SXCC] 🥲純粹發洩 小弟中文少差請見諒。 話說舊年中三，由於自己文科極差，一心就諗住揀理科實冇死啦，舊年phychembio 好似唔使用腦咁滯，我就投入理科嘅懷抱。哇點知佢地好似啲渣男咁，溝到你就反面，舊年簡單到痴線啲optics heat今年mechanics死到阿媽都唔認得，無啦啦條友就掟舊嘢上去個天空，跟著題目問我佢個force？？？phy就搞到我禿頭，聽日考試，凌晨三點嘅我對住檯面上一大堆pastpaper風中凌亂，一把風吹跌晒啲notes，我差啲崩潰到喊出來，雖然其實考的都ok，但真心勁崩潰，係到奉勸各位f3 bbs咪揀phy，好似賊船咁，會後悔莫及🙏🏻 chem同bio好少少🤏🏻，但都真心伏，如果有興趣嘅f3同學記得睇吓下年啲書感受下你同佢之間嘅羈絆先好揀，（唔建議揀全理，我嘅頭髮數量用緊9.81ms-2嘅速度消失緊😩
#NSS個人 [Guest] 小妹近排有個煩惱希望大家解答下:'( ［A係女仔］ ［喺對話入面我用「」表示,A用“ ”表示］ 我同A係喺小學二年級識嘅,識到而家都差唔多10年, 升到中學大家都讀咗唔同嘅學校,但仍然keep住有聯絡同約去街。 因為最近疫情少咗出街所以我哋得閒都會傾下電話,而件事大概係由我同我frd A講咗我係bi開始 嗰日傾電話,講起LGBT嘅話題 佢問我“如果有個女仔同你表白咁點算?” 我半講笑咁話「如果我對對方有好感而佢又鍾意我咁試下一齊都可以呀」 佢沉默咗一陣之後話“..乜你原來鍾意女仔?” 我答「我其實覺得性別冇乜所謂,最緊要係自己鍾意,如果非要用一個標籤去標籤自己,咁我應該係bi」 “哦..咁我應該都係bi” 然而.自此之後唔知係咪錯覺,佢..好似暗示緊我? e.g.有一次call嘅時候 佢突然間話“好想要男or女朋友啊..只要唔驚曱甴識打昆蟲就做得,你要唔要試下” 我講笑咁話「雖然我係唔驚但點解要答你,有冇人工㗎😕」 佢邊笑邊答“bf gf邊有人工㗎,一做就成世係我嘅免費勞工嚟㗎喇,但友情價畀翻啲報酬你又點話” 「咩報酬 錢?」 “梗係我呢個經過每日運動訓練出嚟嘅完美body啦”
#NSS家庭 [屯門某學校] 小妹今年15 F4 單親家庭長大，只有阿媽、一個細路。媽媽好多時同男朋友同居（要返工），我哋自己姐弟阿婆住。 係我好細個嘅時候（4歲？），就已經知道自己冇爸爸，原因都知道，但喺兩三歲嘅時候，都有每一個暑假見爸爸幾日，我有曾經問過細佬你鍾唔鍾意爸爸，但係佢曾經明確講過佢唔鍾意（只鍾意媽媽）［依家有讀書知道點解：戀母情結］。而媽媽都係我大概P1/P2搵到一個男朋友，嗰陣時都成日見，都好鍾意嘅（唔知點解）。 直到大概P3/P4嘅時候，有一次四個人一齊搭輕鐵，媽媽突然講一句，你地可以叫佢爸爸。我細佬欣然叫咗一聲爸爸，但係我感到好反感［可能因為曾經戀父情結對象唔係佢］，呢件事完結左。佢就唔知點解消失咗（應該只係我唔知原因）。 喺我F2嘅時候，佢又出現咗，唔知點解，我發覺自己真係好唔鍾意佢，但係礙於媽媽，我冇表現出黎。突然之間？媽媽同佢話想同居，所以而家住埋一齊，但係我成日都覺得好尷尬，一齊坐會尷尬、單獨兩個人都會尷尬，所以我會努力避免呢種情況。 直到而家，睇得出佢為呢個家付出好多（真心慳家，但係有時我都唔知讚定彈），就喺我F2升F3暑假返咗阿婆嗰度嗰陣時，應該係因為《愛回家》（熊尚善同潮偉關係嗰段戲）阿婆突然問咗一個問題「如果你媽媽諗住同男朋友結婚咁點，你支唔支持？」我估吓心裏邊好驚，但係冇表現出黎「佢鍾意啦」喺一個模棱兩可嘅答案。 但係我真係唔知點樣回答，佢突然再出現返我真係覺得好反感，即使同居該其實我都唔鍾意，真係唔知點樣對住佢，成日都喺度諗反感嘅原因，有冇人試過有同類情況？直到宜家都係好驚佢哋結婚，「爸爸」我真係叫吾出。 ps.我哋屋企必須要尊稱長輩，結咗婚一定要叫清楚，如果唔係會俾人鬧