#NSS學校 [CSWCSS] 唔知大家學校嘅校工叔叔同姨姨nice唔nice呢？我哋學校以前嘅校工就好nice嘅，放咗學又會同我哋打下波傾下偈，有時仲會請你食下嘢，我好記得F1嗰陣啱入嚟，有次發燒去咗校服處坐等家長接，啲校工超級nice，睇見我發燒仲特登斟熱水俾我飲，但係佢哋依家大多數都退晒休走晒。反看依家新請啲校工，佢哋真係少惡，有次喺canteen食飯，我將啲有盒裝住嘅醬汁放喺臺度，但係啲校工叫我唔好放喺臺面，話等陣我會整污糟又唔抹？當時我黑人問號咗，心諗又冇整污糟，咩料。可能我真係有機會整污糟 ，但係有次我去廁所，喺度痾緊尿，有個校工姨姨突然衝入嚟叫我快啲出去，話要洗厠所，大佬啊男厠咁樣入唔係幾好喎，雖然我知你係要洗，但你可唔可以confirm喺有冇人先，可能有啲人會話校工唔係為我一個人服務，但係我想講，起碼都要尊重下我哋學生囉。 sorry for 1999
#NSS個人 [guest ] 我朋友圈唔算大，個個friend唔係咁熟，得一個真係best friend(我哋兩三年日日都講好耐嘢），最近佢識咗新朋友，我唔好意思阻住佢哋 我嘅cf佢哋都有自己嘅frd group，一齊時好尷尬而且唔知佢哋當唔當我係有惡意埋佢哋身搶朋友，有時見到識咗好耐嘅朋友佢同啲”popular girl”一齊會當唔識我咁，好尷尬 其實我想知點樣識朋友，我個人唔係咁鍾意社交， 覺得識太多朋有好攰，好難識真真正正明白對方嘅朋友 聽我嘅朋友講佢都係扮嘢識人，但係見學校（女校）啲人係手拖手，又唔似佢哋係假嘅 我純粹想問下你哋對朋友嘅定義係咩，係咪得我識嘅（所謂）朋友先係咁
#NSS家庭 [GUEST] 有關啊爸出軌嘅事 五年前（我小六時），因為啊爸唔記得帶電話返工，喺我好奇之下我撳咗佢電話嘅訊息 （因為不停咁響）一打開WhatsApp 就見到一啲曖昧對話，佢哋互相叫大家「宝貝」 （係用簡體字）、仲有勁多個😘😘😘。我嗰陣勁嬲，所以之後一直偷開過佢電話幾次，每一次都見到佢哋flirt. 一直以來都覺得佢好核突，好憎佢。我有時搭車偷望，見到佢同呢個女人講「親，小心冷親」，但係從來冇同過我阿媽講，每一次仲要之後即刻delete conversation, 嗰下更加確定佢出軌。但係呢幾年來好想同阿媽講，一直都出唔到聲、好驚冇咗屋企。 今日我地一齊食飯，傾傾吓計，我阿媽話呢一世人一定唔會出軌，我嗰刻真係好對唔住佢，因為自己冇膽， 而隱瞞左我啊爸出軌嘅事實，我真係好差，唔想面對我阿媽。 知道呢個故事有啲荒謬，但係我真係好好好需要大家嘅提議，教我點同阿媽講，我真係唔想忍落去。 (其實我有個家姐，但我連佢都唔夠膽講，我諗講到俾佢聽，成件事就永遠快啲解決） Sor 1999 真係希望大家可以俾建議我，thank you. Admin please po 🙇🏼♀️
#NSS愛情 [油尖旺Band 1中學] 我之前比一個男仔friend表白 但係嗰陣我對佢冇feel所以我拒絕咗佢 但係再同佢相處耐啲發現其實佢好好人 我好似有啲鍾意咗佢 但係我擔心我只係因為新鮮感 唔想耽誤人哋 同埋我唔知佢仲鍾唔鍾意我 所以我應該點好 繼續做好朋友定點 求指教😢🙏
#NSS愛情 [GUEST] 長文慎入！！！ 小弟今年考DSE，平時要應付補習同補課，少咗時間陪女朋友，但係每次要忙嗰陣女朋友都會嬲，佢自己今年都要考DSE，我有叫佢讀書，但係佢都唔聽我講，就係每次都會嬲，要我氹佢好耐先冇事。 佢本身唔係一個成績好好嘅人，但係佢話自己好重視DSE，但係又唔見佢有下苦功溫書（每次我忙緊佢就係打機煲劇），我想溫陣書，同佢FaceTime 溫，佢都會嬲咗我，話我已經出咗去好耐（2-3個鐘）返到黎仲唔陪佢。但係我係真心想讀好書嘅，我都好想佢會同我一齊讀書。 我叫佢出去補下習去補底，佢每次都係敷衍返我，話之後會去報，結果講到依家，淨係報咗1科，我自己仲會間唔中會教吓佢啲中英數（係我見到佢成績唔好，想幫佢所以先教佢），佢係聽聽下就會拎起手機玩，仲要好少會抄低我講嘅嘢。自問教佢嘅方法係好簡單易明，又唔會講得太悶。其實係咪我太過harsh？定係佢根本無心向學？ 其實我忙係唔係我自己嘅問題？係唔係我忙就唔適合去拍拖？ 多謝咁多位睇到黎呢度嘅人，我好想幫佢，同佢一齊考好DSE，但係我可以點樣做？ P.S.我一個星期有最少1日係放學後冇嘢做，我真係好忙咩？我算係大忙人？ Sorry for 1999