#NSS學校 [[長沙灣李鄭屋邨廣利道基X小學]] 各位好，早前看到不少網民分享曾被小學老師傷害，而我亦想透過NSS secrets抒發一下我對這所學校的感受。 我在這所學校畢業，就讀了六年，雖有不少美好的回憶，可是這所學校帶給我更多的是傷害。 小學二年級時，當年常識老師是羅主任，當年我的成績不太理想，但我也不知道為何，經常遭受著這位羅主任的針對。我正在抄錄筆記，羅主任您卻説我是玩弄擦膠和鉛芯筆，大聲責罵一頓後便予以沒收，後來您把文具發還給我，可是給我的文具卻由原本的完整無缺變成了支離破碎。到後來有一次，我多做了兩頁常識作業，您責怪我說我上課沒有專心聽講，可是您有沒有留意到全班一半以上同學都多做了兩頁作業，可是您卻依舊不肯承認自己有疏忽，堅持是我們沒有專心聽您講課，後來您要求我一個當眾將多做了的兩版作業擦除，其他多做了的同學卻不用擦除，只需靜靜地坐在位置上看著我擦的同時，聽著你繼續責罵我。為什麼您只針對我一個？我只是成績不太理想，為什麼您經常在生氣時就第一時間責怪我、諷刺我、鄙視我？更有一次音樂科考試（羅主任同樣教授音樂科），我考完唱歌考試後，你居然在全班面前説我的歌聲十分難聽，然後又説我音樂筆試只有七十九分，成績不理想。您明面上説「想我有進步」，可是實際上您卻是正在傷害我的自尊心，我明明沒有做錯任何事，何以要落得如斯境地？羅主任，您有一刻反省過您自己的所作所為是否恰當嗎？ 到了三年級，視覺藝術科的一名女老師相當鍾愛一名同學，相當寵愛溺愛他。一天，這名男同學突然説自己被同學欺負，您在沒有瞭解整件事案發經過下，在沒有任何證據下，判定我是欺負這位同學的人，您讓我給他道歉，讓我寫二百字悔過書，當年的我年紀小，不懂維護自身權益，您便一直連珠炮發地罵我，即使後來我交了悔過書，您還是繼續罵，直接當天我哭出來，您才把我一個人留在冷清清的課室「冷靜一下」，您有慰問過我一句嗎？您有給我一張紙巾擦乾臉上的一顆顆淚珠嗎？當天的事，若不是我哭的當晚發高燒，入了醫院，您會放棄追究嗎？還是繼續死咬不放？我不敢想像！您撫心自問，你當年的行為真的恰當嗎？ 到了五年級，一名香港教育學院的實習老師到學校實習。這名老師脾氣異常暴躁。他任教的第一堂體育堂，便説我故意用籃球傷人，於是將我罰站，儘管我已多番解釋我沒有做過，不是我做的，可是他卻不相信，堅持懲罰我。到後來傷者親身解釋，説傷勢是他自己不小心造成的，與我無關，可是他卻繼續不依不饒，堅持懲罰我。正式的體育老師（也是教育學院畢業）卻在一旁冷眼旁觀，這種日真的配做老師嗎？還是只是枉為人師？指鹿為馬、顛倒是非？相信歷史自有公論，公道自在人心。 我曾於這充滿回憶的「母校」歡笑過、哭泣過、畏懼過、失落過、強顏歡笑過、被孤立過、被威脅過、被打罵過、被罰過、被忽略過、被重視過……上述的幾件事例並不是全部，只是冰山一角，相信不少人也有相同經歷。 感謝這間小學的老師令我知道什麼是人情冷暖，令我能夠常常反思自身不足，改進自己，謝謝您們促成這一切！ 但感恩香港仍然有NSS SECRETS能讓學生分享個人感受，令我知道我並不孤單！
#NSS個人 [Guest] 小妹今年中二，嚟咗英國差唔多半年左右。 最近唔知係咪壓力太大，成日便秘或者腸胃唔好（希望大家唔好笑）成面爆瘡，仲兩隻手手臂都起曬濕疹（以前冇起過）。 可能係因為最近父母嘈交嘈得太犀利，放假嘅時候每日起身嘅時候都係俾父母嘅鬧交聲嘈醒，加上喺學校可能學習進度chur啲，個人精神唔太好，但係我自己又feel唔到有壓力。 雖然我承認我唔想返學，但係喺學校都識到唔少好nice嘅朋友，佢哋對我都好好。 最近最煩擾我嘅就係便秘，最犀利試過4-5日先痾一次仲要得少少，我平時都有食下生果同飲水，可能飲水量唔係好夠但係最近都有開始飲多咗水，算數越黎越嚴重，小妹係普通身材唔肥唔瘦，但係每日個肚都脹到好似飲咗十罐可樂咁，真係好辛苦。 父母好忙唔得閒帶我睇醫生，同佢哋講都係叫我飲多啲水同食多啲生果…… 偏偏便秘呢樣嘢又好尷尬，唔知可以同邊個講，google嗰啲嘢都幫唔上忙。 我平時嘅舒壓就係上網或者食零食，都想做運動可惜呢度太凍人又懶 各位哥哥姐姐會唔會有啲比較有效嘅紓壓方式？ sorry for 1999🙇🏽♀️
#NSS個人 [GUEST] 想問吓各位平時多數同朋友傾偈嗰陣會傾啲咩?🙏 小妹今年15歲，喺英國讀咗書半年，大部份同學都好nice，但係我哋冇乜話題(平時我都淨係識煲下劇同聽音樂🌝)，始終我本身英文唔太好，表達能力都比較差，自己又比較慢熱🥲，好難識到朋友… 問題係，我嚟咗英國半年，都未識到一個真心嘅朋友🥹，hi-bye frd都係得3-4個💦 平時lunchtime 同break都係自己坐喺一邊… 想聽請教吓各位點樣先可以識多啲朋友👯♀️同佢哋有多啲話題💀🙏 sorry for 1999 and thanks for reading it🫶🏻
#NSS個人 [GUEST] 唔知大家，有冇D好乞人憎嘅鄰居呢？ 上幾個月，本身住我對面隔離嘅婆婆搬走咗，咁就嚟咗幾個女人同2個小朋友。 本身都好地地，但係佢哋係唔會閂門，D小朋友成日係到尖叫，我帶住個耳機都聽得到，我本身已經閂晒鐵閘同木門，都聽到。朝早我都算啦，佢地晚晚3，4點都係咁叫，之前仲有得返學嘅時候，我已經因為比賽嘅野搞到訓唔好，佢哋係令到我完全訓唔著，搞到我喪飲咖啡所以胃痛，最過份嘅係，D小朋友係會係走廊到踩單車/滑板車，因為我哋係舊式公屋所以，走廊係直同埋地板係凹凸不平，所以係超級大聲，而且係喺凌晨時侯踩，仲要超級應聲。 另外，佢哋有係走廊燒香嘅習慣，我其他鄰居都有燒香嘅習慣，但係佢哋會點著完就吹熄支香，所以冇咩味，但係新嗰戶唔係，佢係由得支香燒，超臭，新年嘅時候仲會燒衣紙，成條走廊都係煙，我真係驚火燭呀。 大家有冇D古怪鄰居，不妨分享下。 Sorry for 1999 and thanks admin
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.