#NSS愛情 [Guest] 我有個煩惱, 想問下大家可以點算… 我今年f3, 讀緊男女校,由於我成績普普通通,屋企人幫我補咗補習班(數學)嗰度個課室唔算好大,有三四行,每行三個位左右。咁嗰日我第一次上, 有啲緊張,好彩個sir 好nice,令我放鬆啲。 其中有一堂有個男仔入咗我哋嗰個session,佢讀名校嘅,仲有係男校。咁起初我地都冇咩點傾計,跟住佢突然間擰轉頭望住我2秒, 之後問我嗰題識唔識做。我覺得好奇怪,佢唔係名校咩,呢啲數應該識㗎- 跟住我就唔知黐咗邊條根喺度教人(可能係個阿sir教緊其他人,所以佢先嚟問我) , 之後對答案嘅時候, 我發覺我教佢嗰啲好多都錯😅 然後佢同我講: 你邊度唔識呀, 你畀你電話我,我今晚教你呀~ 我: 你唔係唔識咩 佢: 我而家識識返喇嘛 跟住我就真係信咗佢,畀咗我個電話佢- 我哋就係咁樣開始變得friend, 日日傾計, 會講早晨早唞,
#NSS愛情 [guest] 有個女仔 我哋係最好嘅朋友 我哋兩個一路都好friend 我同佢一齊嘅時候我真係好開心 我已經分唔清嗰啲係友情定愛情 直到上個月 佢有咗男朋友 好閃 差唔多全級都討論緊佢兩個 我嗰陣時先至知其實我真係好鍾意佢 我真係好唔開心 但係我始終係一個女仔 佢又唔鍾意女仔 我同佢有可能咩？😇 我喺朋友面前好似好陽光好開朗 喺夜晚嘅時候成日都匿埋喊 其實我真係好想放低佢 好想好似普通女仔咁同一個男仔拍拖 但係我真係做唔到 我放唔低佢 我遲啲要去外國讀書 有一段好長嘅時間冇得再同佢一齊喺考試前嗰幾分鐘臨急抱拂腳溫書 冇得再同佢一齊去食麥記
#NSS學校 [UCCKE] 中五有個新老師入嚟做（CFF) 佢教我哋數學係我哋班主任, 一開頭都以為佢係一個好老師點知, 佢就係嗰啲資產階級嗰啲人, 上星期校長入嚟同我哋傾計呀跟住佢覺得我哋應該勁有禮貌呀, 句句都應該讚校長, 校長明明都話同我哋casual啲咁傾計。跟住第二日朝早同我哋講話覺得我就哋好冇禮貌…成班都覺得佢有病。副校同我哋講返都話校長覺得冇問題。呢個都唔係佢最大問題, 佢成日覺得佢講咩都係啱嘅我哋講咩都係錯嘅只要你嗰句嘢呢有少少唔係咁有禮貌佢就即刻捉你去鬧, 話覺得你唔尊重佢。跟住仲好鍾意打畀學生家長,黐線而家中六跟住有個同學小測滿分,佢打畀家長同個家長講, 小學雞咩唔需要啲咁樣嘅鼓勵囉。我哋班有個數學比較叻嘅同學根本就唔係佢教嘅但係佢就成日覺得係佢自己教出嚟, 仲要係勁自豪嗰一隻, 都唔知佢個腦咩構造。 Sorry for 1999
#NSS社會 [CFSS] 我係 #NSS220104F 樓主嘅同班同學，既然見到咁多人都鬧學校，我都鬧埋一份啦。 12月14日，嗰日央視成班人嚟咗我哋學校採訪，佢哋嘅洗腦教育我相信大家係 #NSS220104F 已經見識咗，我就唔再多講。 我今日主要係講吓央視班人嘅態度係幾咁惡劣同埋自大。 首先，佢哋命令我哋要晨早流流8:00入到課室坐好俾佢嚟拍攝（我哋學校8:05先係閂校門）有位同學就遲咗少少返到嚟，結果冇得入課室，要喺走廊度罰企個幾鐘等央視班人拍完嘢，佢先可以返返嚟課室。 跟住就係佢哋對人極度冇禮貌。佢哋因為冇位set枝鏡頭，正常人都係會叫人唔該借借啦。不過央視嗰班人竟然直接推開個同學，仲用普通話講「走開！」你叫人借開唔該俾少少禮貌啦，你點可以當同學唔係野咁推走佢啊！有冇啲禮貌啊？ 然後就係開始進行密集式洗腦教育。佢哋班人會將個鏡頭擠到去你面前影住你，根本上就係監控緊你。你俾佢影住嗰陣仲要扮到因為香港割讓俾人好傷心，你根本上係唔可以笑，你一笑人哋就會鬧你。我相信全班當時真係好想對住個鏡頭舉中指，大叫「NMSL」。我哋有自己嘅諗法同埋情感都唔得嘅，咁嘅話仲唔係洗腦？ 去到9:15左右，央視佢哋以極度高傲嘅語氣同我哋講要再拍過。跟住佢哋慢條斯理咁set返支鏡頭。我心諗，你哋搬走啲嘢之前冇睇過啲片啱唔啱嘅咩？你好心就確認咗冇問題先好搬走啲嘢啦，咁嘅話只係嘥大家時間姐。個camera man仲要喺度大大聲話俾多5分鐘（最後拍咗成15分鐘以上）佢哋拍野，然後喺度大大聲命令：「你、你、你、你！走開！快走開！」勁串咁趕走啲同學。 呢度先係最無言嘅部份。因為個camera man要補拍返我哋睇國歌嘅片段，個camera man因為同導演意見不合，竟然喺個課室度嗌交。你哋冇plan好咗點拍嘅咩？喺度嗌交即係之前有溝通上嘅問題啦。唔該你哋討論好先再返嚟拍野啦。 最後最後，我哋學校係央視嘅老巢，一年總有幾次佢哋會嚟拍野。希望各位師弟師妹唔好遇到佢哋，可行嘅話，記住要拒絕。
#NSS學校 [傳統冥校] 我地學校近排考試，同大多學校都一樣。考到作文卷，原本以為只是平平無奇、寫個文就算。點知一打開份卷，就震驚了應考的130名同學。一打開，竟然，在課堂上當練習出過。原本以為學校放水，因此都有少少確幸🤏🏻。但係點知到就係麻煩嘅開端。 事後，我放學一打開手機。全部嘅Social Media都係討論緊試題嘅事情。當初以為小事，但係發現好多同學批評緊試題。原來，各班嘅中文課進度完全唔一樣。有啲班做過類似嘅練習、有啲班甚至做過同考試一樣嘅題目、有啲班做完有派、有啲班有做完有派範文。完全笑咗，因為我地班完全係冇派文又冇派範文我地睇。我地班中文老師（出卷者）當初講過：「作文都唔需要溫習！咁我就唔派文你地啦！」跟住哈哈哈補充咗句話「反正題目都唔一樣啦！」跟住又哈哈哈笑咗。哈，後嚟先發現係邪惡得笑容。 星期二，考完英文、臨考化學之際，中文科主任突然上台宣布，因為試題問題，好似話係有老師唔小心將試題當練習全級派，又各班進度不一，因此有所謂唔公平嘅現象😅所以星期六全級重考。當時真係DLLM 想講： 第一，你嘅錯，點解要我地學生承擔？ 第二，我地班係題目唔一樣、冇派過範文、冇派過作文，對比有啲班有派範文、有派文、題目甚至完全一樣嘅班別嚟講，理論上我地係受到唔公平對待最嚴重嘅一班，點解要我地重考？咁樣對我地又係公平？以公平之名行不公平的法，自相矛盾否？ 第三，學校知道問題嚴重性後，點解唔問同學意見先？所謂公平，係咪應該平衡同學利益？如果同學，例如我，自認今次作文寫得唔錯，咁對我公平？ 第四，涉事老師以前已經發生過相同錯處（唔小心將卷三聆聽錄音放咗上eclass導致全級重考），點解今次又會發生呢？ 學校如果見到個post，麻煩重新唸一下個solution。重考唔係問題，考生在意嘅係：憑咩妳嘅責任要學生承擔？校方唔係好強調品德教育？責任心喺邊度呢？ 明明有咁多解決方法可以用，為何偏偏用最唔合理、最矛盾、最麻煩嘅方法嚟處理？你可以DQ作文分數、你可以調低作文比例、你可以畀考試自由選擇是否重考，點解要唔經過同學意見就強行通過？可唔可以詢問過同學意見先？
#NSS學校 [GUEST] 班tee係中學生涯最後一年嘅回憶，咁送比我哋熟悉嘅老師故知然正常，但係點解偏偏要將呢啲美好回憶變成絕交嘅導火線。 我同嗰位同學（下稱A)本身係好好嘅朋友？某中六主席。第二位就係負責班tee嘅同學（下稱B)，而我就係一個留班生。 佢哋原本將班tee已經決定咗比邊一位老師，價錢方面B都已經通知左我哋班嘅所有人，自己件衫$98，另外$17就係同學夾比老師嘅衫。咁加埋咪$115/1。 咁B就話比我聽原來嗰$115係冇比我哋初中個兩位班主任，咁我又冇通知個班，直接問兩位老師要唔要我哋件班tee，佢哋都話要。 咁之後我咪send上班group通知佢哋班。 「兩位老師都ok，如果你冇financial problem 咁就比錢比 B」 同埋 「班T錢 $115/件->*$124* 價錢係 $98×27件/23人-> *$98×29件/23人* *差額係$9，如果$9 *暫時俾唔到**就WhatsApp我 麻煩大家聽日就好交錢比有關部門啦！」 我就本身諗住$9，大家都可以支付到。咁如果大家真係支付唔到嘅，咁我都可以幫你比住先或者幫你俾埋。咁我就逐個send俾每一位同學 「···我哋會以有限嘅資源幫助有需要嘅同學，If ok please type